তামুলপুৰত বিপিএফৰ নিৰ্বাচনী তৎপৰতা: হাগ্ৰামা মহিলাৰীৰ উন্নয়নৰ গেৰাণ্টি আৰু প্ৰমোদ বড়োক তীব্ৰ সমালোচনা চাংগ্ৰাং ব্ৰহ্মৰ তামুলপুৰত বিপিএফৰ নিৰ্বাচনী তৎপৰতা: হাগ্ৰামা মহিলাৰীৰ উন্নয়নৰ গেৰাণ্টি আৰু প্ৰমোদ বড়োক তীব্ৰ সমালোচনা চাংগ্ৰাং ব্ৰহ্মৰ আগন্তুক বিধানসভা নিৰ্বাচনৰ ৰণশিঙা বজাৰ লগে লগেই বিটিচি অঞ্চলত ৰাজনৈতিক দলসমূহৰ সাংগঠনিক কুচকাৱাজ বৃদ্ধি পাইছে আৰু ইয়াৰ অংশ হিচাপে আজি তামুলপুৰ জিলাৰ গয়বাৰী ব্লক বিপিএফৰ যুৱ শাখাৰ উদ্যোগত এখন বিশাল নিৰ্বাচনী সভা অনুষ্ঠিত হয়। গয়বাৰী ব্লক বিপিএফৰ সভাপতি যোগেন বসুমতাৰীৰ সভাপতিত্বত অনুষ্ঠিত এই গুৰুত্বপূৰ্ণ সভাত মুখ্য অতিথি হিচাপে উপস্থিত থাকি বিপিএফৰ কেন্দ্ৰীয় সাংগঠনিক সম্পাদক চাংগ্ৰাং ব্ৰহ্মই হাগ্ৰামা মহিলাৰীৰ স্বপ্নৰ বিটিচি গঢ়াৰ সংকল্প দোহাৰে আৰু বিশেষকৈ দলটোত মহিলাসকলক প্ৰদান কৰা মৰ্যাদাৰ কথা উল্লেখ কৰি বিপিএফৰ পাঁচটা প্ৰতিশ্ৰুতি হাগ্ৰামা মহিলাৰীয়ে সম্পূৰ্ণ কৰিবই বুলি দৃঢ়তাৰে ঘোষণা কৰে। ভাষণ প্ৰসংগত তেওঁ হাগ্ৰামা মহিলাৰী আৰু মুখ্যমন্ত্ৰী ড° হিমন্ত বিশ্ব শৰ্মাৰ মাজত থকা ঘনিষ্ঠতা আৰু তেওঁলোকৰ সু-সমন্বয়ৰ কথা উল্লেখ কৰাৰ বিপৰীতে ৰাজ্যসভাৰ সাংসদ তথা বিটিচিৰ প্ৰাক্তন মুখ্য কাৰ্যবাহী প্ৰমোদ বড়োক এজন স্বাৰ্থকেন্দ্ৰিক নেতা বুলি আখ্যা দি তীব্ৰ ভাষাৰে কটাক্ষ কৰি কয় যে পৰিষদীয় সদস্যৰ পৰা ৰাজ্যসভাৰ সাংসদ হোৱাৰ পিছত এতিয়া বিধায়ক হোৱাৰ সপোন দেখা প্ৰমোদ বড়োৱে সম্ভৱতঃ অনাগত দিনত পৌৰসভাৰ অধ্যক্ষ আৰু গাঁওবুঢ়াৰ দৰে পদৰ বাবেও প্ৰতিদ্বন্দ্বিতা কৰিবলৈ মন মেলিব। সংবিধানৰ ১২৫ অনুচ্ছেদ সংশোধন কৰিবলৈ বুলি ৰাজ্যসভালৈ যোৱা প্ৰমোদ বড়োৱে এতিয়া কেৱল ক্ষমতাৰ লালসাত নিম্নখাপৰ ৰাজনীতি কৰা বুলিও তেওঁ সমালোচনা কৰে। ইফালে, শান্তি-সম্প্ৰীতি আৰু একতাৰ ধ্বনিৰে বিটিচিৰ উন্নয়নৰ হকে কাম কৰা বিপিএফৰ বিপৰীতে ইউপিপিএলৰ নেতাসকলে নিৰ্বাচনী বৈতৰণী পাৰ হ’বলৈ টুপি পিন্ধি নাটক কৰা বুলিও তেওঁ গুৰুতৰ অভিযোগ উত্থাপন কৰে। চাংগ্ৰাং ব্ৰহ্মৰ মতে, ৰাকেশ ব্ৰহ্ম বা প্ৰমোদ বড়োৱে পিন্ধা এই টুপি কেৱল ভোটৰ ৰাজনীতিহে; প্ৰকৃততে তেওঁলোকে জাতি-জনগোষ্ঠীসমূহক ভাগ ভাগ কৰি শাসন কৰিব বিচাৰিছে। আনহাতে, সভাত উপস্থিত থাকি বিপিএফ নেতা জিতেন মুছাহাৰীয়ে প্ৰমোদ বড়োক এগৰাকী 'মিছলীয়া' নেতা আখ্যা দি হাগ্ৰামা মহিলাৰীৰ কথা আৰু কামৰ মিল থকা বুলি মন্তব্য কৰে। তেওঁ কয় যে বিপিএফৰ পাঁচ গেৰাণ্টিয়েই হ’ব বিটিচিৰ উন্নয়নৰ মূল আধাৰ। উক্ত সভাত কেন্দ্ৰীয় সাংগঠনিক সম্পাদক দীপক ডেকাৰ লগতে কেইবাজনো জ্যেষ্ঠ নেতা উপস্থিত থাকি দলীয় কৰ্মীসকলক একগোট হৈ আগন্তুক নিৰ্বাচনত বিপিএফ তথা এনডিএৰ সমৰ্থিত প্ৰাৰ্থীক বিজয়ী কৰি প্ৰমোদ বড়োক উচিত শিক্ষা দিবলৈ আহ্বান জনায়। আনহাতে আজি আবেলি নিজ ডেফেলত বিপিএফ নেতা মুকুত নাৰ্জাৰীৰ সভাপতিত্বত আন এখন নিৰ্বাচনী প্ৰচাৰ সভা অনুষ্ঠিত হয়। ব্লক বিপিএফৰ সাধাৰণ সম্পাদক ডেৰহাছাৰ বড়োই আদৰণি ভাষণ দিয়া সভাত বি এছ ইউৰ সভাপতি সৗগমচাৰ বসুমতাৰী, উপ-সভাপতি খেমচন্দ্ৰ ব্ৰহ্মসহ ৰাজেন বড়ো, মাধৱ দাস, খাম্পা ব্ৰহ্ম, পি এম বিৰ সদস্য বিমলেন্দ্ৰু ব্ৰহ্মসহ বিপিএফ দলৰ শীৰ্ষ নেতাৰ লগতে জিলা আৰু ব্লক সমিতিৰ কেবাগৰাকী নেতা-কৰ্মী উপস্থিত থাকে।###

NAlive24

Local News Reporter তামুলপুৰ, তামুলপুৰ, অসম•

11 hrs ago

তামুলপুৰত বিপিএফৰ নিৰ্বাচনী তৎপৰতা: হাগ্ৰামা মহিলাৰীৰ উন্নয়নৰ গেৰাণ্টি আৰু প্ৰমোদ বড়োক তীব্ৰ সমালোচনা চাংগ্ৰাং ব্ৰহ্মৰ তামুলপুৰত বিপিএফৰ নিৰ্বাচনী তৎপৰতা: হাগ্ৰামা মহিলাৰীৰ উন্নয়নৰ গেৰাণ্টি আৰু প্ৰমোদ বড়োক তীব্ৰ সমালোচনা চাংগ্ৰাং ব্ৰহ্মৰ আগন্তুক বিধানসভা নিৰ্বাচনৰ ৰণশিঙা বজাৰ লগে লগেই বিটিচি অঞ্চলত ৰাজনৈতিক দলসমূহৰ সাংগঠনিক কুচকাৱাজ বৃদ্ধি পাইছে আৰু ইয়াৰ অংশ হিচাপে আজি তামুলপুৰ জিলাৰ গয়বাৰী ব্লক বিপিএফৰ যুৱ শাখাৰ উদ্যোগত এখন বিশাল নিৰ্বাচনী সভা অনুষ্ঠিত হয়। গয়বাৰী ব্লক বিপিএফৰ সভাপতি যোগেন বসুমতাৰীৰ সভাপতিত্বত অনুষ্ঠিত এই গুৰুত্বপূৰ্ণ সভাত মুখ্য অতিথি হিচাপে উপস্থিত থাকি বিপিএফৰ কেন্দ্ৰীয় সাংগঠনিক সম্পাদক চাংগ্ৰাং ব্ৰহ্মই হাগ্ৰামা মহিলাৰীৰ স্বপ্নৰ বিটিচি গঢ়াৰ সংকল্প দোহাৰে আৰু বিশেষকৈ দলটোত মহিলাসকলক প্ৰদান কৰা মৰ্যাদাৰ কথা উল্লেখ কৰি বিপিএফৰ পাঁচটা প্ৰতিশ্ৰুতি হাগ্ৰামা মহিলাৰীয়ে সম্পূৰ্ণ কৰিবই বুলি দৃঢ়তাৰে ঘোষণা কৰে। ভাষণ প্ৰসংগত তেওঁ হাগ্ৰামা মহিলাৰী আৰু মুখ্যমন্ত্ৰী ড° হিমন্ত বিশ্ব শৰ্মাৰ মাজত থকা ঘনিষ্ঠতা আৰু তেওঁলোকৰ সু-সমন্বয়ৰ কথা উল্লেখ কৰাৰ বিপৰীতে ৰাজ্যসভাৰ সাংসদ তথা বিটিচিৰ প্ৰাক্তন মুখ্য কাৰ্যবাহী প্ৰমোদ বড়োক এজন স্বাৰ্থকেন্দ্ৰিক নেতা বুলি আখ্যা দি তীব্ৰ ভাষাৰে কটাক্ষ কৰি কয় যে পৰিষদীয় সদস্যৰ পৰা ৰাজ্যসভাৰ সাংসদ হোৱাৰ পিছত এতিয়া বিধায়ক হোৱাৰ সপোন দেখা প্ৰমোদ বড়োৱে সম্ভৱতঃ অনাগত দিনত পৌৰসভাৰ অধ্যক্ষ আৰু গাঁওবুঢ়াৰ দৰে পদৰ বাবেও প্ৰতিদ্বন্দ্বিতা কৰিবলৈ মন মেলিব। সংবিধানৰ ১২৫ অনুচ্ছেদ সংশোধন কৰিবলৈ বুলি ৰাজ্যসভালৈ যোৱা প্ৰমোদ বড়োৱে এতিয়া কেৱল ক্ষমতাৰ লালসাত নিম্নখাপৰ ৰাজনীতি কৰা বুলিও তেওঁ সমালোচনা কৰে। ইফালে, শান্তি-সম্প্ৰীতি আৰু একতাৰ ধ্বনিৰে বিটিচিৰ উন্নয়নৰ হকে কাম কৰা বিপিএফৰ বিপৰীতে ইউপিপিএলৰ নেতাসকলে নিৰ্বাচনী বৈতৰণী পাৰ হ’বলৈ টুপি পিন্ধি নাটক কৰা বুলিও তেওঁ গুৰুতৰ অভিযোগ উত্থাপন কৰে। চাংগ্ৰাং ব্ৰহ্মৰ মতে, ৰাকেশ ব্ৰহ্ম বা প্ৰমোদ বড়োৱে পিন্ধা এই টুপি কেৱল ভোটৰ ৰাজনীতিহে; প্ৰকৃততে তেওঁলোকে জাতি-জনগোষ্ঠীসমূহক ভাগ ভাগ কৰি শাসন কৰিব বিচাৰিছে। আনহাতে, সভাত উপস্থিত থাকি বিপিএফ নেতা জিতেন মুছাহাৰীয়ে প্ৰমোদ বড়োক এগৰাকী 'মিছলীয়া' নেতা আখ্যা দি হাগ্ৰামা মহিলাৰীৰ কথা আৰু কামৰ মিল থকা বুলি মন্তব্য কৰে। তেওঁ কয় যে বিপিএফৰ পাঁচ গেৰাণ্টিয়েই হ’ব বিটিচিৰ উন্নয়নৰ মূল আধাৰ। উক্ত সভাত কেন্দ্ৰীয় সাংগঠনিক সম্পাদক দীপক ডেকাৰ লগতে কেইবাজনো জ্যেষ্ঠ নেতা উপস্থিত থাকি দলীয় কৰ্মীসকলক একগোট হৈ আগন্তুক নিৰ্বাচনত বিপিএফ তথা এনডিএৰ সমৰ্থিত প্ৰাৰ্থীক বিজয়ী কৰি প্ৰমোদ বড়োক উচিত শিক্ষা দিবলৈ আহ্বান জনায়। আনহাতে আজি আবেলি নিজ ডেফেলত বিপিএফ নেতা মুকুত নাৰ্জাৰীৰ সভাপতিত্বত আন এখন নিৰ্বাচনী প্ৰচাৰ সভা অনুষ্ঠিত হয়। ব্লক বিপিএফৰ সাধাৰণ সম্পাদক ডেৰহাছাৰ বড়োই আদৰণি ভাষণ দিয়া সভাত বি এছ ইউৰ সভাপতি সৗগমচাৰ বসুমতাৰী, উপ-সভাপতি খেমচন্দ্ৰ ব্ৰহ্মসহ ৰাজেন বড়ো, মাধৱ দাস, খাম্পা ব্ৰহ্ম, পি এম বিৰ সদস্য বিমলেন্দ্ৰু ব্ৰহ্মসহ বিপিএফ দলৰ শীৰ্ষ নেতাৰ লগতে জিলা আৰু ব্লক সমিতিৰ কেবাগৰাকী নেতা-কৰ্মী উপস্থিত থাকে।###