ଆଜି ଶୁକ୍ରବାର ଦିନ ପ୍ରାୟ ୨.୪୦ ମିନିଟରେ ବୀରମହାରାଜପୁରର ରଥପୁର ଅଞ୍ଚଳରେ ପ୍ରବଳ ଝଡ଼ ପବନ ସହିତ ବଜ୍ରପାତ, ଘଡ଼ଘଡ଼ି ସହ ବର୍ଷା ହୋଇଥିବା ଜଣାପଡ଼ିଛି।

ସୁବର୍ଣ୍ଣପୁରର ଏହେସାସ ତାଇକଣ୍ଡୋ ଏକାଡେମୀ ନିକଟରେ କଟକର ନେହେରୁ ଷ୍ଟାଡିୟମଠାରେ ଅନୁଷ୍ଠିତ ରାଜ୍ୟସ୍ତରୀୟ ତାଇକଣ୍ଡୋ ପ୍ରତିଯୋଗିତାରେ ଉଲ୍ଲେଖନୀୟ ସଫଳତା ହାସଲ କରିଛି। ଏହି ପ୍ରତିଯୋଗିତାରେ ଏକାଡେମୀର ୫ ଜଣ ଖେଳାଳୀ ଅଂଶଗ୍ରହଣ କରିଥିବାବେଳେ, ସେମାନଙ୍କ ମଧ୍ୟରୁ ତିନିଜଣ ପ୍ରତିଯୋଗୀ ରୌପ୍ୟ ପଦକ ଜିତିଛନ୍ତି।

ରାଜ୍ୟର ବିଭିନ୍ନ ମଣ୍ଡିରେ ବହୁ ପରିମାଣରେ ଧାନ ପଡ଼ିରହିଥିବା ସୂଚନା ମିଳିଛି। ପ୍ରାପ୍ତ ଖବର ଅନୁଯାୟୀ, ମଣ୍ଡିଗୁଡ଼ିକରେ ହଜାର ହଜାର କୁଇଣ୍ଟାଲ ଧାନ ପଡ଼ିରହିଥିବା ବେଳେ ବର୍ଷା ଯୋଗୁଁ ସେଗୁଡ଼ିକ ନଷ୍ଟ ହେବାକୁ ଲାଗିଛି। ଏହି ପରିସ୍ଥିତି ଚାଷୀଙ୍କ ସମସ୍ତ ଆଶାକୁ ଧ୍ୱଂସ କରିଦେଉଛି।

ବୌଦ୍ଧ ଜିଲ୍ଲା ହରଭଙ୍ଗା ଅଞ୍ଚଳର ଶହ ଶହ ଏକର ଚାଷ ଜମିକୁ ଜଳ ଯୋଗାଉଥିବା ସଗଡ଼ିଆ କ୍ଷ୍ୟୁଦ୍ର ଜଳସେଚନ ପ୍ରକଳ୍ପ ଅବହେଳା ଓ ରକ୍ଷଣାବେକ୍ଷଣ ଅଭାବରୁ ଏବେ ନିଜର ଅସ୍ତିତ୍ୱ ହରାଇବାକୁ ବସିଛି। ଖରିଫ ଋତୁ ଆରମ୍ଭ ହେବାକୁ ଥିବାବେଳେ ପ୍ରକଳ୍ପର ଏହି ଦୟନୀୟ ସ୍ଥିତି ଚାଷୀମାନଙ୍କ ଚିନ୍ତା ବଢ଼ାଇ ଦେଇଛି। ସମୟ ଥାଉ ଥାଉ ପ୍ରକଳ୍ପର ପୁନଃଉଦ୍ଧାର କରାନଗଲେ ଚଳିତ ବର୍ଷ ଖରିଫ ଚାଷ ଗୁରୁତର ଭାବେ ପ୍ରଭାବିତ ହେବ ବୋଲି ଚାଷୀମାନେ ଆଶଙ୍କା ପ୍ରକାଶ କରିଛନ୍ତି। ସଗଡ଼ିଆ ନାଳ ଉପରେ ନିର୍ମିତ ଏହି କ୍ଷ୍ୟୁଦ୍ର ଜଳସେଚନ ପ୍ରକଳ୍ପ ହରଭଙ୍ଗା ଓ ସଂକୁଲୋଇ ପଞ୍ଚାୟତର ହରଭଙ୍ଗା, ବୁକେସିଙ୍ଗା, କୋଡାସିଙ୍ଗା, ପାଣୀଘରା, ବୁଲୁରା, ରାଉତ ପଡା, ମଲ୍ଲିକ ପଡା, ସୁରୁଣ୍ଡି, ଦିଆଁଘାଟ ଗ୍ରାମ ସହିତ ଆଖପାଖ ଅଞ୍ଚଳର ଚାଷ ଜମିକୁ ଜଳ ଯୋଗାଇ ଆସୁଥିଲା। ମାତ୍ର, ଦୀର୍ଘଦିନ ଧରି ଏହାର ରକ୍ଷଣାବେକ୍ଷଣ ହୋଇନଥିବାରୁ ପ୍ରକଳ୍ପଟି ଅକାମୀ ହେବାକୁ ବସିଛି। ଜଳାଶୟରେ ବହୁ ପରିମାଣରେ ପଙ୍କ ଜମିବା ଯୋଗୁଁ ଜଳଧାରଣ କ୍ଷମତା କମିଯାଇଛି। ଏହା ସହିତ, ଶାଖା କେନାଲଗୁଡ଼ିକ ଅନାବନା ଲତାବୁଦାରେ ଭରିଯାଇଥିବା ବେଳେ ବହୁ ସ୍ଥାନରେ କେନାଲ ହୁଡ଼ା ଭାଙ୍ଗିଯାଇଛି, ଫଳରେ ଜଳ ଚାଷ ଜମିକୁ ପହଞ୍ଚିବା ପରିବର୍ତ୍ତେ ଅନ୍ୟ ସ୍ଥାନକୁ ବହିଯାଉଛି। ସ୍ଥାନୀୟ ଚାଷୀମାନଙ୍କ କହିବା ଅନୁସାରେ, ପ୍ରତିବର୍ଷ ବର୍ଷା ଆରମ୍ଭ ପୂର୍ବରୁ ପ୍ରକଳ୍ପରୁ ପଙ୍କ ଉଦ୍ଧାର, କେନାଲ ସଫେଇ ଓ ଭାଙ୍ଗିଥିବା ସ୍ଥାନର ମରାମତି କରାଯିବା କଥା। କିନ୍ତୁ ବର୍ଷ ବର୍ଷ ଧରି ଏଭଳି କୌଣସି କାର୍ଯ୍ୟ ହୋଇନଥିବାରୁ ଏହାର ସିଧାସଳଖ ପ୍ରଭାବ ଚାଷ ଉପରେ ପଡ଼ୁଛି। ଏହି ପ୍ରକଳ୍ପ ଉପରେ ଶହ ଶହ ପରିବାରର ଜୀବିକା ନିର୍ଭର କରୁଥିବାରୁ, ବର୍ଷା ଋତୁ ପୂର୍ବରୁ ଯୁଦ୍ଧକାଳୀନ ଭିତ୍ତିରେ ପଙ୍କ ଉଦ୍ଧାର, ଶାଖା କେନାଲ ସଫେଇ, ଭାଙ୍ଗିଥିବା କେନାଲ ହୁଡ଼ାର ମରାମତି ଏବଂ ସମଗ୍ର ପ୍ରକଳ୍ପର ପୁନରୁଦ୍ଧାର କାମ ଆରମ୍ଭ କରାଯିବା ଆବଶ୍ୟକ ବୋଲି ବୁକେସିଙ୍ଗା ଗ୍ରାମର ଶତାଧିକ ଚାଷୀ ଦାବି କରିଛନ୍ତି। ସେମାନେ ଜଳସମ୍ପଦ ବିଭାଗ ଏବଂ ଜିଲ୍ଲା ପ୍ରଶାସନଙ୍କ ଦୃଷ୍ଟି ଆକର୍ଷଣ କରି ତୁରନ୍ତ ପଦକ୍ଷେପ ନେବାକୁ ନିବେଦନ କରିଛନ୍ତି, ନଚେତ୍ ଚଳିତ ଖରିଫ ଋତୁରେ ଚାଷୀମାନେ ଜଳସେଚନ ସୁବିଧାରୁ ବଞ୍ଚିତ ରହିବେ ବୋଲି ଚେତାବନୀ ଦେଇଛନ୍ତି।

ବିଶ୍ଵ ଯୋଗ ଦିବସ ଅବସରରେ ବରଗଡ଼ ଜିଲ୍ଲାର ବରପାଲି ବ୍ଲକ ଅନ୍ତର୍ଗତ ଟିଙ୍ଗିପାଳି ଫାର୍ମାସିଷ୍ଟ କଲେଜର ଚେୟାରମ୍ୟାନ୍ ନରେନ୍ଦ୍ର କୁମାର ହୋତା ମତବ୍ୟକ୍ତ କରିଛନ୍ତି ଯେ, ଯୋଗ ଅଭ୍ୟାସ ଦ୍ୱାରା ଶରୀରରୁ ରୋଗ ବିଯୋଗ ହୋଇଥାଏ। ସେ ଏହି ଅବସରରେ ଯୋଗର ମହତ୍ତ୍ୱ ଉପରେ ଗୁରୁତ୍ୱାରୋପ କରିଛନ୍ତି।

ଆଜି ଭୁବନେଶ୍ୱରର ମୈତ୍ରୀନଗର ଅଞ୍ଚଳରେ ଏକ ରହସ୍ୟମୟ ଘଟଣା ସାମ୍ନାକୁ ଆସିଛି। ସ୍ଥାନୀୟ ଲୋକଙ୍କ କହିବା ଅନୁସାରେ, ଏକ ସୁଡ଼ଙ୍ଗ ଭିତରୁ ଛୋଟ ଶିଶୁର କାନ୍ଦ ଶୁଣାଯାଉଥିଲା। ଏହି ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ସୁଡ଼ଙ୍ଗ, ଆଖପାଖ ଅଞ୍ଚଳ ଏବଂ ଝାଡ଼ି-ଜଙ୍ଗଲରେ ଘଣ୍ଟା ଘଣ୍ଟା ଧରି ବ୍ୟାପକ ଖୋଜାଖୋଜି କରିଥିଲା। କିନ୍ତୁ ଆଶ୍ଚର୍ଯ୍ୟଜନକ ଭାବେ କୌଣସି ଶିଶୁର ସନ୍ଧାନ ମିଳିନଥିଲା। ଏହି ସମ୍ପୂର୍ଣ୍ଣ ଘଟଣା ଏବେବି ଏକ ରହସ୍ୟ ହୋଇ ରହିଯାଇଛି, ଯାହା ପୋଲିସକୁ ମଧ୍ୟ ହତବାକ୍ କରିଛି।

ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ୨୦୨୩ ଏବଂ ୨୦୨୪ ବର୍ଷ ପାଇଁ ଚଳଚ୍ଚିତ୍ର ପୁରସ୍କାର ପ୍ରଦାନ କରୁଛନ୍ତି। ଏହି ପୁରସ୍କାର ବିତରଣ କାର୍ଯ୍ୟକ୍ରମ ଲୋକ ସେବା ଭବନର ଷ୍ଟେଟ୍ କନଭେନସନ୍ ସେଣ୍ଟରରେ ୨୬ ଜୁନ୍ ୨୦୨୬ ରେ ଅନୁଷ୍ଠିତ ହେଉଛି।

ବରଗଡ଼ ଜିଲ୍ଲା ସୋହେଲା ଅନ୍ତର୍ଗତ ଶାନ୍ତି ତପୋବନ ଆଶ୍ରମର ମାତୃଛାୟା ଅନ୍ତେବାସିନୀ ଯମୁନାଙ୍କ ଶୁଭ ବିବାହ କୁଲୁଣ୍ଡା (ଅତାବିରା) ନିବାସୀ ଶ୍ରୀମତୀ ପ୍ରେମସିଲା ସାହୁ ଏବଂ ଶ୍ରୀ ରାଜେନ୍ଦ୍ର ସାହୁଙ୍କ ଦ୍ୱିତୀୟ ପୁତ୍ର ଶ୍ରୀ ସୁଦାମ ସାହୁଙ୍କ ସହିତ ସମ୍ପନ୍ନ ହୋଇଯାଇଛି। ଏହି ବିବାହ ଆଶ୍ରମ ମୁଖ୍ୟ ଶ୍ରୀ ଦେବଦତ୍ତ ତ୍ରିପାଠୀଙ୍କ ପୌରୋହିତ୍ୟରେ ଅନୁଷ୍ଠିତ ହୋଇଥିଲା। ଏହି ମହୋତ୍ସବରେ ଡ଼ି.ଏସ.ଡବ୍ଲ୍ୟୁ ଶ୍ରୀମତୀ ସନ୍ଦ୍ୟା ରାଣୀ ନେପାକ, ପ୍ରୋଗ୍ରାମ ଅଫିସର ମଙ୍ଗଳିକା ଦାଶ, ନିମିଷ୍ୟା ପ୍ରଧାନ ଏବଂ ତାଙ୍କ ସହକର୍ମୀଙ୍କ ସମେତ ଶତାଧିକ ଆଶ୍ରମ ହିତାକାଂକ୍ଷୀ ଯୋଗଦେଇ ନବ ଦମ୍ପତିଙ୍କୁ ଆଶୀର୍ବାଦ କରିଥିଲେ। ଏହି ଅବସରରେ ଇପ୍ସିତ ମିଶ୍ର ଓ ତାଙ୍କ ସାଥୀ ସୀତା ବିବାହ ଉପରେ ପରାୟଣ ପରିବେଷଣ କରି ଉତ୍ସବକୁ ଭକ୍ତିମୟ କରିଥିଲେ। ଆଶ୍ରମ ସହ ପରିଚାଳିକା ଲବଙ୍ଗ ସାହୁଙ୍କ ତତ୍ତ୍ୱାବଧାନରେ ଅନୁଷ୍ଠିତ ଏହି ବିବାହ କାର୍ଯ୍ୟକ୍ରମରେ ଶ୍ରୀମତୀ ସୁଶୀଳା ସାହୁ ଏବଂ ସ୍ୱାମୀ ଶଙ୍କର ସାହୁ କନ୍ୟାଦାନ କରିଥିବାବେଳେ ଶ୍ରୀ ପଞ୍ଚାନନ ପଣ୍ଡା ଓ ସରୋଜ କୁମାର ମିଶ୍ର ପୁରୋହିତ ଭାବେ ବିବାହ କାର୍ଯ୍ୟ ସମ୍ପାଦନ କରିଥିଲେ।

ଭଦ୍ରକ ଜିଲ୍ଲା ବନ୍ତ ଥାନା ଅଧୀନ ଚଣ୍ଡୀପୁର ଗ୍ରାମରେ ବିଦ୍ୟୁତ ବିଭାଗର ଏନଫୋର୍ସମେଣ୍ଟ ଟିମ କର୍ମଚାରୀଙ୍କୁ ମାଡ଼ ମାରିବା ଘଟଣା ପରେ ଏକ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଏହି ଘଟଣା ପରେ ଉକ୍ତ ପରିବାରକୁ ଆଜୀବନ ବିଦ୍ୟୁତ ସେବାରୁ ବଞ୍ଚିତ କରାଯାଇଛି ଏବଂ ସବୁଦିନ ପାଇଁ ଖୁଣ୍ଟରୁ ବିଦ୍ୟୁତ ସଂଯୋଗ ବିଚ୍ଛିନ୍ନ କରିଦିଆଯାଇଛି। ସୂଚନା ଅନୁଯାୟୀ, ବାରମ୍ବାର ହୁକ ପକାଇ ବିଦ୍ୟୁତ ଚୋରି କରାଯାଉଥିବାରୁ ବିଦ୍ୟୁତ ବିଭାଗର ଏନଫୋର୍ସମେଣ୍ଟ ଟିମ ଚଢ଼ାଉ କରିବାକୁ ଯାଇଥିଲା। ଏହି ସମୟରେ ଏକ ମୁସଲିମ ପରିବାରର ଜଣେ ବ୍ୟକ୍ତି ବିଭାଗୀୟ କର୍ମଚାରୀମାନଙ୍କୁ ଗାଳି ଗୁଲଜ କରିବା ସହ ନିସ୍ତୁକ ମାଡ଼ ମାରିଥିଲେ। ଏହି ମାଡ଼ ମାରିବାର ଦୃଶ୍ୟର ଏକ ଭିଡିଓ ଭାଇରାଲ ହୋଇଥିଲା। ଏହାପରେ ପୋଲିସ ଅଧିକାରୀ ଏବଂ ବିଦ୍ୟୁତ କର୍ମଚାରୀମାନେ ଉପସ୍ଥିତ ରହି ସବୁଦିନ ପାଇଁ ବିଦ୍ୟୁତ ଖୁଣ୍ଟରୁ ଲାଇନ କାଟିବା ସହିତ ମିଟର ତାରକୁ ମଧ୍ୟ ଉପାଡ଼ି ନେଇଥିଲେ। ବିଦ୍ୟୁତ କାଟି ନିଆଯିବାର କିଛି ଦୃଶ୍ୟ ମଧ୍ୟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।