तासगाव पंचायत समितीचे माजी सभापती आणि दिवंगत माजी उपमुख्यमंत्री आर. आर. पाटील यांचे विश्वासू कार्यकर्ते संजय पाटील यांनी उपमुख्यमंत्री एकनाथ शिंदे यांच्या शिवसेनेत प्रवेश केला आहे. विटा येथे उद्योगमंत्री उदय सामंत यांच्याशी झालेल्या चर्चेनंतर हा पक्षप्रवेश संपन्न झाला. या घडामोडीमुळे आ. रोहित पाटील गटाला मोठा राजकीय धक्का बसल्याचे मानले जात आहे. संजय पाटील हे आर. आर. पाटील यांच्या राजकीय कारकिर्दीतील पहिल्या फळीतील कार्यकर्ते म्हणून ओळखले जातात; त्यांनी पक्षाचे तालुकाध्यक्षपदही भूषवले होते आणि आर. आर. पाटील यांच्या विविध निवडणुकांमध्ये सक्रिय भूमिका बजावत संघटना मजबूत करण्यासाठी मोठे योगदान दिले होते. मात्र, नुकत्याच झालेल्या जिल्हा परिषद आणि पंचायत समिती निवडणुकांदरम्यान त्यांच्यातील नाराजी उघड झाली. त्यांना सावळज पंचायत समिती गणातून उमेदवारीची अपेक्षा होती, पण ती न मिळाल्याने त्यांनी अपक्ष निवडणूक लढवली. या निवडणुकीत त्यांनी सुमारे २६०० मते मिळवत आपली ताकद दाखवून दिली. विशेष म्हणजे, आ. रोहित पाटील गटाचा बालेकिल्ला असलेल्या सावळज गणात झालेल्या या मतविभागणीचा परिणाम निकालावर झाला आणि राष्ट्रवादीच्या मतांमधील फाटाफुटीमुळे माजी खासदार संजयकाका पाटील गटाचे ऋषिकेश बिरणे विजयी झाले. तेव्हापासून संजय पाटील यांच्या राजकीय भूमिकेकडे तालुक्याचे लक्ष लागले होते. दीर्घकाळ पक्षनिष्ठा जपूनही अपेक्षित मान-सन्मान व संधी मिळत नसल्याची भावना त्यांच्या मनात निर्माण झाल्याचे राजकीय वर्तुळात बोलले जात आहे. विटा येथे मंत्री उदय सामंत यांच्या दौऱ्यात या विषयावर सविस्तर चर्चा होऊन हा पक्षप्रवेश निश्चित झाला. संजय पाटील यांच्या या पक्षप्रवेशामुळे आता सावळज जिल्हा परिषद गटासह तासगाव तालुक्यातील राजकीय समीकरणांवर परिणाम होण्याची शक्यता वर्तवली जात आहे. आर. आर. पाटील यांच्या काळापासून संघटनेत सक्रिय असलेला कार्यकर्ता शरद पवार गटापासून दूर जाणे, हा रोहित पाटील गटासाठी मोठा राजकीय धक्का मानला जात आहे.

EXPRESS NEWS

Press advisory मिरज, सांगली, महाराष्ट्र•

1 hr ago

तासगाव पंचायत समितीचे माजी सभापती आणि दिवंगत माजी उपमुख्यमंत्री आर. आर. पाटील यांचे विश्वासू कार्यकर्ते संजय पाटील यांनी उपमुख्यमंत्री एकनाथ शिंदे यांच्या शिवसेनेत प्रवेश केला आहे. विटा येथे उद्योगमंत्री उदय सामंत यांच्याशी झालेल्या चर्चेनंतर हा पक्षप्रवेश संपन्न झाला. या घडामोडीमुळे आ. रोहित पाटील गटाला मोठा राजकीय धक्का बसल्याचे मानले जात आहे. संजय पाटील हे आर. आर. पाटील यांच्या राजकीय कारकिर्दीतील पहिल्या फळीतील कार्यकर्ते म्हणून ओळखले जातात; त्यांनी पक्षाचे तालुकाध्यक्षपदही भूषवले होते आणि आर. आर. पाटील यांच्या विविध निवडणुकांमध्ये सक्रिय भूमिका बजावत संघटना मजबूत करण्यासाठी मोठे योगदान दिले होते. मात्र, नुकत्याच झालेल्या जिल्हा परिषद आणि पंचायत समिती निवडणुकांदरम्यान त्यांच्यातील नाराजी उघड झाली. त्यांना सावळज पंचायत समिती गणातून उमेदवारीची अपेक्षा होती, पण ती न मिळाल्याने त्यांनी अपक्ष निवडणूक लढवली. या निवडणुकीत त्यांनी सुमारे २६०० मते मिळवत आपली ताकद दाखवून दिली. विशेष म्हणजे, आ. रोहित पाटील गटाचा बालेकिल्ला असलेल्या सावळज गणात झालेल्या या मतविभागणीचा परिणाम निकालावर झाला आणि राष्ट्रवादीच्या मतांमधील फाटाफुटीमुळे माजी खासदार संजयकाका पाटील गटाचे ऋषिकेश बिरणे विजयी झाले. तेव्हापासून संजय पाटील यांच्या राजकीय भूमिकेकडे तालुक्याचे लक्ष लागले होते. दीर्घकाळ पक्षनिष्ठा जपूनही अपेक्षित मान-सन्मान व संधी मिळत नसल्याची भावना त्यांच्या मनात निर्माण झाल्याचे राजकीय वर्तुळात बोलले जात आहे. विटा येथे मंत्री उदय सामंत यांच्या दौऱ्यात या विषयावर सविस्तर चर्चा होऊन हा पक्षप्रवेश निश्चित झाला. संजय पाटील यांच्या या पक्षप्रवेशामुळे आता सावळज जिल्हा परिषद गटासह तासगाव तालुक्यातील राजकीय समीकरणांवर परिणाम होण्याची शक्यता वर्तवली जात आहे. आर. आर. पाटील यांच्या काळापासून संघटनेत सक्रिय असलेला कार्यकर्ता शरद पवार गटापासून दूर जाणे, हा रोहित पाटील गटासाठी मोठा राजकीय धक्का मानला जात आहे.