मानोरा तालुक्यात पावसाच्या उशिरा आगमनामुळे संत्रा बागांना आवश्यक ताण (तडण) मिळाल्याने यंदा मृग बहार जोमात फुटला आहे. या अनुकूल परिस्थितीमुळे संत्रा उत्पादक शेतकऱ्यांमध्ये समाधानाचे वातावरण असून यंदा भरघोस उत्पादनाची आशा निर्माण झाली आहे. आसोलाखुर्द, आसोला बु, कोंडोली, कार्ली, तळप, विठोली, कारखेडा, वरोली, देऊरवाडी, चिखली, घानोरा, सोयजना, गादेगाव आणि वाई गौळ यांसारख्या गावांतील बागांमध्ये मृग बहार मोठ्या प्रमाणात दिसून येत आहे. गतवर्षी परिस्थिती पूर्णपणे वेगळी होती. उन्हाळ्यात अवकाळी पावसाने हजेरी लावल्यामुळे झाडांवरील ताण कमी झाला होता आणि त्यानंतर अचानक वाढलेल्या तापमानामुळे फुलगळ होऊन शेतकऱ्यांचे लाखो रुपयांचे नुकसान झाले होते. मात्र, यावर्षी सुरुवातीच्या तीव्र उष्णतेमुळे काही झाडे सुकली असली तरी, पावसाच्या विलंबामुळे बहुतांश बागांना पोषक वातावरण लाभले आहे. तालुक्यातील संत्राबागा पुन्हा एकदा बहरल्यामुळे दर्जेदार उत्पादन होऊन चांगले उत्पन्न मिळेल, अशी आशा व्यक्त करत शेतकऱ्यांच्या चेहऱ्यावर आनंद झळकत आहे.

कु.मोनाली अनिल राठोड

पत्रकार मानोरा, वाशिम, महाराष्ट्र•

10 hrs ago

मानोरा तालुक्यात पावसाच्या उशिरा आगमनामुळे संत्रा बागांना आवश्यक ताण (तडण) मिळाल्याने यंदा मृग बहार जोमात फुटला आहे. या अनुकूल परिस्थितीमुळे संत्रा उत्पादक शेतकऱ्यांमध्ये समाधानाचे वातावरण असून यंदा भरघोस उत्पादनाची आशा निर्माण झाली आहे. आसोलाखुर्द, आसोला बु, कोंडोली, कार्ली, तळप, विठोली, कारखेडा, वरोली, देऊरवाडी, चिखली, घानोरा, सोयजना, गादेगाव आणि वाई गौळ यांसारख्या गावांतील बागांमध्ये मृग बहार मोठ्या प्रमाणात दिसून येत आहे. गतवर्षी परिस्थिती पूर्णपणे वेगळी होती. उन्हाळ्यात अवकाळी पावसाने हजेरी लावल्यामुळे झाडांवरील ताण कमी झाला होता आणि त्यानंतर अचानक वाढलेल्या तापमानामुळे फुलगळ होऊन शेतकऱ्यांचे लाखो रुपयांचे नुकसान झाले होते. मात्र, यावर्षी सुरुवातीच्या तीव्र उष्णतेमुळे काही झाडे सुकली असली तरी, पावसाच्या विलंबामुळे बहुतांश बागांना पोषक वातावरण लाभले आहे. तालुक्यातील संत्राबागा पुन्हा एकदा बहरल्यामुळे दर्जेदार उत्पादन होऊन चांगले उत्पन्न मिळेल, अशी आशा व्यक्त करत शेतकऱ्यांच्या चेहऱ्यावर आनंद झळकत आहे.