அமெரிக்கா–இஸ்ரேல் போர் வெறி தாக்குதலை கண்டித்து அனைத்திந்திய ஜனநாயக மாதர் சங்கம் ஆர்ப்பாட்டம் அமெரிக்கா–இஸ்ரேல் போர் வெறி தாக்குதலை கண்டித்து அனைத்திந்திய ஜனநாயக மாதர் சங்கம் ஆர்ப்பாட்டம் மதுரை, மார். 6 - அமெரிக்கா மற்றும் இஸ்ரேல் இணைந்து ஈரான் மீது நடத்தி வரும் போர் வெறி தாக்குதலை கண்டித்தும், அந்த தாக்குதலுக்கு ஆதரவளிக்கும் வகையில் ஒன்றிய அரசு செயல்படுவதாக குற்றம்சாட்டியும் அனைத்திந்திய ஜனநாயக மாதர் சங்கம் மதுரை மாநகர் சார்பில் கண்டன ஆர்ப்பாட்டம் நடைபெற்றது. மதுரை எல்லிஸ் நகர் பகுதி குழுவுக்கு உட்பட்ட மகபூப்பாளையம் சர்வோதயா சாலையில் வெள்ளியன்று நடைபெற்ற இந்த ஆர்ப்பாட்டத்திற்கு பகுதி குழு செயலாளர் விமலாதேவி தலைமை தாங்கினார். ஆர்ப்பாட்டத்தை மாவட்ட செயலாளர் வை. ஜென்னியம்மாள் தொடங்கி வைத்து கண்டன உரையாற்றினார். அவர் பேசுகையில், ஈரான் மீது நடைபெற்று வரும் போர் தாக்குதல்களில் பெண்கள் மற்றும் குழந்தைகள் கடுமையாக பாதிக்கப்பட்டு வருவதாகவும், பொதுமக்கள் பாதுகாப்பற்ற சூழலில் வாழ வேண்டிய நிலை ஏற்பட்டுள்ளதாகவும் தெரிவித்தார். போர் காரணமாக அங்குள்ள குழந்தைகளின் கல்வி பாதிக்கப்படுவதோடு, மக்களின் அடிப்படை வாழ்வாதாரமும் சீர்குலைந்து வருவதாகவும் அவர் குறிப்பிட்டார். மத்திய குழு உறுப்பினர் ஆர். சசிகலா ஆர்ப்பாட்டத்தை நிறைவு செய்து சிறப்புரையாற்றினார். அவர் பேசுகையில், மேற்கு ஆசியப் பகுதிகளில் நடைபெறும் போர் தாக்குதல்கள் இயற்கை வளங்களையும் குறிப்பாக கச்சா எண்ணெய் வளங்களையும் கட்டுப்படுத்தும் நோக்கத்துடன் நடைபெறுகின்றன என்றும், அதன் விளைவாக அப்பகுதி மக்களின் வாழ்வாதாரம் கடுமையாக பாதிக்கப்படுகின்றது என்றும் கூறினார். உலக அமைதிக்கு அச்சுறுத்தலாக இருக்கும் இத்தகைய போர் தாக்குதல்களை உடனடியாக நிறுத்த வேண்டும் என்றும் அவர் வலியுறுத்தினார். இந்த ஆர்ப்பாட்டத்தில் மாவட்ட தலைவர் ஆர். லதா, மாநில குழு உறுப்பினர் பா. சாந்தி, மாவட்ட நிர்வாகி பி. மல்லிகா உள்ளிட்ட மாவட்ட குழு உறுப்பினர்கள் மற்றும் பெண்கள் பலர் கலந்து கொண்டு கண்டன கோஷங்களை எழுப்பினர்.

Ponmaran Thekkathir Reporter

மதுரை வடக்கு, மதுரை, தமிழ்நாடு•

on 6 March

அமெரிக்கா–இஸ்ரேல் போர் வெறி தாக்குதலை கண்டித்து அனைத்திந்திய ஜனநாயக மாதர் சங்கம் ஆர்ப்பாட்டம் அமெரிக்கா–இஸ்ரேல் போர் வெறி தாக்குதலை கண்டித்து அனைத்திந்திய ஜனநாயக மாதர் சங்கம் ஆர்ப்பாட்டம் மதுரை, மார். 6 - அமெரிக்கா மற்றும் இஸ்ரேல் இணைந்து ஈரான் மீது நடத்தி வரும் போர் வெறி தாக்குதலை கண்டித்தும், அந்த தாக்குதலுக்கு ஆதரவளிக்கும் வகையில் ஒன்றிய அரசு செயல்படுவதாக குற்றம்சாட்டியும் அனைத்திந்திய ஜனநாயக மாதர் சங்கம் மதுரை மாநகர் சார்பில் கண்டன ஆர்ப்பாட்டம் நடைபெற்றது. மதுரை எல்லிஸ் நகர் பகுதி குழுவுக்கு உட்பட்ட மகபூப்பாளையம் சர்வோதயா சாலையில் வெள்ளியன்று நடைபெற்ற இந்த

ஆர்ப்பாட்டத்திற்கு பகுதி குழு செயலாளர் விமலாதேவி தலைமை தாங்கினார். ஆர்ப்பாட்டத்தை மாவட்ட செயலாளர் வை. ஜென்னியம்மாள் தொடங்கி வைத்து கண்டன உரையாற்றினார். அவர் பேசுகையில், ஈரான் மீது நடைபெற்று வரும் போர் தாக்குதல்களில் பெண்கள் மற்றும் குழந்தைகள் கடுமையாக பாதிக்கப்பட்டு வருவதாகவும், பொதுமக்கள் பாதுகாப்பற்ற சூழலில் வாழ வேண்டிய நிலை ஏற்பட்டுள்ளதாகவும் தெரிவித்தார். போர் காரணமாக அங்குள்ள குழந்தைகளின் கல்வி பாதிக்கப்படுவதோடு, மக்களின் அடிப்படை வாழ்வாதாரமும் சீர்குலைந்து வருவதாகவும் அவர் குறிப்பிட்டார். மத்திய குழு உறுப்பினர் ஆர். சசிகலா ஆர்ப்பாட்டத்தை நிறைவு செய்து சிறப்புரையாற்றினார். அவர் பேசுகையில், மேற்கு ஆசியப்

பகுதிகளில் நடைபெறும் போர் தாக்குதல்கள் இயற்கை வளங்களையும் குறிப்பாக கச்சா எண்ணெய் வளங்களையும் கட்டுப்படுத்தும் நோக்கத்துடன் நடைபெறுகின்றன என்றும், அதன் விளைவாக அப்பகுதி மக்களின் வாழ்வாதாரம் கடுமையாக பாதிக்கப்படுகின்றது என்றும் கூறினார். உலக அமைதிக்கு அச்சுறுத்தலாக இருக்கும் இத்தகைய போர் தாக்குதல்களை உடனடியாக நிறுத்த வேண்டும் என்றும் அவர் வலியுறுத்தினார். இந்த ஆர்ப்பாட்டத்தில் மாவட்ட தலைவர் ஆர். லதா, மாநில குழு உறுப்பினர் பா. சாந்தி, மாவட்ட நிர்வாகி பி. மல்லிகா உள்ளிட்ட மாவட்ட குழு உறுப்பினர்கள் மற்றும் பெண்கள் பலர் கலந்து கொண்டு கண்டன கோஷங்களை எழுப்பினர்.