वाशिम जिल्ह्यातील शिवाजीनगर येथील एका मातेने आपल्या २० वर्षीय मुलाचे प्राण वाचवण्यासाठी स्वतःची किडनी दान करून त्याला नवजीवन दिले आहे. शिवाजीनगर येथील रहिवासी विजय अढाऊ यांचा मुलगा कार्तिक अढाऊ हा गेल्या काही महिन्यांपासून मूत्रपिंडाच्या गंभीर आजाराने त्रस्त होता. त्याची प्रकृती सतत खालावत असल्याने त्याला नियमित डायलिसिस करावे लागत होते, ज्यामुळे संपूर्ण अढाऊ कुटुंब कमालीच्या चिंतेत होते. अखेर डॉक्टरांनी किडनी प्रत्यारोपण हाच यावर कायमस्वरूपी उपाय असल्याचे सांगितले होते. मुलाचा त्रास थांबवण्यासाठी त्याची आई राजश्री अढाऊ यांनी स्वतःची किडनी दान करण्याचा धाडसी निर्णय घेतला. सर्व आवश्यक वैद्यकीय तपासण्या पूर्ण झाल्यानंतर, अमरावती येथील सुपर स्पेशालिटी रुग्णालयात आयुष्मान भारत योजनेअंतर्गत ही शस्त्रक्रिया मोफत करण्यात आली. तज्ज्ञ वैद्यकीय अधिकारी डॉ. अमोल नरोटे, डॉ. मंगेश मेंढे, डॉ. हितेश गुल्हाने आणि डॉ. राहुल पटोळे यांच्या मार्गदर्शनाखाली हे किडनी प्रत्यारोपण यशस्वीरीत्या पार पडले. या शस्त्रक्रियेनंतर सध्या राजश्री अढाऊ आणि कार्तिक अढाऊ या दोघांचीही प्रकृती उत्तम आहे. कार्तिकची आता डायलिसिसच्या त्रासातून पूर्णपणे सुटका झाली आहे. आपल्या पोटच्या गोळ्यासाठी स्वतःच्या शरीराचा अवयव दान करणाऱ्या या मातेच्या असीम त्यागाला परिसरातून सलाम केला जात असून, "आईपेक्षा मोठा देव नाही" या उक्तीची प्रचिती पुन्हा एकदा या घटनेतून आली आहे.

न्युज मराठी 24x7 वाशिम

Local News Reporter मंगरूळपीर, वाशिम, महाराष्ट्र•

1 hr ago

वाशिम जिल्ह्यातील शिवाजीनगर येथील एका मातेने आपल्या २० वर्षीय मुलाचे प्राण वाचवण्यासाठी स्वतःची किडनी दान करून त्याला नवजीवन दिले आहे. शिवाजीनगर येथील रहिवासी विजय अढाऊ यांचा मुलगा कार्तिक अढाऊ हा गेल्या काही महिन्यांपासून मूत्रपिंडाच्या गंभीर आजाराने त्रस्त होता. त्याची प्रकृती सतत खालावत असल्याने त्याला नियमित डायलिसिस करावे लागत होते, ज्यामुळे संपूर्ण अढाऊ कुटुंब कमालीच्या चिंतेत होते. अखेर डॉक्टरांनी

किडनी प्रत्यारोपण हाच यावर कायमस्वरूपी उपाय असल्याचे सांगितले होते. मुलाचा त्रास थांबवण्यासाठी त्याची आई राजश्री अढाऊ यांनी स्वतःची किडनी दान करण्याचा धाडसी निर्णय घेतला. सर्व आवश्यक वैद्यकीय तपासण्या पूर्ण झाल्यानंतर, अमरावती येथील सुपर स्पेशालिटी रुग्णालयात आयुष्मान भारत योजनेअंतर्गत ही शस्त्रक्रिया मोफत करण्यात आली. तज्ज्ञ वैद्यकीय अधिकारी डॉ. अमोल नरोटे, डॉ. मंगेश मेंढे, डॉ. हितेश गुल्हाने आणि डॉ. राहुल पटोळे

यांच्या मार्गदर्शनाखाली हे किडनी प्रत्यारोपण यशस्वीरीत्या पार पडले. या शस्त्रक्रियेनंतर सध्या राजश्री अढाऊ आणि कार्तिक अढाऊ या दोघांचीही प्रकृती उत्तम आहे. कार्तिकची आता डायलिसिसच्या त्रासातून पूर्णपणे सुटका झाली आहे. आपल्या पोटच्या गोळ्यासाठी स्वतःच्या शरीराचा अवयव दान करणाऱ्या या मातेच्या असीम त्यागाला परिसरातून सलाम केला जात असून, "आईपेक्षा मोठा देव नाही" या उक्तीची प्रचिती पुन्हा एकदा या घटनेतून आली आहे.