पुण्यश्लोक राजमाता अहिल्यादेवी होळकर यांच्या ३०१ व्या जयंतीनिमित्त जामखेड तालुक्यातील श्रीक्षेत्र चोंडी येथे २९, ३० आणि ३१ मे २०२६ दरम्यान एका भव्य जयंती महोत्सवाचे आयोजन करण्यात आले आहे. या ऐतिहासिक सोहळ्यास सर्व अहिल्याभक्तांनी मोठ्या संख्येने उपस्थित राहावे, असे आवाहन महाराष्ट्र विधानपरिषदेचे सभापती प्रा. राम शिंदे यांनी केले आहे. या महोत्सवासाठी राजस्थानचे राज्यपाल हरिभाऊ बागडे, मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा अजित पवार, पर्यावरण मंत्री पंकजा मुंडे, सार्वजनिक बांधकाम मंत्री शिवेंद्रसिंहराजे भोसले, ग्रामविकास व पंचायतराज मंत्री जयकुमार गोरे, कृषी मंत्री दत्तात्रय भरणे, इतर मागास बहुजन कल्याण, दुग्धविकास, अपारंपरिक ऊर्जा व दिव्यांग कल्याण मंत्री अतुल सावे, अहिल्यानगरचे पालकमंत्री राधाकृष्ण विखे पाटील यांच्यासह मंत्रिमंडळातील सदस्य, खासदार, आमदार आणि विविध क्षेत्रांतील मान्यवर उपस्थित राहणार आहेत. भारत निवडणूक आयोगाने आदर्श आचारसंहितेचे काटेकोर पालन करणे तसेच कार्यक्रमाचा कोणत्याही प्रकारे राजकीय लाभ घेऊ नये, या अटींसह महोत्सवास परवानगी दिली आहे. महोत्सवांतर्गत शुक्रवार, २९ मे रोजी सायंकाळी ७ वाजता आमदार गोपीचंद पडळकर यांच्या संकल्पनेतून भामाबाई शंकरराव शिंदे यांच्या हस्ते मंदिरावरील विद्युत रोषणाई व भव्य दीपमहोत्सवाचे उद्घाटन झाले. शनिवार, ३० मे रोजी रात्री ७.३० वाजता कवी संमेलनाचे आयोजन करण्यात आले आहे, ज्यात युगकवी डॉ. कुमार विश्वास, अभिनेत्री गिरिजा ओक, कवयित्री डॉ. भुवन मोहिनी, साक्षी तिवारी, शिखा अवधेश, श्रद्धा शौर्य, सान्या राय आणि नेहा गोडघाटे काव्य सादर करतील. रात्री ११ वाजता देशातील प्रख्यात शिवमंदिरे, जेजुरी गड, चोंडी स्मारकाची रचना तसेच अहिल्यादेवींच्या जीवनपटावर आधारित एक ड्रोन शो सादर केला जाईल, जो चोंडी परिसरापासून सुमारे १० किलोमीटर अंतरापर्यंत पाहता येणार आहे. मध्यरात्री १२ वाजता जयंतीनिमित्त भव्य फटाक्यांची आतषबाजी करण्यात येणार आहे. रविवार, ३१ मे रोजी सकाळी ८ वाजता राज्यपाल हरिभाऊ बागडे, मुख्यमंत्री देवेंद्र फडणवीस आणि प्रा. राम शिंदे यांच्या उपस्थितीत अहिल्येश्वर मंदिरात महाअभिषेक संपन्न होईल. सकाळी ९ वाजल्यापासून जिल्हा परिषद प्राथमिक शाळा, चोंडी येथे महाप्रसादाचे आयोजन केले आहे. सकाळी ११ ते दुपारी १.३० वाजेपर्यंत मान्यवरांच्या उपस्थितीत मुख्य जयंती सोहळा व अभिवादन सभा पार पडणार आहे.

कर्जत लाईव्ह

Advertising agency कर्जत, अहमदनगर, महाराष्ट्र•

7 hrs ago

पुण्यश्लोक राजमाता अहिल्यादेवी होळकर यांच्या ३०१ व्या जयंतीनिमित्त जामखेड तालुक्यातील श्रीक्षेत्र चोंडी येथे २९, ३० आणि ३१ मे २०२६ दरम्यान एका भव्य जयंती महोत्सवाचे आयोजन करण्यात आले आहे. या ऐतिहासिक सोहळ्यास सर्व अहिल्याभक्तांनी मोठ्या संख्येने उपस्थित राहावे, असे आवाहन महाराष्ट्र विधानपरिषदेचे सभापती प्रा. राम शिंदे यांनी केले आहे. या महोत्सवासाठी राजस्थानचे राज्यपाल हरिभाऊ बागडे, मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा अजित पवार, पर्यावरण मंत्री पंकजा मुंडे, सार्वजनिक बांधकाम मंत्री शिवेंद्रसिंहराजे भोसले, ग्रामविकास व पंचायतराज मंत्री जयकुमार गोरे, कृषी मंत्री दत्तात्रय भरणे, इतर मागास बहुजन कल्याण, दुग्धविकास, अपारंपरिक ऊर्जा व दिव्यांग कल्याण मंत्री अतुल सावे, अहिल्यानगरचे पालकमंत्री राधाकृष्ण विखे पाटील यांच्यासह मंत्रिमंडळातील सदस्य, खासदार, आमदार आणि विविध क्षेत्रांतील मान्यवर उपस्थित राहणार आहेत. भारत निवडणूक आयोगाने आदर्श आचारसंहितेचे काटेकोर पालन करणे तसेच कार्यक्रमाचा कोणत्याही प्रकारे राजकीय लाभ घेऊ नये, या अटींसह महोत्सवास परवानगी दिली आहे. महोत्सवांतर्गत शुक्रवार, २९ मे रोजी सायंकाळी ७ वाजता आमदार गोपीचंद पडळकर यांच्या संकल्पनेतून भामाबाई शंकरराव शिंदे यांच्या हस्ते मंदिरावरील विद्युत रोषणाई व भव्य दीपमहोत्सवाचे उद्घाटन झाले. शनिवार, ३० मे रोजी रात्री ७.३० वाजता कवी संमेलनाचे आयोजन करण्यात आले आहे, ज्यात युगकवी डॉ. कुमार विश्वास, अभिनेत्री गिरिजा ओक, कवयित्री डॉ. भुवन मोहिनी, साक्षी तिवारी, शिखा अवधेश, श्रद्धा शौर्य, सान्या राय आणि नेहा गोडघाटे काव्य सादर करतील. रात्री ११ वाजता देशातील प्रख्यात शिवमंदिरे, जेजुरी गड, चोंडी स्मारकाची रचना तसेच अहिल्यादेवींच्या जीवनपटावर आधारित एक ड्रोन शो सादर केला जाईल, जो चोंडी परिसरापासून सुमारे १० किलोमीटर अंतरापर्यंत पाहता येणार आहे. मध्यरात्री १२ वाजता जयंतीनिमित्त भव्य फटाक्यांची आतषबाजी करण्यात येणार आहे. रविवार, ३१ मे रोजी सकाळी ८ वाजता राज्यपाल हरिभाऊ बागडे, मुख्यमंत्री देवेंद्र फडणवीस आणि प्रा. राम शिंदे यांच्या उपस्थितीत अहिल्येश्वर मंदिरात महाअभिषेक संपन्न होईल. सकाळी ९ वाजल्यापासून जिल्हा परिषद प्राथमिक शाळा, चोंडी येथे महाप्रसादाचे आयोजन केले आहे. सकाळी ११ ते दुपारी १.३० वाजेपर्यंत मान्यवरांच्या उपस्थितीत मुख्य जयंती सोहळा व अभिवादन सभा पार पडणार आहे.