સુરેન્દ્રનગર જિલ્લાના સાયલા ખાતે મુસ્લિમ સમાજ દ્વારા મોહરમ કાઢવામાં આવ્યો હતો.

સુરેન્દ્રનગર જિલ્લાના સાયલા ખાતે મુસ્લિમ સમાજ દ્વારા મોહરમ કાઢવામાં આવ્યો હતો.

ધાંગધ્રા શહેરના ફૂલ ગલી સ્થિત હુસેની ચોક ખાતે સમસ્ત મુસ્લિમ સમાજ દ્વારા એક ન્યાજનું આયોજન કરવામાં આવ્યું હતું. આ વિશેષ આયોજન શહીદે કરબલા વાળાની યાદમાં કરવામાં આવ્યું હતું.

ધારાસભ્ય પ્રકાશભાઈ વરમોરાએ એક સોશિયલ મીડિયા વીડિયો દ્વારા માહિતી આપી છે કે બ્રાહ્મણી 2 નર્મદા કેનાલમાં સાંજે 5 વાગ્યે પાણી છોડવામાં આવશે. તેમણે નર્મદા કેનાલમાં પાણી છોડવા બાબતે સોશિયલ મીડિયાના માધ્યમથી આ વીડિયો સંદેશ આપ્યો હતો. નોંધનીય છે કે આ વીડિયો સોશિયલ મીડિયા ગ્રુપોમાં વાયરલ છે, પરંતુ આ માહિતીની કે વીડિયોની કોઈ પૃષ્ટિ કરવામાં આવતી નથી.

P.M.B. ફાઉન્ડેશન ચેરિટેબલ ટ્રસ્ટ દ્વારા મોહરમ પર્વ નિમિત્તે એક ભવ્ય 'ફ્રી મેડિકલ નિદાન કેમ્પ'નું સફળતાપૂર્વક આયોજન કરવામાં આવ્યું હતું. રવિવાર, ૨૮ જૂન ૨૦૨૬ ના રોજ યોજાયેલા આ કેમ્પમાં સર્વ સમાજના સેંકડો દર્દીઓએ લાભ લીધો હતો. વહેલી સવારથી જ મોટી સંખ્યામાં દરેક સમાજના દર્દીઓ ઉમટી પડ્યા હતા, જ્યાં સુપર સ્પેશિયાલિસ્ટ ડૉક્ટરો દ્વારા દર્દીઓનું સચોટ નિદાન અને માર્ગદર્શન તદ્દન મફત પૂરું પાડવામાં આવ્યું હતું. P.M.B. ફાઉન્ડેશન ચેરિટેબલ ટ્રસ્ટના સંચાલકો દ્વારા સમગ્ર કેમ્પનું આયોજન ખૂબ જ સુંદર અને વ્યવસ્થિત રીતે કરવામાં આવ્યું હતું. ટ્રસ્ટ દ્વારા જણાવવામાં આવ્યું હતું કે, મોહરમ પર્વ નિમિત્તે સમાજના દરેક વર્ગ અને જરૂરિયાતમંદ લોકો સુધી ઉત્તમ સ્વાસ્થ્ય સેવાઓ પહોંચે અને જનસેવાનું કાર્ય થાય તેવા શુદ્ધ આશયથી આ ભવ્ય ફ્રી મેડિકલ નિદાન કેમ્પ યોજવામાં આવ્યો હતો.

ગોંડલના મોવીયા ગામે હેવી ટ્રાન્સમિશન વીજપોલ અને વીજલાઇનના મુદ્દે ખેડૂતો મેદાને ઉતર્યા છે, જે મોરબીના જેતપર બાદ વધુ એક ખેડૂત આંદોલન છે. ખેડૂતો આક્ષેપ કરી રહ્યા છે કે પૂરતી નોટિસ આપ્યા વિના અને યોગ્ય વળતર ચૂકવ્યા વિના તેમના ખેતરોમાં આ વીજ ટાવર ઉભા કરવામાં આવી રહ્યા છે, જેના કારણે ખેતીને મોટું નુકસાન થશે. આ મુદ્દે ખેડૂતોએ ઉપવાસી છાવણીમાં પ્રતિક ઉપવાસ શરૂ કર્યા છે અને યોગ્ય વળતર આપવાની માંગ કરી રહ્યા છે. તેમણે ચેતવણી આપી છે કે જો તેમની માંગણીઓ સંતોષવામાં નહીં આવે, તો તેઓ એક મહાસંમેલન બોલાવશે અને વીજપોલ કાપી નાખશે. ખેડૂતોએ આ આંદોલનને બિનરાજકીય જાહેર કર્યું છે અને તેમાં રાજકીય આગેવાનોના પ્રવેશ પર પ્રતિબંધ મૂક્યો છે.

બોટાદમાં મોહરમ પર્વ નિમિત્તે મુસ્લિમ સમાજ દ્વારા પોલીસનું સન્માન કરવામાં આવ્યું હતું. મુસ્લિમ સમાજે જિલ્લામાં કાયદો અને વ્યવસ્થા જાળવવા બદલ પોલીસ તંત્રનો આભાર વ્યક્ત કર્યો.

ધ્રાંગધ્રા શહેરમાં દિલ્હી દરવાજા નજીક જાહેરમાં જુગાર રમતા ત્રણ વ્યક્તિઓને પકડી પાડવામાં આવ્યા છે. પોલીસે તેમની પાસેથી કુલ ₹12,400નો મુદ્દામાલ જપ્ત કર્યો છે.

હળવદમાં હોન્ડા શોરૂમ સામે એક ટ્રકે અન્ય એક ટ્રકના પાછળના ભાગે ટક્કર મારી હતી. આ માર્ગ અકસ્માતમાં ટ્રકના ડ્રાઈવરને સામાન્ય ઈજાઓ પહોંચી હતી.