ବାରିପଦା, ୧୦/୦୪ (ନିପ୍ର) :- ମୟୂରଭଞ୍ଜ ଜିଲ୍ଲାରେ ରେ ଚିନ୍ତା ବଢ଼ାଉଛି ଏନିମିଆ ବା ରକ୍ତହୀନତା। ଜିଲ୍ଲାରେ ୬୪ ପ୍ରତିଶତ ମହିଳା ରକ୍ତହୀନତା ରୋଗରେ ପୀଡ଼ିତ ଥିବାବେଳେ ଶିଶୁ ଙ୍କୁ ମିଶାଇ ଆକ୍ରାନ୍ତ ଙ୍କ ସଂଖ୍ୟା ୮୪ ହଜାର। ଯାହାକି ସମଗ୍ର ରାଜ୍ୟରେ ଦ୍ଵିତୀୟ ସ୍ଥାନରେ ରହିଛି। ଏଭଳି ପରିସ୍ଥିତିରେ ଜିଲ୍ଲାକୁ ଏନିମିଆରୁ ମୁକ୍ତ କରିବା ପାଇଁ ପ୍ରୟାସ ଆରମ୍ଭ କରିଛନ୍ତି ମୟୂରଭଞ୍ଜ ଜିଲ୍ଲାର ଅଗ୍ରଣୀ ସ୍ୱର୍ଣ୍ଣଅଳଙ୍କାର ସଂସ୍ଥା ଖିମଜି ଦୟା ଭାଇ ଆଣ୍ଡ କୋ.। ଜିଲ୍ଲା ସ୍ୱାସ୍ଥ୍ୟ ବିଭାଗ ର ସହଯୋଗିତାରେ ଆରମ୍ଭ ହୋଇଥିବା ଏହି ଅଭିଯାନ ଅଧିନରେ ଦୁଇଟି ସଚେତନତା ରଥର ଶୁଭାରମ୍ଭ ହୋଇଛି। ଏହି ରଥ ଜିଲ୍ଲାର ସମସ୍ତ ୨୬ଟି ବ୍ଲକ୍ ରେ ବୁଲି ଏହି ସଚେତନତା ବାର୍ତ୍ତା ପ୍ରଦାନ କରିବାର କାର୍ଯ୍ୟକ୍ରମ ରହିଛି। କେବଳ ସେତିକି ନୁହେଁ, ଖିମଜି ସଂସ୍ଥା ପକ୍ଷରୁ ପ୍ରଥମ ପର୍ଯ୍ୟାୟରେ ଜିଲ୍ଲାର ୪ଟି ଉପଖଣ୍ଡକୁ ୧୬ଟି ଏନିମିଆ ପରୀକ୍ଷଣ ଯନ୍ତ୍ର ସହିତ ୧୬ ହଜାର ଟେଷ୍ଟିଙ୍ଗ କିଟ୍ ଓ ଅନ୍ୟାନ୍ୟ ଔଷଧ ପତ୍ର ପ୍ରଦାନ କରାଯାଇଛି। ଏ ଅବସରରେ ଶୁକ୍ରବାର ସ୍ଥାନୀୟ ସହିଦସ୍ମୃତି ଭବନ ଠାରେ ଏକ କର୍ମଶାଳା ଆୟୋଜିତ ହୋଇ ଯାଇଛି। ଏଥି ସହିତ ଜିଲ୍ଲା ମୁଖ୍ୟ ସ୍ୱାସ୍ଥ୍ୟ ଅଧିକାରୀ ଙ୍କ ଓ ଅତିରିକ୍ତ ଜିଲ୍ଲାପାଳ ଦୁଖବନ୍ଧୁ ନାୟକ ସବୁଜ ପତାକା ଦେଖାଇ ଦୁଇଟି ସଚେତନତା ଭ୍ୟାନ୍ ର ଶୁଭାରମ୍ଭ କରିଛନ୍ତି। ଏଭଳି ଏକ ଚିନ୍ତାଜନକ ସ୍ଥିତିରେ ମୟୂରଭଞ୍ଜ କୁ ଏନିମିଆ ବା ରକ୍ତହୀନତା ଭଳି ଏକ ମାରାତ୍ମକ ବ୍ୟାଧିରୁ ରକ୍ଷା କରିବା ପାଇଁ ପ୍ରୟାସ ଆରମ୍ଭ କରିଥିବା ଖିମଜି ସ୍ୱର୍ଣ୍ଣଅଳଙ୍କାର ସଂସ୍ଥା କୁ ପ୍ରଶଂସା କରିଛନ୍ତି ଅତିଥି ମାନେ। ଦୀର୍ଘ ୮୯ ବର୍ଷ ଧରି ମୟୂରଭଞ୍ଜ ର ଜନସାଧାରଣ ଯେଉଁଭଳି ଖିମଜୀ ସଂସ୍ଥାକୁ ବିଶ୍ୱାସ ଓ ଭଲପାଇବା ଦେଇଛନ୍ତି ତା ପ୍ରତିବଦଳ ସ୍ବରୂପ ଏଭଳି ଏକ ପରିସ୍ଥିତି ରେ ଖିମଜୀ ସଂସ୍ଥା ଜିଲ୍ଲାବାସୀ ଙ୍କୁ ଏକ ଉତ୍ତମ ସ୍ୱାସ୍ଥ୍ୟ ତଥା ସୁସ୍ଥ ସମାଜ ଦେବାକୁ ନିଜର କର୍ତ୍ତବ୍ୟ ବୋଲି ଖିମଜୀ ଦୟାଭାଇ କମ୍ପାନୀ ର ସି.ଇ.ଓ. ନିଶିଥ ନନ୍ଦା କହିଛନ୍ତି। #mayurbhanj #dlh_khabar #baripada

DLH KHABAR

Voice of people ବାରିପଦା ଟାଉନ୍, ମୟୂରଭଞ୍ଜ, ଓଡ଼ିଶା•

17 hrs ago

ବାଲେଶ୍ବର ଆଇଟିଆଇ ପଡ଼ିଆ ଠାରେ ଉଦଘାଟନ ହେଲା ବୈଶାଖୀ ମହୋତ୍ସବ।