सोलापूरच्या माढा तालुक्यातील बारलोणी येथील जिल्हा परिषद प्राथमिक शाळेत बालदिंडी मोठ्या उत्साहाने संपन्न झाली आहे. शाळेत आयोजित करण्यात आलेला हा बालदिंडी सोहळा अत्यंत उत्साहात आणि आनंदी वातावरणात पार पडला.

सोलापूरच्या माढा तालुक्यातील बारलोणी येथील जिल्हा परिषद प्राथमिक शाळेत बालदिंडी मोठ्या उत्साहाने संपन्न झाली आहे. शाळेत आयोजित करण्यात आलेला हा बालदिंडी सोहळा अत्यंत उत्साहात आणि आनंदी वातावरणात पार पडला.

आषाढी एकादशीच्या पावन पर्वावर संपूर्ण पंढरपूर नगरी विठूनामाच्या जयघोषाने दुमदुमून गेली आहे. गेल्या काही दिवसांपासून पायी चालत आलेले दिंड्यांचे ताफे पंढरीत पोहोचले असून, लाखो वारकरी टाळ-मृदंगाच्या तालावर पूर्णपणे तल्लीन झाले आहेत. हातात भगव्या पताका आणि डोक्यावर तुळशीवृंदवान घेऊन आलेले हे वारकरी भक्तीत रंगून पंढरपुरात दाखल झाले आहेत.

धाराशिव (उस्मानाबाद) शहरात रस्त्यांवर जागोजागी बेवारस जनावरांचे कळप उभे राहत असल्याने वाहतुकीस मोठा अडथळा निर्माण होत आहे. शहरात भररस्त्यात जनावरांचा ताफा सतत उभा राहत असल्याने शहरातील वाहतूक पूर्णपणे विस्कळीत होत असून यामुळे अपघाताची दाट शक्यता निर्माण झाली आहे. या समस्येमुळे रस्त्यावरून प्रवास करणारे वाहनधारक आणि शालेय विद्यार्थ्यांना नाहक त्रासाला सामोरे जावे लागत आहे. शहरातील भाजी मंडई, दर्गा रोड, सिव्हिल हॉस्पिटल, गाडगेबाबा चौक, आर्य समाज मंदिर, अंबाला हॉटेल (मोजा हॉटेल) समोर तसेच थेट जिल्हाधिकाऱ्यांच्या बंगल्यासमोर या बेवारस जनावरांचा वावर सतत पहायला मिळत आहे. या वाढत्या त्रासातून सुटका करण्यासाठी नगरपालिकेने या परिस्थितीकडे तातडीने लक्ष देऊन या बेवारस जनावरांचा बंदोबस्त करावा, जेणेकरून वाहनधारक व विद्यार्थ्यांचा त्रास दूर होईल, अशी मागणी केली जात आहे.

आषाढी वारीच्या निमित्ताने पंढरपूर शहरात आणि रुक्मिणी मंदिरामध्ये करण्यात आलेल्या रोषणाईचे छायाचित्र ड्रोनद्वारे टिपण्यात आले आहे. आषाढी वारीनिमित्त रुक्मिणी मंदिर परिसर व पंढरपूर शहरात ही विशेष रोषणाई करण्यात आली असून, ड्रोन कॅमेऱ्याच्या साहाय्याने या रोषणाईची दृश्ये कॅमेऱ्यात टिपण्यात आली आहेत.

अहमदनगर जिल्ह्यातील राशीन येथील जिल्हा परिषद प्राथमिक शाळेमध्ये बालदिंडी सोहळा संपन्न झाला आहे.

आषाढी एकादशीच्या पावन पर्वावर संपूर्ण पंढरपूर नगरी विठूनामाच्या जयघोषाने दुमदुमून गेली असून राज्याच्या कानाकोपऱ्यातून आलेला भक्तीचा अथांग महासागर चंद्रभागेच्या वाळवंटात अवतरला आहे. 'माऊली-माऊली', 'विठ्ठल विठ्ठल' आणि 'जय जय राम कृष्ण हरी'च्या गजरात लाखोंच्या संख्येने वारकरी पंढरीत दाखल झाले आहेत. गेल्या काही दिवसांपासून पायी चालत आलेले दिंड्यांचे ताफे, हातात भगव्या पताका, डोक्यावर तुळशीवृंदावन आणि टाळ-मृदंगाच्या तालावर तल्लीन झालेले लाखो वारकरी पंढरपुरात पोहोचले आहेत. देवाच्या दर्शनासाठी वारकऱ्यांच्या लांबलचक रांगा लागल्या असून संपूर्ण परिसर अत्यंत भक्तीमय वातावरणात न्हाऊन निघाला आहे. मुख्य मंदिरासमोरील श्री संत नामदेव पायरीचा परिसर फुलांच्या विलोभनीय सजावटीने आणि आकर्षक रोषणाईने उजळून निघाला आहे. जात-पात आणि भेदभावाच्या पलीकडे जाऊन समतेचा संदेश देणारी ही वारी परंपरा महाराष्ट्राच्या सांस्कृतिक आणि आध्यात्मिक वैभवाची साक्ष देत आहे.

अहमदनगर जिल्ह्यातील कोरेगाव येथे मेंढपाळांवर जमावाने हल्ला केल्याची घटना समोर आली आहे. या हल्ल्याची संपूर्ण घटना सीसीटीव्ही (CCTV) मध्ये कैद झाली आहे.