তেজপুৰৰ ডিপোটা নদীৰ পাৰত এজন ছাত্ৰৰ মৃতদেহ উদ্ধাৰ হোৱা ঘটনাই চাঞ্চল্যৰ সৃষ্টি কৰিছে। তেজপুৰৰ ডিপোটা হাইস্কুলৰ ছাত্ৰ জোনাক জ্যোতি মহন্ত কালি পুৱাৰে পৰা সন্ধানহীন হৈ আছিল। কিন্তু আজি পুৱা বেচেৰিয়াৰ ডিপোটা নদীৰ পাৰৰ আৰিমৰাত তেওঁৰ মৃতদেহ ৰহস্যজনকভাৱে উদ্ধাৰ হয়। উদ্ধাৰ হোৱা মৃতদেহটোৰ মুখমণ্ডলত আঘাতৰ চিন স্পষ্টকৈ দেখা গৈছে। এই সন্দৰ্ভত বেবেজীয়া আৰক্ষীয়ে তদন্ত আৰম্ভ কৰিছে আৰু মৃতদেহটো মৰণোত্তৰ পৰীক্ষাৰ বাবে তেজপুৰ কনকলতা অসামৰিক চিকিৎসালয়লৈ প্ৰেৰণ কৰিছে।

তেজপুৰ চিকিৎসা মহাবিদ্যালয়ৰ বাবে এক সু-খবৰ আহিছে, কিয়নো মহাবিদ্যালয়খনে NABH ৰ স্বীকৃতি লাভ কৰিছে। এই স্বীকৃতি লাভৰ ফলত চিকিৎসা মহাবিদ্যালয়খনত আনন্দৰ সৃষ্টি হৈছে।

গুৱাহাটীৰ নীলাচল পাহাৰত অম্বুবাচী মেলাৰ সময়ত এক উদুলি মুদুলি পৰিবেশ বিৰাজ কৰিছে, য'ত কামাখ্যা দেৱীৰ মন্দিৰত লাখ লাখ সাধু-সন্তই ভীৰ কৰিছে। এই উৎসৱমুখৰ পৰিবেশৰ মাজতে, মধ্য গুৱাহাটী সমষ্টিৰ বিধায়ক বিজয় গুপ্তাকো নীলাচল পাহাৰত দেখা পোৱা গ'ল। তেওঁ কামাখ্যা দেৱীৰ মন্দিৰলৈ যাত্ৰা কৰাৰ সময়ত সাধু-সন্ন্যাসীৰ সৈতে উপস্থিত আছিল।

চতিয়াৰ দক্ষিণ অঞ্চলৰ বিশ্বনাথ পাণপুৰ মথাউৰি বৰ্তমান 'এই যাওঁ এই যাওঁ' অৱস্থাত আছে, যাৰ বাবে অঞ্চলটোৰ ৰাইজ নিদ্ৰাহীনতাত ভুগিছে। বিশ্বনাথ আৰু নদুৱাৰ সমষ্টিৰ বিধায়কসকলৰ তৎপৰতাত জলসম্পদ বিভাগে যোৱা দুই-তিনিদিন ধৰি মথাউৰিৰ খহনীয়া অংশত প্ৰতিৰোধৰ কাম কৰি আহিছে যদিও মথাউৰিটো এতিয়াও বিপদ মুক্ত হোৱা নাই। আজিও মথাউৰিটোৰ কাম স্থবিৰ হৈ পৰে, কাৰণ শ্ৰমিকসকলে জিও বেগৰ অভাৱত কাম নকৰি বহি থাকিবলগীয়া হয়। স্থানীয় শ্ৰমিকসকলে বিষয়টো স্থানীয় দল-সংগঠনক জনোৱাৰ পাছত কাম চলি থকা ঠাইত স্থানীয় গাঁও প্ৰধান, দল-সংগঠনৰ প্ৰতিনিধিৰ লগতে কেইবাগৰাকীও স্থানীয় সাংবাদিক উপস্থিত হয়। তেওঁলোকে কাম কিয় বন্ধ কৰা হৈছে আৰু পৰ্যাপ্ত বেগ যোগান ধৰাত কৃপণালি কৰাৰ অভিযোগ উত্থাপন কৰে। ইয়াৰ প্ৰতিক্ৰিয়া স্বৰূপে, তাত উপস্থিত থকা জলসম্পদ বিভাগৰ বিশ্বনাথ সংমণ্ডলৰ সহকাৰী কাৰ্যবাহী অভিযন্তা প্ৰাণজিৎ বৰা আৰু এগৰাকী কাৰ্যবাহী অভিযন্তাই স্থানীয় দল-সংগঠন, গাঁও প্ৰধানৰ লগতে সাংবাদিকসকলক কটু মন্তব্য কৰাৰ লগতে জে'লত ভৰোৱাৰ ভাবুকি দিয়ে। এগৰাকী চৰকাৰী বিষয়াই দল-সংগঠনৰ প্ৰতিনিধি আৰু সাংবাদিকক ভাবুকি দিয়া এই কাৰ্যই কি বুজাইছে বুলি প্ৰশ্ন উত্থাপন হৈছে। যিহেতু অসমৰ মুখ্যমন্ত্ৰী ড° হিমন্ত বিশ্ব শৰ্মাই বাৰে বাৰে চৰকাৰী বিষয়া-কৰ্মচাৰীক ৰাইজতকৈ ওপৰৰ স্থানত নথকাৰ বাবে সকীয়নি দি আহিছে, তেনেস্থলত বিশ্বনাথৰ জলসম্পদ বিভাগৰ অভিযন্তাই বিপদত পৰা সাধাৰণ ৰাইজৰ লগতে সাংবাদিকক আঙুলি টোৱাই কথা ক'বলৈ কেনেকৈ সাহস পালে তাক লৈ উদ্বেগ প্ৰকাশ পাইছে। স্থানীয় দল-সংগঠনে এই 'ওভত গোৰে নচা' জলসম্পদ বিভাগৰ অভিযন্তাসকলৰ ওপৰত চকু দিবলৈ বিশ্বনাথৰ জিলা আয়ুক্তক দাবী জনাইছে।

দৰিদ্ৰ জনসাধাৰণক সকাহ দিয়াৰ লক্ষ্যৰে কেন্দ্ৰীয় চৰকাৰে ৰূপায়ণ কৰা প্ৰধানমন্ত্ৰী আবাস যোজনা (PMAY-G) আঁচনিক লৈ নগাঁও জিলাৰ জুৰীয়া অঞ্চলত এক তীব্ৰ চাঞ্চল্যৰ সৃষ্টি হৈছে। আঁচনিৰ অধীনত গৃহ লাভ কৰা দৰিদ্ৰ হিতাধিকাৰীৰ ঘৰৰ ‘জিঅ’ টেগ’ কৰি দিয়াৰ নামত বৃহৎ পৰিমাণৰ ধন দাবী কৰাৰ এক গুৰুতৰ অভিযোগ উত্থাপিত হৈছে। এই ধনদাবীৰ ঘটনাটো নগাঁও জিলাৰ বগৰিগুৰি উন্নয়ন খণ্ডৰ অন্তৰ্গত চতিয়ান গাঁও পঞ্চায়তত সংঘটিত হৈছে। প্ৰাপ্ত তথ্য অনুসৰি, চতিয়ান গাঁও পঞ্চায়তৰ মজিবুৰ ৰহমানৰ পত্নী ৰহিমা খাতুনৰ ১৫MD৮৮৭৬৩ (BPL ID) নম্বৰৰ বিপৰীতে প্ৰায় ছমাহ পূৰ্বে প্ৰধানমন্ত্ৰী আবাস যোজনাৰ এটা গৃহ মঞ্জুৰ হৈছিল। তেওঁ গৃহ মঞ্জুৰ হোৱাৰ পিছত প্ৰথম কিস্তিৰ বাবদ ৩২,৫০০ টকা লাভ কৰিছিল আৰু উক্ত ধনেৰে ঘৰৰ ভেটি-পিৰালি পৰ্যন্ত পকী কাম সম্পন্ন কৰিছিল। নিয়ম অনুসৰি, ঘৰৰ কামৰ অগ্ৰগতি চাই দ্বিতীয় কিস্তিৰ ধন মুকলি কৰি দিবলৈ চৰকাৰী বিষয়াৰ দ্বাৰা ‘জিঅ’ টেগ’ কৰাটো অপৰিহাৰ্য। কিন্তু অভিযোগ অনুসৰি, চতিয়ান গাঁও পঞ্চায়তৰ সভানেত্ৰীৰ স্বামী জিয়াবুৰ ৰহমান আৰু পঞ্চায়তৰ একাউণ্টেণ্ট আমিনুল ইছলামে মিলি এই দৰিদ্ৰ পৰিয়ালটোক বিভিন্ন ভয়-ভাবুকি প্ৰদান কৰি ২০,০০০ টকা ঘোচ দাবী কৰে। তেওঁলোকে স্পষ্টভাৱে জনাই দিয়ে যে যদি এই ধন নিদিয়া হয়, তেন্তে ঘৰৰ জিঅ’ টেগ কৰা নহ’ব আৰু পৰিয়ালটোৱে আঁচনিৰ দ্বিতীয় কিস্তিৰ ধন লাভ নকৰিব। এই ধন দাবীৰ পিছত ভুক্তভোগী পৰিয়ালটোৱে জুৰীয়া আৰক্ষী থানাৰ কাষ চাপে। তেওঁলোকে সভানেত্ৰীৰ স্বামী জিয়াবুৰ ৰহমান আৰু একাউণ্টেণ্ট আমিনুল ইছলামৰ বিৰুদ্ধে জুৰীয়া আৰক্ষী থানাত এক লিখিত এজাহাৰ দাখিল কৰিছে। ভুক্তভোগীৰ এজাহাৰৰ ভিত্তিত জুৰীয়া আৰক্ষীয়ে ইতিমধ্যে ঘটনাৰ প্ৰাথমিক তদন্ত আৰম্ভ কৰিছে বুলি জানিব পৰা গৈছে। আৰক্ষীৰ সঠিক তদন্তৰ পিছতহে এই সমগ্ৰ ঘটনাৰ প্ৰকৃত ৰহস্য আৰু সত্যতা পোহৰলৈ আহিব।

নগাঁও জিলাৰ জুৰীয়া উন্নয়ন খণ্ডৰ অন্তৰ্গত সোনাইবেৰা বাটমাৰী গাঁও পঞ্চায়তত গাঁও ৰোজগাৰ সেৱক (GRS) আব্দুল মন্নানৰ বিৰুদ্ধে অলপতে সংবাদ মাধ্যমত প্ৰচাৰিত দুৰ্নীতিৰ বাতৰিক কেন্দ্ৰ কৰি তীব্ৰ প্ৰতিক্ৰিয়াৰ সৃষ্টি হৈছে। একাংশ স্থানীয় ৰাইজে আজি সংবাদ মাধ্যমৰ সন্মুখত এই সমগ্ৰ অভিযোগক একমুখে নাকচ কৰি ইয়াক সম্পূৰ্ণ ভিত্তিহীন আৰু উদ্দেশ্যপ্ৰণোদিত আখ্যা দিছে। উল্লেখ্য যে, তিনিগৰাকী স্থানীয় লোকে জিআৰএছ আব্দুল মন্নান আৰু একাংশ ৱাৰ্ড সদস্যৰ স্বামীৰ বিৰুদ্ধে চৰকাৰী ধনৰ খেলিমেলি কৰাৰ গুৰুতৰ অভিযোগ উত্থাপন কৰিছিল, যাৰ পিছতে বিভিন্ন সংবাদ মাধ্যমত বাতৰি প্ৰকাশ পাইছিল। এই সন্দৰ্ভত স্পষ্টীকৰণ দি ৰাইজে কয় যে, জিআৰএছ আব্দুল মন্নানৰ বিৰুদ্ধে প্ৰচাৰ কৰা দুৰ্নীতিৰ বাতৰিত কোনো সত্যতা নাই। তেওঁলোকে অভিযোগ কৰে যে, একাংশ কুচক্ৰী লোকে নিজৰ ব্যক্তিগত স্বাৰ্থ সিদ্ধি কৰিব নোৱাৰি এইদৰে মিছা আৰু ভুৱা বাতৰি প্ৰচাৰ কৰিছে। ৰাইজৰ মতে, আব্দুল মন্নানে পঞ্চায়তখনত স্বচ্ছতাৰে কাম কৰি আহিছে আৰু তেওঁৰ দৰে এজন কৰ্তব্যপৰায়ণ বিষয়াক জনচক্ষুত হেয় প্ৰতিপন্ন কৰিবলৈহে এই ষড়যন্ত্ৰ ৰচনা কৰা হৈছে। ধনৰ খেলিমেলিৰ অভিযোগ অনা তিনিগৰাকী লোকৰ দাবী ভিত্তিহীন বুলি অভিহিত কৰি একাংশ ৰাইজে এতিয়া জিআৰএছ আব্দুল মন্নান আৰু ৱাৰ্ড সদস্যৰ স্বামীৰ পক্ষত থিয় দিছে। এই সমগ্ৰ ঘটনাই অঞ্চলটোত তীব্ৰ চৰ্চা লাভ কৰিছে।

শোণিতপুৰ জিলাৰ অন্তৰ্গত ঢেকীয়াজুলি আৰক্ষীয়ে পুনৰ এক বৃহৎ সফলতা লাভ কৰিছে। আৰক্ষীয়ে ড্ৰাগছসহ এজন লোকক আটক কৰিবলৈ সক্ষম হৈছে, যিটো ঢেকীয়াজুলি আৰক্ষীৰ বাবে আন এক উল্লেখযোগ্য কৃতিত্ব।

তেজপুৰৰ ডিপোটা নদীৰ পাৰত এজন ছাত্ৰৰ মৃতদেহ উদ্ধাৰ হোৱা ঘটনাই চাঞ্চল্যৰ সৃষ্টি কৰিছে। তেজপুৰৰ ডিপোটা হাইস্কুলৰ ছাত্ৰ জোনাক জ্যোতি মহন্ত কালি পুৱাৰে পৰা সন্ধানহীন হৈ আছিল। কিন্তু আজি পুৱা বেচেৰিয়াৰ ডিপোটা নদীৰ পাৰৰ আৰিমৰাত তেওঁৰ মৃতদেহ ৰহস্যজনকভাৱে উদ্ধাৰ হয়। উদ্ধাৰ হোৱা মৃতদেহটোৰ মুখমণ্ডলত আঘাতৰ চিন স্পষ্টকৈ দেখা গৈছে। এই সন্দৰ্ভত বেবেজীয়া আৰক্ষীয়ে তদন্ত আৰম্ভ কৰিছে আৰু মৃতদেহটো মৰণোত্তৰ পৰীক্ষাৰ বাবে তেজপুৰ কনকলতা অসামৰিক চিকিৎসালয়লৈ প্ৰেৰণ কৰিছে।

এক হৃদয় বিদাৰক ঘটনাত, এজন পাগলক খাদ্য গ্ৰহণৰ সময়ত নিৰ্মমভাৱে প্ৰহাৰ কৰা হৈছে। এই ঘটনাটোৱে মানুহৰ মাজত শোকৰ ছাঁ পেলাইছে আৰু ইয়াৰ প্ৰতি চকু দিবলৈ আহ্বান জনোৱা হৈছে।