पंढरपूर आषाढी वारीतील लाखो वारकरी आणि भाविकांच्या सुरक्षेसाठी वाशिम जिल्ह्यातून पहिल्यांदाच एक विशेष आपत्ती व्यवस्थापन बचाव पथक पंढरपूरकडे रवाना झाले आहे. स्वामी विवेकानंद आपत्ती व्यवस्थापन बचाव पथक आणि जिल्हा आपत्ती व्यवस्थापन प्राधिकरण, जिल्हाधिकारी कार्यालय, वाशिम यांच्या संयुक्त विद्यमाने हा ऐतिहासिक आणि अभिमानास्पद उपक्रम राबविला जात आहे. हे पथक वारीच्या कालावधीत पंढरपूर परिसरात २४ तास कार्यरत राहून भाविकांना आपत्कालीन परिस्थितीत तात्काळ मदत, बचावकार्य, प्रथमोपचार, गर्दी व्यवस्थापन आणि हरवलेल्या व्यक्तींना मदत देण्याचे काम करणार आहे. या पथकाची उभारणी वाशिम-मंगरुळपीर विधानसभा मतदारसंघाचे आमदार श्याम खोडे, जिल्हाधिकारी योगेश कुंभेजकर आणि पोलीस अधीक्षक निकेश खाटमोडे यांच्या मार्गदर्शनाखाली तसेच किशोर देशमुख व सचिन राणे यांच्या समन्वयातून करण्यात आली आहे. वारीदरम्यान चंद्रभागा नदी परिसर, वाळवंट क्षेत्र आणि मंदिर परिसरात संभाव्य दुर्घटना टाळण्यासाठी आणि कोणत्याही आपत्कालीन परिस्थितीला तोंड देण्यासाठी या प्रशिक्षित स्वयंसेवकांची नियुक्ती करण्यात आली आहे. कारंजा येथील गुरू मंदिर संस्थानच्या वतीने या पथकाच्या प्रवासासाठी विनामूल्य रुग्णवाहिका उपलब्ध करून देण्यात आली असून, त्यांच्या या समाजसेवेच्या भावनेबद्दल विशेष आभार मानण्यात आले आहेत. मंगरुळपीर येथे आमदार श्याम खोडे यांच्या हस्ते नारळ फोडून या पथकाला शुभेच्छा देऊन रवाना करण्यात आले. यावेळी आमदार खोडे यांनी स्वयंसेवकांचे कौतुक करत, "वारकऱ्यांच्या सेवेसाठी केलेले हे कार्य समाजासाठी प्रेरणादायी असून, मानवसेवा हीच खरी ईश्वरसेवा आहे," असे सांगितले. या प्रसंगी मंगरुळपीर नगर परिषदेचे उपाध्यक्ष अनिल गावंडे, तहसीलदार सुधाकर अनासुने, सामाजिक कार्यकर्ते किशोर इंगोले, किशोर भोयर, चंद्रकांत लोहाना यांच्यासह स्वामी विवेकानंद आपत्ती व्यवस्थापन बचाव पथकाचे सदस्य, विविध क्षेत्रातील मान्यवर आणि नागरिक मोठ्या संख्येने उपस्थित होते. जिल्ह्यातील युवकांनी सामाजिक आणि आपत्ती व्यवस्थापनाच्या या कामात घेतलेल्या पुढाकाराचे सर्व स्तरांतून कौतुक केले जात आहे.

न्युज मराठी 24x7 वाशिम

Local News Reporter मंगरूळपीर, वाशिम, महाराष्ट्र•

23 hrs ago

पंढरपूर आषाढी वारीतील लाखो वारकरी आणि भाविकांच्या सुरक्षेसाठी वाशिम जिल्ह्यातून पहिल्यांदाच एक विशेष आपत्ती व्यवस्थापन बचाव पथक पंढरपूरकडे रवाना झाले आहे. स्वामी विवेकानंद आपत्ती व्यवस्थापन बचाव पथक आणि जिल्हा आपत्ती व्यवस्थापन प्राधिकरण, जिल्हाधिकारी कार्यालय, वाशिम यांच्या संयुक्त विद्यमाने हा ऐतिहासिक आणि अभिमानास्पद उपक्रम राबविला जात आहे. हे पथक वारीच्या कालावधीत पंढरपूर परिसरात २४ तास कार्यरत राहून भाविकांना आपत्कालीन परिस्थितीत तात्काळ मदत,

बचावकार्य, प्रथमोपचार, गर्दी व्यवस्थापन आणि हरवलेल्या व्यक्तींना मदत देण्याचे काम करणार आहे. या पथकाची उभारणी वाशिम-मंगरुळपीर विधानसभा मतदारसंघाचे आमदार श्याम खोडे, जिल्हाधिकारी योगेश कुंभेजकर आणि पोलीस अधीक्षक निकेश खाटमोडे यांच्या मार्गदर्शनाखाली तसेच किशोर देशमुख व सचिन राणे यांच्या समन्वयातून करण्यात आली आहे. वारीदरम्यान चंद्रभागा नदी परिसर, वाळवंट क्षेत्र आणि मंदिर परिसरात संभाव्य दुर्घटना टाळण्यासाठी आणि कोणत्याही आपत्कालीन परिस्थितीला तोंड देण्यासाठी या

प्रशिक्षित स्वयंसेवकांची नियुक्ती करण्यात आली आहे. कारंजा येथील गुरू मंदिर संस्थानच्या वतीने या पथकाच्या प्रवासासाठी विनामूल्य रुग्णवाहिका उपलब्ध करून देण्यात आली असून, त्यांच्या या समाजसेवेच्या भावनेबद्दल विशेष आभार मानण्यात आले आहेत. मंगरुळपीर येथे आमदार श्याम खोडे यांच्या हस्ते नारळ फोडून या पथकाला शुभेच्छा देऊन रवाना करण्यात आले. यावेळी आमदार खोडे यांनी स्वयंसेवकांचे कौतुक करत, "वारकऱ्यांच्या सेवेसाठी केलेले हे कार्य समाजासाठी प्रेरणादायी असून,

मानवसेवा हीच खरी ईश्वरसेवा आहे," असे सांगितले. या प्रसंगी मंगरुळपीर नगर परिषदेचे उपाध्यक्ष अनिल गावंडे, तहसीलदार सुधाकर अनासुने, सामाजिक कार्यकर्ते किशोर इंगोले, किशोर भोयर, चंद्रकांत लोहाना यांच्यासह स्वामी विवेकानंद आपत्ती व्यवस्थापन बचाव पथकाचे सदस्य, विविध क्षेत्रातील मान्यवर आणि नागरिक मोठ्या संख्येने उपस्थित होते. जिल्ह्यातील युवकांनी सामाजिक आणि आपत्ती व्यवस्थापनाच्या या कामात घेतलेल्या पुढाकाराचे सर्व स्तरांतून कौतुक केले जात आहे.