కొత్తగూడెం ముందస్తు అడ్మిషన్లు చేసే ప్రైవేట్, కార్పొరేట్ విద్యాసంస్థలపై చర్యలు తీసుకోండి. -కాపాటి పృథ్వి, పిడిఎస్ యూ రాష్ట్ర అధ్యక్షుడు స్థానిక కొత్తగూడెం పట్టణ కేంద్రంలోని పోస్ట్ ఆఫీస్ సెంటర్లో ప్రగతిశీల ప్రజాస్వామ్య విద్యార్థి సంఘం (పిడిఎస్ యూ), భద్రాద్రి కొత్తగూడెం జిల్లా కమిటీ ఆధ్వర్యంలో 2026-27 విద్యా సంవత్సరానికి ముందస్తు అడ్మిషన్లు నిర్వహిస్తున్న విద్యాసంస్థలపై చర్యలు తీసుకోవాలని నిరసన తెలియజేశారు. పోస్ట్ ఆఫీస్, బస్టాండ్ సెంటర్లో కార్పొరేట్, ప్రైవేట్ విద్యాసంస్థలు ఏర్పాటుచేసిన హోర్డింగులపై ఫ్లెక్సీలు చింపి ప్రభుత్వ విద్యారంగాన్ని కాపాడుకుందాం అని నినాదాలు చేస్తూ నిరసన తెలిపారు. ఈ సందర్భంగా సంఘం రాష్ట్ర అధ్యక్షులు కాంపాటి పృథ్వి మాట్లాడుతూ విద్యా సంవత్సరం ప్రారంభం కాకముందే ముందస్తు అడ్మిషన్లు నిర్వహిస్తున్నారని, సీట్ రిజర్వేషన్ పేరుతో తల్లిదండ్రుల నుంచి అక్రమంగా రిజర్వేషన్ ఫీజులు వసూలు చేస్తున్నారని, అడ్మిషన్ ఫీజులు, డొనేషన్ల పేరుతో పేద విద్యార్థుల తల్లిదండ్రులను మోసగిస్తున్నారని అన్నారు. ప్రైమరీ విద్యకే 20,000 నుండి 8 లక్షల వరకు ఫీజులు వసూళ్లు చేస్తున్నారని, తెలంగాణలో 11 వేల ప్రైవేట్ పాఠశాలలు ప్రతి ఏటా 20–25% ఫీజు పెంచుతున్నారనీ, ప్రైవేట్ పాఠశాలల పిల్లలపై ప్రభుత్వ పాఠశాల కంటే 9 రెట్లు అధిక కుటుంబ వ్యయం వెచ్చించాల్సి వస్తుందని అన్నారు. పేద, మధ్యతరగతి కుటుంబాలు అప్పులు చేయాల్సిన పరిస్థితి దాపురుస్తుందని, తిరిగి ఫీజులు చెల్లించలేక ప్రైవేట్ యాజమాన్యాల వేధింపులతో ఒత్తిడులకులోనై ఆత్మహత్యలకు పాల్పడుతున్నారని అన్నారు. తెలంగాణలో RTE సెక్షన్ 12(1)(c) ఇంకా అమలు కావట్లేదనీ, 90,311 సీట్లు పేద పిల్లలకు ఇవ్వాల్సి ఉందనీ, రాష్ట్ర భారం కేవలం ₹36 కోట్లు చెల్లించలేక చట్టాన్ని నిర్వీర్యం చేస్తున్నారని అన్నారు. జిల్లాలో ముందస్తు అడ్మిషన్లు, అదనపు ఫీజు వసూళ్ళు జరిపిన సంస్థలపై FIR నమోదు చేసి, తిరిగి ఫీజులు వసూళ్లు చేయాలన్నారు. పది, ఇంటర్మీడియట్ ఫలితాలు వెలువడే వరకు ఏ ప్రైవేట్ సంస్థ అడ్మిషన్లు, ఫీజు వసూళ్ళు జరపకూడదని, ప్రభుత్వ అధికారులు స్పందించి వెంటనే నిలుపుదల చేయాలని కోరారు. కార్యక్రమంలో పిడిఎస్ యూ జిల్లా అధ్యక్షులు బుర్ర వీరభద్రం, జిల్లా కార్యదర్శి మునిగల శివ ప్రశాంత్ తదితరులు పాల్గొన్నారు. విప్లవ అభినందనలతో ప్రగతిశీల ప్రజాస్వామ్య విద్యార్థి సంఘం (పిడిఎస్ యూ) భద్రాద్రి కొత్తగూడెం జిల్లా కమిటీ బి.వీరభద్రం

V Ramarao

సత్తుపల్లి, ఖమ్మం, తెలంగాణ•

2 hrs ago

కొత్తగూడెం ముందస్తు అడ్మిషన్లు చేసే ప్రైవేట్, కార్పొరేట్ విద్యాసంస్థలపై చర్యలు తీసుకోండి. -కాపాటి పృథ్వి, పిడిఎస్ యూ రాష్ట్ర అధ్యక్షుడు స్థానిక కొత్తగూడెం పట్టణ కేంద్రంలోని పోస్ట్ ఆఫీస్ సెంటర్లో ప్రగతిశీల ప్రజాస్వామ్య విద్యార్థి సంఘం (పిడిఎస్ యూ), భద్రాద్రి కొత్తగూడెం జిల్లా కమిటీ ఆధ్వర్యంలో 2026-27 విద్యా సంవత్సరానికి ముందస్తు అడ్మిషన్లు నిర్వహిస్తున్న విద్యాసంస్థలపై చర్యలు తీసుకోవాలని నిరసన తెలియజేశారు. పోస్ట్ ఆఫీస్, బస్టాండ్ సెంటర్లో కార్పొరేట్, ప్రైవేట్ విద్యాసంస్థలు ఏర్పాటుచేసిన హోర్డింగులపై ఫ్లెక్సీలు చింపి ప్రభుత్వ విద్యారంగాన్ని కాపాడుకుందాం అని నినాదాలు చేస్తూ నిరసన తెలిపారు. ఈ సందర్భంగా సంఘం రాష్ట్ర అధ్యక్షులు కాంపాటి పృథ్వి మాట్లాడుతూ విద్యా సంవత్సరం ప్రారంభం కాకముందే ముందస్తు అడ్మిషన్లు

నిర్వహిస్తున్నారని, సీట్ రిజర్వేషన్ పేరుతో తల్లిదండ్రుల నుంచి అక్రమంగా రిజర్వేషన్ ఫీజులు వసూలు చేస్తున్నారని, అడ్మిషన్ ఫీజులు, డొనేషన్ల పేరుతో పేద విద్యార్థుల తల్లిదండ్రులను మోసగిస్తున్నారని అన్నారు. ప్రైమరీ విద్యకే 20,000 నుండి 8 లక్షల వరకు ఫీజులు వసూళ్లు చేస్తున్నారని, తెలంగాణలో 11 వేల ప్రైవేట్ పాఠశాలలు ప్రతి ఏటా 20–25% ఫీజు పెంచుతున్నారనీ, ప్రైవేట్ పాఠశాలల పిల్లలపై ప్రభుత్వ పాఠశాల కంటే 9 రెట్లు అధిక కుటుంబ వ్యయం వెచ్చించాల్సి వస్తుందని అన్నారు. పేద, మధ్యతరగతి కుటుంబాలు అప్పులు చేయాల్సిన పరిస్థితి దాపురుస్తుందని, తిరిగి ఫీజులు చెల్లించలేక ప్రైవేట్ యాజమాన్యాల వేధింపులతో ఒత్తిడులకులోనై ఆత్మహత్యలకు పాల్పడుతున్నారని అన్నారు. తెలంగాణలో RTE సెక్షన్ 12(1)(c) ఇంకా అమలు

కావట్లేదనీ, 90,311 సీట్లు పేద పిల్లలకు ఇవ్వాల్సి ఉందనీ, రాష్ట్ర భారం కేవలం ₹36 కోట్లు చెల్లించలేక చట్టాన్ని నిర్వీర్యం చేస్తున్నారని అన్నారు. జిల్లాలో ముందస్తు అడ్మిషన్లు, అదనపు ఫీజు వసూళ్ళు జరిపిన సంస్థలపై FIR నమోదు చేసి, తిరిగి ఫీజులు వసూళ్లు చేయాలన్నారు. పది, ఇంటర్మీడియట్ ఫలితాలు వెలువడే వరకు ఏ ప్రైవేట్ సంస్థ అడ్మిషన్లు, ఫీజు వసూళ్ళు జరపకూడదని, ప్రభుత్వ అధికారులు స్పందించి వెంటనే నిలుపుదల చేయాలని కోరారు. కార్యక్రమంలో పిడిఎస్ యూ జిల్లా అధ్యక్షులు బుర్ర వీరభద్రం, జిల్లా కార్యదర్శి మునిగల శివ ప్రశాంత్ తదితరులు పాల్గొన్నారు. విప్లవ అభినందనలతో ప్రగతిశీల ప్రజాస్వామ్య విద్యార్థి సంఘం (పిడిఎస్ యూ) భద్రాద్రి కొత్తగూడెం జిల్లా కమిటీ బి.వీరభద్రం