महसूल व वन विभाग, महाराष्ट्र शासन अंतर्गत आमगाव विधानसभेच्या वतीने २२ जुलै २०२६ रोजी विजयालक्ष्मी सभागृह, रिसामा, रेल्वे स्टेशन रोड, आमगाव येथे विधानसभा स्तरीय 'छत्रपती शिवाजी महाराज महाराजस्व समाधान शिबिर' अत्यंत उत्साहात पार पडले. पावसाचे दिवस असूनही या शिबिराला नागरिकांनी मोठ्या संख्येने उपस्थिती दर्शवली. आमगाव विधानसभा क्षेत्राचे आमदार संजय पुराम यांच्या अध्यक्षतेखाली पार पडलेल्या या शिबिराला गोंदियाचे जिल्हाधिकारी मंदार पत्की, अपर जिल्हाधिकारी अभिजित घोरपडे, गोंदिया जिल्हा परिषदेचे उपाध्यक्ष सुरेश यशवंतराव हर्षे, आमगाव पंचायत समिती सभापती योगिताताई यशवंतराव पुंडे, देवरी पंचायत समिती सभापती अनिल बिसेन, तसेच उपविभागीय अधिकारी, विविध तालुक्यांचे तहसीलदार आणि महसूल विभागाचे अधिकारी व कर्मचारी वृंद उपस्थित होते. शिबिरामध्ये सर्व विभागांच्या अधिकारी व कर्मचाऱ्यांनी आपापले स्टॉल लावून नागरिकांच्या समस्या लेखी स्वरूपात स्वीकारल्या आणि त्यांच्या समाधानाचे मार्ग सुचवले. आमदार संजय पुराम यांनी संपूर्ण स्टॉलला भेट देऊन पाहणी केली आणि जनतेच्या समस्यांचे त्वरित निवारण करण्याचे निर्देश दिले. राज्याचे मुख्यमंत्री देवेंद्र फडणवीस यांच्या जन्मदिनानिमित्त आणि पूर्व उपमुख्यमंत्री अजितदादा पवार यांच्या जयंतीनिमित्त या शिबिराचे आयोजन करण्यात आल्याचे त्यांनी सांगितले. तसेच प्रशासनाने यापुढेही जनतेच्या समस्यांचे सातत्याने समाधान करत राहावे, असे निर्देश देत आगामी काळात आणखी मोठ्या प्रमाणावर पट्टे वाटप करण्यात येणार असल्याची माहितीही त्यांनी दिली. या समाधान शिबिराच्या माध्यमातून नागरिकांच्या अनेक वैयक्तिक व प्रशासकीय समस्यांचे जागेवरच निराकरण करून शासकीय योजनांचा लाभ वितरित करण्यात आला. यामध्ये नुकसानग्रस्तांना मदतीचे धनादेश सुपूर्द करण्यात आले, घरकुल योजनेच्या लाभार्थ्यांना घरांचे यशस्वी हस्तांतरण करण्यात आले, पात्र नागरिकांना जागेचे पट्टे (हक्कपत्र) आणि शिधापत्रिका (रेशन कार्ड) वितरित करण्यात आले. यासोबतच पर्यावरण संवर्धनासाठी वनविभागामार्फत उपस्थितांना रोपांचे वाटप करण्यात आले.

नरेश बोपचे

Journalist आमगाव, गोंदिया, महाराष्ट्र•

8 hrs ago

महसूल व वन विभाग, महाराष्ट्र शासन अंतर्गत आमगाव विधानसभेच्या वतीने २२ जुलै २०२६ रोजी विजयालक्ष्मी सभागृह, रिसामा, रेल्वे स्टेशन रोड, आमगाव येथे विधानसभा स्तरीय 'छत्रपती शिवाजी महाराज महाराजस्व समाधान शिबिर' अत्यंत उत्साहात पार पडले. पावसाचे दिवस असूनही या शिबिराला नागरिकांनी मोठ्या संख्येने उपस्थिती दर्शवली. आमगाव विधानसभा क्षेत्राचे आमदार संजय पुराम यांच्या अध्यक्षतेखाली पार पडलेल्या या शिबिराला गोंदियाचे जिल्हाधिकारी मंदार पत्की, अपर जिल्हाधिकारी अभिजित घोरपडे, गोंदिया जिल्हा परिषदेचे उपाध्यक्ष सुरेश यशवंतराव हर्षे, आमगाव पंचायत समिती सभापती योगिताताई यशवंतराव पुंडे, देवरी पंचायत समिती सभापती अनिल बिसेन, तसेच उपविभागीय अधिकारी, विविध तालुक्यांचे तहसीलदार आणि महसूल विभागाचे अधिकारी व कर्मचारी वृंद उपस्थित होते. शिबिरामध्ये सर्व विभागांच्या अधिकारी व कर्मचाऱ्यांनी आपापले स्टॉल लावून नागरिकांच्या समस्या लेखी स्वरूपात स्वीकारल्या आणि त्यांच्या समाधानाचे मार्ग सुचवले. आमदार संजय पुराम यांनी संपूर्ण स्टॉलला भेट देऊन पाहणी केली आणि जनतेच्या समस्यांचे त्वरित निवारण करण्याचे निर्देश दिले. राज्याचे मुख्यमंत्री देवेंद्र फडणवीस यांच्या जन्मदिनानिमित्त आणि पूर्व उपमुख्यमंत्री अजितदादा पवार यांच्या जयंतीनिमित्त या शिबिराचे आयोजन करण्यात आल्याचे त्यांनी सांगितले. तसेच प्रशासनाने यापुढेही जनतेच्या समस्यांचे सातत्याने समाधान करत राहावे, असे निर्देश देत आगामी काळात आणखी मोठ्या प्रमाणावर पट्टे वाटप करण्यात येणार असल्याची माहितीही त्यांनी दिली. या समाधान शिबिराच्या माध्यमातून नागरिकांच्या अनेक वैयक्तिक व प्रशासकीय समस्यांचे जागेवरच निराकरण करून शासकीय योजनांचा लाभ वितरित करण्यात आला. यामध्ये नुकसानग्रस्तांना मदतीचे धनादेश सुपूर्द करण्यात आले, घरकुल योजनेच्या लाभार्थ्यांना घरांचे यशस्वी हस्तांतरण करण्यात आले, पात्र नागरिकांना जागेचे पट्टे (हक्कपत्र) आणि शिधापत्रिका (रेशन कार्ड) वितरित करण्यात आले. यासोबतच पर्यावरण संवर्धनासाठी वनविभागामार्फत उपस्थितांना रोपांचे वाटप करण्यात आले.