धुळे येथील अग्रसेन चौकातील खाऊगल्ली आणि फास्टफूड आस्थापनांची तपासणी करण्यात आली आहे. या तपासणी दरम्यान विना परवाना आस्थापना आढळल्यास त्या तात्काळ बंद करण्यात येतील, असा स्पष्ट इशारा देण्यात आला आहे.

धुळे येथील अग्रसेन चौकातील खाऊगल्ली आणि फास्टफूड आस्थापनांची तपासणी करण्यात आली आहे. या तपासणी दरम्यान विना परवाना आस्थापना आढळल्यास त्या तात्काळ बंद करण्यात येतील, असा स्पष्ट इशारा देण्यात आला आहे.

धुळे येथील राजवाडे संशोधन मंडळाकडून ३१ जुलै रोजी शरद पवारांच्या कृतज्ञता गौरव सोहळ्याचे आयोजन करण्यात आले आहे.

नंदुरबार जिल्ह्यातील तळोदा येथील ओम साई ग्रुप मित्र मंडळाच्या वतीने शिर्डीकडे जाणाऱ्या पदयात्रेचा भक्तिमय आणि उत्साही वातावरणात प्रारंभ झाला आहे. साईबाबांच्या दर्शनासाठी निघालेल्या या पदयात्रेचे यंदा १५ वे वर्ष असून, सन २०११ पासून ही परंपरा अखंडपणे सुरू आहे. साईनामाच्या जयघोषात आणि अत्यंत श्रद्धेने भाविकांनी आपल्या पायी प्रवासाला सुरुवात केली आहे. दरवर्षीप्रमाणे यंदाही मोठ्या संख्येने साईभक्त या यात्रेत सहभागी होऊन श्रद्धा, सेवा आणि भक्तीचा संदेश देत शिर्डीकडे मार्गस्थ झाले आहेत. या प्रसंगी पदयात्रींचे फुलांचा वर्षाव करून स्वागत करण्यात आले आणि त्यांच्या सुरक्षित तसेच मंगलमय प्रवासासाठी प्रार्थना करण्यात आली. पदयात्रेच्या प्रस्थानापूर्वी कालिका मंदिर येथे पालखी व साईनाथ महाराज पूजन आणि आरती नगराध्यक्षा भाग्यश्री ताई चौधरी व योगेश चौधरी यांच्या हस्ते संपन्न झाली. या सोहळ्याप्रसंगी योगेश पाडवी, उमेश ठाकरे, नरेंद्र चौधरी, हर्षल चौधरी, पंकज ठाकरे, बाबुलाल पाडवी यांच्यासह ओम साई ग्रुप मित्र मंडळाचे सर्व सदस्य व भाविक मोठ्या संख्येने उपस्थित होते.

दिल्ली येथील जंतर मंतर येथे सुरू असलेले सोनम वांगचुक आणि आदिवासी संघटनांचे आंदोलन आता अधिक व्यापक झाले असून, यात युवक, विद्यार्थी, सामाजिक कार्यकर्ते आणि प्रतिनिधी मोठ्या संख्येने सहभागी झाले आहेत. दिल्लीतील या आंदोलनाला आणि सोनम वांगचुक यांच्या उपोषणाला पाठिंबा देण्यासाठी महाराष्ट्रातील आदिवासी संघटनांनी सक्रिय भूमिका घेतली आहे. या आंदोलनाच्या समर्थनार्थ महाराष्ट्र राज्य आदिवासी बचाव अभियानचे केंद्रीय अध्यक्ष अशोक बागुल आणि आदिवासी एकता परिषदेचे डोंगर बागुल यांच्या मार्गदर्शनाखाली नाशिक, नंदुरबार, धुळे आणि पालघर जिल्ह्यात विविध ठिकाणी निवेदने देण्यात आली आहेत. नाशिकचे जिल्हाध्यक्ष रामचौरे, धुळे जिल्हाध्यक्ष गणेश गावित आणि नंदुरबार जिल्हाध्यक्ष राजेंद्र पवार यांच्यासह असंख्य कार्यकर्त्यांनी स्थानिक तहसील आणि जिल्हाधिकारी कार्यालयात जाऊन ही निवेदने सादर करत सोनम वांगचुक यांना जाहीर पाठिंबा दिला आहे. जर सोनम वांगचुक यांच्या मागण्यांची दखल घेतली गेली नाही, तर संपूर्ण नंदुरबार, धुळे, नाशिक आणि पालघर जिल्ह्यातील आदिवासी बांधव आणि सामाजिक संघटनांमार्फत रस्त्यावर उतरून तीव्र जनआंदोलन छेडण्यात येईल, असा इशारा देण्यात आला आहे. महाराष्ट्र राज्य आदिवासी बचाव अभियान आणि एकता परिषदेकडून संपूर्ण महाराष्ट्रातील आदिवासी जिल्ह्यांमध्ये हे आंदोलन अधिक तीव्र करण्याचे आवाहन करण्यात आले आहे.

येवला येथे नागरिकांच्या समस्या त्वरित सोडवण्यासाठी आणि परिसराच्या विकासासाठी 'जनतेचा दरबार – विकासाचा निर्धार' या उपक्रमाचा शुभारंभ करण्यात आला आहे. कुणाल दराडे यांनी दिलेल्या माहितीनुसार, हा दरबार दर सोमवारी सकाळी १० ते दुपारी २ या वेळेत शिवसेना मध्यवर्ती कार्यालय, कोपरगाव रोड, येवला येथे भरेल. नागरिकांनी आपल्या तक्रारी, अडचणी आणि विकासकामांवरील सूचना थेट मांडून या उपक्रमाचा लाभ घ्यावा, असे आवाहन संयोजकांनी केले आहे।

धुळ्यात अन्न व औषध विभागाने अन्न सुरक्षा व मानके कायदा 2006 अंतर्गत तपासणी करत वेलनेस फॉरेव्हर, गर्ग एंटरप्राइजेस आणि हॉटेल सिल्व्हर स्पूनवर धाड टाकली आहे. या धडक कारवाईदरम्यान अन्न विभागाने एकूण 4 नमुने जप्त केले आहेत. या तपासणीत जप्त करण्यात आलेल्या नमुन्यांमध्ये पनीर, रिफा सोयाबीन ऑइल, डेअरी मिल्क मिल्किनीस आणि डेअरी मिल्क फ्रूट नट यांचा समावेश आहे.

लासलगाव-मनमाड रस्त्यावरून जाणारा एक ट्रेलर अचानक रस्त्याखाली गेला, मात्र सुदैवाने या अपघातात कोणालाही काहीही झालेले नाही. चालकाकडून मिळालेल्या माहितीनुसार, अचानक गाडीचे ब्रेक लटकल्यामुळे ते लवकर लागले नाहीत आणि त्यामुळे हा ट्रेलर रस्त्यावरून खाली गेला. लासलगाव-मनमाड रस्त्यावरून जात असताना हा ट्रेलर पूर्णपणे रस्त्याखाली कोसळता कोसळता थोडक्यात वाचला आहे.