વડાપ્રધાન નરેન્દ્ર મોદીએ તેમના તાજેતરના ભાષણ દરમિયાન એક અપીલ કરી હતી.

આરપીએફ વાપી દ્વારા ટ્રેન અને સ્ટેશન પરથી મોબાઈલ ફોન અને બેગની ચોરી કરતા બે આરોપીઓને સફળતાપૂર્વક ઝડપી પાડવામાં આવ્યા છે.

વાપી રેલવે સ્ટેશન પર રેલવે પ્રોટેક્શન ફોર્સ (RPF) અને ગવર્નમેન્ટ રેલવે પોલીસ (GRP) એ સંયુક્ત રીતે સપાટો બોલાવીને મોબાઈલ અને બેગ ચોરીના બે રીઢા ગુનેગારોને ચોરાયેલા મુદ્દામાલ સાથે દબોચી લીધા છે. આ કાર્યવાહી દરમિયાન, ઉધના એક્સપ્રેસ ટ્રેનની બારીમાંથી ₹૧૨,૫૦૦નો મોબાઈલ સ્નેચિંગ કરીને ભાગી રહેલા વાપીના કચ્છીગામના રહેવાસી જયપ્રકાશ રામનરેશને રેલવે સ્ટાફે ઘેરી લઈને પકડી પાડ્યો હતો. અન્ય એક કિસ્સામાં, સ્ટેશન ઈસ્ટ બુકિંગ નજીક સૂતેલા એક મુસાફરની ₹૧૩,૦૦૦ની કિંમતના મોબાઈલ વાળી બેગ ચોરી કરીને ભાગતા વલસાડના મોગરાવાડીના રહેવાસી મુકેશ દેવારામ પવારને RPF દ્વારા પીછો કરીને ઝડપી લેવામાં આવ્યો હતો.

સુરત ગ્રામ્ય એલસીબીએ કડોદરા GIDC પોલીસ મથકની હદમાં, ચલથાણ ગામ નજીક મુંબઈ-અમદાવાદ નેશનલ હાઈવે નંબર 48 પર મોટી કાર્યવાહી કરી છે. એક ટેમ્પામાં ખાસ બનાવેલા ચોર ખાનામાં સંતાડીને સેલવાસથી ભાવનગર લઈ જવાતો વિદેશી દારૂનો જથ્થો ઝડપી પાડવામાં આવ્યો હતો. પોલીસે કુલ ₹10,50,780ના મુદ્દામાલ સાથે ટેમ્પાના ચાલક અને ક્લીનરની ધરપકડ કરી છે, જ્યારે દારૂ મંગાવનાર અને સપ્લાય કરનાર બે શખ્સોને વોન્ટેડ જાહેર કરવામાં આવ્યા છે. આ કામગીરી રાજ્યમાં ગેરકાયદે દારૂ અને જુગારની પ્રવૃત્તિઓ પર અંકુશ લાવવા માટે સુરત રેન્જના પોલીસ મહાનિરીક્ષકના માર્ગદર્શન હેઠળ અને સુરત ગ્રામ્ય પોલીસ અધિક્ષકના નિર્દેશ મુજબ 25 જૂનથી 30 જૂન 2026 દરમિયાન ચાલી રહેલી વિશેષ પ્રોહિબિશન ડ્રાઈવના ભાગરૂપે હાથ ધરવામાં આવી હતી. એલસીબી પોલીસ ઇન્સ્પેક્ટર એન.જી. પાંચાણીના માર્ગદર્શન હેઠળ અલગ-અલગ ટીમો બનાવી જિલ્લામાં સઘન પેટ્રોલિંગ અને વોચ રાખવામાં આવી રહી હતી. પેટ્રોલિંગ દરમિયાન મળેલી બાતમીના આધારે પોલીસે ચલથાણ રાજહંસ ટ્રાન્સપોર્ટ નગર સામે નાકાબંધી ગોઠવી GJ-19-Z-3764 નંબરના અશોક લેલેન્ડ "બડા દોસ્ત" ટેમ્પાને રોકી તપાસ કરતાં તેના ડાલા નીચે બનાવેલા ગુપ્ત ચોર ખાનામાંથી વિદેશી દારૂનો મોટો જથ્થો મળી આવ્યો હતો. પકડાયેલા આરોપીઓમાં પ્રશાંત ઉર્ફે કાળુ મનુભાઈ ભંભાણા (ઉ.વ. 27) અને ફનીત દિલીપભાઈ સોધાતર (ઉ.વ. 30)નો સમાવેશ થાય છે. જ્યારે સેલવાસથી દારૂ ભરાવનાર ભીમો અને ભાવનગર જિલ્લાના બોરડી ગામના નાગજીભાઈ શામજીભાઈ મકવાણાને વોન્ટેડ જાહેર કરાયા છે. તપાસમાં ટેમ્પા ચાલક સામે અગાઉ પણ પ્રોહિબિશન સહિતના અનેક ગુનાઓ નોંધાયેલા હોવાનું સામે આવ્યું છે. પોલીસે કાર્યવાહી દરમિયાન 283 બોટલ વિદેશી દારૂ (કિંમત ₹5,25,380), ટેમ્પો (₹5 લાખ), બે મોબાઇલ ફોન, રોકડ રકમ તથા લિક્વિડ ડિટરજન્ટ ભરેલા 21 કેરબાઓ સહિત કુલ ₹10,50,780નો મુદ્દામાલ જપ્ત કર્યો છે. ટેમ્પા સહિતનો સમગ્ર મુદ્દામાલ કબજે કરી આરોપીઓ સામે કાયદેસરની કાર્યવાહી કરીને કેસ કડોદરા GIDC પોલીસ સ્ટેશનને સોંપવામાં આવ્યો છે. આ સમગ્ર સફળ કામગીરી એલસીબી પોલીસ ઇન્સ્પેક્ટર એન. જી. પાંચાણીના માર્ગદર્શન હેઠળ એલસીબીની ટીમે સંયુક્ત રીતે પાર પાડી હતી.

નવરાત્રિ નજીક આવતા, જેમની શોપિંગ હજુ બાકી છે તેમના માટે ખુશ્બુ ફેશન દ્વારા નવરાત્રિ સ્પેશિયલ હેન્ડમેડ ચણિયાચોળીનું ધમાકેદાર કલેક્શન રજૂ કરવામાં આવ્યું છે. આ કલેક્શનમાં હેન્ડમેડ લેંઘા, ડિઝાઇનર બ્લાઉઝ અને સુંદર દુપટ્ટાનો સમાવેશ થાય છે. ખાસ ઓફર હેઠળ, ગ્રાહકોને ₹5,000 કે તેથી વધુની ખરીદી પર સાંઈ દાંડિયાનો સીઝન પાસ બિલકુલ મફત મળશે. ખુશ્બુ ફેશન નવસારીમાં સંતાદેવી રોડ, ગાંધી ફેક્ટરી રોડ પર, શોમનાથ મંદિર પાસે અને સ્વામિનારાયણ મંદિરની પાછળ આવેલું છે.

સુરત શહેરના ભેસ્તાન વિસ્તારમાં એક બેદરકાર ડમ્પરના કારણે થયેલા ગંભીર અકસ્માતમાં 2 લોકોએ પોતાનો જીવ ગુમાવ્યો હતો. આ મામલે પોલીસે તાત્કાલિક અને મોટી કાર્યવાહી કરીને અકસ્માત સર્જનાર બેદરકાર ડમ્પર ચાલકની ધરપકડ કરી લીધી છે.

સુરત જિલ્લા ગ્રામ્ય પોલીસે એક મોટી સફળતા મેળવી હોવાનું જાણવા મળ્યું છે. પોલીસ દ્વારા છેલ્લા 18 વર્ષથી ફરાર ચાલી રહેલા એક આરોપીની ધરપકડ કરવામાં આવી છે.

અમદાવાદ-મહેસાણા હાઈવેને ₹2630 કરોડના ખર્ચે 8 માર્ગીય બનાવવામાં આવશે.

નવસારી જિલ્લાના ચીખલી તાલુકાના રૂમલા ગામના મોપાડા ફળિયામાંથી એક ઘટના સામે આવી છે, જ્યાં રાત્રિના સમયે પાણીની શોધમાં નીકળેલો એક દીપડો ખુલ્લા કૂવામાં પડી ગયો હતો. આ ઘટનાની જાણ સવારે કૂવાના માલિક ધર્મેશભાઈને થતાં જ તેમણે તુરંત વન વિભાગનો સંપર્ક કર્યો હતો. માહિતી મળતા જ વન વિભાગના અધિકારીઓ તાબડતોબ ઘટનાસ્થળે પહોંચી ગયા હતા અને સ્થાનિકોની મદદથી દીપડાને કૂવામાંથી એકદમ સુરક્ષિત રીતે બહાર કાઢી લેવામાં આવ્યો હતો. દીપડાના સફળ રેસ્ક્યુ બાદ વન વિભાગ દ્વારા આગળની કાર્યવાહી શરૂ કરવામાં આવી છે.

સુરતમાં DCP પોલીસ સ્ટેશન સામે આવેલી એક જૂની ઇમારતની છત ધરાશાયી થઈ હતી. આ દુર્ઘટનામાં એક વૃદ્ધ અંધ વ્યક્તિ સહિત 5 થી 6 લોકોને ફાયર બ્રિગેડ દ્વારા સફળતાપૂર્વક બચાવી લેવામાં આવ્યા હતા.