अकोला जिल्ह्यातील अकोट येथील श्रीक्षेत्र श्रद्धासागर येथून निघालेली श्री संत वासुदेव महाराजांची 'आरोग्यदायी वारी' भक्ती, आरोग्य, पर्यावरण आणि विज्ञानाचा अनोखा संगम साधत एक प्रेरणादायी जनआंदोलन ठरत आहे. २६ जून रोजी सुरू झालेली ही वारी ६५० किलोमीटरचा पायी प्रवास करत २५ दिवसांत श्रीक्षेत्र पंढरपूर येथे पोहोचणार आहे. विठ्ठल नामाच्या अखंड गजरात दररोज २५ ते ३० किलोमीटर चालत वारकरी निरोगी जीवनाचा संदेश समाजमनावर बिंबवत आहेत. हा प्रवास केवळ पंढरीच्या विठ्ठल भेटीचा नसून शरीर, मन आणि समाज सुदृढ करण्याचा सामूहिक संकल्प बनला आहे. या वारीत दररोज पहाटे सहा वाजता संत वासुदेव महाराजांच्या दर्शनाने दिवसाची सुरुवात होते. दुपारच्या सत्रात प्रवचन आणि सायंकाळी कीर्तनाच्या माध्यमातून २५ कार्यक्रमांद्वारे जनजागृती केली जात आहे. अध्यात्मासोबतच व्यसनमुक्ती, पर्यावरण संरक्षण, सामाजिक समता, स्वच्छता, आरोग्य आणि वैज्ञानिक विचारांचा संदेश याद्वारे दिला जात असून श्रद्धेला विवेकाची जोड मिळत आहे. यंदाच्या या अभिनव उपक्रमात डॉक्टर, प्राध्यापक, शिक्षक, पत्रकार, सामाजिक कार्यकर्त्यांसह सुमारे ३०० महिला, पुरुष आणि युवक-युवती अत्यंत उत्साहाने सहभागी झाले आहेत. वैद्यकीय तज्ज्ञांच्या मते, नियमित २५ ते ३० किलोमीटर चालल्याने हृदयाचे आरोग्य सुधारून मधुमेह, उच्च रक्तदाब, लठ्ठपणा यांसारख्या आजारांचा धोका कमी होतो. अध्यात्मासोबतच ही वारी आरोग्यशास्त्राचा हाच संदेश देत आहे. तसेच वारीच्या मार्गावर "एक वारकरी – एक वृक्ष" या भावनेतून वृक्षारोपण अभियान राबवून भविष्यासाठी हरित वारसा निर्माण केला जात आहे. श्री संत वासुदेव महाराज ज्ञानपीठ संस्था, अकोट यांच्या वतीने आयोजित या पालखी सोहळ्याचे यशस्वी नियोजन संस्थेचे अध्यक्ष ह.भ.प. वासुदेव महल्ले, उपाध्यक्ष माधवराव ठाकरे, विश्वस्त गजानन दुधाळ, अनिल कोरपे, व्यवस्थापक ह.भ.प. अंबादास महाराज मानकर आणि स्वयंसेवक अहोरात्र परिश्रम घेऊन करत आहेत. ही आरोग्यदायी वारी परभणी जिल्हा पार करून पंढरपूरकडे मार्गस्थ झाली आहे, अशी माहिती वारीत सहभागी असलेले समाजसेवक गजानन हरणे यांनी प्रसिद्धीपत्रकाद्वारे दिली आहे.

राजकुमार वानखडे राज

News Anchor अकोट, अकोला, महाराष्ट्र•

3 hrs ago

अकोला जिल्ह्यातील अकोट येथील श्रीक्षेत्र श्रद्धासागर येथून निघालेली श्री संत वासुदेव महाराजांची 'आरोग्यदायी वारी' भक्ती, आरोग्य, पर्यावरण आणि विज्ञानाचा अनोखा संगम साधत एक प्रेरणादायी जनआंदोलन ठरत आहे. २६ जून रोजी सुरू झालेली ही वारी ६५० किलोमीटरचा पायी प्रवास करत २५ दिवसांत श्रीक्षेत्र पंढरपूर येथे पोहोचणार आहे. विठ्ठल नामाच्या अखंड गजरात दररोज २५ ते ३० किलोमीटर चालत वारकरी निरोगी जीवनाचा संदेश समाजमनावर बिंबवत आहेत. हा प्रवास

केवळ पंढरीच्या विठ्ठल भेटीचा नसून शरीर, मन आणि समाज सुदृढ करण्याचा सामूहिक संकल्प बनला आहे. या वारीत दररोज पहाटे सहा वाजता संत वासुदेव महाराजांच्या दर्शनाने दिवसाची सुरुवात होते. दुपारच्या सत्रात प्रवचन आणि सायंकाळी कीर्तनाच्या माध्यमातून २५ कार्यक्रमांद्वारे जनजागृती केली जात आहे. अध्यात्मासोबतच व्यसनमुक्ती, पर्यावरण संरक्षण, सामाजिक समता, स्वच्छता, आरोग्य आणि वैज्ञानिक विचारांचा संदेश याद्वारे दिला जात असून श्रद्धेला विवेकाची जोड मिळत आहे. यंदाच्या या अभिनव उपक्रमात

डॉक्टर, प्राध्यापक, शिक्षक, पत्रकार, सामाजिक कार्यकर्त्यांसह सुमारे ३०० महिला, पुरुष आणि युवक-युवती अत्यंत उत्साहाने सहभागी झाले आहेत. वैद्यकीय तज्ज्ञांच्या मते, नियमित २५ ते ३० किलोमीटर चालल्याने हृदयाचे आरोग्य सुधारून मधुमेह, उच्च रक्तदाब, लठ्ठपणा यांसारख्या आजारांचा धोका कमी होतो. अध्यात्मासोबतच ही वारी आरोग्यशास्त्राचा हाच संदेश देत आहे. तसेच वारीच्या मार्गावर "एक वारकरी – एक वृक्ष" या भावनेतून वृक्षारोपण अभियान राबवून भविष्यासाठी हरित वारसा निर्माण केला जात आहे.

श्री संत वासुदेव महाराज ज्ञानपीठ संस्था, अकोट यांच्या वतीने आयोजित या पालखी सोहळ्याचे यशस्वी नियोजन संस्थेचे अध्यक्ष ह.भ.प. वासुदेव महल्ले, उपाध्यक्ष माधवराव ठाकरे, विश्वस्त गजानन दुधाळ, अनिल कोरपे, व्यवस्थापक ह.भ.प. अंबादास महाराज मानकर आणि स्वयंसेवक अहोरात्र परिश्रम घेऊन करत आहेत. ही आरोग्यदायी वारी परभणी जिल्हा पार करून पंढरपूरकडे मार्गस्थ झाली आहे, अशी माहिती वारीत सहभागी असलेले समाजसेवक गजानन हरणे यांनी प्रसिद्धीपत्रकाद्वारे दिली आहे.