સુરેન્દ્રનગર જિલ્લાના લીંબડી તાલુકાના મોટા ટીમલા ગામમાંથી એક વ્યક્તિ બંદૂક સાથે ઝડપાયો છે. આ ઘટનાની વધુ વિગતો ઉપલબ્ધ નથી.

સુરેન્દ્રનગર જિલ્લાના લીંબડી તાલુકાના મોટા ટીમલા ગામમાંથી એક વ્યક્તિ બંદૂક સાથે ઝડપાયો છે. આ ઘટનાની વધુ વિગતો ઉપલબ્ધ નથી.

ધ્રાંગધ્રાના કોંઢ ગામે પાવર ગ્રીડ કંપની દ્વારા વીજ લાઈનના થાંભલા નાખવાની કામગીરી ચાલી રહી હતી, ત્યારે ખેડૂતો દ્વારા તેનો ભારે વિરોધ કરવામાં આવ્યો. ખેડૂતો પોતાની જમીન માટે યોગ્ય વળતરની માંગ સાથે રસ્તા પર ઉતરી આવ્યા હતા. પરિસ્થિતિ અત્યંત તંગ બનતા પોલીસે તાત્કાલિક કાર્યવાહી હાથ ધરી હતી. આ કાર્યવાહી દરમિયાન 40થી વધુ ખેડૂતોની અટકાયત કરવામાં આવી હોવાનું સામે આવ્યું છે. હાલ સમગ્ર વિસ્તારમાં કોઈપણ અનિચ્છનીય બનાવ ન બને તે માટે ચુસ્ત પોલીસ બંદોબસ્ત ગોઠવી દેવામાં આવ્યો છે.

અમદાવાદ જિલ્લાના ધંધુકા ખાતે આગામી તા. ૨૮/૦૫/૨૦૨૬ ના રોજ ઉજવવામાં આવનાર મુસ્લિમ સમાજના બકરી ઈદ (ઈદ ઉલ અદાહ) પર્વને શાંતિપૂર્ણ માહોલમાં ઉજવી શકાય અને કોઈ પણ અનિચ્છનીય ઘટના ન બને તે હેતુસર આજરોજ એક શાંતિ સમિતિની બેઠકનું આયોજન કરવામાં આવ્યું હતું. આ બેઠકમાં ઓમ પ્રકાશ જાટ, મહે. પોલીસ અધિક્ષક શ્રી અમદાવાદ ગ્રામ્ય, અમદાવાદની વિશેષ ઉપસ્થિતિ રહી હતી. આ પ્રસંગે કાયદો અને વ્યવસ્થા જાળવવા તથા સોશિયલ મીડિયા પર કોઈપણ પ્રકારની અફવા કે ઉશ્કેરણીજનક પોસ્ટથી દૂર રહેવા માટે સૂચનાઓ આપવામાં આવી હતી. પોલીસ તંત્ર દ્વારા સ્પષ્ટતા કરવામાં આવી હતી કે ધંધુકા વિસ્તારમાં તહેવાર દરમિયાન પૂરતી પોલીસ બંદોબસ્ત વ્યવસ્થા ગોઠવવામાં આવશે, જેથી લોકો નિર્ભય રીતે પર્વની ઉજવણી કરી શકે.

મોરબી મ્યુનિસિપલ કોર્પોરેશનની પ્રથમ બેઠક આજે યોજાઈ હતી. આ બેઠકમાં કુલ 52 BJP કોર્પોરેટરોમાંથી તમામ 52 કોર્પોરેટર હાજર રહ્યા હતા. આ દરમિયાન, ઉત્તમભાઈ સુરાણીને મેયર અને ચિરાગભાઈ રણપારાને ડેપ્યુટી મેયર તરીકે નિયુક્ત કરવામાં આવ્યા.

બોટાદ જિલ્લાના ગઢડામાં ઘેલો નદી રીવર ફ્રન્ટ પાસે આવેલા નાળા પર એક મોટો ખાડો પડ્યો છે. આ નાળું ઘેલો નદી પાસે ખોડિયાર મંદિર નજીક આવેલું છે અને રાજકોટ, જસદણ, માંડવધાર, કેરાળા, રામપરા, વાવડી, રોજમાળ, ભડલી સહિતના અનેક ગામોમાં જવા માટેનો મુખ્ય માર્ગ છે. રોજ મોટી સંખ્યામાં વાહનો આ નાળા પરથી પસાર થતા હોવાથી વાહનચાલકોમાં કોઈ મોટી દુર્ઘટના સર્જાય તેવી ગંભીર ભીતિ વ્યાપી છે. આથી, વાહનચાલકો દ્વારા તાત્કાલિક ધોરણે નાળાના સમારકામની માંગ કરવામાં આવી રહી છે. આ મામલે નગરપાલિકાના ચીફ ઓફિસર ડી. જી. પ્રજાપતિએ જણાવ્યું હતું કે, તેમના ધ્યાન પર આ ખાડાની જાણ થતા જ નાળા પર બેરીકેટ મૂકી દેવામાં આવ્યા છે. તેમણે ખાતરી આપી હતી કે, હાલમાં કોઈ અણબનાવ ન બને તે માટે આજે રાત્રે જ સીસી કરીને ખાડો પૂરી દેવામાં આવશે. ચીફ ઓફિસરે એ પણ માહિતી આપી હતી કે, આ જગ્યાએ નવા નાળા માટે મંજૂરી મળી ગઈ છે અને તેનો વર્ક ઓર્ડર પણ આપી દેવામાં આવ્યો છે.

સુરતમાં 'નો ડ્રગ્સ ઇન સુરત સિટી' અભિયાન અંતર્ગત ઉત્રાણ પોલીસે કઠોર ગામ નજીકથી મોટી કાર્યવાહી કરતા ત્રણ આરોપીઓને ડ્રગ્સના જથ્થા સાથે રંગેહાથ પકડ્યા છે. પોલીસે કુલ ₹6,18,190નો મુદ્દામાલ જપ્ત કર્યો છે. બાતમીના આધારે ઉત્રાણ પોલીસની ટીમોએ સરકારી પંચોને સાથે રાખીને કઠોર બસ સ્ટેશનથી માનસરોવર તરફ જતા રોડ પર રેઇડ પાડી હતી. આ રેઇડ દરમિયાન બ્લેક કલરની સ્કોર્પિયો ગાડીમાંથી ચેતન ભરવાડ, મોહમ્મદ તોસીફ શેખ અને યાકીબ જુનેદ શેખ નામના ત્રણ આરોપીઓની ધરપકડ કરવામાં આવી હતી. પોલીસે આરોપીઓ પાસેથી 8.74 ગ્રામ મેફેડ્રોન (MD) ડ્રગ્સ, સ્કોર્પિયો ફોર-વ્હીલર ગાડી, 4 મોબાઈલ ફોન અને રોકડા રૂપિયા સહિતનો મુદ્દામાલ જપ્ત કર્યો હતો. આરોપીઓ વિરુદ્ધ NDPS એક્ટ હેઠળ ગુનો દાખલ કરવામાં આવ્યો છે. ઉત્રાણ પોલીસ દ્વારા હવે આરોપીઓ આ ડ્રગ્સ ક્યાંથી લાવ્યા હતા અને કોને આપવાના હતા તે દિશામાં વધુ તપાસ હાથ ધરવામાં આવી છે.

રાજકોટ જિલ્લાના જસદણના ગોખલાણા રોડ પર આવેલા ડમ્પિંગ યાર્ડમાં આગ લાગવાની ઘટના બની હતી. આ ઘટનાની જાણ થતાં જ ફાયર બ્રિગેડની ટીમ તાત્કાલિક સ્થળ પર દોડી ગઈ હતી. ફાયરબ્રિગેડ દ્વારા પાણીનો મારો ચલાવીને આગ પર સફળતાપૂર્વક કાબૂ મેળવવામાં આવ્યો હતો. આગ લાગવાના કારણે ઘટના સ્થળે લોકોના ટોળેટોળા ઉમટી પડ્યા હતા. જોકે, સદનસીબે આ ઘટનામાં કોઈ મોટી જાનહાનિ થઈ ન હતી.

સુરેન્દ્રનગર જિલ્લાના સાયલા તાલુકાના ડોળીયા ગામમાં વહેલી સવારે ચોરીની ઘટના બની હોવાનું સામે આવ્યું છે.