बीड नगरपालिकेने सहा वर्षांपूर्वी बीड शहराच्या मध्यभागी असलेल्या कॉफी सेंटर स्टेडियम कॉम्प्लेक्स येथे गरीब भाजीपाला आणि फळ विक्रेत्यांसाठी कोट्यवधी रुपये खर्चून एक दोन मजली इमारत माफक दरात बांधून दिली होती. मात्र, ही इमारत आता तिच्या मूळ उद्देशापासून भरकटली असून, तिने उनाड टप्पू, तळीराम बेवडे आणि आंबट शौकिनांचा अड्डा बनली आहे. विक्रेत्यांनी केवळ आपल्या नावावर या ठिकाणचे गाळे घेतले, परंतु प्रत्यक्षात त्यांनी तेथे भाजीपाला किंवा फळे विकण्यासाठी येणे बंद केले आहे. या परिस्थितीचा गैरफायदा घेत, परिसरात अनिष्ट कृत्ये वाढली आहेत. धक्कादायक बाब म्हणजे, नगरपालिकेतील काही राजकीय मंडळींनी जाणीवपूर्वक येथे सुलभ शौचालय आणि मुतारी सुरू केली, ज्यामुळे आजूबाजूच्या रहिवाशांना मोठा त्रास सहन करावा लागत आहे. इमारतीच्या चारही गेटवर मोठ्या प्रमाणात अतिक्रमणे झाली असून, वापराविना पडून असल्याने इमारतीतील संपूर्ण लाईट फिटिंगची वायरिंग चोरीला गेली आहे. कोविड-१९ काळात इमारत वापरासाठी दिली होती, मात्र त्याचाही बोजवारा उडाल्याचे दिसून येते. बीड शहरात अशी चर्चा आहे की, राजकीय नेत्यांनी फक्त इमारत उभी केली आणि नंतर तिला वाऱ्यावर सोडून दिले. इमारतीच्या परिसरात स्वच्छतेचा आणि देखभालीचा पूर्ण अभाव असल्याने अनेक जण या जागेचा उपयोग सुलभ शौचालय व मुतारी म्हणून करत आहेत. परिसरात सीसीटीव्ही फुटेज आणि घाण टाकणाऱ्यांवर कायदेशीर कारवाई करण्याबाबत मोठे लिखाण असूनही, प्रत्यक्षात कोणतीही कारवाई होताना दिसत नाही. या कोट्यवधी रुपयांच्या वास्तूचा उपयोग सर्वसामान्य नागरिक आणि भाजी विक्रेत्यांना कधी होणार, हा प्रश्न आता उपस्थित होत आहे. स्थानिक नागरिकांनी नगरपालिकेतील विद्यमान मुख्याधिकारी आणि सत्ताधारी लोकांनी या गंभीर बाबीकडे त्वरित लक्ष देण्याची मागणी केली आहे. बीडकर अपेक्षा व्यक्त करत आहेत की लवकरच ही इमारत सर्वसामान्यांच्या आणि भाजी विक्रीच्या उपयोगाला येईल.

बालाजी जगतकर

Farmer बीड, बीड, महाराष्ट्र•

2 hrs ago

बीड नगरपालिकेने सहा वर्षांपूर्वी बीड शहराच्या मध्यभागी असलेल्या कॉफी सेंटर स्टेडियम कॉम्प्लेक्स येथे गरीब भाजीपाला आणि फळ विक्रेत्यांसाठी कोट्यवधी रुपये खर्चून एक दोन मजली इमारत माफक दरात बांधून दिली होती. मात्र, ही इमारत आता तिच्या मूळ उद्देशापासून भरकटली असून, तिने उनाड टप्पू, तळीराम बेवडे आणि आंबट शौकिनांचा अड्डा बनली आहे. विक्रेत्यांनी केवळ आपल्या नावावर या ठिकाणचे गाळे घेतले, परंतु प्रत्यक्षात त्यांनी तेथे भाजीपाला किंवा फळे विकण्यासाठी येणे बंद केले आहे. या परिस्थितीचा गैरफायदा घेत, परिसरात अनिष्ट कृत्ये वाढली आहेत. धक्कादायक बाब म्हणजे, नगरपालिकेतील काही राजकीय मंडळींनी जाणीवपूर्वक येथे सुलभ शौचालय आणि मुतारी सुरू केली, ज्यामुळे आजूबाजूच्या रहिवाशांना मोठा त्रास सहन करावा लागत आहे. इमारतीच्या चारही गेटवर मोठ्या प्रमाणात अतिक्रमणे झाली असून, वापराविना पडून असल्याने इमारतीतील संपूर्ण लाईट फिटिंगची वायरिंग चोरीला गेली आहे. कोविड-१९ काळात इमारत वापरासाठी दिली होती, मात्र त्याचाही बोजवारा उडाल्याचे दिसून येते. बीड शहरात अशी चर्चा आहे की, राजकीय नेत्यांनी फक्त इमारत उभी केली आणि नंतर तिला वाऱ्यावर सोडून दिले. इमारतीच्या परिसरात स्वच्छतेचा आणि देखभालीचा पूर्ण अभाव असल्याने अनेक जण या जागेचा उपयोग सुलभ शौचालय व मुतारी म्हणून करत आहेत. परिसरात सीसीटीव्ही फुटेज आणि घाण टाकणाऱ्यांवर कायदेशीर कारवाई करण्याबाबत मोठे लिखाण असूनही, प्रत्यक्षात कोणतीही कारवाई होताना दिसत नाही. या कोट्यवधी रुपयांच्या वास्तूचा उपयोग सर्वसामान्य नागरिक आणि भाजी विक्रेत्यांना कधी होणार, हा प्रश्न आता उपस्थित होत आहे. स्थानिक नागरिकांनी नगरपालिकेतील विद्यमान मुख्याधिकारी आणि सत्ताधारी लोकांनी या गंभीर बाबीकडे त्वरित लक्ष देण्याची मागणी केली आहे. बीडकर अपेक्षा व्यक्त करत आहेत की लवकरच ही इमारत सर्वसामान्यांच्या आणि भाजी विक्रीच्या उपयोगाला येईल.