चांदवडला क्रांतीज्योती सावित्रीबाई फुले बालसंगोपन योजनेच्या ‘नवचेतना लाभार्थी’ शिबिरात ३२७ लाभार्थी बालकांच्या पालकांना प्रमाणपत्र व आदेशाचे वाटप; बालसंगोपन योजनेचा गरजू लाभार्थ्यांनी लाभ घ्यावा- आमदार डॉ. राहुल आहेर यांचे आवाहन अनाथ, निराधार आणि एकल पालकांच्या मुलांना सुरक्षित कौटुंबिक वातावरण मिळावे यासाठी शासन कटिबद्ध असून, संगोपनाची गरज असलेल्या बालकांना शासनाच्या बालसंगोपन योजनेमुळे शिक्षण, आरोग्य आणि दैनंदिन संगोपनासाठी पालकांना मोठी मदत मिळणार आहे. त्यामुळे चांदवड तालुक्यातील प्रत्येक गरजू आणि पात्र लाभार्थ्यांनी क्रांतिज्योती सावित्रीबाई फुले बालसंगोपन योजनेचा लाभ घ्यावा, असे आवाहन आमदार डॉ. राहुल आहेर यांनी केले. चांदवड येथील सेलिब्रेशन लॉन्स येथे क्रांतीज्योती सावित्रीबाई फुले बालसंगोपन योजना ‘नवचेतना लाभार्थी’ शिबिराचे आयोजन करण्यात आले, त्यावेळी ते बोलत होते. यावेळी आमदार डॉ. आहेर यांच्याहस्ते एकूण ३२७ लाभार्थ्यांना प्रमाणपत्र व आदेशाचे वाटप करण्यात आले. आमदार डॉ. आहेर, मुख्य कार्यकारी अधिकारी ओमकार पवार व गटविकास अधिकारी मच्छिंद्र साबळे यांच्या संकल्पनेतून या शिबिराचे आयोजन करण्यात आले होते. बालसंगोपन नवचेतना योजनेच्या यशस्वी अंमलबजावणीसाठी ‘नवचेतना कक्ष’ स्थापन करून दोन टप्प्यात एकूण ७११ लाभार्थ्यांना प्रत्यक्ष लाभ मिळवून देण्यात चांदवड तालुका जिल्ह्यात अव्वल ठरला आहे. जुलै महिन्यात महाराजस्व अभियानात ३८४ व या शिबिरात ३२७ अशा एकूण ७११ लाभार्थ्यांना प्रत्यक्ष लाभ मिळवून देण्यात आला आहे. यावेळी आमदार डॉ. आहेर म्हणाले की, या महत्त्वपूर्ण योजनेचा मुख्य उद्देश आर्थिक अडचणींमुळे कोणत्याही बालकाच्या शिक्षणावर किंवा संगोपनावर परिणाम होऊ नये, हा आहे. अनाथ व निराधार बालके, आई किंवा वडील गमावलेली बालके, एकल पालकांची बालके, दोन्ही पालक दिव्यांग असलेली बालके, तसेच विशेष कौटुंबिक किंवा आपत्तीजन्य परिस्थितीतील पात्र बालकांना या योजनेचा थेट लाभ दिला जातो. योजनेअंतर्गत पात्र बालकांच्या सुरक्षित व योग्य संगोपनासाठी दरमहा २,२५० रुपयांचे आर्थिक सहाय्य थेट बँक खात्यात दिले जाते, ज्यामुळे त्यांच्या शिक्षण, आरोग्य आणि दैनंदिन गरजा पूर्ण होण्यास मोठी मदत होणार असल्याचे त्यांनी सांगीतले. योजनेच्या माध्यमातून समाजातील अत्यंत गरजू व सर्वसामान्य कुटुंबातील बालकांना एक भक्कम आधार मिळणार असल्याने पालकांनी किंवा मुलांची जबाबदारी घेणार्‍या व्यक्तींनी आवश्यक कागदपत्रांसह महिला व बाल विकास विभागाच्या कार्यालयाशी त्वरित संपर्क साधावा, तसेच शासनाच्या इतरही विविध कल्याणकारी योजनांचा लाभ असे आवाहन यावेळी करण्यात आले. यावेळी गटविकास अधिकारी मच्छींद्र साबळे, नगराध्यक्ष वैभव बागूल, भाजप तालुकाध्यक्ष मनोज शिंदे, बालविकास अधिकारी सचिन शिंदे, अशोक भोसले, अशोक व्यवहारे, गीताताई झाल्टे, योगेश ढोमसे, पिंटू भोईटे, शांताराम भवर आदींसह चांदवड नगरपरिषदेचे नगरसेवक, तालुक्यातील सरपंच, अधिकारी, प्रतिष्ठित नागरिक, लाभार्थी व पालक उपस्थित होते.

Mahendra kantubhai Gujrathi

Local News Reporter चांदवड, नाशिक, महाराष्ट्र•

23 hrs ago

चांदवडला क्रांतीज्योती सावित्रीबाई फुले बालसंगोपन योजनेच्या ‘नवचेतना लाभार्थी’ शिबिरात ३२७ लाभार्थी बालकांच्या पालकांना प्रमाणपत्र व आदेशाचे वाटप; बालसंगोपन योजनेचा गरजू लाभार्थ्यांनी लाभ घ्यावा- आमदार डॉ. राहुल आहेर यांचे आवाहन अनाथ, निराधार आणि एकल पालकांच्या मुलांना सुरक्षित कौटुंबिक वातावरण मिळावे यासाठी शासन कटिबद्ध असून, संगोपनाची गरज असलेल्या बालकांना शासनाच्या बालसंगोपन योजनेमुळे शिक्षण, आरोग्य आणि दैनंदिन संगोपनासाठी पालकांना मोठी मदत मिळणार आहे. त्यामुळे चांदवड तालुक्यातील प्रत्येक गरजू आणि पात्र लाभार्थ्यांनी क्रांतिज्योती सावित्रीबाई फुले बालसंगोपन योजनेचा लाभ घ्यावा, असे आवाहन आमदार डॉ. राहुल आहेर यांनी केले. चांदवड येथील सेलिब्रेशन लॉन्स येथे क्रांतीज्योती सावित्रीबाई फुले बालसंगोपन योजना ‘नवचेतना लाभार्थी’ शिबिराचे आयोजन करण्यात आले, त्यावेळी ते बोलत होते. यावेळी आमदार डॉ. आहेर यांच्याहस्ते एकूण ३२७ लाभार्थ्यांना प्रमाणपत्र व आदेशाचे वाटप करण्यात आले. आमदार डॉ. आहेर, मुख्य कार्यकारी अधिकारी ओमकार पवार व गटविकास अधिकारी मच्छिंद्र साबळे यांच्या संकल्पनेतून या शिबिराचे आयोजन करण्यात आले होते. बालसंगोपन नवचेतना योजनेच्या यशस्वी अंमलबजावणीसाठी ‘नवचेतना कक्ष’ स्थापन करून दोन टप्प्यात एकूण ७११ लाभार्थ्यांना प्रत्यक्ष लाभ मिळवून देण्यात चांदवड तालुका जिल्ह्यात अव्वल ठरला आहे. जुलै महिन्यात महाराजस्व अभियानात ३८४ व या शिबिरात ३२७ अशा एकूण ७११ लाभार्थ्यांना प्रत्यक्ष लाभ मिळवून देण्यात आला आहे. यावेळी आमदार डॉ. आहेर म्हणाले की, या महत्त्वपूर्ण योजनेचा मुख्य उद्देश आर्थिक अडचणींमुळे कोणत्याही बालकाच्या शिक्षणावर किंवा संगोपनावर परिणाम होऊ नये, हा आहे. अनाथ व निराधार बालके, आई किंवा वडील गमावलेली बालके, एकल पालकांची बालके, दोन्ही पालक दिव्यांग असलेली बालके, तसेच विशेष कौटुंबिक किंवा आपत्तीजन्य परिस्थितीतील पात्र बालकांना या योजनेचा थेट लाभ दिला जातो. योजनेअंतर्गत पात्र बालकांच्या सुरक्षित व योग्य संगोपनासाठी दरमहा २,२५० रुपयांचे आर्थिक सहाय्य थेट बँक खात्यात दिले जाते, ज्यामुळे त्यांच्या शिक्षण, आरोग्य आणि दैनंदिन गरजा पूर्ण होण्यास मोठी मदत होणार असल्याचे त्यांनी सांगीतले. योजनेच्या माध्यमातून समाजातील अत्यंत गरजू व सर्वसामान्य कुटुंबातील बालकांना एक भक्कम आधार मिळणार असल्याने पालकांनी किंवा मुलांची जबाबदारी घेणार्‍या व्यक्तींनी आवश्यक कागदपत्रांसह महिला व बाल विकास विभागाच्या कार्यालयाशी त्वरित संपर्क साधावा, तसेच शासनाच्या इतरही विविध कल्याणकारी योजनांचा लाभ असे आवाहन यावेळी करण्यात आले. यावेळी गटविकास अधिकारी मच्छींद्र साबळे, नगराध्यक्ष वैभव बागूल, भाजप तालुकाध्यक्ष मनोज शिंदे, बालविकास अधिकारी सचिन शिंदे, अशोक भोसले, अशोक व्यवहारे, गीताताई झाल्टे, योगेश ढोमसे, पिंटू भोईटे, शांताराम भवर आदींसह चांदवड नगरपरिषदेचे नगरसेवक, तालुक्यातील सरपंच, अधिकारी, प्रतिष्ठित नागरिक, लाभार्थी व पालक उपस्थित होते.