वर्ध्याच्या हिंगणघाटात कॅन्सर रुग्णांसाठी हातात फलक घेऊन मदतीची साद हिंगणघाट ..वर्धा दिवसेंदिवस कॅन्सर रुग्णांची संख्या वाढत चालली असून या दुर्धर आजाराने अनेक कुटुंबांवर आर्थिक व मानसिक संकट ओढवले आहे. उपचारांचा प्रचंड खर्च परवडत नसल्याने अनेक रुग्णांना पैशांची तीव्र कमतरता भासते. अशा कठीण परिस्थितीत कॅन्सर रुग्णांच्या मदतीसाठी एका कार्यकर्त्यांनी हिंगणघाट येथे एक आगळावेगळा उपक्रम हाती घेतला आहे. हिंगणघाटच्या दत्त मंदिर रोडवर कार्यकर्ता हातात फलक घेऊन उभे राहून. त्या फलकावर “Please Donate for Cancer Patient” असा भावनिक संदेश लिहिलेला आहे. मदत मागताना कुठलीही जबरदस्ती नाही, तर नागरिकांनी स्वेच्छेने आणि आपल्या इच्छेनुसार सहकार्य करावे, हा या उपक्रमामागचा प्रामाणिक हेतू आहे. यासाठी एक दानपेटी आणि नोंदवही (रेकॉर्ड बुक) ठेवण्यात आली असून, पारदर्शक पद्धतीने मदतीची नोंद केली जाते. हा कार्यकर्ता ‘बोट’च्या माध्यमातूनही नागरिकांपर्यंत मदतीचे आवाहन करत आहेत. दर्शनीय फलक पाहून अनेक नागरिक उत्स्फूर्त प्रतिसाद देताना दिसत आहेत. कोणी थोडीशी रक्कम देत आहे, तर कोणी आपल्या परीने अधिक सहकार्य करत आहे. “फुल नाही, पण फुलांची पाकळी” या भावनेतून दिलेली ही मदत कॅन्सर रुग्णांसाठी आशेचा किरण ठरत आहे. कॅन्सरशी झुंज देणाऱ्या रुग्णांना आर्थिक आधार मिळावा आणि समाजात संवेदनशीलतेची जाणीव वाढावी, यासाठी सायटी फोर कॅन्सर अँड रिसर्च ऑर्गनायझेशन या संस्थेचा हा उपक्रम निश्चितच प्रेरणादायी ठरत आहे. समाजातील प्रत्येकाने आपल्या क्षमतेनुसार पुढाकार घेतला, तर अनेक गरजू कुटुंबांना नवजीवन मिळू शकते, असा संदेश या उपक्रमातून दिला जात आहे.

Ravi yenorkar PRESS -IN BCN NEWS

हिंगणघाट, वर्धा, महाराष्ट्र•

4 hrs ago