ఇచ్చోడ మండలంలోని కేశవపట్నం గ్రామంలో మంగళవారం బోథ్ ఎమ్మెల్యే అనిల్ జాదవ్ పర్యటించారు. ఈ సందర్భంగా గ్రామానికి విచ్చేసిన ఎమ్మెల్యేకు గ్రామస్తులు, నాయకులు, కార్యకర్తలు ఘనస్వాగతం పలికారు. మండలంలో మౌలిక వసతుల కల్పనలో భాగంగా కేశవపట్నం గ్రామంలో ₹25 లక్షలు, అలాగే జోగిపేట్ గ్రామంలో ₹10 లక్షల వ్యయంతో నిర్మించనున్న సీసీ రోడ్డు పనులకు ఎమ్మెల్యే అనిల్ జాదవ్ భూమిపూజ చేశారు. ఈ సందర్భంగా గ్రామాల్లో రవాణా సౌకర్యాలను మెరుగుపరచడమే తన ధ్యేయమని ఆయన స్పష్టం చేశారు. రోడ్డు నిర్మాణ పనుల భూమిపూజ అనంతరం ఎమ్మెల్యే గ్రామంలోని ప్రభుత్వ పాఠశాలలను ఆకస్మికంగా సందర్శించారు. పాఠశాలల్లో అందుతున్న విద్యా సౌకర్యాలను, విద్యార్థులు, ఉపాధ్యాయులు ఎదుర్కొంటున్న సమస్యలను ఆయన స్వయంగా అడిగి తెలుసుకున్నారు. కేశవపట్నం ఉర్దూ పాఠశాల చుట్టూ త్వరలోనే ప్రహరీ గోడ నిర్మిస్తామని, ఆదిలాబాద్ జిల్లాలోనే అత్యధిక విద్యార్థుల సంఖ్య కలిగిన కేశవపట్నం పాఠశాలల్లో విద్యా ప్రమాణాలు దెబ్బతినకుండా, త్వరలోనే అదనపు ఉపాధ్యాయులను నియమించేందుకు ప్రత్యేక కృషి చేస్తామని ఆయన హామీ ఇచ్చారు. ఈ సందర్భంగా మాట్లాడిన ఎమ్మెల్యే అనిల్ జాదవ్, కేశవపట్నం గ్రామాన్ని తాను తన సొంత గ్రామంగా భావిస్తున్నానని తెలిపారు. గ్రామంలో నెలకొన్న ప్రతి చిన్న, పెద్ద సమస్యను తన దృష్టికి తీసుకువస్తే వాటికి శాశ్వత పరిష్కారం చూపుతానని గ్రామస్తులకు భరోసా ఇచ్చారు. నియోజకవర్గ సమగ్ర అభివృద్ధే లక్ష్యంగా ముందుకు సాగుతున్నట్లు ఆయన పేర్కొన్నారు.

AlluriMahesh

Local News Reporter Ichoda, Adilabad•

13 hrs ago

ఇచ్చోడ మండలంలోని కేశవపట్నం గ్రామంలో మంగళవారం బోథ్ ఎమ్మెల్యే అనిల్ జాదవ్ పర్యటించారు. ఈ సందర్భంగా గ్రామానికి విచ్చేసిన ఎమ్మెల్యేకు గ్రామస్తులు, నాయకులు, కార్యకర్తలు ఘనస్వాగతం పలికారు. మండలంలో మౌలిక వసతుల కల్పనలో భాగంగా కేశవపట్నం గ్రామంలో ₹25 లక్షలు, అలాగే జోగిపేట్ గ్రామంలో ₹10 లక్షల వ్యయంతో నిర్మించనున్న సీసీ రోడ్డు పనులకు ఎమ్మెల్యే అనిల్ జాదవ్ భూమిపూజ చేశారు. ఈ సందర్భంగా గ్రామాల్లో రవాణా

సౌకర్యాలను మెరుగుపరచడమే తన ధ్యేయమని ఆయన స్పష్టం చేశారు. రోడ్డు నిర్మాణ పనుల భూమిపూజ అనంతరం ఎమ్మెల్యే గ్రామంలోని ప్రభుత్వ పాఠశాలలను ఆకస్మికంగా సందర్శించారు. పాఠశాలల్లో అందుతున్న విద్యా సౌకర్యాలను, విద్యార్థులు, ఉపాధ్యాయులు ఎదుర్కొంటున్న సమస్యలను ఆయన స్వయంగా అడిగి తెలుసుకున్నారు. కేశవపట్నం ఉర్దూ పాఠశాల చుట్టూ త్వరలోనే ప్రహరీ గోడ నిర్మిస్తామని, ఆదిలాబాద్ జిల్లాలోనే అత్యధిక విద్యార్థుల సంఖ్య కలిగిన కేశవపట్నం పాఠశాలల్లో విద్యా ప్రమాణాలు దెబ్బతినకుండా,

త్వరలోనే అదనపు ఉపాధ్యాయులను నియమించేందుకు ప్రత్యేక కృషి చేస్తామని ఆయన హామీ ఇచ్చారు. ఈ సందర్భంగా మాట్లాడిన ఎమ్మెల్యే అనిల్ జాదవ్, కేశవపట్నం గ్రామాన్ని తాను తన సొంత గ్రామంగా భావిస్తున్నానని తెలిపారు. గ్రామంలో నెలకొన్న ప్రతి చిన్న, పెద్ద సమస్యను తన దృష్టికి తీసుకువస్తే వాటికి శాశ్వత పరిష్కారం చూపుతానని గ్రామస్తులకు భరోసా ఇచ్చారు. నియోజకవర్గ సమగ్ర అభివృద్ధే లక్ష్యంగా ముందుకు సాగుతున్నట్లు ఆయన పేర్కొన్నారు.