পশ্চিম যোৰহাটৰ পাণীচকুৱা বুঢ়া নামঘৰত শ্ৰীমদ্ভাগৱত পাঠৰ শুভআৰম্ভ হৈছে। নৱনিৰ্মিত তোৰণ উদ্ধোধন, সামূহিক চাফাইকে ধৰি বিভিন্ন ধৰ্মীয় কাৰ্যসূচীৰে আজি এক উৎসৱমুখৰ পৰিৱেশ সৃষ্টি হয়। কাইলৈ স্থানীয় শিশু শিল্পীৰ দ্বাৰা 'একলব্যৰ গুৰু দক্ষিণা' ভাওনা প্ৰদৰ্শন কৰা হ'ব।

পশ্চিম যোৰহাটৰ পাণীচকুৱা বুঢ়া নামঘৰত শ্ৰীমদ্ভাগৱত পাঠৰ শুভআৰম্ভ হৈছে। নৱনিৰ্মিত তোৰণ উদ্ধোধন, সামূহিক চাফাইকে ধৰি বিভিন্ন ধৰ্মীয় কাৰ্যসূচীৰে আজি এক উৎসৱমুখৰ পৰিৱেশ সৃষ্টি হয়। কাইলৈ স্থানীয় শিশু শিল্পীৰ দ্বাৰা 'একলব্যৰ গুৰু দক্ষিণা' ভাওনা প্ৰদৰ্শন কৰা হ'ব।

লখিমপুৰৰ হাতীগড়ীয়া গাঁৱত ধৰ্মকান্ত নামৰ এগৰাকী মাতাল লোকে উৎপাত কৰাত ৰাইজ অতিষ্ঠ হৈ পৰে। পৰিস্থিতি চম্ভালিব নোৱাৰি ৰাইজে তেওঁক বান্ধি আৰক্ষীক চমজাই দিয়ে।

আজি লাকুৱাত অসম জাতীয়তাবাদী যুৱ ছাত্ৰ পৰিষদৰ উদ্যোগত কৃতী ছাত্ৰ-ছাত্ৰীসকলক অভিনন্দন জনোৱা হয়। এই অনুষ্ঠানত অঞ্চলটোৰ বিভিন্ন ক্ষেত্ৰত পাৰদৰ্শিতা দেখুওৱা শিক্ষাৰ্থীসকলক উৎসাহিত কৰা হয়। এই অভিনন্দন অনুষ্ঠানতে দুগৰাকী বিশেষ ছাত্ৰ-ছাত্ৰীক শাখা সাহিত্য সভাৰ ‘সাহিত্যপ্ৰাণ খগেশ্বৰ চেতিয়া ফুকন শৈক্ষিক ন্যাস পুঁজি বঁটা-২০২৬’ প্ৰদান কৰা হয়। ইয়াৰ উপৰিও, ২০২৩ বৰ্ষৰ পৰা ক্ৰমাগতভাৱে এই বছৰ চতুৰ্থবাৰৰ বাবে লাকুৱাৰ ম’ডেল ইংলিছ স্কুলে ‘শ্ৰেষ্ঠ বঁটা’ লাভ কৰিবলৈ সক্ষম হৈছে।

মূল্য বৃদ্ধি ৰোধ কৰাৰ দাবীৰে আটাছুৰ মৰাণ আঞ্চলিক সমিতিয়ে মৰাণত এক প্ৰতিবাদী কাৰ্যসূচী ৰূপায়ণ কৰে।

পদ্মশ্ৰী হেমপ্ৰভা চুতীয়াই চৰকাৰৰ ভূমিকাত গভীৰ হতাশা ব্যক্ত কৰিছে। এই হতাশাৰ বাবেই তেওঁ তাঁতশালত ধৰ্মগ্ৰন্থ বোৱাৰ নিজৰ কাম বন্ধ কৰাৰ সিদ্ধান্ত লৈছে।

উজনি অসমৰ যোৰহাটত প্ৰথমবাৰৰ বাবে ৰাজ্যিক ভিত্তিত আন্তঃক্লাব ৱাটাৰ প'ল প্ৰতিযোগিতাৰ আয়োজন কৰা হৈছে। ৪০সংখ্যক প্ৰতিষ্ঠা দিৱসৰ লগত সংগতি ৰাখি অনুষ্ঠিত এই প্ৰতিযোগিতাত বিভিন্ন জিলাৰ ১০টা দলে অংশগ্ৰহণ কৰিছে, যাৰ ভিতৰত তিনিটা ছোৱালীৰ দল আৰু সাতটা ল'ৰাৰ দল আছিল। এই প্ৰতিযোগিতাৰ সময়ত ১৭গৰাকী প্ৰতিষ্ঠাপক সদস্যক সম্বৰ্ধনা জনোৱা হয়।

বৃহত্তৰ শিৱসাগৰ নাগৰিক মঞ্চৰ উদ্যোগত আৰু শিৱসাগৰবাসীৰ সহযোগত শিৱসাগৰৰ ৰংপুৰজ্যোতি ক্লাৱত এখনি ৰাজহুৱা সভা অনুষ্ঠিত হয়। এই সভাৰ মূল উদ্দেশ্য আছিল শিৱসাগৰ সমষ্টিৰ পৰা জিলা আয়ুক্তৰ কাৰ্যালয় স্থানান্তৰ কৰাৰ চিন্তাৰ প্ৰতিবাদ জনোৱা আৰু প্ৰস্তাৱিত বিজ্ঞান যাদুঘৰ শিৱসাগৰতে স্থাপনৰ দাবী উত্থাপন কৰা। সভাত শিৱসাগৰৰ বহু সমাজ সচেতন ব্যক্তিয়ে অংশগ্ৰহণ কৰি নিজ নিজ ভাষণত আয়ুক্ত কাৰ্যালয় আৰু প্ৰস্তাৱিত বিজ্ঞান যাদুঘৰ স্থানান্তৰিত কৰিবলৈ লোৱা চিন্তাৰ তীব্ৰ বিৰোধিতা কৰে। দুটা বিষয়ৰ ওপৰত বিস্তৃত আলোচনা অনুষ্ঠিত হোৱাৰ পাছত ৰাজহুৱা সভাই কেইবাটাও গুৰুত্বপূৰ্ণ প্ৰস্তাৱ গ্ৰহণ কৰে। সভাত সৰ্বসন্মত সিদ্ধান্ত লোৱা হয় যে, কোনো কাৰণতে শিৱসাগৰ সমষ্টিৰ পৰা আয়ুক্ত কাৰ্যালয় স্থানান্তৰ কৰিবলৈ দিয়া নহ'ব। ইয়াৰ উপৰিও, শিৱসাগৰত স্থাপন হ'বলগীয়া বিজ্ঞান যাদুঘৰ যাতে শিৱসাগৰ সমষ্টিৰ পৰা আন ঠাইলৈ স্থানান্তৰ নকৰে, তাৰ বাবে বিধায়ক মহোদয়ক বিহিত ব্যৱস্থা গ্ৰহণ কৰিবলৈ এখন পত্ৰ প্ৰেৰণ কৰাৰ সিদ্ধান্তও সভাত গ্ৰহণ কৰা হয়।

শিৱসাগৰত সদৌ অসম সুলভ মূল্য ব্যৱসায়ী সন্থাই এক ৰাজ্যিক পৰ্যায়ৰ সংবাদ মেল সম্বোধন কৰি চৰকাৰী হেঁচা আৰু সময়মতে নূন্যতম কমিচন লাভ নকৰাৰ ফলত এগৰাকী সুলভ মূল্যৰ ব্যৱসায়ীয়ে আত্মহত্যা কৰাৰ অভিযোগ উত্থাপন কৰিছে। সন্থাৰ অভিযোগ অনুসৰি, আৰ্থিক দৈন্যতাত ভূগি মাহমুদ আলি নামৰ এজন সুলভ মূল্যৰ ব্যৱসায়ীয়ে একমাত্ৰ কন্যা আৰু পত্নীক এৰি আত্মহননৰ দৰে কৰুণ সিদ্ধান্ত ল'বলৈ বাধ্য হৈছিল। সন্থাই জানিবলৈ দিয়া মতে, নিৰ্ধাৰিত দুটা মাহৰ কমিচন সঠিক সময়ত লাভ নকৰাৰ বাবেই মাহমুদ আলিয়ে এনে চৰম পন্থা গ্ৰহণ কৰিছিল। তদুপৰি, কেন্দ্ৰীয় সমিতিয়ে অভিযোগ কৰিছে যে বিগত সময়ৰ মুঠ ৩৭২ কোটি টকাৰ বকেয়া বৰ্তমানেও অনাদায় হৈ আছে। শিৱসাগৰ জিলা সমিতিৰ পৌৰহিত্যত অনুষ্ঠিত এই সংবাদ মেলত জিলা সমিতিয়ে ই'পজ মেচিনৰ ভয়ংকৰ বিসংগতি সম্পৰ্কেও এক গুৰুতৰ অভিযোগ উত্থাপন কৰে। জিলা সমিতিৰ মতে, এই স্বয়ংক্ৰিয় ই'পজ মেচিনে সামগ্ৰীৰ মজুদকৰণৰ ভুল তথ্য দিয়াৰ ফলত ব্যৱসায়ীসকলে যথেষ্ট লোকচানৰ সন্মুখীন হৈ আহিছে, যাৰ ফলত মাহমুদ আলিৰ দৰে ব্যৱসায়ীসকলে চৰম পন্থা ল'বলৈ বাধ্য হৈছে। এই সমগ্ৰ বিষয়টোৰ সন্দৰ্ভত সন্থাই অসামৰিক খাদ্য আৰু যোগান বিভাগৰ হস্তক্ষেপ দাবী কৰাৰ লগতে মাহমুদ আলিৰ পৰিয়ালক উপযুক্ত ক্ষতিপূৰণ আৰু আন ক্ষতিগ্ৰস্ত ব্যৱসায়ীসকলকো ক্ষতিপূৰণ আদায়ৰ দাবী জনাইছে। আজিৰ সংবাদ মেলত ৰাজ্যিক সভাপতি ধৰণীধৰ বড়া, কাৰ্য্যকৰী সভাপতি হৰি নাৰায়ণ দত্ত, সাধাৰণ সম্পাদক গুঞ্জন কুমাৰ বৰাৰ লগতে শিৱসাগৰ জিলা সমিতিৰ সভাপতি সিদ্ধাৰ্থ চেতিয়া আৰু সাধাৰণ সম্পাদক নেকিবদ্দিন আহমেদ উপস্থিত আছিল।