“આયુષ્માન ભારત–પ્રધાનમંત્રી જન આરોગ્ય” યોજના હેઠળ બોટાદ જિલ્લામાં નાગરિકોને મોટી સંખ્યામાં આયુષ્માન કાર્ડનું વિતરણ કરવામાં આવ્યું છે. જિલ્લામાં કુલ ૪,૩૪,૭૪૦ નાગરિકોને આયુષ્માન કાર્ડ આપવામાં આવ્યા છે. આ ઉપરાંત, આ યોજના અન્વયે ૨૫,૮૫૯ આયુષ્માન વય વંદના કાર્ડ પણ વિતરિત કરાયા છે.

આજે સમગ્ર દેશમાં 12મા આંતરરાષ્ટ્રીય યોગ દિવસની ઉત્સાહભેર ઉજવણી કરવામાં આવી હતી, જેના ભાગરૂપે બોટાદ શહેરમાં પણ સરકારી હાઈસ્કૂલ ખાતે જિલ્લા વહીવટી તંત્ર દ્વારા એક ભવ્ય કાર્યક્રમનું આયોજન કરવામાં આવ્યું હતું. આ કાર્યક્રમમાં મોટી સંખ્યામાં જનપ્રતિનિધિઓ, અધિકારીઓ અને વિદ્યાર્થીઓએ ઉત્સાહભેર ભાગ લીધો હતો અને યોગના મહત્વ અંગેનો સંદેશ સૌને પહોંચાડ્યો હતો.

બોટાદ જિલ્લામાં ફોરેસ્ટ વિભાગ સામે ગેરકાયદેસર પાણીના વપરાશનો આક્ષેપ કરવામાં આવ્યો છે. આ મામલે સત્તાવાળાઓ દ્વારા કલેક્ટરને રજૂઆત પણ કરવામાં આવી છે.

ખાડી યુદ્ધના કારણે આર્મેનિયામાં હજારોની સંખ્યામાં મજૂરો બુરી રીતે ફસાયેલા છે.

અમરેલી સાયબર ક્રાઈમ પોલીસે એક સનસનાટીભર્યો ખુલાસો કર્યો છે, જેમાં માત્ર ₹950 ના એક નાના ફ્રોડની તપાસ કરતાં દેશવ્યાપી ₹31 કરોડનું મ્યુલ અકાઉન્ટ કૌભાંડ સામે આવ્યું છે. આ મોટા કૌભાંડના સંબંધમાં બે આરોપીઓની ધરપકડ પણ કરવામાં આવી છે.

અમરેલી, તા. ૨૧ જૂન, ૨૦૨૬ (રવિવાર) ના રોજ, અમરેલી જિલ્લામાં ૧૨મા આંતરરાષ્ટ્રીય યોગ દિવસની ઉત્સાહભેર ઉજવણી કરવામાં આવી હતી. ઊર્જા અને કાયદો રાજ્યમંત્રીશ્રી કૌશિકભાઈ વેકરીયાના અધ્યક્ષ સ્થાને અમરેલી શહેર ખાતે જિલ્લા કક્ષાનો મુખ્ય કાર્યક્રમ યોજાયો હતો. ‘યોગા ફોર હેલ્ધી એજિંગ’ એટલે કે ‘સ્વસ્થ વૃદ્ધાવસ્થા માટે યોગ’ ના સંકલ્પ સાથે, મોટી સંખ્યામાં નાગરિકોએ સામૂહિક યોગાભ્યાસ કરીને સ્વસ્થ જીવન જીવવાનો સંકલ્પ લીધો. આ કાર્યક્રમમાં ૩૨૦૦થી વધુ સહભાગીઓએ ઉત્સાહભેર યોગ કર્યો હતો. જિલ્લા કલેક્ટરશ્રી વિકલ્પ ભારદ્વાજ, જિલ્લા વિકાસ અધિકારીશ્રી કે.જે. જાડેજા, અને પોલીસ અધિક્ષકશ્રી સંજય ખરાત સહિત જિલ્લાના અનેક અધિકારીશ્રીઓએ યોગઅભ્યાસ કર્યો હતો. આ પ્રસંગે કોલકત્તા ખાતે વડાપ્રધાનશ્રી નરેન્દ્રભાઈ મોદીના અધ્યક્ષસ્થાને યોજાયેલી રાષ્ટ્રીય કક્ષાની ઉજવણીનું તેમજ મુખ્યમંત્રીશ્રી ભૂપેન્દ્રભાઈ પટેલના અધ્યક્ષસ્થાને યોજાયેલી રાજ્ય કક્ષાની ઉજવણીનું જીવંત પ્રસારણ નિહાળવામાં આવ્યું હતું. ગુજરાત રાજ્યયોગ બોર્ડના અમરેલી જિલ્લાના કોર્ડિનેટરશ્રી સાગર મહેતા અને યોગ શિક્ષકોની ટીમે ઉપસ્થિત યોગઅભ્યાસુઓને યોગ અભ્યાસ કરાવ્યો હતો. આ વર્ષની આંતરરાષ્ટ્રીય યોગ દિવસની થીમ ‘યોગા ફોર હેલ્ધી એજિંગ’ એટલે કે ‘સ્વસ્થ વૃદ્ધાવસ્થા માટે યોગ’ રાખવામાં આવી હતી, જે વધતી ઉંમર સાથે શરીર અને મનને તંદુરસ્ત, સક્રિય અને સંતુલિત રાખવામાં યોગના મહત્વ પર ભાર મૂકે છે. નિયમિત યોગાભ્યાસથી શરીરની લવચીકતા વધે છે, સ્નાયુઓ અને સાંધાઓ મજબૂત બને છે, શ્વસનતંત્રની કાર્યક્ષમતા સુધરે છે તેમજ માનસિક શાંતિ અને સકારાત્મકતા પ્રાપ્ત થાય છે. યોગ દ્વારા તણાવ, ચિંતા અને થાકમાં રાહત મળે છે, પ્રાણાયામ અને ધ્યાનથી એકાગ્રતા વધે છે, ઊંઘની ગુણવત્તા સુધરે છે તથા જીવનશૈલી સંબંધિત વિવિધ સમસ્યાઓના નિવારણમાં પણ સહાય મળે છે. ખાસ કરીને વરિષ્ઠ નાગરિકો માટે યોગ દૈનિક જીવનમાં સ્વાવલંબન, સ્ફૂર્તિ અને આત્મવિશ્વાસ જાળવવાનું એક અસરકારક માધ્યમ છે. યોગાભ્યાસ દરમિયાન તાલીમબદ્ધ યોગ નિષ્ણાતોના માર્ગદર્શન હેઠળ સામાન્ય યોગ પ્રોટોકોલ મુજબ વિવિધ આસનો, પ્રાણાયામ અને ધ્યાન કરવામાં આવ્યા હતા. આ કાર્યક્રમમાં નગરપાલિકાના પ્રમુખશ્રી વૈશાલી બહેન માંગરોળીયા, શ્રી અતુલભાઈ કાનાણી, શ્રી મયૂરભાઈ માંજરીયા, શ્રી વિજયભાઈ ચોટલીયા, પ્રાંત અધિકારીશ્રી અમરેલી નાકિયા, જિલ્લા શિક્ષણાધિકારીશ્રી ગોહિલ, નાયબ પોલીસ અધિક્ષકશ્રી ગોહિલ, યુવા વિકાસ અધિકારીશ્રી વિક્રમસિંહ પરમાર, પ્રાંત યુવા અધિકાશ્રી કુરેશી, જિલ્લા રમતવિકાસ અધિકારીશ્રી પૂનમ બહેન ફૂમકીયા, જિલ્લા વહીવટીતંત્રના ઉચ્ચ અધિકારીશ્રીઓ, વિદ્યાસભાના કેમ્પસ ડાયરેક્ટરશ્રી વસંતભાઈ પેથાણી અને અન્ય શહેરીજનો, વિદ્યાર્થીઓ, તથા વિવિધ સંસ્થાઓના યોગઅભ્યાસુઓ પણ જોડાયા હતા. ઉપસ્થિત સૌએ યોગને દૈનિક જીવનનો અભિન્ન ભાગ બનાવી સ્વસ્થ, સક્રિય અને સુખમય જીવન જીવવાનો સંકલ્પ લીધો હતો.

રાજકોટમાં રૈયા રોડ ઉપર બનેલા એક અકસ્માતના સંદર્ભમાં સગીરના વકીલે નિવેદન આપ્યું છે.

ચોટીલાના નાયબ કલેક્ટર અને સબ ડિવિઝનલ મેજિસ્ટ્રેટ એચ. ટી. મકવાણા દ્વારા ભારતીય નાગરિક સુરક્ષા સંહિતા, ૨૦૨૩ની કલમ ૧૯૪ હેઠળ હાથ ધરાયેલી મેજિસ્ટ્રેરીયલ ઇન્કવાયરી પૂર્ણ કરવામાં આવી છે. આ પ્રક્રિયાના ભાગરૂપે છેલ્લા છ મહિના દરમિયાન ચોટીલા સબ-ડિવિઝન હેઠળના ચોટીલા, મુળી અને થાનગઢ તાલુકાના કુલ ૫૩ અકસ્માત મોતના કેસોનો કાયદેસરનો નિકાલ કરવામાં આવ્યો છે. આ કાર્યવાહીમાં પોલીસે અદાલત સમક્ષ રજૂ કરેલા કેસોની જુદી જુદી તારીખો નક્કી કરીને સુનાવણી હાથ ધરવામાં આવી હતી. આ ઇન્કવાયરીમાં અકસ્માતજન્ય અથવા શંકાસ્પદ સંજોગોમાં થયેલ મૃત્યુના બનાવોમાં પોલીસ તંત્ર દ્વારા તૈયાર કરવામાં આવેલ ઇન્ક્વેસ્ટ પેપર્સ, પોસ્ટમોર્ટમ રિપોર્ટ, પંચનામા, સાક્ષીઓના નિવેદનો અને અન્ય સંબંધિત દસ્તાવેજોની ઝીણવટભરી તપાસ કરવામાં આવી હતી. મેજિસ્ટ્રેરીયલ તપાસ હાથ ધરવાની જોગવાઈ અનુસાર, મૃત્યુનું કારણ અકસ્માતજન્ય છે કે કોઈ ગુનાહિત કૃત્યના પરિણામે થયું છે, તેની તપાસ કરવામાં આવી. આ માટે મૃતકના વારસદારો તથા સંબંધિત વ્યક્તિઓને નોટિસ આપી, તેમની હાજરીમાં રજૂઆતો અને નિવેદનો નોંધવામાં આવ્યા હતા. કેસને લગતા તમામ દસ્તાવેજી પુરાવાઓ, પોલીસ તપાસના અહેવાલો, મૃત્યુની પરિસ્થિતિઓ અને અન્ય સંબંધિત હકીકતોનું તટસ્થ અને વિગતવાર પરીક્ષણ કરવામાં આવ્યું. તપાસ દરમિયાન, જે કેસોમાં વધુ તપાસની આવશ્યકતા અથવા શંકાસ્પદ સંજોગો જણાયા, તે સંબંધિત પોલીસ અધિકારીને વધુ તપાસ અને અહેવાલ માટે પરત મોકલવામાં આવ્યા. જ્યારે અન્ય કેસોમાં, ઉપલબ્ધ પુરાવા, દસ્તાવેજો અને તપાસના આધારે કોઈ ગુનાહિત કૃત્ય કે શંકાસ્પદ તત્વ પ્રકાશમાં ન આવતા, મૃત્યુ અકસ્માતજન્ય હોવાનું પ્રતિપાદિત થયું હતું. આ રીતે કલમ-૧૯૪ હેઠળની કાર્યવાહી પૂર્ણ કરી, સંબંધિત અકસ્માત મોતના કેસોનો કાયદેસરનો નિકાલ કરવામાં આવ્યો.

ગુજરાતમાં સ્માર્ટ મીટર ફીટ કરવાના મુદ્દે આમજનતા ભારે પરેશાનીનો સામનો કરી રહી છે. લોકોના ઘરોમાં બળજબરીપૂર્વક સ્માર્ટ મીટર ફીટ કરવામાં આવી રહ્યા છે. આ પ્રક્રિયામાં પોલીસને સાથે રાખીને દાદાગીરી કરવામાં આવી રહી છે, જેના કારણે સામાન્ય જનતા અત્યંત હેરાન અને પરેશાન થઈ ગઈ છે.

રાજકોટમાં એક ચોંકાવનારી ઘટના સામે આવી છે, જ્યાં એક યુવકે લાઇવ વીડિયો દરમિયાન ફિનાઇલ પી લીધું હતું. આ યુવકે ફિનાઇલ પીવા પાછળનું કારણ પોતે જ વીડિયોમાં જણાવ્યું હતું, જે તેના પોતાના જ શબ્દોમાં સાંભળી શકાય છે.