महाराष्ट्रभरातील शेतकरी आणि श्रमिकांच्या प्रलंबित प्रश्नांवर सरकारचे लक्ष वेधण्यासाठी उद्या, २१ जुलै रोजी मुंबईच्या आझाद मैदानावर किसान सभेच्या वतीने भव्य शेतकरी मोर्चा काढण्यात येणार आहे. राज्यातील २१ हून अधिक जिल्ह्यांतून हजारो शेतकरी आणि श्रमिक या मोर्चात सहभागी होणार असल्याने आझाद मैदान परिसरात मोठी गर्दी होण्याची शक्यता व्यक्त केली जात आहे. या मोर्चामध्ये नियमित कर्ज फेडणाऱ्या शेतकऱ्यांना दोन लाख रुपयांपर्यंत दिलासा देणे, देवस्थान, गायरान आणि घराच्या तळजमिनी शेतकरी व श्रमिकांच्या नावे करणे या प्रमुख मागण्या लावून धरल्या जाणार आहेत. याशिवाय, पीक विमा योजनेतील ट्रिगर प्रणाली पूर्ववत करून योजना शेतकरी हिताची करणे, अतिवृष्टीमुळे नुकसान झालेल्या शेतकऱ्यांना तातडीने नुकसानभरपाई देणे आणि पेसा कर्मचाऱ्यांची हकालपट्टी थांबवणे या मागण्यांचाही यात समावेश आहे. या मोर्चाचे नेतृत्व डॉ. अशोक ढवळे, जे. पी. गावित, डॉ. अजित नवले, आमदार विनोद निकोले आणि उमेश देशमुख करणार असून या मागण्यांवर सरकार काय निर्णय घेते, याकडे राज्यातील शेतकरी आणि श्रमिकांचे लक्ष लागले आहे.

SHEGAONlive

Local News Reporter Buldana, Buldhana•

8 hrs ago

महाराष्ट्रभरातील शेतकरी आणि श्रमिकांच्या प्रलंबित प्रश्नांवर सरकारचे लक्ष वेधण्यासाठी उद्या, २१ जुलै रोजी मुंबईच्या आझाद मैदानावर किसान सभेच्या वतीने भव्य शेतकरी मोर्चा काढण्यात येणार आहे. राज्यातील २१ हून अधिक जिल्ह्यांतून हजारो शेतकरी आणि श्रमिक या मोर्चात सहभागी होणार असल्याने आझाद मैदान परिसरात मोठी गर्दी होण्याची शक्यता व्यक्त केली जात आहे. या मोर्चामध्ये नियमित कर्ज फेडणाऱ्या शेतकऱ्यांना दोन लाख रुपयांपर्यंत दिलासा देणे, देवस्थान, गायरान आणि घराच्या तळजमिनी शेतकरी व श्रमिकांच्या नावे करणे या प्रमुख मागण्या लावून धरल्या जाणार आहेत. याशिवाय, पीक विमा योजनेतील ट्रिगर प्रणाली पूर्ववत करून योजना शेतकरी हिताची करणे, अतिवृष्टीमुळे नुकसान झालेल्या शेतकऱ्यांना तातडीने नुकसानभरपाई देणे आणि पेसा कर्मचाऱ्यांची हकालपट्टी थांबवणे या मागण्यांचाही यात समावेश आहे. या मोर्चाचे नेतृत्व डॉ. अशोक ढवळे, जे. पी. गावित, डॉ. अजित नवले, आमदार विनोद निकोले आणि उमेश देशमुख करणार असून या मागण्यांवर सरकार काय निर्णय घेते, याकडे राज्यातील शेतकरी आणि श्रमिकांचे लक्ष लागले आहे.