સુરત જિલ્લા ગ્રામ્ય પોલીસે એક મોટી સફળતા મેળવી હોવાનું જાણવા મળ્યું છે. પોલીસ દ્વારા છેલ્લા 18 વર્ષથી ફરાર ચાલી રહેલા એક આરોપીની ધરપકડ કરવામાં આવી છે.

કડોદરા GIDC પોલીસ મથકના પોલીસ ઇન્સ્પેક્ટર વી. એ. દેસાઈના માર્ગદર્શન હેઠળ વિસ્તારમાં ગેરકાયદેસર રીતે સંચાલિત થતા ટ્રાન્સપોર્ટ ગોડાઉનો સામે એક વિશેષ ચેકિંગ અભિયાન શરૂ કરવામાં આવ્યું છે. આ અભિયાનનો મુખ્ય હેતુ ભાડા કરાર વગર ચાલતા ગોડાઉનોની તપાસ કરી કાયદો અને વ્યવસ્થા જાળવવાનો તેમજ કોઈપણ પ્રકારની ગેરકાયદેસર પ્રવૃત્તિઓને અટકાવવાનો છે. પોલીસ ઇન્સ્પેક્ટર વી. એ. દેસાઈએ જણાવ્યું હતું કે કડોદરા GIDC વિસ્તારમાં અનેક ટ્રાન્સપોર્ટ ગોડાઉનો કાર્યરત છે. કાયદા મુજબ, તમામ ગોડાઉન સંચાલકોએ મિલકત માલિક સાથેનો માન્ય ભાડા કરાર (રેન્ટ એગ્રીમેન્ટ) રાખવો ફરજિયાત છે. આ ઉપરાંત, ગોડાઉનમાં કામ કરતા કર્મચારીઓ તથા સંચાલકોની સંપૂર્ણ વિગતો પોલીસ પાસે નોંધાવવી પણ જરૂરી છે. તેમણે સ્પષ્ટ કર્યું કે ભાડા કરાર વિના ગોડાઉન ચલાવવાથી કાયદાકીય મુશ્કેલીઓ ઊભી થઈ શકે છે અને અસામાજિક તત્વો આવા સ્થળોનો દુરુપયોગ કરી શકે છે. તેથી, દરેક ટ્રાન્સપોર્ટ ગોડાઉનનું સઘન ચેકિંગ કરવામાં આવી રહ્યું છે અને જ્યાં જરૂરી દસ્તાવેજો ઉપલબ્ધ નહીં હોય અથવા નિયમોનું પાલન નહીં કરવામાં આવતું હોય ત્યાં કાયદેસરની કાર્યવાહી કરવામાં આવશે. પોલીસે ટ્રાન્સપોર્ટ વ્યવસાય સાથે સંકળાયેલા તમામ ગોડાઉન માલિકો અને સંચાલકોને અપીલ કરી છે કે તેઓ પોતાના ભાડા કરાર, કર્મચારીઓની વિગતો અને અન્ય જરૂરી દસ્તાવેજો સમયસર પૂર્ણ કરી કાયદાનું પાલન કરે. પોલીસનું આ અભિયાન આગામી દિવસોમાં પણ સતત ચાલુ રહેશે અને નિયમોનું ઉલ્લંઘન કરનારાઓ સામે કડક કાર્યવાહી કરવામાં આવશે. પોલીસના આ પગલાથી વિસ્તારમાં ગેરકાયદેસર પ્રવૃત્તિઓ પર નિયંત્રણ આવશે તેમજ ટ્રાન્સપોર્ટ વ્યવસાય વધુ પારદર્શક અને સુરક્ષિત બનશે તેવી આશા વ્યક્ત કરવામાં આવી છે.

સુરત જિલ્લા ગ્રામ્ય પોલીસે એક મોટી સફળતા મેળવી હોવાનું જાણવા મળ્યું છે. પોલીસ દ્વારા છેલ્લા 18 વર્ષથી ફરાર ચાલી રહેલા એક આરોપીની ધરપકડ કરવામાં આવી છે.

કડોદરા GIDC પોલીસ સ્ટેશન વિસ્તારમાં શરીર સંબંધિત ગુનાઓ આચરનાર આરોપી ઓમ વાંસફોડીયાની કડોદરા GIDC પોલીસે પાસા (પ્રિવેન્શન ઓફ એન્ટી-સોશિયલ એક્ટિવિટીઝ એક્ટ) હેઠળ અટકાયત કરી છે. પોલીસે આરોપીને રાજકોટ મધ્યસ્થ જેલ ખાતે મોકલી આપ્યો છે.

સુરત ગ્રામ્યના બારડોલી ગ્રામ્ય પોલીસ દ્વારા ખેતીની મોટર, કેબલ અને ડાયમંડ ચોરીના કુલ 7 ગુનાઓનો પર્દાફાશ કરવામાં આવ્યો છે. બારડોલી ગ્રામ્ય પોલીસ દ્વારા હાથ ધરવામાં આવેલી આ કાર્યવાહીમાં પોલીસે 4 આરોપીઓની ધરપકડ કરી છે. પકડાયેલા આરોપીઓ પાસેથી પોલીસે કુલ 1 લાખ 71 હજાર 740 રૂપિયાનો ચોરીનો મુદ્દામાલ જપ્ત કર્યો છે. સુરત ગ્રામ્ય અને બારડોલી ગ્રામ્ય પોલીસ ટીમ દ્વારા આ સફળતાપૂર્વક કાર્યવાહી પાર પાડવામાં આવી છે.

સુરતમાં એક ઇકો કારમાંથી ₹5.16 લાખની કિંમતનો વિદેશી દારૂનો જથ્થો જપ્ત કરવામાં આવ્યો છે. જોકે, દારૂ સાથે કાર ઝડપાતા જ તેનો ચાલક ઘટનાસ્થળેથી ફરાર થઈ ગયો હતો.

સુરતમાં પર્યાવરણ સંરક્ષણ માટે એક ઐતિહાસિક જનઅભિયાન હાથ ધરવામાં આવ્યું હતું, જેમાં એક જ દિવસમાં 25 હજારથી વધુ વૃક્ષોનું સામૂહિક વૃક્ષારોપણ કરવામાં આવ્યું. આ કાર્યક્રમમાં કેન્દ્રીય જળ શક્તિ મંત્રી સી.આર. પાટીલની ઉપસ્થિતિ રહી હતી, જેમાં સુરત મહાનગરપાલિકા, જિલ્લા પ્રશાસન, પોલીસ, ભાજપ, સામાજિક સંસ્થાઓ અને હજારો નાગરિકો ઉત્સાહભેર જોડાયા હતા. આ અવસરે સી.આર. પાટીલે "એક પેડ મા કે નામ" અભિયાનનો ઉલ્લેખ કર્યો, જેને દેશભરમાં વ્યાપક જનસમર્થન મળ્યું છે. તેમણે દરેક નાગરિકને પોતાની માતાના નામે એક વૃક્ષ વાવી તેની સંભાળ રાખવા અપીલ કરી હતી. સુરતમાં મિયાવાકી પદ્ધતિનો ઉપયોગ કરીને ઓછી જગ્યામાં વધુ ઘનત્વ સાથે ઓક્સિજન આપતા વૃક્ષોનું વાવેતર કરવામાં આવ્યું હતું. પાટીલે જણાવ્યું હતું કે વધતા પ્રદૂષણ અને ઘટતા હરિયાળા વિસ્તાર વચ્ચે આવા અભિયાન પર્યાવરણનું સંતુલન જાળવવામાં મહત્વપૂર્ણ સાબિત થશે. તેમણે કાર્યક્રમની સફળતા બદલ સુરત મહાનગરપાલિકા, જિલ્લા પ્રશાસન, પોલીસ, ભાજપ, સામાજિક સંસ્થાઓ, વિદ્યાર્થીઓ અને સ્વયંસેવકોનો આભાર વ્યક્ત કર્યો હતો. જળ સંરક્ષણ અંગે વાત કરતા, કેન્દ્રીય મંત્રીએ સંભવિત અલ નીનોની અસરને ધ્યાનમાં રાખીને કેન્દ્ર સરકાર "જળ સંચય–જન ભાગીદારી" અભિયાનને જનઆંદોલન બનાવી રહી હોવાનું જણાવ્યું. તેમણે માહિતી આપી કે દેશભરમાં અત્યાર સુધી અંદાજે 1.55 કરોડ જળ સંરક્ષણ માળખાં તૈયાર થયા છે, જ્યારે આ વર્ષે 2 કરોડ માળખાં બનાવવાનું લક્ષ્ય રાખવામાં આવ્યું છે. પાટીલે કહ્યું કે વરસાદ ઓછો પડે તો પણ સંચિત પાણી પીવાના પાણી, ખેતી અને પશુપાલન માટે ઉપયોગી બનશે. અંતે, તેમણે જળ સંરક્ષણ અને વૃક્ષારોપણને માત્ર સરકારની જ નહીં, પરંતુ સમગ્ર સમાજની સામૂહિક જવાબદારી ગણાવી સૌને સક્રિય ભાગીદારી માટે અપીલ કરી.

ક્રાઈમ બ્રાન્ચ સુરત સિટીએ કતારગામ વિસ્તારમાંથી ₹14 લાખની કિંમતના ગાંજા સાથે ત્રણ આરોપીઓની ધરપકડ કરી છે. DCB સુરત સિટીએ આ કાર્યવાહી કરીને તેમને દબોચી લીધા હતા.

સુરત શહેરના ભેસ્તાન વિસ્તારમાં એક હૃદયદ્રાવક ઘટના સામે આવી છે, જ્યાં એક ડમ્પર ચાલકે મોપેડ પર સવાર માતા અને તેમની બાળકીને કચડી નાખ્યા હતા. આ ઘટનામાં મોપેડ પર સવાર માતા રૂખસાર અને તેમની બાળકી ઝૈનબ ડમ્પરની અડફેટે આવ્યા હતા.