ગુજરાત સરકાર દ્વારા બાળકો શિક્ષણથી વંચિત ન રહે અને શાળા છોડનારા વિદ્યાર્થીઓ ફરીથી શિક્ષણના મુખ્ય પ્રવાહમાં જોડાય તેવા ઉદ્દેશ સાથે 'બેક ટુ સ્કૂલ મિશન' અભિયાન ચલાવવામાં આવી રહ્યું છે. આ અભિયાન અંતર્ગત મુખ્યમંત્રી ભૂપેન્દ્ર પટેલે બનાસકાંઠા જિલ્લાના તેનીવાડા ખાતે શાળામાં પુનઃપ્રવેશ મેળવનારા વિદ્યાર્થીઓ, તેમના વાલીઓ અને મેન્ટર્સ સાથે આત્મીય સંવાદ કર્યો હતો. મુખ્યમંત્રીએ બાળકો સાથે સહજતાથી વાતચીત કરીને તેમના અભ્યાસ, શાળા છોડવાના કારણો અને ભવિષ્યના સપનાઓ અંગે જાણકારી મેળવી હતી અને વિદ્યાર્થીઓને નિયમિત અભ્યાસ કરવા તેમજ આત્મવિશ્વાસ સાથે આગળ વધવા માટે પ્રેરણા આપી હતી. મુખ્યમંત્રીએ ખાસ કરીને દીકરીઓના શિક્ષણ પર ભાર મૂકતા જણાવ્યું હતું કે સમાજના સર્વાંગી વિકાસ માટે દીકરીઓનું શિક્ષિત બનવું અત્યંત જરૂરી છે. તેમણે વડાપ્રધાન નરેન્દ્રભાઈ મોદીની વિચારધારાનો ઉલ્લેખ કરી જણાવ્યું કે દેશનો કોઈ પણ બાળક શિક્ષણથી વંચિત ન રહેવો જોઈએ, જેના માટે રાજ્યમાં શાળા પ્રવેશોત્સવ અને કન્યા કેળવણી મહોત્સવ જેવી પહેલો શરૂ કરવામાં આવી હતી. હવે શિક્ષકોની જવાબદારી માત્ર ભણાવવાની નથી, પરંતુ શાળા છોડનારા બાળકોને શોધીને ફરીથી શિક્ષણના પ્રવાહમાં જોડવાની પણ છે. આ પ્રસંગે ધોરણ-૧૦માં અભ્યાસ છોડ્યા બાદ શિક્ષકોના સમજાવવાથી ફરી અભ્યાસ શરૂ કરી બોર્ડની પરીક્ષા પાસ કરનારી સુહાની નામની દીકરીએ જણાવ્યું કે મુખ્યમંત્રી સાથેની વાતચીત બાદ તેનો આત્મવિશ્વાસ વધ્યો છે. બનાસકાંઠા જિલ્લામાં 'બેક ટુ સ્કૂલ મિશન' હેઠળ વર્ષ ૨૦૨૩-૨૪, ૨૦૨૪-૨૫ અને ૨૦૨૫-૨૬ દરમિયાન હાથ ધરાયેલા સર્વેમાં કુલ ૩૭,૪૧૫ ડ્રોપઆઉટ બાળકોની ઓળખ કરવામાં આવી હતી. આ પૈકી કુલ ૨૯,૪૫૧ બાળકોને ફરીથી શાળામાં પ્રવેશ અપાવવામાં આવ્યો છે, જેમાં ૧૪,૮૭૫ કુમારો અને ૧૪,૫૭૬ કન્યાઓ સામેલ છે. પુનઃપ્રવેશ મેળવનારા બાળકોમાંથી ૨૩,૦૩૨ વિદ્યાર્થીઓને ગુજરાત સ્ટેટ ઓપન સ્કૂલ (GSOS) સાથે જોડવામાં આવ્યા છે, જ્યારે ૬,૩૬૮ વિદ્યાર્થીઓને નિયમિત શાળાઓમાં પુનઃપ્રવેશ આપવામાં આવ્યો છે.

Anil Ramanuj

Press riportar રાધનપુર, પાટણ, ગુજરાત•

5 hrs ago

ગુજરાત સરકાર દ્વારા બાળકો શિક્ષણથી વંચિત ન રહે અને શાળા છોડનારા વિદ્યાર્થીઓ ફરીથી શિક્ષણના મુખ્ય પ્રવાહમાં જોડાય તેવા ઉદ્દેશ સાથે 'બેક ટુ સ્કૂલ મિશન' અભિયાન ચલાવવામાં આવી રહ્યું છે. આ અભિયાન અંતર્ગત મુખ્યમંત્રી ભૂપેન્દ્ર પટેલે બનાસકાંઠા જિલ્લાના તેનીવાડા ખાતે શાળામાં પુનઃપ્રવેશ મેળવનારા વિદ્યાર્થીઓ, તેમના વાલીઓ અને મેન્ટર્સ સાથે આત્મીય સંવાદ કર્યો હતો. મુખ્યમંત્રીએ બાળકો સાથે સહજતાથી વાતચીત કરીને તેમના અભ્યાસ, શાળા છોડવાના

કારણો અને ભવિષ્યના સપનાઓ અંગે જાણકારી મેળવી હતી અને વિદ્યાર્થીઓને નિયમિત અભ્યાસ કરવા તેમજ આત્મવિશ્વાસ સાથે આગળ વધવા માટે પ્રેરણા આપી હતી. મુખ્યમંત્રીએ ખાસ કરીને દીકરીઓના શિક્ષણ પર ભાર મૂકતા જણાવ્યું હતું કે સમાજના સર્વાંગી વિકાસ માટે દીકરીઓનું શિક્ષિત બનવું અત્યંત જરૂરી છે. તેમણે વડાપ્રધાન નરેન્દ્રભાઈ મોદીની વિચારધારાનો ઉલ્લેખ કરી જણાવ્યું કે દેશનો કોઈ પણ બાળક શિક્ષણથી વંચિત ન રહેવો જોઈએ, જેના માટે

રાજ્યમાં શાળા પ્રવેશોત્સવ અને કન્યા કેળવણી મહોત્સવ જેવી પહેલો શરૂ કરવામાં આવી હતી. હવે શિક્ષકોની જવાબદારી માત્ર ભણાવવાની નથી, પરંતુ શાળા છોડનારા બાળકોને શોધીને ફરીથી શિક્ષણના પ્રવાહમાં જોડવાની પણ છે. આ પ્રસંગે ધોરણ-૧૦માં અભ્યાસ છોડ્યા બાદ શિક્ષકોના સમજાવવાથી ફરી અભ્યાસ શરૂ કરી બોર્ડની પરીક્ષા પાસ કરનારી સુહાની નામની દીકરીએ જણાવ્યું કે મુખ્યમંત્રી સાથેની વાતચીત બાદ તેનો આત્મવિશ્વાસ વધ્યો છે. બનાસકાંઠા જિલ્લામાં 'બેક ટુ

સ્કૂલ મિશન' હેઠળ વર્ષ ૨૦૨૩-૨૪, ૨૦૨૪-૨૫ અને ૨૦૨૫-૨૬ દરમિયાન હાથ ધરાયેલા સર્વેમાં કુલ ૩૭,૪૧૫ ડ્રોપઆઉટ બાળકોની ઓળખ કરવામાં આવી હતી. આ પૈકી કુલ ૨૯,૪૫૧ બાળકોને ફરીથી શાળામાં પ્રવેશ અપાવવામાં આવ્યો છે, જેમાં ૧૪,૮૭૫ કુમારો અને ૧૪,૫૭૬ કન્યાઓ સામેલ છે. પુનઃપ્રવેશ મેળવનારા બાળકોમાંથી ૨૩,૦૩૨ વિદ્યાર્થીઓને ગુજરાત સ્ટેટ ઓપન સ્કૂલ (GSOS) સાથે જોડવામાં આવ્યા છે, જ્યારે ૬,૩૬૮ વિદ્યાર્થીઓને નિયમિત શાળાઓમાં પુનઃપ્રવેશ આપવામાં આવ્યો છે.