#BreakingNews ବ୍ରଜରାଜନଗରରେ ପୋଲିସର ଏନ୍‌କାଉଣ୍ଟର।ଦୁର୍ଦ୍ଦାନ୍ତ ଅପରାଧୀ ସୋନୁ ଘୋଷଙ୍କ ପୁଅ ଅଙ୍କିତ ପୋଲିସ ଗୁଳିରେ ଆହତ।୭ଟି ସଂଗୀନ ମାମଲାର ଅଭିଯୁକ୍ତ ଥିଲା ଅଙ୍କିତ।ପୋଲିସ ଉପରେ ଗୁଳି ଚଳାଇବାକୁ ଉଦ୍ୟମ ପରେ ପାଲଟା କାର୍ଯ୍ୟାନୁଷ୍ଠାନ।। ତା:୨୭/୦୭/୨୬: ଝାରସୁଗୁଡ଼ା ଜିଲ୍ଲାର ବ୍ରଜରାଜନଗର ଅଞ୍ଚଳରେ ବିଳମ୍ବିତ ରାତିରେ ପୋଲିସ ଓ ଦୁର୍ବୃତ୍ତଙ୍କ ମଧ୍ୟରେ ହୋଇଥିବା ଗୁଳିବିନିମୟ ଘଟଣା ସମଗ୍ର ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ଓପିଏମ୍ ଘାଟ ନିକଟରେ ଘଟିଥିବା ଏହି ଏନ୍‌କାଉଣ୍ଟରରେ ବ୍ରଜରାଜନଗରର ଦୁର୍ଦ୍ଦାନ୍ତ ଅପରାଧୀ କମଲେଶ ଘୋଷ ଓରଫ ସୋନୁ ଘୋଷଙ୍କ ପୁଅ ଅଙ୍କିତ ଘୋଷ ଗୋଡ଼ରେ ଗୁଳିବିଦ୍ଧ ହୋଇଛି। ଆହତ ଅବସ୍ଥାରେ ତାଙ୍କୁ ପ୍ରଥମେ ଝାରସୁଗୁଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ଜଣାପଡ଼ିଛି। ପୋଲିସ ସୂଚନା ଅନୁଯାୟୀ, ଓପିଏମ୍ ଘାଟ ନିକଟରେ କିଛି ଦୁର୍ବୃତ୍ତ ଅପରାଧିକ ଷଡ଼ଯନ୍ତ୍ର କରୁଥିବା ନେଇ ଖବର ମିଳିବା ପରେ ଏକ ସ୍ୱତନ୍ତ୍ର ପୋଲିସ ଟିମ୍ ଚଢ଼ଉ କରିଥିଲା। ଚଢ଼ଉ ସମୟରେ ଅଭିଯୁକ୍ତମାନେ ପ୍ରଥମେ ପୋଲିସ ଉପରକୁ ଗୁଳିଚାଳନା କରିବାକୁ ଉଦ୍ୟମ କରିଥିବାରୁ ଆତ୍ମରକ୍ଷା ପାଇଁ ପୋଲିସ ପାଲଟା ଗୁଳି ଚଳାଇଥିଲା। ଏଥିରେ ଅଙ୍କିତଙ୍କ ଗୋଡ଼ରେ ଗୁଳି ବାଜି ଆହତ ହୋଇଛି। ଝାରସୁଗୁଡ଼ା ଏସପି ଗୁଣ୍ଡାଲା ରେଡ୍ଡୀ ରାଘବେନ୍ଦ୍ର କହିଛନ୍ତି ଯେ, ଅପରାଧ ନିୟନ୍ତ୍ରଣ ଏବଂ ଦୁର୍ଦ୍ଦାନ୍ତ ଅପରାଧୀଙ୍କ ବିରୋଧରେ ଜିଲ୍ଲା ପୋଲିସର ସ୍ୱତନ୍ତ୍ର ଅଭିଯାନ ଜାରି ରହିଛି। ପ୍ରାରମ୍ଭିକ ତଦନ୍ତରେ ଅଭିଯୁକ୍ତମାନେ ପୋଲିସ ଦଳ ଉପରେ ଆକ୍ରମଣ କରିବାକୁ ଉଦ୍ୟମ କରିଥିବା ତଥ୍ୟ ସାମ୍ନାକୁ ଆସିଥିବା ବେଳେ ଘଟଣାର ଅଧିକ ତଦନ୍ତ ଚାଲିଛି। ଅଙ୍କିତଙ୍କ ବିରୋଧରେ ୭ଟି ସଂଗୀନ ମାମଲା :- ପୋଲିସ ରେକର୍ଡ ଅନୁଯାୟୀ, ଅଙ୍କିତ ଘୋଷଙ୍କ ନାମରେ ଅସ୍ତ୍ର ଆଇନ, ହତ୍ୟା ଉଦ୍ୟମ, ଡକାୟତି, ଆକ୍ରମଣ ଓ ଧମକ ଭଳି ସଂଗୀନ ଅପରାଧର ସାତଟି ମାମଲା ରହିଛି। ୧)- ବନହରପାଲି ଥାନା କେସ୍ ନଂ. ୨୦୬/୨୦୨୩ – Arms Act ଓ IPC ଧାରା ୩୯୯/୪୦୨। ୨)- ବ୍ରଜରାଜନଗର ଥାନା କେସ୍ ନଂ. ୩୦୨/୨୦୨୧ – ଧାରା ୩୯୨ IPC। ୩)- ବ୍ରଜରାଜନଗର ଥାନା କେସ୍ ନଂ. ୧୯୦/୨୦୨୫ – Arms Act ଓ BNSର ବିଭିନ୍ନ ଧାରା। ୪)- ବ୍ରଜରାଜନଗର ଥାନା କେସ୍ ନଂ. ୨୦୯/୨୦୨୧ – ଧାରା ୩୦୭, ୩୨୪, ୩୪ IPC। ୫)- ବ୍ରଜରାଜନଗର ଥାନା କେସ୍ ନଂ. ୩୦୦/୨୦୨୧ – ଧାରା ୩୦୭, ୩୨୪, ୩୪, ୩୪୧, ୫୦୬ IPC। ୬)- ବ୍ରଜରାଜନଗର ଥାନା କେସ୍ ନଂ. ୩୮୩/୨୦୨୪ – BNSର ବିଭିନ୍ନ ଧାରା। ୭)- ଓରିଏଣ୍ଟ ଥାନା କେସ୍ ନଂ. ୨୦୮/୨୦୨୬ – BNS ଓ Arms Act ଅନୁଯାୟୀ ମାମଲା। ବାପା ସୋନୁ ଘୋଷଙ୍କ ଅପରାଧିକ ଇତିହାସ :- ଅଙ୍କିତଙ୍କ ବାପା କମଲେଶ ଘୋଷ ଓରଫ ସୋନୁ ଘୋଷ ବ୍ରଜରାଜନଗର ଅଞ୍ଚଳର ଜଣେ କୁଖ୍ୟାତ ଅପରାଧୀ ଭାବେ ପରିଚିତ। ତାଙ୍କ ବିରୋଧରେ ହତ୍ୟା, ରଙ୍ଗଦାରି, ବୋମାମାଡ଼, ବେଆଇନ ଅସ୍ତ୍ର କାରବାର ସମେତ ୫୦ରୁ ଅଧିକ ମାମଲା ରହିଛି। ୨୦୧୯ ମସିହାର ଚର୍ଚ୍ଚିତ ଅମିତ ଧଳ ହତ୍ୟାକାଣ୍ଡରେ ସେ ମୁଖ୍ୟ ଅଭିଯୁକ୍ତ ଥିଲେ। ପରେ କୋଲକାତାରୁ ତାଙ୍କୁ ଗିରଫ କରାଯାଇଥିଲା ଏବଂ ଜାତୀୟ ନିରାପତ୍ତା ଆଇନ (NSA) ଅଧୀନରେ ଚୌଦ୍ୱାର ଜେଲକୁ ପଠାଯାଇଥିଲା। ବ୍ରଜରାଜନଗରରେ ଦୀର୍ଘ ଦିନ ଧରି ବିଭିନ୍ନ ଅପରାଧିକ ଗୋଷ୍ଠୀ ମଧ୍ୟରେ ସଂଘର୍ଷ ଲାଗି ରହିଛି। ୨୦୧୯ ନଭେମ୍ବରରେ ସୋନୁ ଘୋଷଙ୍କ ସାନଭାଇ ମଣ୍ଟୁ ଘୋଷଙ୍କ ଉପରେ ମଧ୍ୟ ପ୍ରାଣଘାତୀ ଆକ୍ରମଣ ହୋଇଥିଲା। ସଦ୍ୟ ଏନ୍‌କାଉଣ୍ଟର ଘଟଣା ପରେ ପୁଣିଥରେ ଏହି ଅପରାଧିକ ଗ୍ୟାଙ୍ଗ୍‌ର କାର୍ଯ୍ୟକଳାପ ଚର୍ଚ୍ଚାକୁ ଆସିଛି। ଏପଟେ ଘଟଣା ସ୍ଥଳରୁ ମିଳିଥିବା ପ୍ରମାଣ, ବ୍ୟବହୃତ ଅସ୍ତ୍ର ଓ ଅନ୍ୟାନ୍ୟ ପରିସ୍ଥିତିକୁ ନେଇ ପୋଲିସ ତଦନ୍ତ ଜାରି ରଖିଛି। ପୋଲିସର କହିବା ଅନୁଯାୟୀ, ଅପରାଧୀଙ୍କ ବିରୋଧରେ ଆଗାମୀ ଦିନରେ ମଧ୍ୟ କଡ଼ା କାର୍ଯ୍ୟାନୁଷ୍ଠାନ ଜାରି ରହିବ।

Soubhagya Ranjan Sahu

Belpahar, Jharsuguda•

18 hrs ago

#BreakingNews ବ୍ରଜରାଜନଗରରେ ପୋଲିସର ଏନ୍‌କାଉଣ୍ଟର।ଦୁର୍ଦ୍ଦାନ୍ତ ଅପରାଧୀ ସୋନୁ ଘୋଷଙ୍କ ପୁଅ ଅଙ୍କିତ ପୋଲିସ ଗୁଳିରେ ଆହତ।୭ଟି ସଂଗୀନ ମାମଲାର ଅଭିଯୁକ୍ତ ଥିଲା ଅଙ୍କିତ।ପୋଲିସ ଉପରେ ଗୁଳି ଚଳାଇବାକୁ ଉଦ୍ୟମ ପରେ ପାଲଟା କାର୍ଯ୍ୟାନୁଷ୍ଠାନ।। ତା:୨୭/୦୭/୨୬: ଝାରସୁଗୁଡ଼ା ଜିଲ୍ଲାର ବ୍ରଜରାଜନଗର ଅଞ୍ଚଳରେ ବିଳମ୍ବିତ ରାତିରେ ପୋଲିସ ଓ ଦୁର୍ବୃତ୍ତଙ୍କ ମଧ୍ୟରେ ହୋଇଥିବା ଗୁଳିବିନିମୟ ଘଟଣା ସମଗ୍ର ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ଓପିଏମ୍ ଘାଟ ନିକଟରେ ଘଟିଥିବା ଏହି ଏନ୍‌କାଉଣ୍ଟରରେ ବ୍ରଜରାଜନଗରର ଦୁର୍ଦ୍ଦାନ୍ତ ଅପରାଧୀ କମଲେଶ ଘୋଷ ଓରଫ ସୋନୁ ଘୋଷଙ୍କ ପୁଅ ଅଙ୍କିତ ଘୋଷ ଗୋଡ଼ରେ ଗୁଳିବିଦ୍ଧ ହୋଇଛି। ଆହତ ଅବସ୍ଥାରେ ତାଙ୍କୁ ପ୍ରଥମେ ଝାରସୁଗୁଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ଜଣାପଡ଼ିଛି। ପୋଲିସ ସୂଚନା ଅନୁଯାୟୀ, ଓପିଏମ୍ ଘାଟ ନିକଟରେ କିଛି ଦୁର୍ବୃତ୍ତ ଅପରାଧିକ ଷଡ଼ଯନ୍ତ୍ର କରୁଥିବା ନେଇ ଖବର ମିଳିବା ପରେ ଏକ ସ୍ୱତନ୍ତ୍ର ପୋଲିସ ଟିମ୍ ଚଢ଼ଉ କରିଥିଲା। ଚଢ଼ଉ ସମୟରେ ଅଭିଯୁକ୍ତମାନେ ପ୍ରଥମେ ପୋଲିସ ଉପରକୁ ଗୁଳିଚାଳନା କରିବାକୁ ଉଦ୍ୟମ କରିଥିବାରୁ ଆତ୍ମରକ୍ଷା ପାଇଁ ପୋଲିସ ପାଲଟା ଗୁଳି ଚଳାଇଥିଲା। ଏଥିରେ ଅଙ୍କିତଙ୍କ ଗୋଡ଼ରେ ଗୁଳି ବାଜି ଆହତ ହୋଇଛି। ଝାରସୁଗୁଡ଼ା ଏସପି ଗୁଣ୍ଡାଲା ରେଡ୍ଡୀ ରାଘବେନ୍ଦ୍ର କହିଛନ୍ତି ଯେ, ଅପରାଧ ନିୟନ୍ତ୍ରଣ ଏବଂ ଦୁର୍ଦ୍ଦାନ୍ତ ଅପରାଧୀଙ୍କ ବିରୋଧରେ ଜିଲ୍ଲା ପୋଲିସର ସ୍ୱତନ୍ତ୍ର ଅଭିଯାନ ଜାରି ରହିଛି। ପ୍ରାରମ୍ଭିକ ତଦନ୍ତରେ ଅଭିଯୁକ୍ତମାନେ ପୋଲିସ ଦଳ ଉପରେ ଆକ୍ରମଣ କରିବାକୁ ଉଦ୍ୟମ କରିଥିବା ତଥ୍ୟ ସାମ୍ନାକୁ ଆସିଥିବା ବେଳେ ଘଟଣାର ଅଧିକ ତଦନ୍ତ ଚାଲିଛି। ଅଙ୍କିତଙ୍କ ବିରୋଧରେ ୭ଟି ସଂଗୀନ ମାମଲା :- ପୋଲିସ ରେକର୍ଡ ଅନୁଯାୟୀ, ଅଙ୍କିତ ଘୋଷଙ୍କ ନାମରେ ଅସ୍ତ୍ର ଆଇନ, ହତ୍ୟା ଉଦ୍ୟମ, ଡକାୟତି, ଆକ୍ରମଣ ଓ ଧମକ ଭଳି ସଂଗୀନ ଅପରାଧର ସାତଟି ମାମଲା ରହିଛି। ୧)- ବନହରପାଲି ଥାନା କେସ୍ ନଂ. ୨୦୬/୨୦୨୩ – Arms Act ଓ IPC ଧାରା ୩୯୯/୪୦୨। ୨)- ବ୍ରଜରାଜନଗର ଥାନା କେସ୍ ନଂ. ୩୦୨/୨୦୨୧ – ଧାରା ୩୯୨ IPC। ୩)- ବ୍ରଜରାଜନଗର ଥାନା କେସ୍ ନଂ. ୧୯୦/୨୦୨୫ – Arms Act ଓ BNSର ବିଭିନ୍ନ ଧାରା। ୪)- ବ୍ରଜରାଜନଗର ଥାନା କେସ୍ ନଂ. ୨୦୯/୨୦୨୧ – ଧାରା ୩୦୭, ୩୨୪, ୩୪ IPC। ୫)- ବ୍ରଜରାଜନଗର ଥାନା କେସ୍ ନଂ. ୩୦୦/୨୦୨୧ – ଧାରା ୩୦୭, ୩୨୪, ୩୪, ୩୪୧, ୫୦୬ IPC। ୬)- ବ୍ରଜରାଜନଗର ଥାନା କେସ୍ ନଂ. ୩୮୩/୨୦୨୪ – BNSର ବିଭିନ୍ନ ଧାରା। ୭)- ଓରିଏଣ୍ଟ ଥାନା କେସ୍ ନଂ. ୨୦୮/୨୦୨୬ – BNS ଓ Arms Act ଅନୁଯାୟୀ ମାମଲା। ବାପା ସୋନୁ ଘୋଷଙ୍କ ଅପରାଧିକ ଇତିହାସ :- ଅଙ୍କିତଙ୍କ ବାପା କମଲେଶ ଘୋଷ ଓରଫ ସୋନୁ ଘୋଷ ବ୍ରଜରାଜନଗର ଅଞ୍ଚଳର ଜଣେ କୁଖ୍ୟାତ ଅପରାଧୀ ଭାବେ ପରିଚିତ। ତାଙ୍କ ବିରୋଧରେ ହତ୍ୟା, ରଙ୍ଗଦାରି, ବୋମାମାଡ଼, ବେଆଇନ ଅସ୍ତ୍ର କାରବାର ସମେତ ୫୦ରୁ ଅଧିକ ମାମଲା ରହିଛି। ୨୦୧୯ ମସିହାର ଚର୍ଚ୍ଚିତ ଅମିତ ଧଳ ହତ୍ୟାକାଣ୍ଡରେ ସେ ମୁଖ୍ୟ ଅଭିଯୁକ୍ତ ଥିଲେ। ପରେ କୋଲକାତାରୁ ତାଙ୍କୁ ଗିରଫ କରାଯାଇଥିଲା ଏବଂ ଜାତୀୟ ନିରାପତ୍ତା ଆଇନ (NSA) ଅଧୀନରେ ଚୌଦ୍ୱାର ଜେଲକୁ ପଠାଯାଇଥିଲା। ବ୍ରଜରାଜନଗରରେ ଦୀର୍ଘ ଦିନ ଧରି ବିଭିନ୍ନ ଅପରାଧିକ ଗୋଷ୍ଠୀ ମଧ୍ୟରେ ସଂଘର୍ଷ ଲାଗି ରହିଛି। ୨୦୧୯ ନଭେମ୍ବରରେ ସୋନୁ ଘୋଷଙ୍କ ସାନଭାଇ ମଣ୍ଟୁ ଘୋଷଙ୍କ ଉପରେ ମଧ୍ୟ ପ୍ରାଣଘାତୀ ଆକ୍ରମଣ ହୋଇଥିଲା। ସଦ୍ୟ ଏନ୍‌କାଉଣ୍ଟର ଘଟଣା ପରେ ପୁଣିଥରେ ଏହି ଅପରାଧିକ ଗ୍ୟାଙ୍ଗ୍‌ର କାର୍ଯ୍ୟକଳାପ ଚର୍ଚ୍ଚାକୁ ଆସିଛି। ଏପଟେ ଘଟଣା ସ୍ଥଳରୁ ମିଳିଥିବା ପ୍ରମାଣ, ବ୍ୟବହୃତ ଅସ୍ତ୍ର ଓ ଅନ୍ୟାନ୍ୟ ପରିସ୍ଥିତିକୁ ନେଇ ପୋଲିସ ତଦନ୍ତ ଜାରି ରଖିଛି। ପୋଲିସର କହିବା ଅନୁଯାୟୀ, ଅପରାଧୀଙ୍କ ବିରୋଧରେ ଆଗାମୀ ଦିନରେ ମଧ୍ୟ କଡ଼ା କାର୍ଯ୍ୟାନୁଷ୍ଠାନ ଜାରି ରହିବ।