महापालिकेच्या विविध उपक्रमांतून डॉ. बाबासाहेब आंबेडकर जयंती उत्साहात साजरी; ‘भीम गीत पहाट’ कार्यक्रमाला उत्स्फूर्त प्रतिसाद परभणी (प्रतिनिधी) : महामानव डॉ. बाबासाहेब आंबेडकर यांच्या १३५ व्या जयंतीनिमित्त परभणी शहर महानगरपालिकेच्या वतीने सामाजिक समता सप्ताहाअंतर्गत विविध उपक्रमांचे आयोजन करण्यात आले. त्याअंतर्गत सोमवारी (दि. १४ एप्रिल) सकाळी ६ वाजता महानगरपालिका प्रभाग समिती (ब) समोर “भीम गीत पहाट” हा प्रेरणादायी कार्यक्रम उत्साहात पार पडला. कार्यक्रमाचे उद्घाटन महापौर सय्यद इक्बाल व आयुक्त नितीन नार्वेकर यांच्या हस्ते करण्यात आले. यावेळी सहायक आयुक्त गजानन जाधव, सांस्कृतिक व क्रीडा विभाग प्रमुख राजकुमार जाधव यांच्यासह विविध मान्यवर उपस्थित होते. या कार्यक्रमात मुंबई येथील सुप्रसिद्ध गायक चेतन चोपडे, वैभव खुणे, ‘मी होणार सुपरस्टार’ फेम कु. प्रांजळ बोधक, स्वरलक्ष्मी लहाने यांसह इतर कलाकारांनी सादर केलेल्या भीमगीतांनी उपस्थित प्रेक्षक मंत्रमुग्ध झाले. महापौर सय्यद इक्बाल यांनी “दिवाळी पहाट”च्या धर्तीवर “भीम पहाट” कार्यक्रम सुरू करण्याची नागरिकांची मागणी पूर्ण केल्याचे सांगितले. स्थानिक व बाहेरील कलाकारांना व्यासपीठ उपलब्ध करून देण्यात आल्याचेही त्यांनी नमूद केले. हा उपक्रम पुढेही नियमितपणे सुरू राहील, असे त्यांनी स्पष्ट केले. आयुक्त नितीन नार्वेकर यांनी सामाजिक समतेचा संदेश समाजातील प्रत्येक घटकापर्यंत पोहोचवण्यासाठी अशा उपक्रमांचे आयोजन करण्यात येत असल्याचे सांगितले. यानंतर जिल्हाधिकारी संजयसिंह चव्हाण, आमदार राजेश विटेकर, महापौर सय्यद इक्बाल, उपमहापौर गणेश देशमुख यांच्या हस्ते कलाकारांचा सत्कार करण्यात आला. महाड येथील चवदार तळे सत्याग्रहावर आधारित चित्र रेखाटल्याबद्दल प्रा. सिद्धार्थ नागठाणकर यांचा विशेष सन्मान करण्यात आला. खासदार संजय जाधव यांच्या हस्ते महापालिकेच्या “अल्पोहार” उपक्रमाचे उद्घाटन करण्यात आले. यावेळी उपस्थित नागरिकांना अल्पोहाराचे वाटप करण्यात आले. कार्यक्रमाच्या समारोपप्रसंगी कवी केशव खटींग यांचे व्याख्यान झाले. संपूर्ण कार्यक्रम यशस्वी करण्यासाठी महानगरपालिकेच्या विविध विभागातील अधिकारी व कर्मचाऱ्यांनी सहकार्य केले.

Kapil Ashokrao Shinde

मानवत, परभणी, महाराष्ट्र•

23 hrs ago

महापालिकेच्या विविध उपक्रमांतून डॉ. बाबासाहेब आंबेडकर जयंती उत्साहात साजरी; ‘भीम गीत पहाट’ कार्यक्रमाला उत्स्फूर्त प्रतिसाद परभणी (प्रतिनिधी) : महामानव डॉ. बाबासाहेब आंबेडकर यांच्या १३५ व्या जयंतीनिमित्त परभणी शहर महानगरपालिकेच्या वतीने सामाजिक समता सप्ताहाअंतर्गत विविध उपक्रमांचे आयोजन करण्यात आले. त्याअंतर्गत सोमवारी (दि. १४ एप्रिल) सकाळी ६ वाजता महानगरपालिका प्रभाग समिती (ब) समोर “भीम गीत पहाट” हा प्रेरणादायी कार्यक्रम उत्साहात पार पडला. कार्यक्रमाचे उद्घाटन महापौर सय्यद इक्बाल व आयुक्त नितीन नार्वेकर यांच्या हस्ते करण्यात आले. यावेळी सहायक आयुक्त गजानन जाधव, सांस्कृतिक व क्रीडा विभाग प्रमुख राजकुमार जाधव यांच्यासह विविध मान्यवर उपस्थित होते. या कार्यक्रमात मुंबई येथील सुप्रसिद्ध गायक चेतन चोपडे, वैभव खुणे, ‘मी होणार सुपरस्टार’ फेम कु. प्रांजळ बोधक, स्वरलक्ष्मी लहाने यांसह इतर कलाकारांनी सादर केलेल्या भीमगीतांनी उपस्थित प्रेक्षक मंत्रमुग्ध झाले. महापौर सय्यद इक्बाल यांनी “दिवाळी पहाट”च्या धर्तीवर “भीम पहाट” कार्यक्रम सुरू करण्याची नागरिकांची मागणी पूर्ण केल्याचे सांगितले. स्थानिक व बाहेरील कलाकारांना व्यासपीठ उपलब्ध करून देण्यात आल्याचेही त्यांनी नमूद केले. हा उपक्रम पुढेही नियमितपणे सुरू राहील, असे त्यांनी स्पष्ट केले. आयुक्त नितीन नार्वेकर यांनी सामाजिक समतेचा संदेश समाजातील प्रत्येक घटकापर्यंत पोहोचवण्यासाठी अशा उपक्रमांचे आयोजन करण्यात येत असल्याचे सांगितले. यानंतर जिल्हाधिकारी संजयसिंह चव्हाण, आमदार राजेश विटेकर, महापौर सय्यद इक्बाल, उपमहापौर गणेश देशमुख यांच्या हस्ते कलाकारांचा सत्कार करण्यात आला. महाड येथील चवदार तळे सत्याग्रहावर आधारित चित्र रेखाटल्याबद्दल प्रा. सिद्धार्थ नागठाणकर यांचा विशेष सन्मान करण्यात आला. खासदार संजय जाधव यांच्या हस्ते महापालिकेच्या “अल्पोहार” उपक्रमाचे उद्घाटन करण्यात आले. यावेळी उपस्थित नागरिकांना अल्पोहाराचे वाटप करण्यात आले. कार्यक्रमाच्या समारोपप्रसंगी कवी केशव खटींग यांचे व्याख्यान झाले. संपूर्ण कार्यक्रम यशस्वी करण्यासाठी महानगरपालिकेच्या विविध विभागातील अधिकारी व कर्मचाऱ्यांनी सहकार्य केले.