પંડવાઈ સુગરમાં સહકાર પેનલના બિનહરીફ વિજયનો જશ્ન, મંત્રી ઈશ્વરસિંહ પટેલનું ભવ્ય સ્વાગત 16માંથી 14 ઝોનમાં સહકાર પેનલના ઉમેદવારો બિનહરીફ; ફટાકડા ફોડી અને ફૂલહારથી કરાયું સ્વાગત હાંસોટ: ભરૂચ જિલ્લાના હાંસોટ તાલુકામાં આવેલી પંડવાઈ શ્રી ખેડૂત સહકારી ખાંડ ઉદ્યોગ મંડળીની ચૂંટણીમાં રાજ્યના જળસંપત્તિ મંત્રી ઈશ્વરસિંહ પટેલની આગેવાની હેઠળની સહકાર પેનલે ચૂંટણી પૂર્વે જ મોટો વિજય મેળવ્યો છે. કુલ 16 ઝોન પૈકી 14 ઝોનમાં સહકાર પેનલના ઉમેદવારો બિનહરીફ વિજેતા જાહેર થતાં પંડવાઈ સુગર ફેક્ટરી ખાતે વિજયોત્સવનો માહોલ જોવા મળ્યો હતો. 14 બેઠકો બિનહરીફ થતાં સહકાર પેનલના આગેવાનો, કાર્યકરો અને સમર્થકોમાં ભારે ઉત્સાહ જોવા મળ્યો હતો. ગાંધીનગરથી મંત્રી ઈશ્વરસિંહ પટેલ પંડવાઈ સુગર ફેક્ટરી ખાતે પહોંચતાં સમર્થકોએ ફટાકડા ફોડી તેમનું ભવ્ય સ્વાગત કર્યું હતું. સહકારી ક્ષેત્રના આગેવાનો અને કાર્યકરોએ મંત્રી ઈશ્વરસિંહ પટેલ તેમજ સુગર ફેક્ટરીના વાઇસ ચેરમેન અનિલ પટેલને ફૂલહાર પહેરાવી જીત બદલ શુભેચ્છાઓ પાઠવી હતી. કુલ 16 પૈકી 14 બેઠકો બિનહરીફ થયા બાદ હવે બાકી રહેલી બે બેઠકો માટે ચૂંટણી યોજાવાની છે. આ અંગે મંત્રી ઈશ્વરસિંહ પટેલે ફોર્મ પરત નહીં ખેંચનારા બે ઉમેદવારો સામે આક્ષેપ કરતાં તેમને ખેડૂત વિરોધી ગણાવ્યા હતા. તેમણે દાવો કર્યો હતો કે બે ઉમેદવારોની હઠના કારણે ચૂંટણી યોજવી પડશે અને તેના લીધે સુગર ફેક્ટરીને અંદાજે રૂ. 30થી 35 લાખનો ખર્ચ ઉઠાવવો પડશે. વિજયોત્સવ દરમિયાન મંત્રી ઈશ્વરસિંહ પટેલે ખેડૂતોના હિતને સર્વોચ્ચ પ્રાથમિકતા આપવાની વાત કરી હતી. તેમણે જણાવ્યું હતું કે શેરડી પકવતા ખેડૂતોને આગામી સમયમાં પણ સારા અને લાભદાયી ભાવ મળે તે માટે સતત પ્રયાસો કરવામાં આવશે અને ખેડૂતોના હિત માટે સહકાર પેનલ કટિબદ્ધ રહેશે. પંડવાઈ સુગરની ચૂંટણીમાં 14 બેઠકો બિનહરીફ થતાં સહકાર પેનલે સ્પષ્ટ દબદબો સ્થાપ્યો છે, જ્યારે હવે બાકી રહેલી બે બેઠકોની ચૂંટણી પર સૌની નજર રહેશે.

Gujarat Introverted day

Local News Reporter અંકલેશ્વર, ભરૂચ, ગુજરાત•

7 hrs ago

પંડવાઈ સુગરમાં સહકાર પેનલના બિનહરીફ વિજયનો જશ્ન, મંત્રી ઈશ્વરસિંહ પટેલનું ભવ્ય સ્વાગત 16માંથી 14 ઝોનમાં સહકાર પેનલના ઉમેદવારો બિનહરીફ; ફટાકડા ફોડી અને ફૂલહારથી કરાયું સ્વાગત હાંસોટ: ભરૂચ જિલ્લાના હાંસોટ તાલુકામાં આવેલી પંડવાઈ શ્રી ખેડૂત સહકારી ખાંડ ઉદ્યોગ મંડળીની ચૂંટણીમાં રાજ્યના જળસંપત્તિ મંત્રી ઈશ્વરસિંહ પટેલની આગેવાની હેઠળની સહકાર પેનલે ચૂંટણી પૂર્વે જ મોટો વિજય મેળવ્યો છે. કુલ 16 ઝોન પૈકી 14 ઝોનમાં સહકાર પેનલના ઉમેદવારો બિનહરીફ વિજેતા જાહેર થતાં પંડવાઈ સુગર ફેક્ટરી ખાતે વિજયોત્સવનો માહોલ જોવા મળ્યો હતો. 14 બેઠકો બિનહરીફ થતાં સહકાર પેનલના આગેવાનો, કાર્યકરો અને સમર્થકોમાં ભારે ઉત્સાહ જોવા મળ્યો હતો. ગાંધીનગરથી મંત્રી ઈશ્વરસિંહ પટેલ પંડવાઈ સુગર ફેક્ટરી ખાતે પહોંચતાં સમર્થકોએ ફટાકડા ફોડી તેમનું ભવ્ય સ્વાગત કર્યું હતું. સહકારી ક્ષેત્રના આગેવાનો અને કાર્યકરોએ મંત્રી ઈશ્વરસિંહ પટેલ તેમજ સુગર ફેક્ટરીના વાઇસ ચેરમેન અનિલ પટેલને ફૂલહાર પહેરાવી જીત બદલ શુભેચ્છાઓ પાઠવી હતી. કુલ 16 પૈકી 14 બેઠકો બિનહરીફ થયા બાદ હવે બાકી રહેલી બે બેઠકો માટે ચૂંટણી યોજાવાની છે. આ અંગે મંત્રી ઈશ્વરસિંહ પટેલે ફોર્મ પરત નહીં ખેંચનારા બે ઉમેદવારો સામે આક્ષેપ કરતાં તેમને ખેડૂત વિરોધી ગણાવ્યા હતા. તેમણે દાવો કર્યો હતો કે બે ઉમેદવારોની હઠના કારણે ચૂંટણી યોજવી પડશે અને તેના લીધે સુગર ફેક્ટરીને અંદાજે રૂ. 30થી 35 લાખનો ખર્ચ ઉઠાવવો પડશે. વિજયોત્સવ દરમિયાન મંત્રી ઈશ્વરસિંહ પટેલે ખેડૂતોના હિતને સર્વોચ્ચ પ્રાથમિકતા આપવાની વાત કરી હતી. તેમણે જણાવ્યું હતું કે શેરડી પકવતા ખેડૂતોને આગામી સમયમાં પણ સારા અને લાભદાયી ભાવ મળે તે માટે સતત પ્રયાસો કરવામાં આવશે અને ખેડૂતોના હિત માટે સહકાર પેનલ કટિબદ્ધ રહેશે. પંડવાઈ સુગરની ચૂંટણીમાં 14 બેઠકો બિનહરીફ થતાં સહકાર પેનલે સ્પષ્ટ દબદબો સ્થાપ્યો છે, જ્યારે હવે બાકી રહેલી બે બેઠકોની ચૂંટણી પર સૌની નજર રહેશે.