बीड जिल्ह्यातील परळी वैजनाथ तालुक्यातील सिरसाळा येथे जलसंधारण, वृक्षसंवर्धन आणि शेतकऱ्यांच्या आर्थिक उन्नतीसाठी 'जलवृक्ष समृद्धी अभियानाचा' अत्यंत उत्साहात प्रारंभ झाला आहे. ग्लोबल विकास ट्रस्ट (GVT) आणि जिल्हा प्रशासन यांच्या संयुक्त प्रयत्नातून राबविल्या जाणाऱ्या या उपक्रमाद्वारे संपूर्ण बीड जिल्ह्याला जल, वृक्ष आणि अर्थसमृद्ध बनविण्याचा निर्धार करण्यात आला आहे. कार्यक्रमापूर्वी जिल्हाधिकारी विवेक जॉन्सन यांनी सरस्वती नदी पुनरुज्जीवन प्रकल्प तसेच पूर्ण झालेल्या बुरुज आणि लेकुरवाळी या दोन तलावांच्या खोलीकरणाच्या कामांची प्रत्यक्ष पाहणी केली. यावेळी बोलताना सरपंच शेख नशीब यांनी गावाच्या ५० वर्षांच्या भीषण दुष्काळाची आठवण करून दिली. एकेकाळी सिरसाळ्यात येणाऱ्या प्रत्येकाला पिण्याचे पाणी विकत घ्यावे लागत होते. गावकऱ्यांनी ग्लोबल विकास ट्रस्टकडे एका तलावाच्या खोलीकरणाची विनंती केली होती, मात्र संस्थेने दोन तलावांची कामे पूर्ण करून पाणीटंचाईवर कायमस्वरूपी उपाय शोधला आहे. आता गावात ३ लाख वृक्ष लागवड व संवर्धनाचा संकल्प करण्यात आला असून सिरसाळा हे राज्यात आदर्श जलवृक्ष समृद्ध गाव बनेल, असा विश्वास त्यांनी व्यक्त केला. कार्यक्रमात जिल्हाधिकारी विवेक जॉन्सन यांनी मराठवाड्यातील १०८ किलोमीटर नदी पुनरुज्जीवन आणि तलावांचे खोलीकरण या कामांची दुष्काळी भागासाठी 'आशेचा किरण' म्हणून प्रशंसा केली. जिल्हा प्रशासन या कामात सर्वतोपरी सहकार्य करेल, अशी ग्वाही त्यांनी दिली. जलनायक मयंक गांधी यांनी गावकऱ्यांच्या मदतीने पुढील दोन वर्षांत संपूर्ण परिसराचा चेहरामोहरा बदलण्याचा आणि शेतकऱ्यांचे उत्पन्न वाढवण्याचा संकल्प जाहीर केला. या कार्यक्रमास उपविभागीय अधिकारी अरविंद लाटकर, तहसीलदार विनोद रनवारे, गटविकास अधिकारी राजवर्धन भोसले आणि इतर मान्यवर उपस्थित होते।

M. p. gitte

परळी, बीड, महाराष्ट्र•

1 hr ago

बीड जिल्ह्यातील परळी वैजनाथ तालुक्यातील सिरसाळा येथे जलसंधारण, वृक्षसंवर्धन आणि शेतकऱ्यांच्या आर्थिक उन्नतीसाठी 'जलवृक्ष समृद्धी अभियानाचा' अत्यंत उत्साहात प्रारंभ झाला आहे. ग्लोबल विकास ट्रस्ट (GVT) आणि जिल्हा प्रशासन यांच्या संयुक्त प्रयत्नातून राबविल्या जाणाऱ्या या उपक्रमाद्वारे संपूर्ण बीड जिल्ह्याला जल, वृक्ष आणि अर्थसमृद्ध बनविण्याचा निर्धार करण्यात आला आहे. कार्यक्रमापूर्वी जिल्हाधिकारी विवेक जॉन्सन यांनी सरस्वती

नदी पुनरुज्जीवन प्रकल्प तसेच पूर्ण झालेल्या बुरुज आणि लेकुरवाळी या दोन तलावांच्या खोलीकरणाच्या कामांची प्रत्यक्ष पाहणी केली. यावेळी बोलताना सरपंच शेख नशीब यांनी गावाच्या ५० वर्षांच्या भीषण दुष्काळाची आठवण करून दिली. एकेकाळी सिरसाळ्यात येणाऱ्या प्रत्येकाला पिण्याचे पाणी विकत घ्यावे लागत होते. गावकऱ्यांनी ग्लोबल विकास ट्रस्टकडे एका तलावाच्या खोलीकरणाची विनंती केली होती, मात्र संस्थेने दोन

तलावांची कामे पूर्ण करून पाणीटंचाईवर कायमस्वरूपी उपाय शोधला आहे. आता गावात ३ लाख वृक्ष लागवड व संवर्धनाचा संकल्प करण्यात आला असून सिरसाळा हे राज्यात आदर्श जलवृक्ष समृद्ध गाव बनेल, असा विश्वास त्यांनी व्यक्त केला. कार्यक्रमात जिल्हाधिकारी विवेक जॉन्सन यांनी मराठवाड्यातील १०८ किलोमीटर नदी पुनरुज्जीवन आणि तलावांचे खोलीकरण या कामांची दुष्काळी भागासाठी 'आशेचा किरण' म्हणून

प्रशंसा केली. जिल्हा प्रशासन या कामात सर्वतोपरी सहकार्य करेल, अशी ग्वाही त्यांनी दिली. जलनायक मयंक गांधी यांनी गावकऱ्यांच्या मदतीने पुढील दोन वर्षांत संपूर्ण परिसराचा चेहरामोहरा बदलण्याचा आणि शेतकऱ्यांचे उत्पन्न वाढवण्याचा संकल्प जाहीर केला. या कार्यक्रमास उपविभागीय अधिकारी अरविंद लाटकर, तहसीलदार विनोद रनवारे, गटविकास अधिकारी राजवर्धन भोसले आणि इतर मान्यवर उपस्थित होते।