পলাশবাৰীত এক বিশেষ কাৰ্যসূচীত ২২০০ৰো অধিক কৃতী শিক্ষাৰ্থীক সম্বৰ্ধনা জনোৱা হৈছে। এই অনুষ্ঠান সন্মিলিত জনকল্যাণ মঞ্চ আৰু দক্ষিণ কামৰূপ জিলা বিজেপিৰ যুটীয়া প্ৰচেষ্টাত সফলভাৱে সম্পন্ন হয়।

পলাশবাৰীত এক বিশেষ কাৰ্যসূচীত ২২০০ৰো অধিক কৃতী শিক্ষাৰ্থীক সম্বৰ্ধনা জনোৱা হৈছে। এই অনুষ্ঠান সন্মিলিত জনকল্যাণ মঞ্চ আৰু দক্ষিণ কামৰূপ জিলা বিজেপিৰ যুটীয়া প্ৰচেষ্টাত সফলভাৱে সম্পন্ন হয়।

বৰপেটা SC সমষ্টিৰ অন্তৰ্গত বৈঠাভাঙা অঞ্চলত টিহু নদী পাৰাপাৰ কৰিবলৈ ছাত্ৰ-ছাত্ৰী আৰু স্থানীয় ৰাইজে প্ৰাণৰ ঝুঁকি ল'বলগীয়া হৈছে। বিদ্যালয়লৈ যোৱাৰ ক্ষেত্ৰত ছাত্ৰ-ছাত্ৰীসকলে টুলুঙা নাওঁৰ সহায়ত বিপদসংকুলভাৱে নদীখন পাৰ হ'বলগীয়া হয়। এই সমস্যা কেৱল ছাত্ৰ-ছাত্ৰীৰ মাজতে সীমাবদ্ধ নহয়, স্থানীয় ৰাইজো দৈনন্দিন জীৱনত একেই দুৰ্ভোগৰ সন্মুখীন হৈ আহিছে, যাৰ ফলত তেওঁলোকৰ জীৱনলৈ এক গুৰুতৰ বিপদ কঢ়িয়াই আনিছে।

যোৱা নিশা কলগাছিয়াত এক চাঞ্চল্যকৰ চুৰি কাণ্ড সংঘটিত হৈছে, য'ত কলগাছিয়া আৰক্ষী থানাৰ পৰা মাত্ৰ এশ মিটাৰ নিলগত থকা বদিউদ জামান নামৰ ব্যক্তিজনৰ 'নিউ তাজমহল জুৱেলাৰী' দোকানখনত চোৰে ড্ৰয়াৰ ভাঙি কেইবা হাজাৰ টকা লুট কৰিছে। এই দোকানখন চাৰিআলি চকৰ পৰা বৰপেটা অসামৰিক চিকিৎসালয়লৈ যোৱা ৰাস্তাৰ কাষত অৱস্থিত। চোৰসমূহে দোকানখনৰ পিছফালৰ পৰা ৰচিৰে ওপৰলৈ উঠি টিনপাত খুলি ঘৰৰ ভিতৰত প্ৰৱেশ কৰিছিল। লুন্ঠনৰ পাছত চোৰে দোকানৰ আচবাব পত্ৰ আৰু চি চি টিভি আদি ভাঙি লণ্ডভণ্ড কৰি পেলাইছে। এই ঘটনাই কলগাছিয়া অঞ্চলজুৰি এক চাঞ্চল্যৰ সৃষ্টি কৰিছে। ৰাইজে কলগাছিয়া আৰক্ষীক শীঘ্ৰে চোৰক বিচাৰি উলিয়াই কঠোৰ শাস্তি প্ৰদান কৰিবলৈ দাবী জনাইছে।

বিটিচি প্ৰধান হাগ্ৰামা মহিলাৰীয়ে যোৱাকালি বিটিচিত উচ্ছেদ চলাব বুলি কৰা ঘোষণাৰ পিছতে সৰৱ হৈ পৰিছে নেমছুৰ সভাপতি বদৰুল ইছলাম। মহিলাৰীয়ে বিপিএফ দল আৰু চৰকাৰৰ হৈ এই উচ্ছেদৰ কথা ঘোষণা কৰিছিল। মুছলমান নেতা বদৰুল ইছলামে এই সন্দৰ্ভত কয় যে, মাটিৰ ম্যাদী পট্টা দিয়াৰ প্ৰতিশ্ৰুতিৰ বিপৰীতে এতিয়া মুছলমানসকলক উচ্ছেদ কৰিব বিচৰা হৈছে। তেওঁ স্পষ্ট কৰি দিছে যে বিটিচিত কোনো পৰিস্থিতিতে অমানৱীয় উচ্ছেদ হ'বলৈ দিয়া নহ'ব। বদৰুল ইছলামে হাগ্ৰামা মহিলাৰীক উচ্ছেদ বন্ধ কৰাৰ বাবে পুনৰ সিদ্ধান্ত গ্ৰহণ কৰিবলৈ আহ্বান জনাইছে, অৰ্থাৎ নিৰ্বাচনী প্ৰতিশ্ৰুতি পালন কৰিবলৈ কৈছে। ইয়াৰ উপৰিও তেওঁ উচ্ছেদ নকৰি APDCL ক অন্য ঠাইত ভূমি প্ৰদান কৰিবলৈও পৰামৰ্শ আগবঢ়াইছে। বদৰুল ইছলামে হুংকাৰ দিছে যে যদিহে উচ্ছেদ কৰা হয়, তেন্তে চৰকাৰৰ বিৰুদ্ধে এক গণতান্ত্ৰিক আন্দোলন গঢ়ি তোলা হ'ব।

ৰাজ্যৰ বিভিন্ন বিদ্যালয়ত কৰ্মৰত চতুৰ্থ বৰ্গৰ কৰ্মচাৰীসকলৰ উমৈহতীয়া মঞ্চ সদৌ অসম বিদ্যালয় চতুৰ্থ শ্ৰেণী কৰ্মচাৰী সন্থাৰ এখন সাধাৰণ সভা আজি ৰঙিয়াত অনুষ্ঠিত হয়। ৰঙিয়া উচ্চতৰ মাধ্যমিক বিদ্যালয়ত অনুষ্ঠিত এই সভাত ৰাজ্যৰ বিভিন্ন জিলাৰ পৰা প্ৰায় তিনি শতাধিক প্ৰতিনিধিয়ে অংশগ্ৰহণ কৰে। ধনেশ্বৰ কৈৱৰ্তৰ সভাপতিত্বত অনুষ্ঠিত এই সভাখনৰ আঁত ধৰে কেন্দ্ৰীয় সমিতিৰ সাধাৰণ সম্পাদক অংকুৰ শৰ্মাই। সভাত সন্থাৰ নতুনকৈ কেইবাগৰাকীও বিষয়ববীয়াক নিৰ্বাচিত কৰা হয়। শিৱসাগৰ জিলাৰ নাজিৰাৰ ৰূপম শইকীয়াক সহ-সম্পাদক, যুগল গগৈ আৰু ৰাজু কলিতাক প্ৰচাৰ সম্পাদক পদত নিৰ্বাচিত কৰা হয়। ইয়াৰ উপৰিও, দ্বীপজ্যোতি লিকচন আৰু অনুজ বৰপাত্ৰগোহাঁই কাৰ্যনিৰ্বাহ সদস্য হিচাপে নিৰ্বাচিত হয়। এই সভাত চতুৰ্থ বৰ্গৰ কৰ্মচাৰীসকলৰ বিভিন্ন সমস্যা সমাধানৰ লক্ষ্যৰে কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয়। শেহতীয়াকৈ ৰাজ্য চৰকাৰৰ শিক্ষা বিভাগে চতুৰ্থ বৰ্গৰ কৰ্মচাৰীসকলক বিদ্যালয়ত নৈশ দায়িত্ব পালনৰ বাবে জাৰি কৰা জাননীৰ পুনৰ বিবেচনা কৰিবলৈ মুখ্যমন্ত্ৰী ডঃ হিমন্ত বিশ্ব শৰ্মা আৰু শিক্ষামন্ত্ৰী ডাঃ ৰণোজ পেগুৰ ওচৰত কাতৰ অনুৰোধ জনোৱা হয়। নেতৃবৰ্গই আক্ষেপ প্ৰকাশ কৰি কয় যে প্ৰশিক্ষণ অথবা সুৰক্ষা কৱচ আৰু মাৰণাস্ত্ৰ অবিহনে এই দায়িত্ব পালন কৰাত যথেষ্ট অসুবিধা হ’ব। তেওঁলোকে লগতে কয় যে সাম্প্ৰতিক পৰিস্থিতিত অতি চতুৰ আৰু চোকা অস্ত্ৰৰে সুসজ্জিত দুৰ্বৃত্তৰ লগত মোকাবিলা কৰিব পৰাকৈ বহু বিদ্যালয়ৰ আন্তঃগাঁথনি অনুন্নত। যাৰ বাবে এই দায়িত্ব পালন কৰাটো সহজ নহয় বুলি দোহাৰি সন্থাৰ নেতৃবৰ্গই চৰকাৰক আহ্বান জনায় যে, ইয়াৰ পৰিৱৰ্তে চৰকাৰে নৈশ দায়িত্ব পালনৰ বাবে নতুনকৈ যুৱক-যুৱতীক নিযুক্তি দিব লাগে।

বকো ছয়গাঁও সমজিলা আৰক্ষী অধীক্ষক জান কিশোৰ গগৈ বৰ্তমান এক্সচন মুডত আছে।

হাউলী বৰপেটা সংযোগী পথত এক ভয়ংকৰ পথ দুৰ্ঘটনা সংঘটিত হৈছে। এই দুৰ্ঘটনাত চাৰিচকীয়া বাহনৰ চালকজনে কোনোমতে প্ৰাণ ৰক্ষা কৰিবলৈ সক্ষম হৈছে।