ପୁରୀ ଜିଲ୍ଲାରେ ଅଙ୍ଗନବାଡ଼ି କର୍ମୀମାନେ ଜିଲ୍ଲା ସମାଜ କଲ୍ୟାଣ ଅଧିକାରିଣୀ ଶ୍ରୀମତୀ ତନୁପ୍ରଭା ବେଉରାଙ୍କ ବିରୋଧରେ ଗୁରୁତର ଦୁର୍ନୀତି ଓ ଶୋଷଣର ଅଭିଯୋଗ ଆଣି ଆକ୍ରୋଶ ପ୍ରକାଶ କରିଛନ୍ତି। ଏହି ପରିପ୍ରେକ୍ଷୀରେ ଅଲ୍ ଓଡ଼ିଶା ଅଙ୍ଗନବାଡ଼ି ଲେଡିଜ୍ ୱାର୍କର୍ସ ଆସୋସିଏସନ୍ ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଆୟୋଜନ କରାଯାଇ ଅଧିକାରିଣୀଙ୍କ ମନମୁଖୀ କାର୍ଯ୍ୟକଳାପକୁ ତୀବ୍ର ବିରୋଧ କରାଯାଇଛି। ସଂଘର ଅଭିଯୋଗ ଅନୁଯାୟୀ, ବିଭିନ୍ନ ସରକାରୀ ଯୋଜନା ଯଥା ପୁଷ୍ଟିଫଳକ, ପୋଷଣ ପକ୍ଷ ବ୍ୟାନର ଏବଂ ଖେଳନା କିଟ୍ କ୍ରୟ ବାବଦ ଅର୍ଥରେ ଅଧିକାରିଣୀ ଜଣକ ବ୍ୟାପକ ବେପାର ଚଳାଇଛନ୍ତି। ସରକାରୀ ଗାଇଡଲାଇନକୁ ସମ୍ପୂର୍ଣ୍ଣ ଅଣଦେଖା କରି ନିଜ ପସନ୍ଦର ଡିଲରଙ୍କ ଜରିଆରେ ସାମଗ୍ରୀ କିଣିବାକୁ ଅଙ୍ଗନବାଡ଼ି କର୍ମୀମାନଙ୍କୁ ବାଧ୍ୟ କରାଯାଉଛି। ଏହାବ୍ୟତୀତ ଅନେକ ପ୍ରୋଜେକ୍ଟରେ କର୍ମୀଙ୍କ ପାଉଣା ଓ ପ୍ରସୂତୀକାଳୀନ ଭତ୍ତା ଦୀର୍ଘ ଦିନ ଧରି ବନ୍ଦ ରହିଛି। ଯଦି କେହି ଏହାର ବିରୋଧ କରୁଛନ୍ତି, ତେବେ ତାଙ୍କୁ କଦର୍ଯ୍ୟ ଭାଷାରେ ଗାଳିଗୁଲଜ କରାଯିବା ସହ ସୁପରଭାଇଜରଙ୍କ ଜରିଆରେ ହଇରାଣ ହରକତ କରାଯାଉଛି। କେବଳ ସେତିକି ନୁହେଁ, ଅଯଥା ଅଭିଯୋଗ ଆଧାରରେ ଅଙ୍ଗନବାଡ଼ି କର୍ମୀମାନଙ୍କୁ ଚାକିରିରୁ ନିଲମ୍ବିତ କିମ୍ବା ସ୍ଥାନାନ୍ତର ମଧ୍ୟ କରାଯାଉଛି। ଏହି ସମସ୍ୟା ସମ୍ପର୍କରେ ଜିଲ୍ଲା ପ୍ରଶାସନ ଓ ସରକାରଙ୍କୁ ବାରମ୍ବାର ଅବଗତ କରାଯାଇଥିଲେ ମଧ୍ୟ ଏପର୍ଯ୍ୟନ୍ତ କୌଣସି ସୁଫଳ ମିଳିନାହିଁ। ତେଣୁ ଆଗାମୀ ଦିନରେ ଯଦି ଅଧିକାରିଣୀଙ୍କ ବଦଳି କରାନଯାଏ ଏବଂ ଏହି ସମସ୍ୟାର ସ୍ଥାୟୀ ସମାଧାନ ନହୁଏ, ତେବେ ସଂଘ ପକ୍ଷରୁ 'କଲମ ଛାଡ଼ ଆନ୍ଦୋଳନ' କରାଯିବ ବୋଲି ଚେତାବନୀ ଦିଆଯାଇଛି। ଏହି ଆନ୍ଦୋଳନ ପାଇଁ ସରକାର ଓ ଜିଲ୍ଲା ପ୍ରଶାସନ ସମ୍ପୂର୍ଣ୍ଣ ଦାୟୀ ରହିବେ ବୋଲି ସଂଘ ସ୍ପଷ୍ଟ ଭାବେ ଚେତାଇ ଦେଇଛି।

Manoj kumar baliyarsingh

ସାମ୍ବାଦିକ ପୁରୀ (M), ପୁରୀ, ଓଡ଼ିଶା•

3 hrs ago

ପୁରୀ ଜିଲ୍ଲାରେ ଅଙ୍ଗନବାଡ଼ି କର୍ମୀମାନେ ଜିଲ୍ଲା ସମାଜ କଲ୍ୟାଣ ଅଧିକାରିଣୀ ଶ୍ରୀମତୀ ତନୁପ୍ରଭା ବେଉରାଙ୍କ ବିରୋଧରେ ଗୁରୁତର ଦୁର୍ନୀତି ଓ ଶୋଷଣର ଅଭିଯୋଗ ଆଣି ଆକ୍ରୋଶ ପ୍ରକାଶ କରିଛନ୍ତି। ଏହି ପରିପ୍ରେକ୍ଷୀରେ ଅଲ୍ ଓଡ଼ିଶା ଅଙ୍ଗନବାଡ଼ି ଲେଡିଜ୍ ୱାର୍କର୍ସ ଆସୋସିଏସନ୍ ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଆୟୋଜନ କରାଯାଇ ଅଧିକାରିଣୀଙ୍କ ମନମୁଖୀ କାର୍ଯ୍ୟକଳାପକୁ ତୀବ୍ର ବିରୋଧ କରାଯାଇଛି। ସଂଘର ଅଭିଯୋଗ ଅନୁଯାୟୀ, ବିଭିନ୍ନ

ସରକାରୀ ଯୋଜନା ଯଥା ପୁଷ୍ଟିଫଳକ, ପୋଷଣ ପକ୍ଷ ବ୍ୟାନର ଏବଂ ଖେଳନା କିଟ୍ କ୍ରୟ ବାବଦ ଅର୍ଥରେ ଅଧିକାରିଣୀ ଜଣକ ବ୍ୟାପକ ବେପାର ଚଳାଇଛନ୍ତି। ସରକାରୀ ଗାଇଡଲାଇନକୁ ସମ୍ପୂର୍ଣ୍ଣ ଅଣଦେଖା କରି ନିଜ ପସନ୍ଦର ଡିଲରଙ୍କ ଜରିଆରେ ସାମଗ୍ରୀ କିଣିବାକୁ ଅଙ୍ଗନବାଡ଼ି କର୍ମୀମାନଙ୍କୁ ବାଧ୍ୟ କରାଯାଉଛି। ଏହାବ୍ୟତୀତ ଅନେକ ପ୍ରୋଜେକ୍ଟରେ କର୍ମୀଙ୍କ ପାଉଣା ଓ ପ୍ରସୂତୀକାଳୀନ ଭତ୍ତା ଦୀର୍ଘ ଦିନ ଧରି

ବନ୍ଦ ରହିଛି। ଯଦି କେହି ଏହାର ବିରୋଧ କରୁଛନ୍ତି, ତେବେ ତାଙ୍କୁ କଦର୍ଯ୍ୟ ଭାଷାରେ ଗାଳିଗୁଲଜ କରାଯିବା ସହ ସୁପରଭାଇଜରଙ୍କ ଜରିଆରେ ହଇରାଣ ହରକତ କରାଯାଉଛି। କେବଳ ସେତିକି ନୁହେଁ, ଅଯଥା ଅଭିଯୋଗ ଆଧାରରେ ଅଙ୍ଗନବାଡ଼ି କର୍ମୀମାନଙ୍କୁ ଚାକିରିରୁ ନିଲମ୍ବିତ କିମ୍ବା ସ୍ଥାନାନ୍ତର ମଧ୍ୟ କରାଯାଉଛି। ଏହି ସମସ୍ୟା ସମ୍ପର୍କରେ ଜିଲ୍ଲା ପ୍ରଶାସନ ଓ ସରକାରଙ୍କୁ ବାରମ୍ବାର ଅବଗତ କରାଯାଇଥିଲେ ମଧ୍ୟ ଏପର୍ଯ୍ୟନ୍ତ

କୌଣସି ସୁଫଳ ମିଳିନାହିଁ। ତେଣୁ ଆଗାମୀ ଦିନରେ ଯଦି ଅଧିକାରିଣୀଙ୍କ ବଦଳି କରାନଯାଏ ଏବଂ ଏହି ସମସ୍ୟାର ସ୍ଥାୟୀ ସମାଧାନ ନହୁଏ, ତେବେ ସଂଘ ପକ୍ଷରୁ 'କଲମ ଛାଡ଼ ଆନ୍ଦୋଳନ' କରାଯିବ ବୋଲି ଚେତାବନୀ ଦିଆଯାଇଛି। ଏହି ଆନ୍ଦୋଳନ ପାଇଁ ସରକାର ଓ ଜିଲ୍ଲା ପ୍ରଶାସନ ସମ୍ପୂର୍ଣ୍ଣ ଦାୟୀ ରହିବେ ବୋଲି ସଂଘ ସ୍ପଷ୍ଟ ଭାବେ ଚେତାଇ ଦେଇଛି।