ଝାରସୁଗୁଡ଼ା ଜିଲ୍ଲା ଲଖନପୁର ବ୍ଲକ ଅନ୍ତର୍ଗତ ରେଙ୍ଗାଲି ପୁଲିସ ୧୯.୦୬.୨୬ ତାରିଖରେ ଭିକମପାଲି ଘାଟି ନିକଟସ୍ଥ ଜାତୀୟ ରାଜପଥ ୪୯ ରେ ବେଆଇନ ଭାବେ ଚାଲାଣ ହେଉଥିବା ଗୋରୁ ବୋଝେଇ ଦୁଇଟି ପିକଅପ୍ ଗାଡ଼ିକୁ ଜବତ କରିଛି। ଏହି ଘଟଣାରେ ସମ୍ପୃକ୍ତ ୪ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ପୁଲିସ ଦେଇଥିବା ସୂଚନା ଅନୁଯାୟୀ, ଗିରଫ ଅଭିଯୁକ୍ତମାନେ ହେଉଛନ୍ତି ସୁନ୍ଦରଗଡ଼ ଜିଲ୍ଲା ଖତକୁରବାହାଲ ଅଞ୍ଚଳର କୁନେଲ ଗୁରିଆ, ଫିରୋଜ ମିଞ୍ଜ, ଭିମା ନାଏକ ଏବଂ ସମ୍ବଲପୁର ମହୁଲପାଲି ଅଞ୍ଚଳର ସଞ୍ଜୟ କିଶପଟ୍ଟା। ଆଜି ଶୁକ୍ରବାର ଭୋର ପ୍ରାୟ ୫ ଟାରେ ଦୁର୍ବୃତ୍ତମାନେ ଓଡ଼ିଶା ଓ ଛତିଶଗଡ଼ ସୀମାନ୍ତ ଅଞ୍ଚଳରୁ ଏହି ଦୁଇଟି ପିକଅପ୍ ଗାଡ଼ିରେ ବେଆଇନ ଭାବେ ଗୋରୁ ଚାଲାଣ କରୁଥିବାବେଳେ ରେଙ୍ଗାଲି ପୁଲିସ ଦଳ ସେମାନଙ୍କୁ କାବୁ କରିଥିଲା। ପୁଲିସ ଘଟଣାସ୍ଥଳରୁ ମୋଟ ୮ ଗୋଟି ନିରୀହ ଗୋରୁଙ୍କୁ ଉଦ୍ଧାର କରିବା ସହ ୨ଟି ପିକଅପ୍ ଗାଡ଼ି ଏବଂ ୬ଟି ମୋବାଇଲ ଜବତ କରିଛି। ରେଙ୍ଗାଲି ଥାନାରେ ଏ ନେଇ କେସ ନମ୍ବର ୧୭୧/୨୬ ରେ ଏକ ମାମଲା ରୁଜୁ କରାଯାଇ ଅଧିକ ତଦନ୍ତ ଜାରି ରହିଛି। ପୂର୍ବରୁ ମଧ୍ୟ ରେଙ୍ଗାଲି ପୁଲିସ ସୁନ୍ଦରଗଡ଼ ଜିଲ୍ଲା ଖତକୁରବାହାଲ ଅଞ୍ଚଳରୁ ବେଆଇନ ଗୋରୁ ଚାଲାଣକାରୀ ଅନେକ ଅପରାଧୀଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। ଏହି ଗୋରୁ କାରବାର ପଛରେ ଏକ ବଡ଼ ଧରଣର ରାକେଟ କାର୍ଯ୍ୟ କରୁଥିବା ଅନୁମାନ କରାଯାଉଛି। ଦୁର୍ବୃତ୍ତମାନେ ବେଆଇନ ଭାବେ ଗୋରୁ ହତ୍ୟା କରି ତାହାର ମାଂସ ସହ ଶିଙ୍ଘ ଓ ଚମଡ଼ା ଆଦି ବିକ୍ରି କରୁଥିବା ଜଣାପଡ଼ିଛି। ଏହି ନେଟୱର୍କର ଚେର ଛତିଶଗଡ଼, ଓଡ଼ିଶା ସମେତ ପଶ୍ଚିମବଙ୍ଗ ଓ ଝାଡ଼ଖଣ୍ଡ ରାଜ୍ୟ ପର୍ଯ୍ୟନ୍ତ ଲମ୍ବିଥିବା ଅନୁମାନ କରାଯାଉଛି। ତେଣୁ ଏହି ବେଆଇନ କାରବାର ବିରୋଧରେ ପୁଲିସ ପ୍ରଶାସନ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଞ୍ଚଳବାସୀ ଦାବି କରିଛନ୍ତି।

Saroj Kumar Mirdha

Local News Reporter ଲଖନପୁର, ଝାରସୁଗୁଡ଼ା, ଓଡ଼ିଶା•

22 hrs ago

ଝାରସୁଗୁଡ଼ା ଜିଲ୍ଲା ଲଖନପୁର ବ୍ଲକ ଅନ୍ତର୍ଗତ ରେଙ୍ଗାଲି ପୁଲିସ ୧୯.୦୬.୨୬ ତାରିଖରେ ଭିକମପାଲି ଘାଟି ନିକଟସ୍ଥ ଜାତୀୟ ରାଜପଥ ୪୯ ରେ ବେଆଇନ ଭାବେ ଚାଲାଣ ହେଉଥିବା ଗୋରୁ ବୋଝେଇ ଦୁଇଟି ପିକଅପ୍ ଗାଡ଼ିକୁ ଜବତ କରିଛି। ଏହି ଘଟଣାରେ ସମ୍ପୃକ୍ତ ୪ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ପୁଲିସ ଦେଇଥିବା ସୂଚନା ଅନୁଯାୟୀ, ଗିରଫ ଅଭିଯୁକ୍ତମାନେ ହେଉଛନ୍ତି ସୁନ୍ଦରଗଡ଼ ଜିଲ୍ଲା ଖତକୁରବାହାଲ ଅଞ୍ଚଳର କୁନେଲ ଗୁରିଆ, ଫିରୋଜ ମିଞ୍ଜ, ଭିମା ନାଏକ ଏବଂ ସମ୍ବଲପୁର ମହୁଲପାଲି ଅଞ୍ଚଳର ସଞ୍ଜୟ କିଶପଟ୍ଟା। ଆଜି ଶୁକ୍ରବାର ଭୋର ପ୍ରାୟ ୫ ଟାରେ ଦୁର୍ବୃତ୍ତମାନେ ଓଡ଼ିଶା ଓ ଛତିଶଗଡ଼ ସୀମାନ୍ତ ଅଞ୍ଚଳରୁ ଏହି ଦୁଇଟି ପିକଅପ୍ ଗାଡ଼ିରେ ବେଆଇନ ଭାବେ ଗୋରୁ ଚାଲାଣ କରୁଥିବାବେଳେ ରେଙ୍ଗାଲି ପୁଲିସ ଦଳ ସେମାନଙ୍କୁ କାବୁ କରିଥିଲା। ପୁଲିସ ଘଟଣାସ୍ଥଳରୁ ମୋଟ ୮ ଗୋଟି ନିରୀହ ଗୋରୁଙ୍କୁ ଉଦ୍ଧାର କରିବା ସହ

୨ଟି ପିକଅପ୍ ଗାଡ଼ି ଏବଂ ୬ଟି ମୋବାଇଲ ଜବତ କରିଛି। ରେଙ୍ଗାଲି ଥାନାରେ ଏ ନେଇ କେସ ନମ୍ବର ୧୭୧/୨୬ ରେ ଏକ ମାମଲା ରୁଜୁ କରାଯାଇ ଅଧିକ ତଦନ୍ତ ଜାରି ରହିଛି। ପୂର୍ବରୁ ମଧ୍ୟ ରେଙ୍ଗାଲି ପୁଲିସ ସୁନ୍ଦରଗଡ଼ ଜିଲ୍ଲା ଖତକୁରବାହାଲ ଅଞ୍ଚଳରୁ ବେଆଇନ ଗୋରୁ ଚାଲାଣକାରୀ ଅନେକ ଅପରାଧୀଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। ଏହି ଗୋରୁ କାରବାର ପଛରେ ଏକ ବଡ଼ ଧରଣର ରାକେଟ କାର୍ଯ୍ୟ କରୁଥିବା ଅନୁମାନ କରାଯାଉଛି। ଦୁର୍ବୃତ୍ତମାନେ ବେଆଇନ ଭାବେ ଗୋରୁ ହତ୍ୟା କରି ତାହାର ମାଂସ ସହ ଶିଙ୍ଘ ଓ ଚମଡ଼ା ଆଦି ବିକ୍ରି କରୁଥିବା ଜଣାପଡ଼ିଛି। ଏହି ନେଟୱର୍କର ଚେର ଛତିଶଗଡ଼, ଓଡ଼ିଶା ସମେତ ପଶ୍ଚିମବଙ୍ଗ ଓ ଝାଡ଼ଖଣ୍ଡ ରାଜ୍ୟ ପର୍ଯ୍ୟନ୍ତ ଲମ୍ବିଥିବା ଅନୁମାନ କରାଯାଉଛି। ତେଣୁ ଏହି ବେଆଇନ କାରବାର ବିରୋଧରେ ପୁଲିସ ପ୍ରଶାସନ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଞ୍ଚଳବାସୀ ଦାବି କରିଛନ୍ତି।