বৰাহী গ্ৰাণ্টৰ কৈৱৰ্ত গাৱঁত টাওকাক নদীৰ ব্যাপক গৰা খহনীয়াৰ সৃষ্টি সোণাৰিত টাওকাক নদীৰ ব্যাপক গৰা খহনীয়াঃউছন হোৱাৰ উপক্ৰমঃচৰাইদেউ জিলা মাহমৰা সমষ্টিৰ চফ্ৰাই গাওঁ পঞ্চায়ত অন্তৰ্গত বৰাহী গ্ৰাণ্টৰ কৈৱৰ্ত গাৱঁত টাওকাক নদীয়ে ব্যাপক গৰা খহনীয়াৰ সৃষ্টি কৰিছে।ইতিমধ্যে গাওঁখনলৈ যোৱা পথটি নদীখনৰ খহনীয়াৰ ফলত নদীৰ বুকুত জাহ গৈছেঃ ইফালে গাওঁ খনৰ নামঘৰটোও লৈও নদীখনৰ খহনিয়াই বিপদ মাতি আনিছে।ৰাইজে জনিবলৈ দিয়া অনুসৰি বিগত ১০-১৫ বছৰ ধৰি নদীখনে কৰা খহনীয়াৰ ফলত গাওঁখনৰ ২৫-৩০ ঘৰ লোকৰ জীৱনলৈ বিপদ কঢ়িয়াই আনিছে।ইতিমধ্যে কেইবাটাও পৰিয়ালে গাওঁ খনৰ পৰা খহনীয়াৰ বাবে গাওঁ এৰি যাব লগীয়াত পৰিছে। সোণাৰিৰ পৰা কপিল চেতিয়াৰ ৰিপৰ্টঃ

বৰাহী গ্ৰাণ্টৰ কৈৱৰ্ত গাৱঁত টাওকাক নদীৰ ব্যাপক গৰা খহনীয়াৰ সৃষ্টি সোণাৰিত টাওকাক নদীৰ ব্যাপক গৰা খহনীয়াঃউছন হোৱাৰ উপক্ৰমঃচৰাইদেউ জিলা মাহমৰা সমষ্টিৰ চফ্ৰাই গাওঁ পঞ্চায়ত অন্তৰ্গত বৰাহী গ্ৰাণ্টৰ কৈৱৰ্ত গাৱঁত টাওকাক নদীয়ে ব্যাপক গৰা খহনীয়াৰ সৃষ্টি কৰিছে।ইতিমধ্যে গাওঁখনলৈ যোৱা পথটি নদীখনৰ খহনীয়াৰ ফলত নদীৰ বুকুত জাহ গৈছেঃ ইফালে গাওঁ খনৰ নামঘৰটোও লৈও নদীখনৰ খহনিয়াই বিপদ মাতি আনিছে।ৰাইজে জনিবলৈ দিয়া অনুসৰি বিগত ১০-১৫ বছৰ ধৰি নদীখনে কৰা খহনীয়াৰ ফলত গাওঁখনৰ ২৫-৩০ ঘৰ লোকৰ জীৱনলৈ বিপদ কঢ়িয়াই আনিছে।ইতিমধ্যে কেইবাটাও পৰিয়ালে গাওঁ খনৰ পৰা খহনীয়াৰ বাবে গাওঁ এৰি যাব লগীয়াত পৰিছে। সোণাৰিৰ পৰা কপিল চেতিয়াৰ ৰিপৰ্টঃ

​শিৱসাগৰ জিলা আয়ুক্তৰ কাৰ্যালয়ৰ সন্মুখত সংগ্ৰামী সেনা অসমৰ শিৱসাগৰ জিলা সমিতিৰ উদ্যোগত এক তীব্ৰ অৱস্থান ধৰ্মঘট কাৰ্যসূচী ৰূপায়ণ কৰা হয়। সংবাদ মাধ্যমৰ আগত প্ৰতিবাদকাৰীসকলে শিৱসাগৰ আৰু চৰাইদেউ জিলাত শেহতীয়াকৈ হোৱা প্ৰলয়ংকাৰী বানপানীৰ প্ৰকৃত ৰহস্য ৰাজহুৱা কৰিবলৈ দাবী জনায়। লগতে দুয়োখন জিলাৰ বিস্তৰ ক্ষতিসাধন হোৱাৰ পৰিপ্ৰেক্ষিতত জিলা দুখনক পুনৰ আগৰ অৱস্থালৈ ঘূৰাই আনিবলৈ চৰকাৰক ১০,০০০ কোটি টকাৰ এক বিশেষ পুঁজি আৱণ্টন কৰিবলৈ দাবী উত্থাপন কৰে।

মাদক দ্ৰব্যৰ বিৰুদ্ধে আটছাৰ অভিযান আৰম্ভ। আজিৰে পৰা বৃহত্তৰ মাকুম অঞ্চলত চলিব অসম চাহ জনজাতি ছাত্ৰ সন্থা (আটছা) মাকুম শাখা সমিতিৰ উদ্যোগত মাদক দ্ৰব্যৰ বিৰুদ্ধে অভিযান। মাদক দ্ৰব্যৰ বিৰুদ্ধে আটছাৰ অভিযান আৰম্ভ। আজিৰে পৰা বৃহত্তৰ মাকুম অঞ্চলত চলিব অসম চাহ জনজাতি ছাত্ৰ সন্থা (আটছা) মাকুম শাখা সমিতিৰ উদ্যোগত মাদক দ্ৰব্যৰ বিৰুদ্ধে অভিযান।

অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে তিনিচুকীয়াত সদৌ তিনিচুকীয়া জিলা ছাত্ৰ সন্থাৰ প্ৰতিবাদ৷ অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে তিনিচুকীয়াত সদৌ তিনিচুকীয়া জিলা ছাত্ৰ সন্থাৰ প্ৰতিবাদ৷ সদৌ অসম ছাত্ৰ সন্থাৰ আহ্বানমৰ্মে তিনিচুকীয়া চহৰত বাহিৰ কৰে বিক্ষোভ সমদল৷ প্ৰতিবাদৰ সময়ত চহৰখনত এক উত্তাল প্ৰতিবাদ সৃষ্টি কৰি অতিসোনকালে অত্যাৱশ্যকীয় সামগ্ৰীৰ মূল্য হ্ৰাস কৰিবলৈ দাবী জনায়৷

চৰাইদেউ জিলাত বান সাহায্য বিতৰণৰ নামত ব্যাপক খেলিমেলি সংঘটিত হোৱাৰ অভিযোগ যোৱা ১৯ জুলাইত অহা প্ৰলয়ংকৰী বানত চৰাইদেউ, শিৱসাগৰ আৰু যোৰহাট জিলাৰ বিস্তীৰ্ণ অঞ্চলত হাজাৰ হাজাৰ লোক জলবন্দী হৈ হাহাকাৰ কৰিবলগীয়া পৰিস্থিতিৰ সৃষ্টি হৈছিল । এনে দুৰ্যোগৰ সময়ত বিভিন্ন ব্যক্তি, দল-সংগঠন আৰু অনুষ্ঠানে বানপীড়িত লোকসকলৰ কাষত থিয় হৈ সহায়ৰ হাত আগবঢ়াইছিল। ইয়াৰ মাজতে চৰাইদেউ জিলাত বান সাহায্য বিতৰণৰ নামত ব্যাপক খেলিমেলি সংঘটিত হোৱাৰ অভিযোগ উত্থাপিত হৈছে। এই অভিযোগ উত্থাপন কৰিছে চৰাইদেউ জিলা আদিবাসী যুৱ ছাত্ৰ সন্থাৰ লগতে একাংশ বঞ্চিত বানাক্ৰান্তই। উল্লেখযোগ্য যে আদিবাসী উন্নয়ন পৰিষদে চৰাইদেউ, শিৱসাগৰ আৰু যোৰহাট— এই তিনিখন জিলাৰ বানাক্ৰান্ত আদিবাসী লোকসকলৰ বাবে মুঠ ২ হাজাৰ পেকেট সাহায্য আগবঢ়াইছিল। ইয়াৰে ৩৫০ পেকেট সাহায্য চৰাইদেউ জিলাৰ বাবে নিৰ্ধাৰণ কৰা হৈছিল বুলি সংগঠনটোৱে জানিবলৈ দিয়ে। অভিযোগ অনুসৰি, আদিবাসী যুৱ ছাত্ৰ সন্থাই বানত ক্ষতিগ্ৰস্ত লোকসকলৰ তালিকা প্ৰস্তুত কৰিছিল। কিন্তু পৰৱৰ্তী সময়ত চৰাইদেউৰ এগৰাকী নেতাই তালিকাভুক্ত লোকসকল প্ৰকৃততে বানাক্ৰান্ত নহয় বুলি কৈ উক্ত সাহায্যৰ পেকেটসমূহ অন্য স্থানলৈ লৈ যোৱা বুলি অভিযোগ উত্থাপন কৰিছে সংগঠনটোৱে। ফলত প্ৰকৃত বানাক্ৰান্ত একাংশ লোক সাহায্যৰ পৰা বঞ্চিত হোৱা বুলি দাবী কৰিছে আদিবাসী যুৱ ছাত্ৰ সন্থাই। সংগঠনটোৱে বান সাহায্যৰ বিতৰণ প্ৰক্ৰিয়াত স্বচ্ছতা বজাই ৰখাৰ লগতে প্ৰকৃত বানাক্ৰান্ত লোকসকলক চিনাক্ত কৰি তেওঁলোকৰ প্ৰাপ্য সাহায্য প্ৰদানৰ দাবী জনাইছে। সাহায্যৰ পৰা বঞ্চিত হোৱা বুলি অভিযোগ উত্থাপিত হোৱা গাঁওসমূহৰ ভিতৰত মাহমৰা সমষ্টিৰ লাকুৱা সেউজীপাম, লাকুৱা চাৰিমুঠিয়া, চলাপথাৰ বৰগুম বস্তি, চলাপথাৰ নৰা বস্তি আৰু লাকুৱা ভাজনীপথাৰ উল্লেখযোগ্য। আনহাতে সোণাৰি সমষ্টিৰ সেউজীপাম, টীয়ক বঙালী গাঁও আৰু ভজো শিঙৰাজান বাগিছা গাঁৱৰ একাংশ বানাক্ৰান্তও সাহায্যৰ পৰা বঞ্চিত হোৱা বুলি অভিযোগ উঠিছে।

নাহৰকটীয়াত সংঘটিত হৈছে এক চাঞ্চল্যকৰ ঘটনা। দীপক গুপ্তা নামৰ এগৰাকী ব্যৱসায়ীক নিশা দাৰে আক্ৰমণ কৰি হত্যাৰ চেষ্টাএটা গৰু চোৰৰ। নাহৰকটীয়াত সংঘটিত হৈছে এক চাঞ্চল্যকৰ ঘটনা। দীপক গুপ্তা নামৰ এগৰাকী ব্যৱসায়ীক নিশা দাৰে আক্ৰমণ কৰি হত্যাৰ চেষ্টাএটা গৰু চোৰৰ।নাহৰকটীয়াৰ ভূঞা পট্টীৰ সন্মুখত বুধবাৰে নিশা সংঘটিত হয় এই ঘটনা।মূৰৰ তিনিটাকৈ স্থান আৰু পেটত গুৰুতৰভাৱে আঘাপ্ৰাপ্ত দীপক গুপ্তা সংকটজনক অৱস্থাত ICUত চিকিৎসাধীন হৈ আছে।ব্যৱসায়ী দীপক গুপ্তাৰ আক্ৰমণকাৰী তথা গৰু চোৰ ছফিউল হুছেইন নামৰ দুৰ্বৃত্তটো ঘটনা সংঘটিত কৰি পলায়ন কৰে।পূৰ্বতে গৰু চুৰি আৰু অবৈধ ভাবৰ গো মাংসৰ ৰমৰমীয়া ব্যৱসায় চলোৱাৰ অভিযোগত কেইবাবাৰো কাৰবাস খাটি আহিছিল ছফিউল হুছেইন ভূঞাই।ঘটনা অনুসৰি ব্যৱসায়ী দীপক গুপ্তাৰ খড়াক মুন্না গুপ্তাই ঘৰলৈ গৈ থকা অৱস্থাত সন্মুখৰ পৰা আহি বলেৰ বাহনেৰে আহি থকা ছফিউল হুছেইন ভূঞাক কিয় লাইটৰ ডিপাৰ দিয়া নাই বুলি কোৱাত খুড়াক মুন্না গুপ্তাক গুৰুলা গুৰুলকৈ প্ৰহাৰ কৰে ছফিউলে তাৰ পিছতে মন্নাই ভতিজাক তথা ব্যৱসায়ী দীপক গুপ্তাক সকলো কথা অৱগত কৰাত ব্যৱসায়ী দীপকে ভূঞা পট্টীৰ সন্মুখত উপস্থিত হৈ খুড়াকক কিয় মাৰিলে বুলি সোধাত ছফিউলে দাৰে আক্ৰমণ কৰে ব্যৱসায়ী দীপক গুপ্তাক।ফলত গুৰুতৰ ভাবে আহত হয় দীপক গুপ্তা।এই ঘটনাৰ পিছতেই অপৰাধী আৰু অনৈতিক কাৰ্যকলাপৰ ঘাটিত পৰিণত হোৱা ভূঞা পট্টীৰ ছফিউল বাসগৃহত শ শ।লোক উপস্থিত হৈ বাসগৃহ ঘেৰাও কৰি পৰিস্থিতি উত্তপ্ত কৰি তোলে।ঘন্টা ঘন্টা ধৰি বাসগৃহ ঘেৰাও কৰি গৰু চোৰ ছফিউলক গ্ৰেপ্তাৰৰ দাবী জনায় স্থানীয় ৰাইজে।

পলমকৈ হলেও পোহৰলৈ আহিছে তিনিচুকীয়াৰ জাগুনত সংঘটিত হোৱা এক নাৰকীয় ঘটনাৰ সবিশেষ। Jagun, Disgusting rape case. পলমকৈ হলেও পোহৰলৈ আহিছে তিনিচুকীয়াৰ জাগুনত সংঘটিত হোৱা এক নাৰকীয় ঘটনাৰ সবিশেষ। যুৱতীক বলপূৰ্বক দলবদ্ধ ধৰ্ষণ চাৰি নৰপিকাছৰ। ঘটনাৰ স্থান তিনিচুকীয়া জিলাৰ জাগুন আৰক্ষী চকীৰ অন্তৰ্গত নামফাই লিছাং গাঁৱত। প্ৰাপ্ত তথ্য অনুসৰি চৈধ্য আগষ্টৰ সন্ধ্যা জাগুন কাৰপুমপুলি গাঁৱৰ নিবাসী আকাশ তামাংৰ সৈতে মুঠ চাৰিটা কোলাংগাৰে বলপূৰ্বক দলবদ্ধ ধৰ্ষণ কৰে এগৰাকী ১৮/১৯ বছৰীয়া ফুলকুমলীয়া যুৱতীক। এই জঘন্য কাণ্ড সংঘটিত কৰি পাষণ্ড আকাশ তামাঙে পলায়ন কৰি আত্মগোপন কৰি আছিল অৰুণাচল প্ৰদেশৰ চৌখাম নামে ঠাইত। উল্লেখ্য যে এই নৰাধম আকাশ তামাঙক অৰুণাচল প্ৰদেশ আৰক্ষীৰ সহযোগত মঙ্গলবাৰে চৌখামৰ পৰা আটক কৰিবলৈ সক্ষম হয় অসম আৰক্ষীৰ জাগুন আৰক্ষী চকীৰ ভাৰপ্ৰাপ্ত আৰক্ষী বিষয়া ত্ৰিদীপ লাহন আৰু তেওঁৰ সহ আৰক্ষীৰ জোৱান সকলে। কিন্তু আচৰ্য্যজনক ভাৱে আজিও তিনি ধৰ্ষণকাৰী আত্মগোপন কৰি আছে কোনো অজ্ঞাত স্থানত। এই তিনি ধৰ্ষণকাৰীৰ কোনো ধৰণৰ শুংসূত্ৰ লাভ কৰিবলৈ আৰক্ষী প্ৰশাসন সক্ষম হোৱা নাই যদিও দিন ৰাতি একাকাৰ কৰি তিনি পাষণ্ডক বিচাৰি জাগুন আৰক্ষীয়ে জোৰদাৰ অভিযান অব্যাহত ৰাখিছে। বৰ্তমানে কালপৃত আকাশ তামাংক জাগুন আৰক্ষীয়ে আদালতত হাজিৰ কৰি কাৰাগাৰলৈ প্ৰেৰণ কৰাৰ পৰিৱৰ্তে ঘটনাৰ ইতিবৃত্তি উদ্ধাৰৰ স্বাৰ্থত আদালতৰ বিচাৰকৰ অনুমতি সাপেক্ষে চাৰি দিনৰ বাবে পুনৰ নিজৰ জিম্মাত ৰাখি জেৰা অব্যাহত ৰখাৰ কথা আৰক্ষীৰ সূত্ৰে জানিব পৰা গৈছে। অন্যহাতে এই সকলো কথা একাষৰীয়া কৰি উল্লেখ কৰিব লাগিব যে ঘটনাৰ লগত আওঁপকীয়াকৈ জৰিত বুলি সন্দেহ কৰা অনিতা আন্তি কোন ? যুৱতী এগৰাকীয়ে উল্লেখ কৰা অনুসৰি তাইৰ লগত সংঘটিত হোৱা এই নিকৃষ্ট কাণ্ডৰ সৈতে এই অনিতা আন্তিও পৰোক্ষ বা প্ৰত্যক্ষভাৱে ভাৱে জড়িত আছিল নেকি ? যিহেতু ঘটনা সংঘটিত হোৱাৰ কেইটামান ঘণ্টা অতিবাহিত হোৱাৰ পাছতে অনিতা আন্তিয়ে ভুক্তভোগী যুৱতী এগৰাকীক সমগ্ৰ ঘটনাৰ সবিশেষ তথ্য প্ৰকাশ নকৰিবলৈ এক প্ৰকাৰে ভয় ভাবুকিৰে শংকিত কৰাৰ উপৰিও যুৱতী এগৰাকীৰ মুখ বন্ধ কৰিবলৈ টকাৰ প্ৰলোভন দিয়াৰ তথ্য পোহৰলৈ আহিছে। বৰ্তমানে আৰক্ষী আৰু ৰাইজৰ ৰোষত পৰাৰ পৰা ৰক্ষা পাবলৈ অনিতা আন্তীয়ে আত্মগোপন কৰি আছে বুলি জানিব পৰা গৈছে। লগতে এই নাৰকীয় ঘটনা সংঘটিত কৰা চাৰি নৰপিকাচৰ ভিতৰত এটা সাম্প্ৰদায়িক জাতীয়তাবাদী ছাত্ৰ সংগঠনৰ সদস্যও এই ঘটনাত জৰিত আছিল বুলি শেহতীয়া এক তথ্য পোৱা গৈছে।

জাগুনত যুৱতীক দলবদ্ধ ধৰ্ষণৰ অভিযোগ, এজনক আটক আৰক্ষীৰ অভিযান অব্যাহত । পলমকৈ পোহৰলৈ আহিছে তিনিচুকীয়া জিলাৰ জাগুনত সংঘটিত এক চাঞ্চল্যকৰ দলবদ্ধ ধৰ্ষণৰ অভিযোগ। জানিব পৰা মতে, জাগুন আৰক্ষী চকীৰ অন্তৰ্গত নামফাই লিছাং গাঁৱত এগৰাকী ১৮-১৯ বছৰীয়া যুৱতীক কেইবাজনো যুৱকে বলপূৰ্বক ধৰ্ষণ কৰাৰ অভিযোগ উত্থাপন হৈছে। অভিযোগ অনুসৰি, ১৪ আগষ্টৰ সন্ধিয়া জাগুন কাৰপুমপুলি গাঁৱৰ আকাশ তামাংসহ মুঠ চাৰিজন লোক এই ঘটনাৰ সৈতে জড়িত আছিল। ঘটনাৰ পাছত আকাশ তামাং অৰুণাচল প্ৰদেশৰ চৌখামত আত্মগোপন কৰি আছিল বুলি জানিব পৰা গৈছে। মঙলবাৰে অৰুণাচল প্ৰদেশ আৰক্ষীৰ সহযোগত জাগুন আৰক্ষীয়ে তেওঁক আটক কৰিবলৈ সক্ষম হয়। বৰ্তমান আদালতৰ অনুমতি সাপেক্ষে আৰক্ষীৰ জিম্মাত লৈ ঘটনাটোৰ অধিক তথ্য উদ্ধাৰৰ বাবে জেৰা চলাই থকা হৈছে বুলি আৰক্ষীৰ সূত্ৰে জানিব পৰা গৈছে। ইফালে, ঘটনাৰ সৈতে জড়িত বুলি অভিযোগ উত্থাপিত আন তিনিজন লোক এতিয়াও পলাতক। তেওঁলোকৰ সন্ধানত জাগুন আৰক্ষীয়ে অভিযান অব্যাহত ৰাখিছে। অন্যহাতে, অনিতা আন্তি নামৰ এগৰাকী মহিলাৰ বিৰুদ্ধেও ভুক্তভোগীক ঘটনাৰ বিষয়ে মুখ নুখুলিবলৈ চাপ দিয়াৰ লগতে টকাৰ প্ৰলোভন দিয়াৰ অভিযোগ উত্থাপন হৈছে। অৱশ্যে এই অভিযোগৰ সত্যতা আৰক্ষীৰ তদন্ততহে স্পষ্ট হ’ব। লগতে, অভিযুক্তসকলৰ ভিতৰত এটা ছাত্ৰ সংগঠনৰ সৈতে জড়িত এজন সদস্য থকাৰো অভিযোগ উত্থাপিত হৈছে।