बृहन्मुंबई महानगरपालिकेच्या स्वच्छता व अतिक्रमण निर्मूलन मोहिमांचे ठळक सकारात्मक परिणामामुळे जी उत्तर विभागातील नागरिक समाधानी बृहन्मुंबई महानगरपालिका राबवत असलेल्या सखोल स्वच्छता मोहिमा आणि फेरीवाला-मुक्त रस्ते व पदपथ धोरणाचे सकारात्मक व प्रत्यक्ष परिणाम आता नागरिकांना स्पष्टपणे जाणवू लागले आहेत. सातत्यपूर्ण व काटेकोर अंमलबजावणीमुळे विविध प्रशासकीय प्रभागांमधील रस्ते पूर्वीपेक्षा अधिक स्वच्छ, नीटनेटके व सुशोभित स्वरूपात दिसून येत असून सार्वजनिक ठिकाणी कचरा साचण्याचे प्रमाण लक्षणीयरीत्या कमी झाले आहे. महानगरपालिका आयुक्त यांच्या नेतृत्वाखाली व अतिरिक्त महानगरपालिका आयुक्त (शहर) यांच्या मार्गदर्शनाखाली घनकचरा व्यवस्थापन आणि अतिक्रमण निर्मूलन विभाग समन्वयाने प्रभावीपणे कार्यरत आहेत. स्वच्छता मोहिमांची काटेकोर अंमलबजावणी, नियमित निरीक्षण, क्षेत्रनिहाय विशेष पथकांची नियुक्ती आणि नागरिकांच्या तक्रारींवर तत्काळ कारवाई यामुळे रस्ते,चौक व सार्वजनिक ठिकाणी स्वच्छतेचा दर्जा मोठ्या प्रमाणात उंचावला आहे. डॉ. अश्विनी जोशी यांनी सांगितले की, घनकचरा व्यवस्थापन विभाग वर्षातील ३६५ दिवस कार्यरत असून लोकसहभागातून व्यापक स्वरूपाच्या स्वच्छता मोहिमा राबविल्या जात आहेत. रस्ते व पदपथ धूळमुक्त करणे, बेवारस वाहनांची विल्हेवाट,सार्वजनिक प्रसाधनगृहांची दिवसातून तीन वेळा स्वच्छता व निर्जंतुकीकरण, विनापरवाना जाहिरात फलकांवर कारवाई, उद्यान व क्रीडांगणांची निगा, फेरीवाला-मुक्त क्षेत्रे व राडारोडा-मुक्त परिसर यांसारख्या विविध उपाययोजना सातत्याने केल्या जात आहेत. अधिक मनुष्यबळ व आधुनिक यंत्रसामग्रीच्या वापरासोबतच प्रमाणित कार्यपद्धतीनुसार स्वतंत्र पथकांचीही नियुक्ती करण्यात आली आहे..या सर्व उपाययोजनांचा परिणाम म्हणून सार्वजनिक स्वच्छतेमध्ये मोठी सुधारणा होत असून त्याचे दृश्य व दीर्घकालीन परिणाम नागरिकांना जाणवू लागले आहेत. विशेषतः जी उत्तर विभागातील नागरिकांनी घनकचरा व्यवस्थापन व फेरीवाल्यांविषयक प्रश्नांमध्ये झालेल्या लक्षणीय सुधारणांबाबत समाधान व्यक्त केले आहे. स्वातंत्र्यवीर सावरकर मार्ग, लेडी जमशेठजी मार्ग, कटारिया मार्ग, ६० फुटी व ९० फुटी मार्ग तसेच छत्रपती शिवाजी महाराज उद्यान दादर परिसरातील रस्ते अधिक स्वच्छ झाल्याचे नागरिकांनी नमूद केले आहे. काही प्रमुख पदपथ फेरीवाला-मुक्त झाल्याने पादचाऱ्यांसाठी सुरक्षित व अडथळारहित मार्ग उपलब्ध झाला असून वाहतूक पोलिसांच्या तैनातीमुळे वाहतूकही सुरळीत झाल्याबद्दल नागरिकांनी समाधान व्यक्त केले आहे. या सकारात्मक बदलांबाबत नागरिकांनी पत्रे व संदेशांच्या माध्यमातून महानगरपालिका प्रशासनाचे कौतुक केले असून भविष्यातही या सुधारणा कायम राहून इतर प्रलंबित नागरी समस्यांवरही याचा सकारात्मक परिणाम होईल अशी अपेक्षा व्यक्त केली आहे.

Maharashtra News

Media Consultant Mumbai, Maharashtra•

5 hrs ago

बृहन्मुंबई महानगरपालिकेच्या स्वच्छता व अतिक्रमण निर्मूलन मोहिमांचे ठळक सकारात्मक परिणामामुळे जी उत्तर विभागातील नागरिक समाधानी बृहन्मुंबई महानगरपालिका राबवत असलेल्या सखोल स्वच्छता मोहिमा आणि फेरीवाला-मुक्त रस्ते व पदपथ धोरणाचे सकारात्मक व प्रत्यक्ष परिणाम आता नागरिकांना स्पष्टपणे जाणवू लागले आहेत. सातत्यपूर्ण व काटेकोर अंमलबजावणीमुळे विविध प्रशासकीय प्रभागांमधील रस्ते पूर्वीपेक्षा अधिक स्वच्छ, नीटनेटके व सुशोभित स्वरूपात दिसून येत असून सार्वजनिक ठिकाणी कचरा साचण्याचे प्रमाण लक्षणीयरीत्या कमी झाले आहे. महानगरपालिका आयुक्त यांच्या नेतृत्वाखाली व अतिरिक्त महानगरपालिका आयुक्त (शहर) यांच्या मार्गदर्शनाखाली घनकचरा

व्यवस्थापन आणि अतिक्रमण निर्मूलन विभाग समन्वयाने प्रभावीपणे कार्यरत आहेत. स्वच्छता मोहिमांची काटेकोर अंमलबजावणी, नियमित निरीक्षण, क्षेत्रनिहाय विशेष पथकांची नियुक्ती आणि नागरिकांच्या तक्रारींवर तत्काळ कारवाई यामुळे रस्ते,चौक व सार्वजनिक ठिकाणी स्वच्छतेचा दर्जा मोठ्या प्रमाणात उंचावला आहे. डॉ. अश्विनी जोशी यांनी सांगितले की, घनकचरा व्यवस्थापन विभाग वर्षातील ३६५ दिवस कार्यरत असून लोकसहभागातून व्यापक स्वरूपाच्या स्वच्छता मोहिमा राबविल्या जात आहेत. रस्ते व पदपथ धूळमुक्त करणे, बेवारस वाहनांची विल्हेवाट,सार्वजनिक प्रसाधनगृहांची दिवसातून तीन वेळा स्वच्छता व निर्जंतुकीकरण, विनापरवाना जाहिरात फलकांवर कारवाई,

उद्यान व क्रीडांगणांची निगा, फेरीवाला-मुक्त क्षेत्रे व राडारोडा-मुक्त परिसर यांसारख्या विविध उपाययोजना सातत्याने केल्या जात आहेत. अधिक मनुष्यबळ व आधुनिक यंत्रसामग्रीच्या वापरासोबतच प्रमाणित कार्यपद्धतीनुसार स्वतंत्र पथकांचीही नियुक्ती करण्यात आली आहे..या सर्व उपाययोजनांचा परिणाम म्हणून सार्वजनिक स्वच्छतेमध्ये मोठी सुधारणा होत असून त्याचे दृश्य व दीर्घकालीन परिणाम नागरिकांना जाणवू लागले आहेत. विशेषतः जी उत्तर विभागातील नागरिकांनी घनकचरा व्यवस्थापन व फेरीवाल्यांविषयक प्रश्नांमध्ये झालेल्या लक्षणीय सुधारणांबाबत समाधान व्यक्त केले आहे. स्वातंत्र्यवीर सावरकर मार्ग, लेडी जमशेठजी मार्ग, कटारिया मार्ग, ६० फुटी

व ९० फुटी मार्ग तसेच छत्रपती शिवाजी महाराज उद्यान दादर परिसरातील रस्ते अधिक स्वच्छ झाल्याचे नागरिकांनी नमूद केले आहे. काही प्रमुख पदपथ फेरीवाला-मुक्त झाल्याने पादचाऱ्यांसाठी सुरक्षित व अडथळारहित मार्ग उपलब्ध झाला असून वाहतूक पोलिसांच्या तैनातीमुळे वाहतूकही सुरळीत झाल्याबद्दल नागरिकांनी समाधान व्यक्त केले आहे. या सकारात्मक बदलांबाबत नागरिकांनी पत्रे व संदेशांच्या माध्यमातून महानगरपालिका प्रशासनाचे कौतुक केले असून भविष्यातही या सुधारणा कायम राहून इतर प्रलंबित नागरी समस्यांवरही याचा सकारात्मक परिणाम होईल अशी अपेक्षा व्यक्त केली आहे.