मुदत संपलेल्या ग्रामपंचायतींवर प्रशासक नियुक्तीचा मार्ग मोकळा शासकीय अधिकाऱ्यांची प्रशासक म्हणून नियुक्ती करता येणार संदीप पवार मालेगाव : मुदत संपलेल्या तसेच विविध प्रशासकीय कारणांमुळे निवडणूक प्रक्रिया पूर्ण न झालेल्या ग्रामपंचायतींचे कामकाज सुरळीत सुरू ठेवण्यासाठी महाराष्ट्र शासनाच्या ग्रामविकास विभागाने महत्त्वाची अधिसूचना जारी केली आहे. या निर्णयामुळे संबंधित ग्रामपंचायतींवर प्रशासक नियुक्त करण्याचा मार्ग मोकळा झाला आहे. महाराष्ट्र ग्रामपंचायत अधिनियमातील तरतुदींनुसार, ज्या ग्रामपंचायतींची मुदत संपली असून अद्याप निवडणूक झालेली नाही, अशा ग्रामपंचायतींच्या प्रशासकीय कामकाजासाठी प्रशासक नियुक्त करता येणार आहे. यासाठी संबंधित जिल्हा परिषदेच्या मुख्य कार्यकारी अधिकाऱ्यांना अधिकार देण्यात आले आहेत. विस्तार अधिकारी (कृषी), विस्तार अधिकारी (आरोग्य), विस्तार अधिकारी (शिक्षण), विस्तार अधिकारी (पंचायत) तसेच अन्य शासकीय अधिकाऱ्यांची प्रशासक म्हणून नियुक्ती करता येणार आहे. प्रशासकाची नियुक्ती संबंधित ग्रामपंचायतीची निवडणूक प्रक्रिया पूर्ण होईपर्यंत किंवा अधिसूचना प्रसिद्ध झाल्याच्या दिनांकापासून एक वर्ष पूर्ण होईपर्यंत, यापैकी जे अगोदर घडेल तोपर्यंत राहणार आहे. या निर्णयामुळे मालेगाव तालुक्यासह निवडणूक प्रलंबित असलेल्या ग्रामपंचायतींचे दैनंदिन प्रशासकीय कामकाज, विकासकामे आणि नागरिकांना आवश्यक सेवा सुरळीत सुरू ठेवण्यास मदत होणार आहे. ग्रामविकास विभागाने ८ सप्टेंबर २०२६ रोजी यासंदर्भातील अधिसूचना प्रसिद्ध केली आहे.

Sandip pawar

वाशिम, वाशिम, महाराष्ट्र•

1 day ago

मुदत संपलेल्या ग्रामपंचायतींवर प्रशासक नियुक्तीचा मार्ग मोकळा शासकीय अधिकाऱ्यांची प्रशासक म्हणून नियुक्ती करता येणार संदीप पवार मालेगाव : मुदत संपलेल्या तसेच विविध प्रशासकीय कारणांमुळे निवडणूक प्रक्रिया पूर्ण न झालेल्या ग्रामपंचायतींचे कामकाज सुरळीत सुरू ठेवण्यासाठी महाराष्ट्र शासनाच्या ग्रामविकास विभागाने महत्त्वाची अधिसूचना जारी केली आहे. या निर्णयामुळे संबंधित ग्रामपंचायतींवर प्रशासक नियुक्त करण्याचा मार्ग मोकळा झाला आहे. महाराष्ट्र ग्रामपंचायत अधिनियमातील तरतुदींनुसार, ज्या ग्रामपंचायतींची मुदत संपली असून अद्याप निवडणूक झालेली नाही, अशा ग्रामपंचायतींच्या प्रशासकीय कामकाजासाठी प्रशासक नियुक्त करता येणार आहे. यासाठी संबंधित जिल्हा परिषदेच्या मुख्य कार्यकारी अधिकाऱ्यांना अधिकार देण्यात आले आहेत. विस्तार अधिकारी (कृषी), विस्तार अधिकारी (आरोग्य), विस्तार अधिकारी (शिक्षण), विस्तार अधिकारी (पंचायत) तसेच अन्य शासकीय अधिकाऱ्यांची प्रशासक म्हणून नियुक्ती करता येणार आहे. प्रशासकाची नियुक्ती संबंधित ग्रामपंचायतीची निवडणूक प्रक्रिया पूर्ण होईपर्यंत किंवा अधिसूचना प्रसिद्ध झाल्याच्या दिनांकापासून एक वर्ष पूर्ण होईपर्यंत, यापैकी जे अगोदर घडेल तोपर्यंत राहणार आहे. या निर्णयामुळे मालेगाव तालुक्यासह निवडणूक प्रलंबित असलेल्या ग्रामपंचायतींचे दैनंदिन प्रशासकीय कामकाज, विकासकामे आणि नागरिकांना आवश्यक सेवा सुरळीत सुरू ठेवण्यास मदत होणार आहे. ग्रामविकास विभागाने ८ सप्टेंबर २०२६ रोजी यासंदर्भातील अधिसूचना प्रसिद्ध केली आहे.