ମହିଳା ସଂରକ୍ଷଣ ବିଲ୍ ନେଇ ଅପପ୍ରଚାର ବିରୋଧରେ ପୁରୀରେ କଂଗ୍ରେସର ସାମ୍ବାଦିକ ସମ୍ମିଳନୀ । ପୁରୀ, ତା୨୩/୦୪/୨୦୨୬: ପୂର୍ବାହ୍ନ ୧୧ଟା ସମୟରେ ପୁରୀ ଜିଲ୍ଲା କଂଗ୍ରେସ କାର୍ଯ୍ୟାଳୟ ‘ଇନ୍ଦିରା ଭବନ’ରେ ଏକ ଗୁରୁତ୍ୱପୂର୍ଣ୍ଣ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା। ଏହି ସମ୍ମିଳନୀରେ ମହିଳା ସଂରକ୍ଷଣ ବିଲ୍ ସମ୍ପର୍କରେ ଶାସକ ଦଳ ପକ୍ଷରୁ କରାଯାଉଥିବା ଅପପ୍ରଚାରକୁ ଖଣ୍ଡନ କରିବା ସହ କଂଗ୍ରେସ ଦଳର ଭୂମିକା ଉପରେ ଆଲୋକପାତ କରାଯାଇଥିଲା। ସମ୍ମିଳନୀରେ ପୁରୀ ଜିଲ୍ଲା କଂଗ୍ରେସ କମିଟି ସଭାପତି ଇଂ ରାଜେଶ କୁମାର ମିଶ୍ର ଅଧ୍ୟକ୍ଷତା କରିଥିଲେ। ଓଡ଼ିଶା ପ୍ରଦେଶ କଂଗ୍ରେସ କମିଟି ପକ୍ଷରୁ ପୂର୍ବତନ ମନ୍ତ୍ରୀ ଏବଂ ବରିଷ୍ଠ କଂଗ୍ରେସ ନେତା ଶ୍ରୀ ସୁରେଶ କୁମାର ରାଉତରାୟ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ମଞ୍ଚରେ ବିଦ୍ୟୁତଲତା ଆଚାର୍ଯ୍ୟ, ସରସ୍ୱତୀ ପାତ୍ର ଓ ପୂର୍ବତନ ସଭାପତି ଉତ୍ତମ କୁମାର ଆଚାର୍ଯ୍ୟ ମଧ୍ୟ ଉପସ୍ଥିତ ଥିଲେ। ଇଂ ମିଶ୍ର ତାଙ୍କ ଅଭିଭାଷଣରେ ୧୯୮୯ ମସିହାରେ ସ୍ବର୍ଗତ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ସମୟରୁ ପଞ୍ଚାୟତ ଓ ପୌରସଂସ୍ଥାରେ ୩୩% ମହିଳା ସଂରକ୍ଷଣ ନୀତି ଆରମ୍ଭ ହୋଇଥିବା ଉଲ୍ଲେଖ କରି କଂଗ୍ରେସ ଦଳର ଅବଦାନକୁ ଉଦ୍ଧାର କରିଥିଲେ। ସେ ୨୦୨୩ରେ ପାରିତ ହୋଇଥିବା ମହିଳା ସଂରକ୍ଷଣ ବିଲ୍ ୨୦୨୬ ପର୍ଯ୍ୟନ୍ତ କାହିଁକି କାର୍ଯ୍ୟକାରୀ ହୋଇନଥିବା ନେଇ ପ୍ରଶ୍ନ ଉଠାଇଥିଲେ। ଏହାସହିତ ନିର୍ବାଚନ ସମୟରେ ବିଲ୍‌କୁ ସୀମା ନିର୍ଦ୍ଧାରଣ ପ୍ରକ୍ରିୟା ସହ ଯୋଡି ରାଜନୈତିକ ଲାଭ ଉଠାଇବାର ଚେଷ୍ଟା ହେଉଥିବା ଅଭିଯୋଗ ମଧ୍ୟ କରିଥିଲେ। ସେ ଆହୁରି କହିଥିଲେ ଯେ ନିର୍ବାଚନ ଚାଲିଥିବା ବେଳେ ପ୍ରଧାନମନ୍ତ୍ରୀଙ୍କ ଦ୍ୱାରା ସରକାରୀ ପଦର ଅପବ୍ୟବହାର କରି କଂଗ୍ରେସର ଭୂମିକାକୁ ଭ୍ରମିତ କରିବା ଚେଷ୍ଟା ହୋଇଥିବା ଦୁଃଖଦ ଓ ନିର୍ବାଚନ କମିଶନଙ୍କ ନିରବତା ଆଶ୍ଚର୍ଯ୍ୟଜନକ। ଏହି ସମ୍ମିଳନୀରେ ଶ୍ରୀ ସୁରେଶ କୁମାର ରାଉତରାୟ ବିଜେପି ଦଳର ମହିଳା ସଂରକ୍ଷଣ ନେଇ ଦୋହରା ନୀତିକୁ ତିବ୍ର ସମାଲୋଚନା କରିଥିଲେ ଏବଂ ନାରୀମାନଙ୍କୁ ଯଥୋଚିତ ପ୍ରତିନିଧିତ୍ୱ ଦେବାରେ କଂଗ୍ରେସ ଦଳର ଭୂମିକାକୁ ବିସ୍ତାରିତ ଭାବେ ଉପସ୍ଥାପନ କରିଥିଲେ। ସଭାରେ ଜିଲ୍ଲା କଂଗ୍ରେସର ବରିଷ୍ଠ ନେତାମାନେ, ବିଭିନ୍ନ ସଂଗଠନର ପଦାଧିକାରୀ, ଯୁବ ଓ ଛାତ୍ର ନେତୃବୃନ୍ଦ ସହ ଶତାଧିକ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।(ଡ଼ଃ ମନୋଜ କୁମାର ବଳିଆରସିଂ)

Manoj kumar baliyarsingh

ସାମ୍ବାଦିକ ପୁରୀ (M), ପୁରୀ, ଓଡ଼ିଶା•

13 hrs ago

ମହିଳା ସଂରକ୍ଷଣ ବିଲ୍ ନେଇ ଅପପ୍ରଚାର ବିରୋଧରେ ପୁରୀରେ କଂଗ୍ରେସର ସାମ୍ବାଦିକ ସମ୍ମିଳନୀ । ପୁରୀ, ତା୨୩/୦୪/୨୦୨୬: ପୂର୍ବାହ୍ନ ୧୧ଟା ସମୟରେ ପୁରୀ ଜିଲ୍ଲା କଂଗ୍ରେସ କାର୍ଯ୍ୟାଳୟ ‘ଇନ୍ଦିରା ଭବନ’ରେ ଏକ ଗୁରୁତ୍ୱପୂର୍ଣ୍ଣ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା। ଏହି ସମ୍ମିଳନୀରେ ମହିଳା ସଂରକ୍ଷଣ ବିଲ୍ ସମ୍ପର୍କରେ ଶାସକ ଦଳ ପକ୍ଷରୁ କରାଯାଉଥିବା ଅପପ୍ରଚାରକୁ ଖଣ୍ଡନ କରିବା ସହ କଂଗ୍ରେସ ଦଳର ଭୂମିକା ଉପରେ ଆଲୋକପାତ କରାଯାଇଥିଲା। ସମ୍ମିଳନୀରେ ପୁରୀ ଜିଲ୍ଲା କଂଗ୍ରେସ କମିଟି ସଭାପତି ଇଂ ରାଜେଶ କୁମାର

ମିଶ୍ର ଅଧ୍ୟକ୍ଷତା କରିଥିଲେ। ଓଡ଼ିଶା ପ୍ରଦେଶ କଂଗ୍ରେସ କମିଟି ପକ୍ଷରୁ ପୂର୍ବତନ ମନ୍ତ୍ରୀ ଏବଂ ବରିଷ୍ଠ କଂଗ୍ରେସ ନେତା ଶ୍ରୀ ସୁରେଶ କୁମାର ରାଉତରାୟ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ମଞ୍ଚରେ ବିଦ୍ୟୁତଲତା ଆଚାର୍ଯ୍ୟ, ସରସ୍ୱତୀ ପାତ୍ର ଓ ପୂର୍ବତନ ସଭାପତି ଉତ୍ତମ କୁମାର ଆଚାର୍ଯ୍ୟ ମଧ୍ୟ ଉପସ୍ଥିତ ଥିଲେ। ଇଂ ମିଶ୍ର ତାଙ୍କ ଅଭିଭାଷଣରେ ୧୯୮୯ ମସିହାରେ ସ୍ବର୍ଗତ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ସମୟରୁ ପଞ୍ଚାୟତ ଓ ପୌରସଂସ୍ଥାରେ ୩୩% ମହିଳା ସଂରକ୍ଷଣ ନୀତି ଆରମ୍ଭ ହୋଇଥିବା

ଉଲ୍ଲେଖ କରି କଂଗ୍ରେସ ଦଳର ଅବଦାନକୁ ଉଦ୍ଧାର କରିଥିଲେ। ସେ ୨୦୨୩ରେ ପାରିତ ହୋଇଥିବା ମହିଳା ସଂରକ୍ଷଣ ବିଲ୍ ୨୦୨୬ ପର୍ଯ୍ୟନ୍ତ କାହିଁକି କାର୍ଯ୍ୟକାରୀ ହୋଇନଥିବା ନେଇ ପ୍ରଶ୍ନ ଉଠାଇଥିଲେ। ଏହାସହିତ ନିର୍ବାଚନ ସମୟରେ ବିଲ୍‌କୁ ସୀମା ନିର୍ଦ୍ଧାରଣ ପ୍ରକ୍ରିୟା ସହ ଯୋଡି ରାଜନୈତିକ ଲାଭ ଉଠାଇବାର ଚେଷ୍ଟା ହେଉଥିବା ଅଭିଯୋଗ ମଧ୍ୟ କରିଥିଲେ। ସେ ଆହୁରି କହିଥିଲେ ଯେ ନିର୍ବାଚନ ଚାଲିଥିବା ବେଳେ ପ୍ରଧାନମନ୍ତ୍ରୀଙ୍କ ଦ୍ୱାରା ସରକାରୀ ପଦର ଅପବ୍ୟବହାର କରି କଂଗ୍ରେସର ଭୂମିକାକୁ ଭ୍ରମିତ କରିବା

ଚେଷ୍ଟା ହୋଇଥିବା ଦୁଃଖଦ ଓ ନିର୍ବାଚନ କମିଶନଙ୍କ ନିରବତା ଆଶ୍ଚର୍ଯ୍ୟଜନକ। ଏହି ସମ୍ମିଳନୀରେ ଶ୍ରୀ ସୁରେଶ କୁମାର ରାଉତରାୟ ବିଜେପି ଦଳର ମହିଳା ସଂରକ୍ଷଣ ନେଇ ଦୋହରା ନୀତିକୁ ତିବ୍ର ସମାଲୋଚନା କରିଥିଲେ ଏବଂ ନାରୀମାନଙ୍କୁ ଯଥୋଚିତ ପ୍ରତିନିଧିତ୍ୱ ଦେବାରେ କଂଗ୍ରେସ ଦଳର ଭୂମିକାକୁ ବିସ୍ତାରିତ ଭାବେ ଉପସ୍ଥାପନ କରିଥିଲେ। ସଭାରେ ଜିଲ୍ଲା କଂଗ୍ରେସର ବରିଷ୍ଠ ନେତାମାନେ, ବିଭିନ୍ନ ସଂଗଠନର ପଦାଧିକାରୀ, ଯୁବ ଓ ଛାତ୍ର ନେତୃବୃନ୍ଦ ସହ ଶତାଧିକ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।(ଡ଼ଃ ମନୋଜ କୁମାର ବଳିଆରସିଂ)