परळी वैजनाथ तालुक्यातील ओंकार शुगर युनिट क्र. ८ पांगरीने मार्च अखेरपर्यंत गाळप केलेल्या ऊसाची देयके घोषित दरानुसार न दिल्याने ऊस उत्पादक शेतकरी संघर्ष समितीने तीव्र नाराजी व्यक्त केली आहे. समितीच्या मते, ओंकार शुगरकडून शेतकऱ्यांची वारंवार दिशाभूल केली जात असून, घोषित दरानुसार संपूर्ण ऊस बिल या महिन्याखेर शेतकऱ्यांच्या खात्यात वर्ग न झाल्यास १ जूनपासून साखर कारखान्यासमोर बेमुदत सत्याग्रह आंदोलन करण्याचा इशारा देण्यात आला आहे. यापूर्वी, ओंकार शुगरने ऊस गाळप हंगाम सुरू होण्यापूर्वी ₹३०५० चा दर जाहीर केला होता, ज्यामध्ये ₹२९५० पहिला हप्ता आणि दिवाळीसाठी ₹१०० असे काही शेतकऱ्यांना बिल अदा केले. नियमानुसार गाळपानंतर पंधरा दिवसांत बिल देणे अपेक्षित असताना, तीन-चार महिन्यांचा विलंब झाला. ८ मे रोजी झालेल्या बेमुदत सत्याग्रह आंदोलनावेळी कारखाना प्रशासनाने २५ मेपर्यंत ₹२९५० प्रति टन दराने सर्व शेतकऱ्यांना देयके देण्याचे लेखी अभिवचन दिले होते. मात्र, त्यानंतर केवळ ₹१८०० प्रति टनाप्रमाणे देयक अदा करण्यात आले, आणि उर्वरित ₹११५० हे २५ मेपर्यंत देण्याचे कबूल केले. आता मे महिना संपत आला तरी ₹१८०० देखील सर्व शेतकऱ्यांना मिळालेले नाहीत आणि घोषित दरानुसार देयक अदा करण्याबाबत चालढकल सुरू आहे. या पार्श्वभूमीवर, बुधवार, २७ मे रोजी परिसरातील ऊस उत्पादक शेतकऱ्यांनी कारखान्यासमोर घोषणाबाजी करत प्रशासनाला निवेदन दिले. संघर्ष समितीने घोषित केलेल्या दरानुसार ऊस देयके मिळावीत यावर ठाम भूमिका घेतली आहे. राज्यातील इतर ५४ साखर कारखान्यांवर साखर आयुक्तांनी नियमांचे उल्लंघन केल्याबद्दल कारवाई केली असताना, बीड जिल्ह्यातील या साखर कारखान्याबाबत राज्य सरकार, साखर आयुक्त, जिल्हा प्रशासन आणि लोकप्रतिनिधी गप्प का, असा प्रश्न शेतकऱ्यांकडून उपस्थित केला जात आहे. या आंदोलनात संघर्ष समितीचे ॲड. अजय बुरांडे, ॲड. श्रीनिवास मुंडे, कॉ. मुरलीधर नागरगोजे, हनुमंत सोळंके, कॉ. भगवान बडे, रघुनाथ दादा देशमुख, हनुमंत लोंढे, कृष्णा कराड, धोंडीबा दिवटे, अशोक शिंदे, दत्तात्रय तिडके, प्रभाकर मुंडे, मनोहर मुंडे, बिभीषण गित्ते, अविनाश मुंडे, शरद गित्ते, सूर्यकांत तिडके यांच्यासह अनेक शेतकरी आंदोलक उपस्थित होते.

M. p. gitte

परळी, बीड, महाराष्ट्र•

1 hr ago

परळी वैजनाथ तालुक्यातील ओंकार शुगर युनिट क्र. ८ पांगरीने मार्च अखेरपर्यंत गाळप केलेल्या ऊसाची देयके घोषित दरानुसार न दिल्याने ऊस उत्पादक शेतकरी संघर्ष समितीने तीव्र नाराजी व्यक्त केली आहे. समितीच्या मते, ओंकार शुगरकडून शेतकऱ्यांची वारंवार दिशाभूल केली जात असून, घोषित दरानुसार संपूर्ण ऊस बिल या महिन्याखेर शेतकऱ्यांच्या खात्यात वर्ग न झाल्यास १ जूनपासून साखर कारखान्यासमोर बेमुदत सत्याग्रह आंदोलन करण्याचा इशारा देण्यात आला आहे. यापूर्वी, ओंकार शुगरने ऊस गाळप हंगाम सुरू होण्यापूर्वी ₹३०५० चा दर जाहीर केला होता, ज्यामध्ये ₹२९५० पहिला हप्ता आणि दिवाळीसाठी ₹१०० असे काही शेतकऱ्यांना बिल अदा केले. नियमानुसार गाळपानंतर पंधरा दिवसांत बिल देणे अपेक्षित असताना, तीन-चार महिन्यांचा विलंब झाला. ८ मे रोजी झालेल्या बेमुदत सत्याग्रह आंदोलनावेळी कारखाना प्रशासनाने २५ मेपर्यंत ₹२९५० प्रति टन दराने सर्व शेतकऱ्यांना देयके देण्याचे लेखी अभिवचन दिले होते. मात्र, त्यानंतर केवळ ₹१८०० प्रति टनाप्रमाणे देयक अदा करण्यात आले, आणि उर्वरित ₹११५० हे २५ मेपर्यंत देण्याचे कबूल केले. आता मे महिना संपत आला तरी ₹१८०० देखील सर्व शेतकऱ्यांना मिळालेले नाहीत आणि घोषित दरानुसार देयक अदा करण्याबाबत चालढकल सुरू आहे. या पार्श्वभूमीवर, बुधवार, २७ मे रोजी परिसरातील ऊस उत्पादक शेतकऱ्यांनी कारखान्यासमोर घोषणाबाजी करत प्रशासनाला निवेदन दिले. संघर्ष समितीने घोषित केलेल्या दरानुसार ऊस देयके मिळावीत यावर ठाम भूमिका घेतली आहे. राज्यातील इतर ५४ साखर कारखान्यांवर साखर आयुक्तांनी नियमांचे उल्लंघन केल्याबद्दल कारवाई केली असताना, बीड जिल्ह्यातील या साखर कारखान्याबाबत राज्य सरकार, साखर आयुक्त, जिल्हा प्रशासन आणि लोकप्रतिनिधी गप्प का, असा प्रश्न शेतकऱ्यांकडून उपस्थित केला जात आहे. या आंदोलनात संघर्ष समितीचे ॲड. अजय बुरांडे, ॲड. श्रीनिवास मुंडे, कॉ. मुरलीधर नागरगोजे, हनुमंत सोळंके, कॉ. भगवान बडे, रघुनाथ दादा देशमुख, हनुमंत लोंढे, कृष्णा कराड, धोंडीबा दिवटे, अशोक शिंदे, दत्तात्रय तिडके, प्रभाकर मुंडे, मनोहर मुंडे, बिभीषण गित्ते, अविनाश मुंडे, शरद गित्ते, सूर्यकांत तिडके यांच्यासह अनेक शेतकरी आंदोलक उपस्थित होते.