दिल्लीतील जंतर मंतर येथे न्यूज नॅशनल 81 च्या टीमकडून विद्यार्थ्यांशी संवाद साधण्यात येत आहे.

मोताळा तालुक्यातील सुमारे १५ ते २० हजार लोकसंख्या असलेल्या कोथळी गावात स्वच्छतेचा पूर्णपणे बोजवारा उडाला असून नागरिकांना मूलभूत सुविधांसाठी मोठ्या हालअपेष्टा सहन कराव्या लागत आहेत. गावात ठिकठिकाणी कचऱ्याचे ढीग साचले असून नाल्या तुंबलेल्या अवस्थेत आहेत. पावसाळ्यामुळे नाल्यांमधील सांडपाणी ओव्हरफ्लो होऊन रस्त्यांवरून थेट नागरिकांच्या घरात शिरत असल्याने दुर्गंधी, अस्वच्छता आणि साथीच्या रोगांचा धोका वाढला आहे. ग्रामपंचायतीत कायमस्वरूपी ग्रामसेवक नसून प्रभारी ग्रामसेवक कार्यरत आहेत. मात्र ते नियमितपणे गावात उपस्थित राहत नसल्याने प्रशासनाचा बोजवारा उडाला असून नागरिकांच्या तक्रारींकडे दुर्लक्ष होत असल्याचा आरोप ग्रामस्थांनी केला आहे. गावातील नाल्यांवरील धापे तुटल्यामुळे लहान मुले, ज्येष्ठ नागरिक आणि दुचाकीस्वारांसाठी अपघाताचा गंभीर धोका निर्माण झाला आहे. याशिवाय गावात २० ते २५ दिवस नळाला पाणी येत नसल्याने पिण्याच्या पाण्याची तीव्र टंचाई निर्माण झाली आहे. गावातील जिल्हा परिषद उर्दू उच्च प्राथमिक शाळेजवळील कचराकुंडी मागील तीन महिन्यांपासून ओसंडून भरली आहे. या कचराकुंडीला लागूनच शाळेचे स्वयंपाकगृह (किचन शेड) असल्याने मध्यान्ह भोजन तयार करताना स्वयंपाकी, शिक्षक आणि विद्यार्थ्यांना असह्य दुर्गंधीचा सामना करावा लागत आहे. जर प्रशासनाने तातडीने स्वच्छता मोहीम राबवून नाल्यांची साफसफाई, कचऱ्याची विल्हेवाट, धाप्यांची दुरुस्ती आणि पाणीपुरवठा सुरळीत केला नाही, तर गावात डेंग्यू, मलेरिया, गॅस्ट्रो यांसारख्या साथीच्या रोगांचा प्रादुर्भाव होण्याची भीती नागरिकांनी व्यक्त केली आहे.

बुलढाणा जिल्ह्यात सलग दहा दिवसांच्या विश्रांतीनंतर पावसाने दमदार पुनरागमन केले असून खामगाव तालुक्यात सकाळपासूनच पावसाने हजेरी लावली आहे. या पावसामुळे शेतातील सोयाबीन, तूर आणि कापसाच्या पिकांना मोठे जीवदान मिळणार आहे. ऐनवेळी झालेल्या या दमदार पावसामुळे पिकांचा प्रश्न सुटला असून जिल्ह्यातील बळीराजाची चिंता आता पूर्णपणे मिटली आहे.

अमरावती तालुक्यातील वनारसी गावात अनेक ठिकाणी घाणीचे साम्राज्य निर्माण झाले असून शासन आणि प्रशासनाचे याकडे साफ दुर्लक्ष होत आहे. पत्रकार विशाल तायडे यांनी दिलेल्या वृत्तांतानुसार, गावातील विविध भागांत पसरलेल्या या घाणीच्या समस्येकडे संबंधित प्रशासकीय यंत्रणा पूर्णपणे कानाडोळा करत आहेत.

महाराष्ट्रभरातील शेतकरी आणि श्रमिकांच्या प्रलंबित प्रश्नांवर सरकारचे लक्ष वेधण्यासाठी उद्या, २१ जुलै रोजी मुंबईच्या आझाद मैदानावर किसान सभेच्या वतीने भव्य शेतकरी मोर्चा काढण्यात येणार आहे. राज्यातील २१ हून अधिक जिल्ह्यांतून हजारो शेतकरी आणि श्रमिक या मोर्चात सहभागी होणार असल्याने आझाद मैदान परिसरात मोठी गर्दी होण्याची शक्यता व्यक्त केली जात आहे. या मोर्चामध्ये नियमित कर्ज फेडणाऱ्या शेतकऱ्यांना दोन लाख रुपयांपर्यंत दिलासा देणे, देवस्थान, गायरान आणि घराच्या तळजमिनी शेतकरी व श्रमिकांच्या नावे करणे या प्रमुख मागण्या लावून धरल्या जाणार आहेत. याशिवाय, पीक विमा योजनेतील ट्रिगर प्रणाली पूर्ववत करून योजना शेतकरी हिताची करणे, अतिवृष्टीमुळे नुकसान झालेल्या शेतकऱ्यांना तातडीने नुकसानभरपाई देणे आणि पेसा कर्मचाऱ्यांची हकालपट्टी थांबवणे या मागण्यांचाही यात समावेश आहे. या मोर्चाचे नेतृत्व डॉ. अशोक ढवळे, जे. पी. गावित, डॉ. अजित नवले, आमदार विनोद निकोले आणि उमेश देशमुख करणार असून या मागण्यांवर सरकार काय निर्णय घेते, याकडे राज्यातील शेतकरी आणि श्रमिकांचे लक्ष लागले आहे.

अमरावती येथे बोगस बियाणे कंपन्यांवर गुन्हे दाखल करण्याच्या मागणीसाठी जिल्हा युवक काँग्रेसने अत्यंत आक्रमक पवित्रा घेतला आहे. या मागणीसाठी युवक काँग्रेसच्या वतीने जिल्हाधिकारी कार्यालयावर थेट धडक मोर्चा काढण्यात आला. बोगस बियाणे कंपन्यांवर तातडीने गुन्हे दाखल करण्यात यावेत, अशी आग्रही मागणी या आंदोलनादरम्यान करण्यात आली आहे.

दिल्लीतील जंतर मंतर येथे न्यूज नॅशनल 81 च्या टीमकडून विद्यार्थ्यांशी संवाद साधण्यात येत आहे.

अकोला के अलंकर मार्केट में लगी भीषण आग रामदासपेठ पुलिस स्टेशन के दो पुलिसकर्मियों ने अपनी जान पर खेलकर आग को बुझाने में अहम भूमिका निभाई