ডিব্ৰুগড়ৰ বকপৰা চাহ বাগিচাত এক প্ৰকাণ্ড নাহৰফুটুকী পিঞ্জৰাবদ্ধ কৰা হৈছে। দীৰ্ঘদিন ধৰি এই বাঘটোৱে অঞ্চলটোৰ লোকসকলৰ মাজত সন্ত্ৰাসৰ সৃষ্টি কৰি আহিছিল।

ডিব্ৰুগড়ৰ বকপৰা চাহ বাগিচাত এক প্ৰকাণ্ড নাহৰফুটুকী পিঞ্জৰাবদ্ধ কৰা হৈছে। দীৰ্ঘদিন ধৰি এই বাঘটোৱে অঞ্চলটোৰ লোকসকলৰ মাজত সন্ত্ৰাসৰ সৃষ্টি কৰি আহিছিল।

দুলীয়াজানত এখন ব্যতিক্ৰমী বেনাৰ দেখা গৈছে, য'ত লিখা আছে, "তই চিন্তা নকৰিবি দুৰ্ভগীয়া বাবে আমি আছোঁ"। এই বেনাৰখনত জুবিন গাৰ্গ, সময় গগৈ আৰু মিষ্টাৰ বিটুৰ প্ৰতিচ্ছবিও দেখা গৈছে।

লাকুৱা তাপ বিদ্যুত প্ৰকল্পৰ অস্থায়ী ঠিকাভিত্তিক শ্ৰমিকসকলে আৰম্ভ কৰা আমৰণ অনশন আজি পঞ্চম দিনত ভৰি দিলে। শ্ৰমিকসকলৰ এই অনশন কাৰ্যসূচী অব্যাহত থকাৰ পিছতো, এতিয়ালৈকে বিভাগৰ কোনো উচ্চপদস্থ বিষয়া ঘটনাস্থলীত উপস্থিত হোৱা নাই। এই পৰিস্থিতিৰ মাজতে, অনশনকাৰীসকলে আজিৰ পৰা প্ৰশাসনৰ দ্বাৰা প্ৰদান কৰা যিকোনো চিকিৎসা সেৱা গ্ৰহণ নকৰিবলৈ সিদ্ধান্ত লৈছে।

খোৱাং খণ্ড প্ৰাথমিক স্বাস্থ্য কেন্দ্ৰৰ সন্মুখত একাংশ পদপথৰ দোকান আৰু অট’ চালকে সৃষ্টি কৰা যানজঁ‌টৰ বিৰুদ্ধে খোৱাং আঞ্চলিক ছাত্ৰ সন্থা আৰু চিকিৎসালয় কৰ্তৃপক্ষ সৰব হৈ পৰিছে। এই যানজঁটৰ সমস্যাই সাধাৰণ লোকৰ বাবে অসুবিধাৰ সৃষ্টি কৰিছে, যাৰ ফলত ছাত্ৰ সন্থা আৰু চিকিৎসালয় কৰ্তৃপক্ষই এই বিষয়টো গুৰুত্ব সহকাৰে লৈছে।

কেইবাটাও বছৰৰ অপেক্ষাৰ অন্তত তিনিচুকীয়াৰ তিনিকোণীয়া-শ্ৰীপুৰীয়া উৰণ সেতুখন ৰাইজৰ বাবে মুকলি কৰা হৈছে। কেবিনেট মন্ত্ৰী ৰামেশ্বৰ তেলীয়ে এই উৰণ সেতুখন তিনিচুকীয়াৰ বিধায়ক পুলক গোঁহাই আৰু মাকুমৰ বিধায়ক সঞ্জয় কিষাণৰ উপস্থিতিত আনুষ্ঠানিকভাৱে উদ্বোধন কৰে। উল্লেখ্য যে, এই উৰণ সেতুৰ নিৰ্মাণৰ কাম সাত বছৰ পূৰ্বে আৰম্ভ হৈছিল, যি সময়ত সৰ্বানন্দ সোনোৱাল মুখ্যমন্ত্ৰী হিচাপে কাৰ্যনিৰ্বাহ কৰি আছিল। প্ৰায় ৬৫ কোটি টকা ব্যয় সাপেক্ষে নিৰ্মিত ৭২০ মিটাৰ দৈঘ্যৰ এই উৰণ সেতুখনে এতিয়া যাতায়তৰ ক্ষেত্ৰত যথেষ্ট সহায় কৰিব। উৰণ সেতুখন মুকলি কৰাৰ পাছতেই এখন সভাৰো আয়োজন কৰা হৈছিল, য'ত স্থানীয় লোক আৰু আন গণ্যমান্য ব্যক্তিসকল উপস্থিত থাকে।

মাইবেলাস্থিত অসম শক্তি উৎপাদন নিগম লিমিটেডৰ অধীনস্থ লাকুৱা তাপ বিদ্যুৎ প্ৰকল্পৰ অস্থায়ী ঠিকাভিত্তিক শ্ৰমিকসকলে নিজৰ ন্যায্য প্ৰাপ্য আৰু অধিকাৰৰ দাবীত আমৰণ অনশন কাৰ্যসূচী আৰম্ভ কৰিছে। এই অনশনৰ বাতৰি প্ৰচাৰ হোৱাৰ পাছতেই মাহমৰা সমষ্টিৰ বিধায়ক সূৰ্য্য দিহিঙীয়া অনশনস্থলীত উপস্থিত হয়। বিধায়কগৰাকীয়ে শ্ৰমিকসকলে সন্মুখীন হোৱা বিভিন্ন সমস্যাৰ বিষয়ে বুজ লয়। তেওঁ আশা প্ৰকাশ কৰে যে দীৰ্ঘদিন ধৰি সমস্যাৰে জৰ্জৰিত হৈ থকা এই শ্ৰমিকসকলৰ দাবীসমূহ সংশ্লিষ্ট কৰ্তৃপক্ষই সহানুভূতিশীলভাৱে বিবেচনা কৰি অতি শীঘ্ৰেই এক ইতিবাচক সমাধান উলিয়াব।

২০২৬ চনৰ ২৮ জুন তাৰিখে কৃষিমন্ত্ৰী পীযূষ হাজৰিকাই নগাঁও জিলাৰ কন্দলীস্থিত বৰকচাৰী গাঁৱত অনুষ্ঠিত ধানৰ চাৰা ৰোপণ কাৰ্যসূচীত অংশগ্ৰহণ কৰে।

দুলীয়াজানৰ হোটেল অইল ফিল্ডৰ কাষত এটা সৰু দুৰ্ঘটনা সংঘটিত হোৱাৰ খবৰ পোৱা গৈছে।