নগাঁও জিলাৰ জুৰীয়া উন্নয়ন খণ্ডৰ অন্তৰ্গত সোনাইবেৰা বাটমাৰী গাঁও পঞ্চায়তত গাঁও ৰোজগাৰ সেৱক (GRS) আব্দুল মন্নানৰ বিৰুদ্ধে অলপতে সংবাদ মাধ্যমত প্ৰচাৰিত দুৰ্নীতিৰ বাতৰিক কেন্দ্ৰ কৰি তীব্ৰ প্ৰতিক্ৰিয়াৰ সৃষ্টি হৈছে। একাংশ স্থানীয় ৰাইজে আজি সংবাদ মাধ্যমৰ সন্মুখত এই সমগ্ৰ অভিযোগক একমুখে নাকচ কৰি ইয়াক সম্পূৰ্ণ ভিত্তিহীন আৰু উদ্দেশ্যপ্ৰণোদিত আখ্যা দিছে। উল্লেখ্য যে, তিনিগৰাকী স্থানীয় লোকে জিআৰএছ আব্দুল মন্নান আৰু একাংশ ৱাৰ্ড সদস্যৰ স্বামীৰ বিৰুদ্ধে চৰকাৰী ধনৰ খেলিমেলি কৰাৰ গুৰুতৰ অভিযোগ উত্থাপন কৰিছিল, যাৰ পিছতে বিভিন্ন সংবাদ মাধ্যমত বাতৰি প্ৰকাশ পাইছিল। এই সন্দৰ্ভত স্পষ্টীকৰণ দি ৰাইজে কয় যে, জিআৰএছ আব্দুল মন্নানৰ বিৰুদ্ধে প্ৰচাৰ কৰা দুৰ্নীতিৰ বাতৰিত কোনো সত্যতা নাই। তেওঁলোকে অভিযোগ কৰে যে, একাংশ কুচক্ৰী লোকে নিজৰ ব্যক্তিগত স্বাৰ্থ সিদ্ধি কৰিব নোৱাৰি এইদৰে মিছা আৰু ভুৱা বাতৰি প্ৰচাৰ কৰিছে। ৰাইজৰ মতে, আব্দুল মন্নানে পঞ্চায়তখনত স্বচ্ছতাৰে কাম কৰি আহিছে আৰু তেওঁৰ দৰে এজন কৰ্তব্যপৰায়ণ বিষয়াক জনচক্ষুত হেয় প্ৰতিপন্ন কৰিবলৈহে এই ষড়যন্ত্ৰ ৰচনা কৰা হৈছে। ধনৰ খেলিমেলিৰ অভিযোগ অনা তিনিগৰাকী লোকৰ দাবী ভিত্তিহীন বুলি অভিহিত কৰি একাংশ ৰাইজে এতিয়া জিআৰএছ আব্দুল মন্নান আৰু ৱাৰ্ড সদস্যৰ স্বামীৰ পক্ষত থিয় দিছে। এই সমগ্ৰ ঘটনাই অঞ্চলটোত তীব্ৰ চৰ্চা লাভ কৰিছে।

News 16 Northeast

Newsagent নগাঁও, নগাঁও, অসম•

9 hrs ago

নগাঁও জিলাৰ জুৰীয়া উন্নয়ন খণ্ডৰ অন্তৰ্গত সোনাইবেৰা বাটমাৰী গাঁও পঞ্চায়তত গাঁও ৰোজগাৰ সেৱক (GRS) আব্দুল মন্নানৰ বিৰুদ্ধে অলপতে সংবাদ মাধ্যমত প্ৰচাৰিত দুৰ্নীতিৰ বাতৰিক কেন্দ্ৰ কৰি তীব্ৰ প্ৰতিক্ৰিয়াৰ সৃষ্টি হৈছে। একাংশ স্থানীয় ৰাইজে আজি সংবাদ মাধ্যমৰ সন্মুখত এই সমগ্ৰ অভিযোগক একমুখে নাকচ কৰি ইয়াক সম্পূৰ্ণ ভিত্তিহীন আৰু উদ্দেশ্যপ্ৰণোদিত আখ্যা দিছে। উল্লেখ্য যে, তিনিগৰাকী স্থানীয় লোকে জিআৰএছ আব্দুল মন্নান আৰু একাংশ ৱাৰ্ড সদস্যৰ স্বামীৰ বিৰুদ্ধে চৰকাৰী ধনৰ খেলিমেলি কৰাৰ গুৰুতৰ অভিযোগ উত্থাপন কৰিছিল, যাৰ পিছতে বিভিন্ন সংবাদ মাধ্যমত বাতৰি প্ৰকাশ পাইছিল। এই সন্দৰ্ভত স্পষ্টীকৰণ দি ৰাইজে কয় যে, জিআৰএছ আব্দুল মন্নানৰ বিৰুদ্ধে প্ৰচাৰ কৰা দুৰ্নীতিৰ বাতৰিত কোনো সত্যতা নাই। তেওঁলোকে অভিযোগ কৰে যে, একাংশ কুচক্ৰী লোকে নিজৰ ব্যক্তিগত স্বাৰ্থ সিদ্ধি কৰিব নোৱাৰি এইদৰে মিছা আৰু ভুৱা বাতৰি প্ৰচাৰ কৰিছে। ৰাইজৰ মতে, আব্দুল মন্নানে পঞ্চায়তখনত স্বচ্ছতাৰে কাম কৰি আহিছে আৰু তেওঁৰ দৰে এজন কৰ্তব্যপৰায়ণ বিষয়াক জনচক্ষুত হেয় প্ৰতিপন্ন কৰিবলৈহে এই ষড়যন্ত্ৰ ৰচনা কৰা হৈছে। ধনৰ খেলিমেলিৰ অভিযোগ অনা তিনিগৰাকী লোকৰ দাবী ভিত্তিহীন বুলি অভিহিত কৰি একাংশ ৰাইজে এতিয়া জিআৰএছ আব্দুল মন্নান আৰু ৱাৰ্ড সদস্যৰ স্বামীৰ পক্ষত থিয় দিছে। এই সমগ্ৰ ঘটনাই অঞ্চলটোত তীব্ৰ চৰ্চা লাভ কৰিছে।