नागपूर जुडो चॅम्पियनशिपमध्ये संस्कृती आडेचे सुवर्णयश १४ वर्षे वयोगटातील ४४ किलो वजनी गटात पटकावले सुवर्णपदक मानोरा प्रतिनिधी : तीर्थक्षेत्र पोहरादेवी, ता. मानोरा येथील कु. संस्कृती संदीप आडे हिने नागपूर येथे नुकत्याच पार पडलेल्या जुडो चॅम्पियनशिप २०२६-२०२७ मध्ये दमदार कामगिरी करत सुवर्णपदक पटकावले. डॉ. कानो जुडो क्लब, दिग्रसची प्रतिभावान खेळाडू असलेल्या संस्कृतीने १४ वर्षे वयोगटातील ४४ किलो वजनी गटात उत्कृष्ट खेळाचे प्रदर्शन करून हे यश संपादन केले. संस्कृतीच्या या यशामागे तिची मेहनत, सातत्यपूर्ण सराव आणि प्रशिक्षकांचे मार्गदर्शन महत्त्वाचे ठरले आहे. महाराष्ट्र शासनाचा प्रतिष्ठित छत्रपती पुरस्कार प्राप्त डॉ. रवीभूषण कदम सर यांचे तिला मोलाचे मार्गदर्शन लाभले. विशेष म्हणजे, डॉ. कदम हे परिसरातील होतकरू मुलांना जुडोचे प्रशिक्षण निःशुल्क देत असून, आर्थिक परिस्थितीमुळे कोणत्याही विद्यार्थ्याच्या क्रीडा कारकिर्दीत अडथळा येऊ नये, यासाठी ते सातत्याने प्रयत्नशील आहेत. डॉ. कानो जुडो क्लब, दिग्रसची क्रीडा क्षेत्रातील कामगिरी उल्लेखनीय आहे. क्लबमधील एकूण ४५ खेळाडूंपैकी जवळपास ३० खेळाडूंनी विविध स्पर्धांमध्ये पदके मिळविली आहेत. संस्कृती आडे हिच्या सुवर्णयशाबद्दल दिग्रससह पोहरादेवी परिसरातून तिचे आणि प्रशिक्षक डॉ. रवीभूषण कदम यांचे अभिनंदन होत असून, तिच्या पुढील क्रीडा वाटचालीस शुभेच्छा दिल्या जात आहेत.

Sandip pawar

वाशिम, वाशिम, महाराष्ट्र•

1 day ago

नागपूर जुडो चॅम्पियनशिपमध्ये संस्कृती आडेचे सुवर्णयश १४ वर्षे वयोगटातील ४४ किलो वजनी गटात पटकावले सुवर्णपदक मानोरा प्रतिनिधी : तीर्थक्षेत्र पोहरादेवी, ता. मानोरा येथील कु. संस्कृती संदीप आडे हिने नागपूर येथे नुकत्याच पार पडलेल्या जुडो चॅम्पियनशिप २०२६-२०२७ मध्ये दमदार कामगिरी करत सुवर्णपदक पटकावले. डॉ. कानो जुडो क्लब, दिग्रसची प्रतिभावान खेळाडू असलेल्या संस्कृतीने १४ वर्षे वयोगटातील ४४ किलो वजनी गटात उत्कृष्ट खेळाचे प्रदर्शन करून हे यश संपादन केले. संस्कृतीच्या या यशामागे तिची मेहनत, सातत्यपूर्ण सराव आणि प्रशिक्षकांचे मार्गदर्शन महत्त्वाचे ठरले आहे. महाराष्ट्र शासनाचा प्रतिष्ठित छत्रपती पुरस्कार प्राप्त डॉ. रवीभूषण कदम सर यांचे तिला मोलाचे मार्गदर्शन लाभले. विशेष म्हणजे, डॉ. कदम हे परिसरातील होतकरू मुलांना जुडोचे प्रशिक्षण निःशुल्क देत असून, आर्थिक परिस्थितीमुळे कोणत्याही विद्यार्थ्याच्या क्रीडा कारकिर्दीत अडथळा येऊ नये, यासाठी ते सातत्याने प्रयत्नशील आहेत. डॉ. कानो जुडो क्लब, दिग्रसची क्रीडा क्षेत्रातील कामगिरी उल्लेखनीय आहे. क्लबमधील एकूण ४५ खेळाडूंपैकी जवळपास ३० खेळाडूंनी विविध स्पर्धांमध्ये पदके मिळविली आहेत. संस्कृती आडे हिच्या सुवर्णयशाबद्दल दिग्रससह पोहरादेवी परिसरातून तिचे आणि प्रशिक्षक डॉ. रवीभूषण कदम यांचे अभिनंदन होत असून, तिच्या पुढील क्रीडा वाटचालीस शुभेच्छा दिल्या जात आहेत.