उडणगाव हादरले : विजेचा धक्का लागून ११ वर्षीय चिमुकल्याचा दुर्दैवी मृत्यू दै.जागर मराठी दिलीप मोरे.. सिल्लोड तालुक्यातील उडणगाव येथे रविवारी ता.१९ सकाळी अत्यंत दुर्दैवी व हृदयद्रावक घटना घडली. विजेचा धक्का लागल्याने ११ वर्षीय चिमुकल्याचा जागीच मृत्यू झाला. या घटनेमुळे संपूर्ण गावावर शोककळा पसरली असून नागरिकांमध्ये हळहळ व्यक्त केली जात आहे. मिळालेल्या माहितीनुसार, रविवारी सकाळी सुमारे आठ वाजण्याच्या सुमारास गावात नळाला पाणी येत असल्याने पाणी भरण्यासाठी मोटार सुरू करण्यात आली होती. त्यावेळी नळाची लाईन काढत असताना अचानक विजेचा जोरदार धक्का बसला. या दुर्घटनेत गणेश लक्ष्मण सोनावणे (वय ११, रा. उडणगाव) याचा जागीच दुर्दैवी मृत्यू झाला. घटनेची माहिती मिळताच गावातील नागरिकांनी घटनास्थळी धाव घेतली. मात्र, चिमुकल्याचा मृत्यू झाल्याने गावात शोकमग्न वातावरण निर्माण झाले. कुटुंबीयांवर दुःखाचा डोंगर कोसळला असून परिसरातील नागरिकांकडून संवेदना व्यक्त केल्या जात आहेत. दरम्यान, अशा दुर्घटना टाळण्यासाठी विद्युत मोटार, वायरिंग व पाण्याशी संबंधित उपकरणे हाताळताना अधिक सतर्कता बाळगणे आवश्यक असल्याची प्रतिक्रिया ग्रामस्थांकडून व्यक्त करण्यात येत आहे. ही घटना सर्वांसाठी सावधगिरीचा इशारा ठरत आहे.

DILIP DESHMUKH

Farmer सोयगाव, औरंगाबाद, महाराष्ट्र•

4 hrs ago

उडणगाव हादरले : विजेचा धक्का लागून ११ वर्षीय चिमुकल्याचा दुर्दैवी मृत्यू दै.जागर मराठी दिलीप मोरे.. सिल्लोड तालुक्यातील उडणगाव येथे रविवारी ता.१९ सकाळी अत्यंत दुर्दैवी व हृदयद्रावक घटना घडली. विजेचा धक्का लागल्याने ११ वर्षीय चिमुकल्याचा जागीच मृत्यू झाला. या घटनेमुळे संपूर्ण गावावर शोककळा पसरली असून नागरिकांमध्ये हळहळ व्यक्त केली जात आहे. मिळालेल्या माहितीनुसार, रविवारी सकाळी सुमारे आठ वाजण्याच्या सुमारास गावात नळाला पाणी येत असल्याने पाणी भरण्यासाठी मोटार सुरू करण्यात आली होती. त्यावेळी नळाची लाईन काढत असताना अचानक विजेचा जोरदार धक्का बसला. या दुर्घटनेत गणेश लक्ष्मण सोनावणे (वय ११, रा. उडणगाव) याचा जागीच दुर्दैवी मृत्यू झाला. घटनेची माहिती मिळताच गावातील नागरिकांनी घटनास्थळी धाव घेतली. मात्र, चिमुकल्याचा मृत्यू झाल्याने गावात शोकमग्न वातावरण निर्माण झाले. कुटुंबीयांवर दुःखाचा डोंगर कोसळला असून परिसरातील नागरिकांकडून संवेदना व्यक्त केल्या जात आहेत. दरम्यान, अशा दुर्घटना टाळण्यासाठी विद्युत मोटार, वायरिंग व पाण्याशी संबंधित उपकरणे हाताळताना अधिक सतर्कता बाळगणे आवश्यक असल्याची प्रतिक्रिया ग्रामस्थांकडून व्यक्त करण्यात येत आहे. ही घटना सर्वांसाठी सावधगिरीचा इशारा ठरत आहे.