रविवार, दिनांक 21 जून 2026 रोजी आंतरराष्ट्रीय योग दिनानिमित्त लातूर येथे समाज कल्याण विभागातर्फे योग दिनाचा कार्यक्रम उत्साहात साजरा करण्यात आला. येथील मार्केट यार्ड, शिवनेरी गेट समोरील डॉ. बाबासाहेब आंबेडकर सामाजिक न्याय भवन सभागृहात आयोजित या विशेष योग सत्रात समाज कल्याण वसतिगृहातील विद्यार्थी व विद्यार्थिनी मोठ्या संख्येने सहभागी झाले होते. या कार्यक्रमाच्या अध्यक्षस्थानी समाज कल्याण विभागाचे प्रादेशिक उपायुक्त अविनाश देवशेटवार हे होते. योगाचार्य नंदिनी पडीले यांच्या मार्गदर्शनाखाली हे योग सत्र पार पडले. यावेळी समाज कल्याण सहायक आयुक्त यादव गायकवाड, सुवर्ण जगताप यांच्यासह इतर अधिकारी व कर्मचारी उपस्थित होते. याप्रसंगी विद्यार्थ्यांना मार्गदर्शन करताना श्रीमती पडीले यांनी सांगितले की, योग आणि व्यायामामुळे आपली स्मरणशक्ती, मानसिक स्वास्थ्य आणि शारीरिक स्वास्थ्य वाढते, जी आपल्या आयुष्यातील सर्वात मोठी संपत्ती आहे. त्यांनी विद्यार्थ्यांना सकाळी लवकर उठून आपली जीवनशैली बदलून सकारात्मक जीवनशैली स्वीकारण्यासाठी नियमित योग करण्याचे महत्त्व सांगितले. या विशेष शिबिराला वर्षा चौधरी, मुक्ता किर्दल, सनराईज योगा स्टुडिओच्या महिला सदस्या यांच्यासह समाज कल्याण विभागाचे अधिकारी, कर्मचारी आणि वसतिगृहाचे विद्यार्थी मोठ्या संख्येने उपस्थित होते.

Nitin Chalak

Media company शिरूर-अनंतपाळ, लातूर, महाराष्ट्र•

6 hrs ago

रविवार, दिनांक 21 जून 2026 रोजी आंतरराष्ट्रीय योग दिनानिमित्त लातूर येथे समाज कल्याण विभागातर्फे योग दिनाचा कार्यक्रम उत्साहात साजरा करण्यात आला. येथील मार्केट यार्ड, शिवनेरी गेट समोरील डॉ. बाबासाहेब आंबेडकर सामाजिक न्याय भवन सभागृहात आयोजित या विशेष योग सत्रात समाज कल्याण वसतिगृहातील विद्यार्थी व विद्यार्थिनी मोठ्या संख्येने सहभागी झाले होते. या कार्यक्रमाच्या

अध्यक्षस्थानी समाज कल्याण विभागाचे प्रादेशिक उपायुक्त अविनाश देवशेटवार हे होते. योगाचार्य नंदिनी पडीले यांच्या मार्गदर्शनाखाली हे योग सत्र पार पडले. यावेळी समाज कल्याण सहायक आयुक्त यादव गायकवाड, सुवर्ण जगताप यांच्यासह इतर अधिकारी व कर्मचारी उपस्थित होते. याप्रसंगी विद्यार्थ्यांना मार्गदर्शन करताना श्रीमती पडीले यांनी सांगितले की, योग आणि व्यायामामुळे आपली स्मरणशक्ती, मानसिक स्वास्थ्य

आणि शारीरिक स्वास्थ्य वाढते, जी आपल्या आयुष्यातील सर्वात मोठी संपत्ती आहे. त्यांनी विद्यार्थ्यांना सकाळी लवकर उठून आपली जीवनशैली बदलून सकारात्मक जीवनशैली स्वीकारण्यासाठी नियमित योग करण्याचे महत्त्व सांगितले. या विशेष शिबिराला वर्षा चौधरी, मुक्ता किर्दल, सनराईज योगा स्टुडिओच्या महिला सदस्या यांच्यासह समाज कल्याण विभागाचे अधिकारी, कर्मचारी आणि वसतिगृहाचे विद्यार्थी मोठ्या संख्येने उपस्थित होते.