उदगीर येथे रोटरी क्लब ऑफ उदगीर सेंट्रल, विवेकानंद कॅन्सर सुपर स्पेशालिटी हॉस्पिटल लातूर आणि साई हॉस्पिटल उदगीर यांच्या संयुक्त विद्यमाने शुक्रवार, दिनांक २६ जून रोजी कॅन्सर रोग निदान तपासणी आणि मार्गदर्शन शिबिराचे आयोजन करण्यात आले आहे. याच दिवशी विविध आजारांची तपासणी व शस्त्रक्रिया शिबिरही आयोजित करण्यात आले असल्याची माहिती रोटरी क्लब ऑफ उदगीर सेंट्रलचे अध्यक्ष प्रशांत मांगुळकर यांनी पत्रकार परिषदेत दिली. महिलांमधील स्तनाचा व गर्भाशयाचा वाढता कॅन्सर आणि पुरुषांमधील तोंडाचा कॅन्सर यासारख्या रोगांचे लवकर निदान व्हावे, या उद्देशाने या शिबिराचे आयोजन करण्यात आले आहे. तोंड उघडण्यास त्रास होणे, शरीरावर किंवा स्तनात दुखत नसलेली गाठ असणे, भूक मंदावणे, वजन कमी होणे, अंगावरून पांढरे/लाल पाणी जाणे, आवाजात बदल होणे आणि गिळताना त्रास होणे यांसारखी लक्षणे असलेल्या रुग्णांची येथे तपासणी व मार्गदर्शन केले जाणार आहे. या शिबिरात लातूर येथील कॅन्सर तज्ञ डॉ. ब्रिजमोहन झंवर, वैद्यकीय संचालक डॉ. अरुणा देवधर आणि ऍड. अनिल अंधोरीकर यांची प्रमुख उपस्थिती राहणार आहे. या कॅन्सर शिबिरासोबतच विविध आजारांची तपासणी व शस्त्रक्रिया शिबिरही घेण्यात येणार आहे. यामध्ये अपेंडिक्स, हायड्रोसील, हर्निया, भगंदर, मूळव्याध, फिशर, विविध प्रकारच्या गाठी आणि पित्ताशय काढण्याची शस्त्रक्रिया यासारख्या आजारांची तपासणी व शस्त्रक्रिया केली जाणार आहे. या शिबिरात रुग्णांची तपासणी आणि शस्त्रक्रियेसाठी कोणताही खर्च आकारला जाणार नाही, मात्र भूलतज्ञ डॉक्टरांची फी आणि औषधे रुग्णांनी स्वतःच्या खर्चाने घ्यायची आहेत. डॉ. माधव चंबुले यांच्या मार्गदर्शनाखाली तज्ञ डॉक्टरांची टीम रुग्णांची तपासणी करणार आहे. हे शिबिर उदगीर येथील शेल्हाळ रोडवरील साई हॉस्पिटल येथे दिनांक २६ जून रोजी सकाळी १० ते दुपारी ४ या वेळेत चालू राहणार आहे. गरजूंनी या शिबिराचा लाभ घ्यावा, असे आवाहन प्रशांत मांगुळकर यांनी केले. या पत्रकार परिषदेला उपाध्यक्ष मोतीलाल डोईजोडे, सचिव विक्रम हलकीकर, प्रोजेक्ट चेअरमन विशाल जैन, रवींद्र हसरगुंडे आणि विजय पारसेवार, प्रमोद शेटकार आदी उपस्थित होते.

Laxman Ugile

उदगीर, लातूर, महाराष्ट्र•

8 hrs ago

उदगीर येथे रोटरी क्लब ऑफ उदगीर सेंट्रल, विवेकानंद कॅन्सर सुपर स्पेशालिटी हॉस्पिटल लातूर आणि साई हॉस्पिटल उदगीर यांच्या संयुक्त विद्यमाने शुक्रवार, दिनांक २६ जून रोजी कॅन्सर रोग निदान तपासणी आणि मार्गदर्शन शिबिराचे आयोजन करण्यात आले आहे. याच दिवशी विविध आजारांची तपासणी व शस्त्रक्रिया शिबिरही आयोजित करण्यात आले असल्याची माहिती रोटरी क्लब ऑफ उदगीर सेंट्रलचे अध्यक्ष प्रशांत मांगुळकर यांनी पत्रकार परिषदेत दिली. महिलांमधील स्तनाचा व गर्भाशयाचा वाढता कॅन्सर आणि पुरुषांमधील तोंडाचा कॅन्सर यासारख्या रोगांचे लवकर निदान व्हावे, या उद्देशाने या शिबिराचे आयोजन करण्यात आले आहे. तोंड उघडण्यास त्रास होणे, शरीरावर किंवा स्तनात दुखत नसलेली गाठ असणे, भूक मंदावणे, वजन कमी होणे, अंगावरून पांढरे/लाल पाणी जाणे, आवाजात बदल होणे आणि गिळताना त्रास होणे यांसारखी लक्षणे असलेल्या रुग्णांची येथे तपासणी व मार्गदर्शन केले जाणार आहे. या शिबिरात लातूर येथील कॅन्सर तज्ञ डॉ. ब्रिजमोहन झंवर, वैद्यकीय संचालक डॉ. अरुणा देवधर आणि ऍड. अनिल अंधोरीकर यांची प्रमुख उपस्थिती राहणार आहे. या कॅन्सर शिबिरासोबतच विविध आजारांची तपासणी व शस्त्रक्रिया शिबिरही घेण्यात येणार आहे. यामध्ये अपेंडिक्स, हायड्रोसील, हर्निया, भगंदर, मूळव्याध, फिशर, विविध प्रकारच्या गाठी आणि पित्ताशय काढण्याची शस्त्रक्रिया यासारख्या आजारांची तपासणी व शस्त्रक्रिया केली जाणार आहे. या शिबिरात रुग्णांची तपासणी आणि शस्त्रक्रियेसाठी कोणताही खर्च आकारला जाणार नाही, मात्र भूलतज्ञ डॉक्टरांची फी आणि औषधे रुग्णांनी स्वतःच्या खर्चाने घ्यायची आहेत. डॉ. माधव चंबुले यांच्या मार्गदर्शनाखाली तज्ञ डॉक्टरांची टीम रुग्णांची तपासणी करणार आहे. हे शिबिर उदगीर येथील शेल्हाळ रोडवरील साई हॉस्पिटल येथे दिनांक २६ जून रोजी सकाळी १० ते दुपारी ४ या वेळेत चालू राहणार आहे. गरजूंनी या शिबिराचा लाभ घ्यावा, असे आवाहन प्रशांत मांगुळकर यांनी केले. या पत्रकार परिषदेला उपाध्यक्ष मोतीलाल डोईजोडे, सचिव विक्रम हलकीकर, प्रोजेक्ट चेअरमन विशाल जैन, रवींद्र हसरगुंडे आणि विजय पारसेवार, प्रमोद शेटकार आदी उपस्थित होते.