ఆంధ్రప్రదేశ్‌లో 4 కోట్లకు పైగా ఓటర్లు ఉన్న నేపథ్యంలో ఓట్ల ఎన్యూమరేషన్ గడువును మరో నెల రోజులు పొడిగించాలని పౌర సంఘాలు డిమాండ్ చేశాయి. ఈ డిమాండ్‌పై చీఫ్ ఎలక్టోరల్ ఆఫీసర్ వివేక్ యాదవ్ సానుకూలంగా స్పందించారు. ఈ నెల 7వ తేదీన జనచైతన్య వేదిక ఆధ్వర్యంలో 10 పౌర సంఘాల నాయకులు రాష్ట్ర సచివాలయంలో చీఫ్ ఎలక్టోరల్ ఆఫీసర్ వివేక్ యాదవ్ ఐఏఎస్‌ను కలిసి ఓట్ల ఎన్యూమరేషన్ గడువును కనీసం నెల రోజులు పెంచాలని విజ్ఞప్తి చేశారు. అనంతరం పత్రికా విలేకరులతో మాట్లాడుతూ, తమ విజ్ఞప్తికి చీఫ్ ఎలక్టోరల్ ఆఫీసర్ సానుకూలంగా స్పందించారని పౌర సంఘాల ప్రతినిధులు వెల్లడించారు. జన చైతన్య వేదిక అధ్యక్షులు వల్లంరెడ్డి లక్ష్మణ రెడ్డి మాట్లాడుతూ, గతంలో 13 రాష్ట్రాల్లో స్పెషల్ ఇంటెన్సివ్ రివిజన్ జరగ్గా, 6 కోట్ల 50 లక్షల మంది ఓటర్లు తమ ఓటు హక్కును కోల్పోయారని గుర్తుచేశారు. ఇదే పరిస్థితి కొనసాగితే ఉభయ తెలుగు రాష్ట్రాల్లో దాదాపు 40 లక్షల ఓట్లు గల్లంతయ్యే ప్రమాదం ఉందని ఆందోళన వ్యక్తం చేశారు. ఎన్యూమరేషన్ ఫారాలు సక్రమంగా నింపేలా బిఎల్ఓలకు అవగాహన కల్పించాలని, గ్రామ, వార్డు సభలు నిర్వహించి సోషల్ ఆడిట్ జరపాలని ఆయన సూచించారు. మేలుకో ఆంధ్రప్రదేశ్ సంస్థ కో-కన్వీనర్ రమేష్ పట్నాయక్ మాట్లాడుతూ, ప్రస్తుతం రాష్ట్రంలో జరుగుతున్న ఓట్ల ఎన్యూమరేషన్‌లో అనేక అవకతవకలు జరుగుతున్నాయని, బిఎల్ఓలపై పని ఒత్తిడి వల్ల వారు ఫారాలు నింపడంలో సరైన పద్ధతులు పాటించడం లేదన్నారు. ఫలితంగా జూలై 21న ప్రచురించబోయే ముసాయిదా ఓటర్ల జాబితాలో లక్షల మంది ఓట్లు గల్లంతు అవుతాయని వివరించారు. బిఎల్ఓలు సమర్థవంతంగా పని చేయడానికి ఎన్యూమరేషన్ సమయం పెంచడం అవసరమని, లేకుంటే క్లెయిమ్స్ ప్రక్రియలో ఇ.ఆర్.ఓ రోజుకు వెయ్యి ఓట్లు సరి చూడాల్సి వస్తుందని ఆయన పేర్కొన్నారు. జన విజ్ఞాన వేదిక రాష్ట్ర అధ్యక్షులు కె.ఎస్. లక్ష్మణ రావు క్షేత్రస్థాయిలో తీవ్ర గందరగోళం ఉందని, ఓటర్లను రెండు తరాలకు సంబంధించిన వివరాలు, రుజువులు అడగడం ఆచరణ సాధ్యం కాదని అన్నారు. బి.పి. మండల్ ట్రస్ట్ అధ్యక్షులు డాక్టర్ ఆలా వెంకటేశ్వర్లు మాట్లాడుతూ, ప్రస్తుత ఎస్ఐఆర్ విధానంలో మైనారిటీలు, దళితులు, వెనుకబడిన వర్గాల వారు అధికంగా ఓటు హక్కును కోల్పోయే ప్రమాదం ఉందని హెచ్చరించారు. అసోసియేషన్ ఫర్ ప్రొటెక్షన్ ఆఫ్ డెమొక్రటిక్ రైట్స్ రాష్ట్ర అధ్యక్షులు పిచ్చుక శ్రీనివాస్ మాట్లాడుతూ, ముసాయిదా జాబితా తయారీ సక్రమంగా జరగకపోతే, అర్హులైన ఓటర్ల పేర్లు చేరకపోతే, తరువాత క్లెయిమ్స్ ద్వారా చేర్చడం సులభం కాదని బీహార్‌లోని ఉదాహరణను ప్రస్తావించారు. మూమెంట్ ఫర్ పీస్ అండ్ జస్టిస్ రాష్ట్ర అధ్యక్షులు మాట్లాడుతూ, 2002 నాటి ఎస్.ఈ.ఆర్ లో ఉన్న పేరు, ప్రస్తుత పేరులో అక్షర దోషాలపై ఆధారపడి ఓటర్లను అనుమానాస్పదమైన వారిగా భావించడం అన్యాయమని, బెంగాల్‌లో జరిగిన పరిస్థితి ఆంధ్రప్రదేశ్‌లో పునరావృతం కాకుండా అధికారులు జాగ్రత్తలు తీసుకోవాలని కోరారు. నేషనల్ దళిత్ క్రిస్టియన్ వాచ్ రాష్ట్ర కన్వీనర్ రత్న శ్రీ మాట్లాడుతూ, దళితుల్లో అత్యధికులు విద్య లేనివారని, సామాజిక పరపతి లేనివారని, వారిని వెంటనే ధృవీకరణ పత్రాలు తెమ్మంటే ఎక్కడ నుంచి తెస్తారని ప్రశ్నించారు. ప్రజాస్వామ్య పరిరక్షణ ఐక్య వేదిక ప్రధాన కార్యదర్శి కౌతరపు ప్రసాద్ మాట్లాడుతూ, వయోజనుల్లో ప్రతి ఒక్కరికి ఓటు కల్పించవలసిన బాధ్యత ఎన్నికల కమిషన్‌దే అయినా, అది ప్రజలను ఆఫీసుల చుట్టూ తిప్పుతుందని విమర్శించారు. మానవ హక్కుల వేదిక రాష్ట్ర కార్యదర్శి జి. రోహిత్ మాట్లాడుతూ, ప్రతి వయోజనుడిని తన జాతీయత నిరూపించుకోవాలని నిర్దేశించే ఎస్ఐఆర్ రాజ్యాంగ మౌలిక దృక్పథానికి విరుద్ధమని పేర్కొన్నారు. ఓ. పి. డి. ఆర్ రాష్ట్ర ఆర్గనైజింగ్ కార్యదర్శి వి. బాలు సార్వత్రిక వయోజన ఓటు హక్కు భావనకే ప్రమాదం ఏర్పడిందని తెలిపారు. చేయూత ఫౌండేషన్ సలహాదారు పోలూరి వీరా రెడ్డి, పౌర సంఘాలు ప్రజల్లో పని చేస్తున్నప్పటికీ, ప్రతి ఒక్క ఓటరు హక్కును కాపాడవలసిన బాధ్యత ఎన్నికల కమిషన్ పైనే ఉందని స్పష్టం చేశారు.

SHOT NEWS

Advertising agency Guntur, Andhra Pradesh•

20 hrs ago

ఆంధ్రప్రదేశ్‌లో 4 కోట్లకు పైగా ఓటర్లు ఉన్న నేపథ్యంలో ఓట్ల ఎన్యూమరేషన్ గడువును మరో నెల రోజులు పొడిగించాలని పౌర సంఘాలు డిమాండ్ చేశాయి. ఈ డిమాండ్‌పై చీఫ్ ఎలక్టోరల్ ఆఫీసర్ వివేక్ యాదవ్ సానుకూలంగా స్పందించారు. ఈ నెల 7వ తేదీన జనచైతన్య వేదిక ఆధ్వర్యంలో 10 పౌర సంఘాల నాయకులు రాష్ట్ర సచివాలయంలో చీఫ్ ఎలక్టోరల్ ఆఫీసర్ వివేక్ యాదవ్ ఐఏఎస్‌ను కలిసి ఓట్ల ఎన్యూమరేషన్ గడువును కనీసం నెల రోజులు పెంచాలని విజ్ఞప్తి చేశారు. అనంతరం పత్రికా విలేకరులతో మాట్లాడుతూ, తమ విజ్ఞప్తికి చీఫ్ ఎలక్టోరల్ ఆఫీసర్ సానుకూలంగా స్పందించారని పౌర సంఘాల ప్రతినిధులు వెల్లడించారు. జన చైతన్య వేదిక అధ్యక్షులు వల్లంరెడ్డి లక్ష్మణ రెడ్డి మాట్లాడుతూ, గతంలో 13 రాష్ట్రాల్లో స్పెషల్ ఇంటెన్సివ్ రివిజన్ జరగ్గా, 6 కోట్ల 50 లక్షల మంది ఓటర్లు తమ ఓటు హక్కును కోల్పోయారని గుర్తుచేశారు. ఇదే పరిస్థితి కొనసాగితే ఉభయ తెలుగు రాష్ట్రాల్లో దాదాపు 40 లక్షల ఓట్లు గల్లంతయ్యే ప్రమాదం ఉందని ఆందోళన వ్యక్తం చేశారు. ఎన్యూమరేషన్ ఫారాలు సక్రమంగా నింపేలా బిఎల్ఓలకు అవగాహన కల్పించాలని, గ్రామ, వార్డు సభలు నిర్వహించి సోషల్ ఆడిట్ జరపాలని ఆయన సూచించారు. మేలుకో ఆంధ్రప్రదేశ్ సంస్థ కో-కన్వీనర్ రమేష్ పట్నాయక్ మాట్లాడుతూ, ప్రస్తుతం రాష్ట్రంలో జరుగుతున్న ఓట్ల ఎన్యూమరేషన్‌లో అనేక అవకతవకలు జరుగుతున్నాయని, బిఎల్ఓలపై పని ఒత్తిడి వల్ల వారు ఫారాలు నింపడంలో సరైన పద్ధతులు పాటించడం లేదన్నారు. ఫలితంగా జూలై 21న ప్రచురించబోయే ముసాయిదా ఓటర్ల జాబితాలో లక్షల మంది ఓట్లు గల్లంతు అవుతాయని వివరించారు. బిఎల్ఓలు సమర్థవంతంగా పని చేయడానికి ఎన్యూమరేషన్ సమయం పెంచడం అవసరమని, లేకుంటే క్లెయిమ్స్ ప్రక్రియలో ఇ.ఆర్.ఓ రోజుకు వెయ్యి ఓట్లు సరి చూడాల్సి వస్తుందని ఆయన పేర్కొన్నారు. జన విజ్ఞాన వేదిక రాష్ట్ర అధ్యక్షులు కె.ఎస్. లక్ష్మణ రావు క్షేత్రస్థాయిలో తీవ్ర గందరగోళం ఉందని, ఓటర్లను రెండు తరాలకు సంబంధించిన వివరాలు, రుజువులు అడగడం ఆచరణ సాధ్యం కాదని అన్నారు. బి.పి. మండల్ ట్రస్ట్ అధ్యక్షులు డాక్టర్ ఆలా వెంకటేశ్వర్లు మాట్లాడుతూ, ప్రస్తుత ఎస్ఐఆర్ విధానంలో మైనారిటీలు, దళితులు, వెనుకబడిన వర్గాల వారు అధికంగా ఓటు హక్కును కోల్పోయే ప్రమాదం ఉందని హెచ్చరించారు. అసోసియేషన్ ఫర్ ప్రొటెక్షన్ ఆఫ్ డెమొక్రటిక్ రైట్స్ రాష్ట్ర అధ్యక్షులు పిచ్చుక శ్రీనివాస్ మాట్లాడుతూ, ముసాయిదా జాబితా తయారీ సక్రమంగా జరగకపోతే, అర్హులైన ఓటర్ల పేర్లు చేరకపోతే, తరువాత క్లెయిమ్స్ ద్వారా చేర్చడం సులభం కాదని బీహార్‌లోని ఉదాహరణను ప్రస్తావించారు. మూమెంట్ ఫర్ పీస్ అండ్ జస్టిస్ రాష్ట్ర అధ్యక్షులు మాట్లాడుతూ, 2002 నాటి ఎస్.ఈ.ఆర్ లో ఉన్న పేరు, ప్రస్తుత పేరులో అక్షర దోషాలపై ఆధారపడి ఓటర్లను అనుమానాస్పదమైన వారిగా భావించడం అన్యాయమని, బెంగాల్‌లో జరిగిన పరిస్థితి ఆంధ్రప్రదేశ్‌లో పునరావృతం కాకుండా అధికారులు జాగ్రత్తలు తీసుకోవాలని కోరారు. నేషనల్ దళిత్ క్రిస్టియన్ వాచ్ రాష్ట్ర కన్వీనర్ రత్న శ్రీ మాట్లాడుతూ, దళితుల్లో అత్యధికులు విద్య లేనివారని, సామాజిక పరపతి లేనివారని, వారిని వెంటనే ధృవీకరణ పత్రాలు తెమ్మంటే ఎక్కడ నుంచి తెస్తారని ప్రశ్నించారు. ప్రజాస్వామ్య పరిరక్షణ ఐక్య వేదిక ప్రధాన కార్యదర్శి కౌతరపు ప్రసాద్ మాట్లాడుతూ, వయోజనుల్లో ప్రతి ఒక్కరికి ఓటు కల్పించవలసిన బాధ్యత ఎన్నికల కమిషన్‌దే అయినా, అది ప్రజలను ఆఫీసుల చుట్టూ తిప్పుతుందని విమర్శించారు. మానవ హక్కుల వేదిక రాష్ట్ర కార్యదర్శి జి. రోహిత్ మాట్లాడుతూ, ప్రతి వయోజనుడిని తన జాతీయత నిరూపించుకోవాలని నిర్దేశించే ఎస్ఐఆర్ రాజ్యాంగ మౌలిక దృక్పథానికి విరుద్ధమని పేర్కొన్నారు. ఓ. పి. డి. ఆర్ రాష్ట్ర ఆర్గనైజింగ్ కార్యదర్శి వి. బాలు సార్వత్రిక వయోజన ఓటు హక్కు భావనకే ప్రమాదం ఏర్పడిందని తెలిపారు. చేయూత ఫౌండేషన్ సలహాదారు పోలూరి వీరా రెడ్డి, పౌర సంఘాలు ప్రజల్లో పని చేస్తున్నప్పటికీ, ప్రతి ఒక్క ఓటరు హక్కును కాపాడవలసిన బాధ్యత ఎన్నికల కమిషన్ పైనే ఉందని స్పష్టం చేశారు.