शिवसेनेत (शिंदे गट) प्रवेश केल्यानंतर प्रथमच परभणीत दाखल झालेले खासदार संजय जाधव यांचे कार्यकर्त्यांनी उत्स्फूर्त स्वागत केले. दत्तधाम येथून काढण्यात आलेल्या भव्य मोटारसायकल रॅलीने शहराच्या विविध भागातून मार्गक्रमण करत ठाकरेनगर येथील त्यांच्या निवासस्थानी समारोप केला. यावेळी आयोजित सभेत कार्यकर्त्यांना मार्गदर्शन करताना खासदार जाधव यांनी शिंदे सेनेत प्रवेश करण्यामागील आपली भूमिका स्पष्ट केली. परभणी जिल्ह्याच्या विकासाला गती देणे आणि कार्यकर्त्यांना बळ मिळावे या उद्देशाने हा निर्णय घेतल्याचे त्यांनी सांगितले. गेल्या काही काळापासून पक्षात कार्यकर्त्यांना योग्य न्याय मिळत नसल्याची भावना होती, त्यामुळे कार्यकर्त्यांच्या भावना विचारात घेऊनच आपण हा निर्णय घेतल्याचे त्यांनी नमूद केले. यावेळी बोलताना त्यांनी, परभणी जिल्ह्याला एकाच वेळी आमदार आणि खासदार असे सक्षम नेतृत्व मिळाल्याने विकासकामांसाठी सर्व कार्यकर्त्यांनी जोमाने कामाला लागावे, असे आवाहन केले. तसेच जिल्ह्यात ‘गाव तेथे शिवसेनेची शाखा, घर तेथे शिवसैनिक’ हे अभियान राबविण्यात येणार असल्याची घोषणाही त्यांनी केली. कार्यकर्त्यांप्रती कृतज्ञता व्यक्त करत, सोन्यासारखी माणसे हीच आपली खरी संपत्ती असून त्यांच्याच बळावर आपण राजकारण केले आणि पुढेही करणार आहोत, असे त्यांनी म्हटले. त्यांनी विरोधकांवरही टीका केली आणि मोठ्या नेत्यांनी जबाबदारीने वक्तव्य करावे, असे मत व्यक्त केले. तसेच पूर्वीच्या पक्षात सोयरे-धायरेचे राजकारण मोठ्या प्रमाणावर होत असल्याचा आरोप करत, जिल्ह्यात यापुढे अशा प्रकारचे राजकारण चालू देणार नसल्याचा इशाराही त्यांनी दिला. या कार्यक्रमास सईद खान, शिवसेना जिल्हाप्रमुख आनंद भरोसे, विशाल कदम, गंगाप्रसाद आणेराव, डॉ. राम शिंदे, गणेशराव रोकडे, अप्पाराव वावरे यांच्यासह मोठ्या संख्येने शिवसैनिक आणि कार्यकर्ते उपस्थित होते.

Kapil Ashokrao Shinde

मानवत, परभणी, महाराष्ट्र•

6 hrs ago

शिवसेनेत (शिंदे गट) प्रवेश केल्यानंतर प्रथमच परभणीत दाखल झालेले खासदार संजय जाधव यांचे कार्यकर्त्यांनी उत्स्फूर्त स्वागत केले. दत्तधाम येथून काढण्यात आलेल्या भव्य मोटारसायकल रॅलीने शहराच्या विविध भागातून मार्गक्रमण करत ठाकरेनगर येथील त्यांच्या निवासस्थानी समारोप केला. यावेळी आयोजित सभेत कार्यकर्त्यांना मार्गदर्शन करताना खासदार जाधव यांनी शिंदे सेनेत प्रवेश करण्यामागील आपली भूमिका स्पष्ट केली. परभणी जिल्ह्याच्या विकासाला गती देणे आणि कार्यकर्त्यांना बळ मिळावे या उद्देशाने हा निर्णय घेतल्याचे त्यांनी सांगितले. गेल्या काही काळापासून पक्षात कार्यकर्त्यांना योग्य न्याय मिळत नसल्याची भावना होती, त्यामुळे कार्यकर्त्यांच्या भावना विचारात घेऊनच आपण हा निर्णय घेतल्याचे त्यांनी नमूद केले. यावेळी बोलताना त्यांनी, परभणी जिल्ह्याला एकाच वेळी आमदार आणि खासदार असे सक्षम नेतृत्व मिळाल्याने विकासकामांसाठी सर्व कार्यकर्त्यांनी जोमाने कामाला लागावे, असे आवाहन केले. तसेच जिल्ह्यात ‘गाव तेथे शिवसेनेची शाखा, घर तेथे शिवसैनिक’ हे अभियान राबविण्यात येणार असल्याची घोषणाही त्यांनी केली. कार्यकर्त्यांप्रती कृतज्ञता व्यक्त करत, सोन्यासारखी माणसे हीच आपली खरी संपत्ती असून त्यांच्याच बळावर आपण राजकारण केले आणि पुढेही करणार आहोत, असे त्यांनी म्हटले. त्यांनी विरोधकांवरही टीका केली आणि मोठ्या नेत्यांनी जबाबदारीने वक्तव्य करावे, असे मत व्यक्त केले. तसेच पूर्वीच्या पक्षात सोयरे-धायरेचे राजकारण मोठ्या प्रमाणावर होत असल्याचा आरोप करत, जिल्ह्यात यापुढे अशा प्रकारचे राजकारण चालू देणार नसल्याचा इशाराही त्यांनी दिला. या कार्यक्रमास सईद खान, शिवसेना जिल्हाप्रमुख आनंद भरोसे, विशाल कदम, गंगाप्रसाद आणेराव, डॉ. राम शिंदे, गणेशराव रोकडे, अप्पाराव वावरे यांच्यासह मोठ्या संख्येने शिवसैनिक आणि कार्यकर्ते उपस्थित होते.