শোণিতপুৰ জিলাৰ ঢেকীয়াজুলি আৰক্ষী থানা এলেকাৰ ২ নং পিৰাকটা গাঁৱৰ এজন যুৱক নিৰুদ্দেশ হৈছে। এই ঘটনাই নিৰুদ্দেশ হোৱা যুৱকজনৰ পৰিয়ালৰ মাজত গভীৰ হাহাকাৰ সৃষ্টি কৰিছে।

গুৱাহাটী মহানগৰীত এগৰাকী মুছলমান যুৱতীয়ে ইছলাম ধৰ্ম ত্যাগ কৰি সনাতনী হিন্দু ধৰ্ম গ্ৰহণ কৰিবলৈ আগবাঢ়িছে। মিছ ছায়েদা ৰহমান নামৰ এই যুৱতীগৰাকীয়ে যোৱা পাঁচ বছৰ ধৰি হিন্দু ধৰ্মৰ নীতি-নিয়ম মানি আহিছে। মা কামাখ্যাৰ এগৰাকী ভক্ত হিচাপে, তেওঁ এতিয়া সম্পূৰ্ণৰূপে হিন্দু ধৰ্মক আকোৱালি ল'বলৈ আহিছে আৰু এই ক্ষেত্ৰত সকলোৰে সহায়-সহযোগিতা বিচাৰিছে।

মন্ত্ৰী পীযূষ হাজৰিকা মায়ং গাঁও পঞ্চায়তত উপস্থিত হয়। এই ভ্ৰমণকালত মন্ত্ৰীগৰাকীয়ে মায়ং গাঁও পঞ্চায়তৰ সৈতে জড়িত বিভিন্ন গুৰুত্বপূৰ্ণ বিষয়সমূহৰ ওপৰত স্থানীয় ৰাইজৰ সৈতে মত বিনিময় কৰে।

বিশ্বনাথ চাৰিআলিৰ পৰা জামুগুৰি হাটলৈকে এক বৃহৎ এলেকা ব্ৰহ্মপুত্ৰ নদীৰ বাঢ়নী পানীৰ পৰা ৰক্ষা কৰি অহা বিশ্বনাথ পাণপুৰ মথাউৰিয়ে বৰ্তমান এক ভয়াৱহ ৰূপ লৈছে। কেইবামাহৰ আগৰে পৰা কলাকাটি গাঁৱৰ সমীপত ব্ৰহ্মপুত্ৰ নদীৰ তীব্ৰ গৰাখহনীয়া চলি আহিছে, যাৰ ফলত মথাউৰিটোক স্পৰ্শ কৰিবলৈ এতিয়া মাত্ৰ কেই মিটাৰমানহে বাকী আছে। এই পৰিস্থিতিয়ে নৈপৰীয়া ৰাইজৰ লগতে সমগ্ৰ বিশ্বনাথ, চতিয়া আৰু জামুগুৰিহাটৰ লোকসকলৰ মাজত গভীৰ উদ্বেগৰ সৃষ্টি কৰিছে। বিভিন্ন সংবাদ মাধ্যমত এই বিষয়ে ধাৰাবাহিকভাৱে বাতৰি প্ৰকাশ পোৱাৰ পিছতো জলসম্পদ বিভাগে কোনো গুৰুত্ব নিদিলে আৰু খৰালি দিনত বিভাগটো নিদ্ৰামগ্ন হৈ আছিল বুলি অভিযোগ উত্থাপন হৈছে। এতিয়া গৰাখহনীয়া অঞ্চলটো চাবলৈ মানুহৰ ব্যাপক সমাগম ঘটিছে আৰু সকলোৱে আশংকা কৰিছে যে মথাউৰিটো ভাঙিলে ২০১২ চনৰ দৰে এক মহা প্ৰলয়ৰ সৃষ্টি হ'ব পাৰে। অৱশ্যে, বৰ্তমান জলসম্পদ বিভাগে লাচিত বৰফুকনে একে ৰাতিয়ে গড় বন্ধাৰ দৰে দিন-ৰাতি একাকাৰ কৰি জিও বেগেৰে ব্ৰহ্মপুত্ৰ নদীৰ গৰাখহনীয়া প্ৰতিৰোধৰ কাম কৰি আছে। তদানীন্তন কংগ্ৰেছ চৰকাৰৰ দিনৰে পৰা বিগত চৰকাৰৰ দিনলৈকে বিশ্বনাথ পাণপুৰ মথাউৰিৰ কাষত হৈ থকা ব্ৰহ্মপুত্ৰৰ গৰাখহনীয়া প্ৰতিৰোধৰ বাবে কোটি কোটি টকা ব্যয় কৰা হৈছিল যদিও সমস্যাৰ কোনো স্থায়ী সমাধান হোৱা নাই। বিভিন্ন দল-সংগঠন আৰু স্থানীয় ৰাইজে এই অঞ্চলৰ গৰাখহনীয়া সমস্যাৰ স্থায়ী সমাধান বিচাৰি আবেদন-নিবেদন আৰু আন্দোলন পৰ্যন্ত কৰিছিল, কিন্তু সমস্যা একেই আছে। শেহতীয়াকৈ হিমন্ত বিশ্ব শৰ্মাৰ নেতৃত্বত অসমত চৰকাৰ গঠন হোৱাৰ পিছত বিশ্বনাথ বিধানসভা সমষ্টিৰ বিধায়ক পল্লৱ লোচন দাস আৰু নদুৱাৰ সমষ্টিৰ বিধায়ক পদ্ম হাজৰিকাক এই সমস্যাৰ স্থায়ী সমাধানৰ বাবে অনুৰোধ জনোৱা হৈছে। স্থানীয় দুয়োগৰাকী বিধায়কে ইতিমধ্যে সদৰী কৰিছে যে বিশ্বনাথ পাণপুৰ মথাউৰিৰ বাবে প্ৰায় ৬০ কোটি টকা আবণ্টন দিয়া হৈছে। স্থানীয় ৰাইজে আশা কৰিছে যে এই বৃহৎ ধনৰাশিৰে চতিয়াৰ দক্ষিণ অঞ্চলৰ ৰাইজৰ এই বৃহৎ সমস্যাটোৰ এক স্থায়ী সমাধানৰ পথ মুকলি হ'ব।

ছিপাঝাৰ বিধানসভা সমষ্টিৰ অন্তৰ্গত লোক্ৰাই আৰু মাৰৈ-দুমুনিচকী গাঁও পঞ্চায়তত বিধায়ক ড° পৰমানন্দ ৰাজবংশীক এক গাম্ভীৰ্যপূৰ্ণ সম্বৰ্ধনা জ্ঞাপন কৰা হৈছে। এই অনুষ্ঠান প্ৰধানমন্ত্ৰী নৰেন্দ্ৰ মোদী চৰকাৰৰ ‘বিশ্বাস, উন্নয়ন আৰু জনকল্যাণৰ ১২ বছৰ’ উদযাপন উপলক্ষে আয়োজিত ‘ৰাইজৰ পদুলিত, ৰাইজৰ সমাধান’ কাৰ্যসূচীৰ এক অংশ হিচাপে অনুষ্ঠিত হয়। এই সভাত স্থানীয় গণ্য-মান্য ব্যক্তি, পঞ্চায়ত প্ৰতিনিধি, বিজেপিৰ বিভিন্ন পৰ্যায়ৰ বিষয়ববীয়াৰ লগতে বহু সংখ্যক দলীয় কৰ্মী উপস্থিত থাকে। বিধায়ক ড° পৰমানন্দ ৰাজবংশীয়ে নিজৰ বক্তব্যত অঞ্চলটোৰ উন্নয়ন, জনকল্যাণমূলক আঁচনি আৰু আগন্তুক উন্নয়নমূলক পৰিকল্পনাসমূহৰ বিষয়ে বিশদভাৱে উল্লেখ কৰে। সভাত তেওঁক ফুলাম গামোচা, শৰাই আৰু স্মাৰক প্ৰদান কৰি উষ্ম সম্বৰ্ধনা জনোৱা হয়।

বিশ্বনাথৰ পানপুৰ মথাউৰিয়ে বৰ্তমান এক প্ৰৱল ভাবুকিৰ সন্মুখীন হৈছে। ইয়াৰ গঢ়া খহনীয়াই এক ভয়ংকৰ ৰূপ ধাৰণ কৰিছে, যি পৰিস্থিতি অধিক উদ্বেগজনক কৰি তুলিছে।

ৰঙিয়াত আজি পণ্য আৰু সেৱা কৰ (জিএছটি) সম্পৰ্কীয় এক বিশেষ সজাগতা সভা অনুষ্ঠিত হয়। গুৱাহাটী কৰ ভৱন (ইউনিট বি)-ৰ উদ্যোগত আৰু ৰঙিয়া চেম্বাৰ অব কমাৰ্চৰ সহযোগত স্থানীয় 'ৰাইজমেল কৃষক শ্বহীদ ভৱন' প্ৰাঙ্গণত এই সভা আয়োজন কৰা হৈছিল। এই সভাত ৰঙিয়াৰ শতাধিক ব্যৱসায়ীয়ে অংশগ্ৰহণ কৰে। কৰ বিভাগৰ উপ-আয়ুক্ত ৰিণ্টু কুমাৰ শৰ্মা আৰু অধীক্ষক পংকজ বৰ্মন উপস্থিত থাকি ব্যৱসায়ীসকলক জিএছটি সম্পৰ্কীয় বিভিন্ন শেহতীয়া অধিনিয়মৰ বিষয়ে অৱগত কৰে। অনুষ্ঠানত ৰঙিয়া চেম্বাৰ অব কমাৰ্চৰ উপ-সভাপতি হৰি ৰাম ক্যাল, সম্পাদক মুকুতানন্দ ভট্টাচাৰ্য, স্থানীয় চাৰ্টাৰ্ড একাউণ্টেণ্ট প্ৰিন্স চাৰাফৰ লগতে সুশিল জাজোদিয়াকে ধৰি কেইবাগৰাকীও বিশিষ্ট ব্যক্তি উপস্থিত আছিল।

তেজপুৰৰ পৰুৱা চাৰিআলিত এক ভয়ানক দুৰ্ঘটনা সংঘটিত হৈছে। এই দুৰ্ঘটনাত এখন ই-ৰিস্কাই এখন চাৰি চকীয়া NIOS বাহনত খুন্দা মাৰে।

মৰিগাঁও ডায়েটৰ উদ্যোগত চলোৱা ড্ৰাগছ আৰু ধঁপাত বিৰোধী সজাগতা অভিযানৰ সামৰণি মৰা হৈছে।

বড়োলেণ্ড সাংবাদিক সংস্থাৰ উদ্যোগত আৰু তামুলপুৰ প্ৰেছ ক্লাৱৰ সহযোগত ড্ৰাগছৰ বিৰুদ্ধে সমাজক সজাগ কৰাৰ উদ্দেশ্যে এক বিশাল চাইকেল সমদল। আন্তঃৰাষ্ট্ৰীয় ড্ৰাগছ বিৰোধী দিৱস উপলক্ষে আজি তামুলপুৰ জিলা সদৰত এক অভূতপূৰ্ব জাগৰণ দেখিবলৈ পোৱা যায়। বড়োলেণ্ড সাংবাদিক সংস্থাৰ উদ্যোগত আৰু তামুলপুৰ প্ৰেছ ক্লাৱৰ সহযোগত ড্ৰাগছৰ বিৰুদ্ধে সমাজক সজাগ কৰাৰ উদ্দেশ্যে এক বিশাল চাইকেল সমদলৰ আয়োজন কৰা হয়। আজি পুৱা ঠিক ৬:৩০ বজাত তামুলপুৰ প্ৰেছ ক্লাৱৰ প্ৰাংগণৰ পৰা আৰম্ভ হোৱা এই সজাগতামূলক সমদলটো আনুষ্ঠানিকভাৱে ফ্লেগ অফ কৰি উদ্বোধন কৰে বিটিচিৰ কাৰ্যবাহী সদস্য লক্ষী (ভজন) দাসে। সমদলটো প্ৰেছ ক্লাৱৰ পৰা ওলাই দ্বাৰকুছী হৈ পুনৰ তামুলপুৰ প্ৰেছ ক্লাৱ প্ৰাংগণলৈ আহি সফলতাৰে সামৰণি পৰে। এই বিশেষ কাৰ্যসূচীত তামুলপুৰৰ জ্যেষ্ঠ নাগৰিক, প্ৰাক্তন সৈনিকৰ লগতে আছু, আৰছু, মহিলা ঐক্য মঞ্চ, সাহিত্য সভা, ক্ৰিকেট এচোছিয়েশ্যনকে ধৰি অঞ্চলটোৰ বিভিন্ন দল-সংগঠনৰ প্ৰতিনিধি আৰু অলেখ উৎসাহী ৰাইজে স্বতঃস্ফূৰ্তভাৱে অংশগ্ৰহণ কৰে। সমদলৰ এক আকৰ্ষণীয় দিশ আছিল এই যে, অংশগ্ৰহণকাৰীসকলে নিজ নিজ চাইকেলত "ড্ৰাগছৰ কৰাল গ্ৰাসৰ পৰা মুক্ত হওঁক সমাজ", "আমাৰ লক্ষ্য ড্ৰাগছ মুক্ত সমাজ গঢ়া", "ড্ৰাগছৰ বিৰুদ্ধে সজাগ হওঁক, সচেতন হওঁক", "আমি সচেতন আমি সজাগ, ড্ৰাগছ মুক্ত হ'ব আমাৰ সমাজ" আৰু "নতুন প্ৰজন্মৰ ভৱিষ্যত ৰক্ষা কৰাটো আমাৰ দায়িত্ব" আদি বিভিন্ন সজাগতামূলক শ্লোগান সম্বলিত বেনাৰ-পোষ্টাৰ লগাই সমগ্ৰ তামুলপুৰবাসীক ড্ৰাগছৰ ভয়াবহতাৰ বিৰুদ্ধে একত্ৰিত হ’বলৈ সজোৰে আহ্বান জনায়।