डीजेमुळे बँड पार्टी कलावंतांवर उपासमारीची वेळ; बँड उरले केवळ अंत्यसंस्कारात वाजविण्यापुरते बदनापूर जिल्हा जालना भोकरदन तालुक्यासह इतर जिल्ह्यातील सुद्धा लग्नसमारंभ, मिरवणुका आणि विविध उत्सवांमध्ये एकेकाळी बँडच्या सुरांनी रंग भरला जायचा. मात्र गेल्या काही वर्षात डीजे संस्कृतीचा शिरकाव झाल्याने पारंपरिक बँड कलाकारांवर उपासमारीची वेळ आली आहे. कमी वेळात मोठा कर्णकर्कश आवाज, ह्रदय विकाराचे झटके येवून सुद्धा आधुनिक गाणी आणि कमी खर्चामुळे अनेकजण बँडऐवजी डीजेला पसंती देत आहेत. पूर्वी लग्नसराईच्या हंगामात बँड पार्टीला महिनाभर आधीपासून बुकिंग मिळायचे. आता बहुतेक ठिकाणी मोठ्या आवाजाचा डीजे असतो. त्यामुळे अनेक बँडवाले आज फक्त अंत्ययात्रा किंवा मरणाच्या प्रसंगीच काम मिळत असल्याची खंत व्यक्त करतात. ही केवळ रोजगाराची बाब नाही. तर एक जुनी परंपरा, एक सांस्कृतिक आवाज हळूहळू हरवत चालला आहे. गेल्या काही वर्षात डीजे ट्रेंडींगवर आहे. त्यामुळे बँड पार्टीचा आवाज हरवत चालला आहे. पूर्वी लग्नसमारंभ म्हटला की, ब्रास बँडचा दणदणीत ताफा, एकसारखी वेशभूषा आणि सनईच्या सुरावटींनी वातावरण भारून टाकलेले असायचे. भोकरदन शहर आणि परिसरातील गावांमध्ये ३० ते ४० जणांचे बँड पार्टी लग्नात हमखास दिसायचे. तसेच ग्रामीण भागात स्थानिक पातळीवर १० ते १५ जण एकत्र येऊन सनई आणि संबळ वाजवून पारंपरिक पद्धतीने लग्न सोहळ्याला रंगत आणायचे. मात्र सध्या या सर्व परंपरांना डीजेने मागे टाकले आहे. मोठ्या आवाजातील गाणी, आकर्षक लाईट्स आणि त्यावर नृत्य यामुळे नव्या पिढीचा कल डीजेकडे वाढत चालला आहे. आता अनेक बँड मालकांना आठवड्यातून एक-दोन कार्यक्रम मिळणेही कठीण झाले आहे. त्यामुळे बँडमध्ये काम करणारे वादक, ढोल-ताशा वाजवणारे, ट्रम्पेट आणि सॅक्सोफोन वाजविणारे कलाकार आर्थिक संकटात सापडले आहेत. अगोदर कोरोनामुळे आम्ही रस्त्यावर आलो. त्या धक्क्यातून कसेबसे सावरलो तर आता डीजेमुळे आम्हाला काम मिळणे कठीण झाले आहे. परिणामी, आमच्यावर आर्थिक संकट ओढवले आहे. येणाऱ्या काळात आम्ही फक्त अंत्ययात्रा किंवा मरणाच्या प्रसंगापुरतेच मर्यादित असणार असे चित्र दिसत आहे. - : सुभाष खरात, बँड पार्टी मास्टर कलावंत वालसावंगी आमच्या कलेला आता मागणी उरलेली नाही. डीजेमुळे लोकांना मोठा आवाज आणि नाच हाच आकर्षणाचा भाग वाटतो; पण पारंपरिक बँडचा मान कमी झाला आहे. असे बँड पथकातील कलावंत सांगतात. काहींनी मजुरी किंवा इतर कामे स्वीकारली आहे. बँड व्यवसायाशी संबंधित दुकानांवरही याचा परिणाम झाला आहे. वाद्यांची दुरुस्ती, गणवेश, सजावटीचे साहित्य यांची मागणी घटली आहे. - : नामू सुरडकर, आजुबाई बँड पार्टी संचालक आन्वा

सय्यद नजाकत

बदनापूर, जालना, महाराष्ट्र•

1 hr ago

डीजेमुळे बँड पार्टी कलावंतांवर उपासमारीची वेळ; बँड उरले केवळ अंत्यसंस्कारात वाजविण्यापुरते बदनापूर जिल्हा जालना भोकरदन तालुक्यासह इतर जिल्ह्यातील सुद्धा लग्नसमारंभ, मिरवणुका आणि विविध उत्सवांमध्ये एकेकाळी बँडच्या सुरांनी रंग भरला जायचा. मात्र गेल्या काही वर्षात डीजे संस्कृतीचा शिरकाव झाल्याने पारंपरिक बँड कलाकारांवर उपासमारीची वेळ आली आहे. कमी वेळात मोठा कर्णकर्कश आवाज, ह्रदय विकाराचे झटके येवून सुद्धा आधुनिक गाणी आणि कमी खर्चामुळे अनेकजण बँडऐवजी डीजेला पसंती देत आहेत. पूर्वी लग्नसराईच्या हंगामात बँड पार्टीला महिनाभर आधीपासून बुकिंग मिळायचे. आता बहुतेक ठिकाणी मोठ्या आवाजाचा डीजे असतो. त्यामुळे अनेक बँडवाले आज फक्त अंत्ययात्रा किंवा मरणाच्या प्रसंगीच काम मिळत असल्याची खंत व्यक्त करतात. ही केवळ रोजगाराची बाब नाही. तर एक जुनी परंपरा, एक सांस्कृतिक आवाज हळूहळू हरवत चालला आहे. गेल्या काही वर्षात डीजे ट्रेंडींगवर आहे. त्यामुळे बँड पार्टीचा आवाज हरवत चालला आहे. पूर्वी लग्नसमारंभ म्हटला की, ब्रास बँडचा दणदणीत ताफा, एकसारखी वेशभूषा आणि सनईच्या सुरावटींनी वातावरण भारून टाकलेले असायचे. भोकरदन शहर आणि परिसरातील गावांमध्ये ३० ते ४० जणांचे बँड पार्टी लग्नात हमखास दिसायचे. तसेच ग्रामीण भागात स्थानिक पातळीवर १० ते १५ जण एकत्र येऊन सनई आणि संबळ वाजवून पारंपरिक पद्धतीने लग्न सोहळ्याला रंगत आणायचे. मात्र सध्या या सर्व परंपरांना डीजेने मागे टाकले आहे. मोठ्या आवाजातील गाणी, आकर्षक लाईट्स आणि त्यावर नृत्य यामुळे नव्या पिढीचा कल डीजेकडे वाढत चालला आहे. आता अनेक बँड मालकांना आठवड्यातून एक-दोन कार्यक्रम मिळणेही कठीण झाले आहे. त्यामुळे बँडमध्ये काम करणारे वादक, ढोल-ताशा वाजवणारे, ट्रम्पेट आणि सॅक्सोफोन वाजविणारे कलाकार आर्थिक संकटात सापडले आहेत. अगोदर कोरोनामुळे आम्ही रस्त्यावर आलो. त्या धक्क्यातून कसेबसे सावरलो तर आता डीजेमुळे आम्हाला काम मिळणे कठीण झाले आहे. परिणामी, आमच्यावर आर्थिक संकट ओढवले आहे. येणाऱ्या काळात आम्ही फक्त अंत्ययात्रा किंवा मरणाच्या प्रसंगापुरतेच मर्यादित असणार असे चित्र दिसत आहे. - : सुभाष खरात, बँड पार्टी मास्टर कलावंत वालसावंगी आमच्या कलेला आता मागणी उरलेली नाही. डीजेमुळे लोकांना मोठा आवाज आणि नाच हाच आकर्षणाचा भाग वाटतो; पण पारंपरिक बँडचा मान कमी झाला आहे. असे बँड पथकातील कलावंत सांगतात. काहींनी मजुरी किंवा इतर कामे स्वीकारली आहे. बँड व्यवसायाशी संबंधित दुकानांवरही याचा परिणाम झाला आहे. वाद्यांची दुरुस्ती, गणवेश, सजावटीचे साहित्य यांची मागणी घटली आहे. - : नामू सुरडकर, आजुबाई बँड पार्टी संचालक आन्वा